糖百府 (已結業)

今次同班fd一齊食甜水，每個人都叫一款有榴槤既野shareh黎食，有榴槤黑珍珠、榴槤西米露、榴槤涼粉、榴槤pancake同榴槤布丁當中榴槤西米露味道最淡，同食淨西米冇分別；黑珍珠同涼粉有舊榴槤起度，但實在太細舊，分唔到比大家；榴槤布丁幾軟滑，榴槤味好足，但都係太細舊了。去到我重點推介--榴槤pancake，佢層皮厚度岩岩好，一咬開佢層皮D榴槤即刻流出黎，個質感同食緊一舊真既榴槤係冇分別，佢陣味好濃，完全佔據左我每一個味蕾

是日食完晚飯之後，哥哥話要去遊車河叫埋我一齊去，話一陣順便去食埋糖水...講開食糖水，我第一時間只會諗到元朗既B仔涼粉，但係哥哥一聽到B仔涼粉就話唔好食咁岩哥哥要去屯門拎野，就話不如係屯門食，兜下兜下就見到有2間糖水舖，一開叫糖人佳，另一間就係糖百府啦，哥哥問我食邊間，睇落去糖百府個樣好似有保證d，所以就食呢間啦...唔知係米時間關系，無咩人，唔洗等位就入得，雖然係細左小小，但係都唔算坐得唔舒服...望住個餐牌左睇右睇都唔知要邊樣好，因為個個樣都好似好好食咁，但係芒果迷既我最後都係選擇左一碗入面全芒果既糖水，叫咩名唔記得，而哥哥就叫左個有紅豆既刨冰...我個碗到先，一望落去就呆左...因為太細碗啦，好似完全唔岩比例咁，雖然味道方面真係幾好，但係就連哥哥都話唔抵，因為哥哥話自已個碗真係覺得由頭到尾只係食緊冰...

好耐無去 上一次去糖百府食糖水已經有大約半年前, 今之坐朋友仔車,好好運一去到就有標位了.上之食左朱古力湯丸 OK好味,不過佢D甜品價錢偏貴的,希望有咁貴有D水準啦!今日再去試下先 ,不過都係半年前那些ITEM無咩新款色,朋友叫了一個益力多冰....超級甜, 好少!益力多味...差呢個成$38的BAILEY 紅豆冰雪糕,朋友話一般般, 因為 普普通通,唔值$38 (呢度不是旺角喎)!心太軟是流心的, 普普通通但配西瓜就好難食.$38 好似貴左少少我覺得值$28,我地仲食左榴槤PANCAKE, 好少榴槤肉唔似綠林又平又抵食好食!D野咁貴但水準一般, 店員不好招呼!一共$128

在屯門住的朋友,大概都知道在彩華花園一帶有著各式各樣的美食有名的泰國餐館,受推崇的印尼菜,還有酒吧,印度咖哩,燒烤店單是甜品店也有四間在左右,其中是日光顧的糖百府,在一條街之隔便有另一間分店,實為奇觀這裡已成了屯門人一個忘記日常辛勤的小小天堂是日中秋佳節,與友人相聚一會後,便來到這兒,當時已近凌晨.加上一名友人早我們一步等位,到達時已可入坐了(這一帶的食肆到晚上一般都要等位的)朋友們叫了各種甜品,我無問佢咃好唔好食,畢竟嚟呢D糖水店,吹水閒聊先係最主要目的我自己就叫咗BAILEY'S 雪糕紅豆冰試下本人十分喜歡雪糕,所以只要雪糕正正常常就已經很滿足反而個人覺得比較大嘅問題係百行甜酒同紅豆冰嘅味道好似麻麻地夾但念在店方嘅創此意同誠意,就勉強收貨啦不過下次再嚟都係選擇翻心太軟或者雪糕窩夫比較穩陣

不流心的心太軟(圖中朱古力已流哂出來), 細得可憐的火龍粒, 再加上核多的西瓜.... 不用多講有圖有真相!!!!我見其他食評, 心太軟好似好正咪試下去食, 點知真相跟其他人講的完全相反~店舖保持不到水準, 好失望!!!

前幾日走落去食碗西米露同燉蛋....話水到唔識講....西米一舊舊....燉蛋冇蛋味,食落d蛋硬既....都唔係正中的燉蛋,滑溜.....似係用粉開的...糖水已經係平野呢啦...唔該冇心做就唔好做糖水....哂心機,捱眼訓

飯後甜品去左置樂<糖百府>近垃圾房果間,叫左兩個甜品一個係"榴槤小黑球",個d紫糯米冇味又一舊野咁,加埋d 唔知係花奶定係椰汁既白色液體(飲落似水),再加一舊細小榴槤,成碗野就好似榴槤溝水,咁就比佢呃左$28....另一個就係招牌甜品"心太軟"等左一陣甜品到啦!!一黎到一睇賣相好唔掂好乾囉!(心諗都算數),第一匙切個甜品到點解冇野流出黎既,心諗會唔會佢好厚皮呢?到第二匙切深D啦(一分為二),一D朱古力都冇流出黎,食落感覺同食一個雪芳蛋糕冇分別,又比佢呃多$36.....埋單時問d店員,我問佢:你地兩間鋪唔同廚房師父整野食架?店員心諗係唔係讚緊我地呢?佢就答我:我地兩間鋪都係同一個廚房出野食架!!我以為你呢間鋪廚房唔得啦咪去另一間囉!點知你答我同一個廚房師父,咁我明白另外一間都唔駛去"慳返D錢"........真係好難食%#*xyz

尋日落雨濕濕, 夜晚九點幾出去同FD慶祝生日,去到竟然冇位, 好彩佢有兩間鋪, 另一間係隔尼街, 總算搵到好野食.叫左個心太軟, 佢係鋪頭得獎作品果然冇失望件野個皮夠薄, 微熱,食落去唔太甜, 朱古力味幾好唔"漏"隔尼重有一球雲尼拿雪糕, 一粒西瓜, 同一細粒火龍果伴碟大概係想清下個口陣甜味, refresh 下呱~裏面朱古力就冇流落尼咁誇張, 不過一熱一凍加埋雪糕食感覺好特別不過如果個西瓜都係凍既會更好. 整體真係唔錯, 價錢$36就見人見智, 個人認為OK值得一嚐!

