糖百府 (已結業)

還記得以前要排隊等食糖百府的甜品，不過今非昔比，晚飯時段太子店食客只得3枱。店舖裝修清新雅致，似間CAFÉ SHOP 。糖百府除了有甜品之外，亦供應晚餐。我點了一份田園大蝦沙律套餐。田園大蝦沙律配了一個好甜好甜的杧果醬，點少少醬已經令沙律菜有甜味，沙律菜，蝦都很新鮮，不過份量實在太少。呢個只能作前菜小食，作為晚飯套餐一定唔飽。之後加點珍寶豬頸肉配農夫包賣相靚。豬頸肉香口惹味，肉質Juicy。農夫包的咖喱汁充滿胡椒味，好辣。不過放在咖喱汁面的炸薯仔粒，有「油益」味。…查看更多

見環境幾靚同款式都幾多就入去試下. 下午茶都幾多選擇, 唔食甜品既話都有飯或者意粉可以揀.最後嗌左個楊枝金露送雞翼同士多啤梨窩夫個楊枝金露好香芒果同忌廉味, 而芒果粒既分量都唔小😜雞翼到既時候仲熱既, 喱樣覺得唔錯,窩夫以下午茶黎講份量都算多, 有士多啤梨果肉同粟米片伴碟窩夫本身又帶小小甜味👍下次經過肚餓都會再試😁…查看更多

呢間糖百府好似新裝修過，個門面同入面都幾靚，好似啲cafe咁。我食咗佢個蘋果金寶配雪糕，比平時食開嘅蘋果金寶有啲分別，大大粒嘅金寶脆脆無論質感同外表都幾似人哋凱撒沙律啲麵包粒，都幾特別，但反而冇咗平日金寶嗰種脆口嘅感覺，蘋果肉甜甜哋，但我就覺得佢肉桂味唔濃。…查看更多

今日係我同老公結婚周年紀念日，同老公食完飯後經過呢間甜品店，點了1個芒果小丸子及綠茶新地，先講個芒果小丸子，個汁應該係用新鮮芒果去做出黎個，甜度適中，令到鍾意食甜品既我即刻想叫多碗，最後老公好細心偷偷外賣多2個返屋企，另外個新地上面用了栗米片去配紅豆同綠色雪糕也很夾，雪糕很滑，不似普通雪糕，應該經過特別處理吧，最後店員服務也很有禮物，令我今日有個很好的回憶…查看更多

天氣太熱 同bb行街行到熱辣辣就諗住事但搵間糖水鋪食下甜野 消消暑喇.我同bb 叫左一人一個餐 分別係芒果小丸子同 炸魚配薯角 先講食物質素 圖同實物係兩回事啲炸魚柳油多到唔想食 好反胃魯水雞翼 味淡 完全唔入味 雞肉太硬另外芒果小丸子比啲芒果汁好似溝水咁 不單止淡 重賣相差 呢間野真係 可一不可再 一個字 差…查看更多

夏天一到,就會諗起凍冰冰既刨冰友人就既講返起糖百府喱個老字號.好耐冇黎,裝修都轉左新,亦加入左新既甜品嗌左個石榴冰同芒果冰二個人share食份量好大,食物相機未食就已經比友人食左幾啖石榴味好濃郁 仲好似有少少籽既感覺芒果冰就差少少,不過都好好食 夠消暑店鋪客人比較多,店員就得一個有啲忙但態度服務都唔差,下次可以再黎過…查看更多

叫左2個甜品 堅係2個都唔好食 連最基本既楊枝甘露都做得唔好 咩雪丸果d唔洗講 求其作個名就收你幾廿蚊 口感又怪 又唔好食 好失望既甜品鋪 無下次 千其唔好去！…查看更多

今晚和朋友食完晚飯打算去食下糖水見糖百府人唔算多就入去啦當時服務員只得一個而且還在執拾枱面等了一會先能安排坐下我們點了芝麻糖不甩和栗子紅豆綠茶拿破倫糖不甩來到時熱辣辣，味道正常容易入口但栗子紅豆綠茶拿破倫就難食到不得了首先講下個綠茶雪糕我覺得係一早放咗落個杯再直接放入雪櫃所以好大雪味，一啖已經可能食得出不過佢好細杯，兩匙羹就無晒另外個拿破倫先最出事個酥皮好大嘅油憶味我和朋友都覺得好怪之後同個職員講佢居然答我係有啲怪怪哋嘅味，佢自己都覺但絕對新鮮製造，只係大家口味不同仲話之後會向老闆反映呢個問題最後我哋食咗兩啖就唔想再食了回家途中嗰種油憶味仲回返出來我未試過食完甜品會咁唔開心咁返屋企要立即食番個朱古力蛋糕先可以平復心情…查看更多

其實我近排真係心力交緒，精神差，成個人都好攰但好朋友生日就無辦法下都出咗旺角同佢食飯食完就梗要食埋糖水先散水喇今晚我哋5條友就去咗太子嘅糖西府，入到去無咩人，坐低後我就叫咗個芒果可麗餅配雪糕，朋友就叫左雪丸、心太軟、綿綿冰咁侍應一送嚟真係嘩出聲因為同衰9牌上嘅樣差太遠太遠，份量仲要少起碼3分之1，食落無特別，雪糕未算好滑，可麗餅則凍冰冰，芒果又未算好甜，就連粟米片都唔係勁脆個隻，真係完全唔值加上侍應又西口西面，叫佢拎俾水嚟都唔答聲人，真係對呢間嘢無好感!5條友食呢個價錢甜品其實唔係咩問題，問題係唔值，太細份，圖文不符，呢間應都無下一次!…查看更多

同朋友係旺角食完飯，仲想繼續吹水就求其搵咗間甜品店入食啦。 士多啤梨雪糕翠翠：其實佢係由雲尼拿雪糕、士多啤梨肉、粟米片等等材料組成，而味道正正常常無咩特別，但勝在唔會好甜，士多啤梨肉亦唔會太酸，而雲尼拿雪糕亦好香，加埋新鮮嘅粟米片一齊食個口感真係好夾。但我覺得份量好似少咗啲，因為食幾啖就食完。…查看更多

首先我覺得呢個楊枝甘露是成功的～因為柚子肉成品吃起來沒有很澀口的苦味，各人口味不同～我唔係咁喜歡柚子的苦澀味～＞＜；另外，芒果很甜，不酸口～配上黑珍珠的口感～