同兩個朋友打完羽毛球, 就想食少少野啦,夜晚又唔想食太飽, 就去左食糖水啦, 自然就諗係好耐都冇去過ga 糖百府啦!第一次食個時應該係新開張更係去試下味啦到今次去多左好多新野, 不過我地一樣都冇點都係點返之前食過ga , 心太軟, 香蕉船, 榴槤綿綿冰, 同炸燒賣!心太軟真係要讚, 味道依舊一樣的好, 唔算太甜, 燒賣都係保持水準, 炸到個皮脆卜卜,加左蜜糖汁好好味搞到好想燒野食香蕉船條蕉就雪到硬左少少, 不過賣相唔差!榴槤綿綿冰如果濃多少少就更好同第一次黎食分別唔大, 一樣的滿意, 一樣的滿足!下次要試下d新野先!因為見到甜品就心急地食, 一張相都冇影, 下次先影返啦^.^

食個飽飽，再搵個地方食甜品～行行下，見到呢間，睇落唔錯，就入去坐低，食下野。我叫左個「蘇」皮豆腐花，另外就叫左個芒果布丁，仲有幾碗紅豆沙。「蘇」皮豆腐花（熱既），我真係等左好多，因為佢要即刻焗，拎出黎個下睇落都幾靚。當然，同大家諗既一樣，味道無乜特別，之不過上面有「蘇」皮。芒果布丁，真係有粒粒芒果肉。仲好酸添都係個句，睇落幾靚。不過，佢地服務態度真係麻麻地，黑口黑面，粗聲粗氣。

廿十來歲都未去過屯門這次annual leave 真的要四處走走~!!!!多得屯門朋友的招待~~~能一見屯門市中心環環相扣的商場真的行完了也不記得行過什麼~!!!!行了兩個多小時~來到最後的目的地~~~!!!!!原本是想試糖人佳的來到門口.....晴天霹靂.........逄星期二休息@_@果真人算都不如天算但一場來到不能空肚而回就去了幾步之外的糖百府~!!起初以為是某連鎖甜品店的屯門分店原來只是同音而已來時約晚上6時沒什麼人坐下選了很久~~~很多選擇~~~最後叫了榴槤小黑球(? $20)、紅豆綠茶聖代($28) 及 燒買10粒( $12)先說榴槤小黑球一上的時候看不到榴槤的存在!!!!與menu的相片差太遠了吧!!!!!白白的汁沒什麼味道.......加上榴槤......與朋友一同覺得像是"將牛奶與榴槤一同放進雪櫃牛奶不小心沾上了榴槤的味道"一樣怪.........連黑糯米一起整個"甜品"都不甜的~!!!!!真輕盈......再來是紅豆綠茶聖代聖代即是 sundae, 一般會加果仁、生果、糖漿這個sundae賣相真的是100分~!!!!雪糕亦夠奶夠滑~!!!加上粟米片亦很配搭~!!!

我係一個好中意食甜野既人!次次食親就要嗌好多黎食實在太有滿足感喇喱間野黎過幾次~覺得吾錯既! 而且d伙計都好nice!不過要等d野食冇咁硬先好食!芒果班戟好鬼好食!

終於食到糖百府啦之前都想試好耐，但係成日都見到d 人係咁排隊今日早咗去所以唔駛排隊就入到啦大約係七點九左右啦心太軟個心真係幾軟bo~~~好多朱古力流出來個綿綿冰，好得意呀~~~可以再食呀~~個榴晶晶真係有種想叫佢回水既感覺合桃糊普通啦仲有個朱古力木糠布甸硬到呢..........好似石頭咁硬bo~同埋有種趕客既感覺(當時門外都無人等候)d 野啱啱食完, 支食具都未放低就收野駛唔駛咁趕呀.....................

果日差不多11pm, 我地未食飯,就求其搵d 野食~ 咁arm佢有兩個人走, 所以我地即刻入得~ otherwise就要等位喇, 夜晚都幾爆架呢度...我叫左碗熱綠豆沙~bf叫左炸雞翼, 燒賣同紅豆冰~碗綠豆沙食落係凍ge... 諗倒佢地係用微波爐ding 番熱...番熱都ok, 但可唔可以make sure係全熱呢...佢地ding慣無理由唔知 微波爐傳熱係唔平均的吧.... =.=bf 的炸雞好似幾ok, 我無試, 但佢就話杯紅豆冰太細~其他食物唔知, 但見人地果d都幾令, 所以應該ok 吧~ btw, d service幾好, d staff都幾helpful and polite~

太熱了，熱東西進不了口，便吃了甜品做午餐。綠豆沙加豆腐花，店員聽錯了，換了，也沒甚麼驚喜。不過不知店員是不是也熱得發瘋了，我說：「綠豆沙加豆腐花」，她硬要更正為：「綠豆豆花」。是我叫等太長，所以她才來錯了嗎？還點了芒果班戟。內裡的忌廉特別，不像普遍糖水鋪的稀薄，比較濃且厚，入口不會即化。而且奶味重，這份香濃添上芒果的果甜，恰到好處，令人再三回味。另外，班戟並非連膠盒上檯，而是額外上碟，灑上糖粉和朱古力，更見廚房心思。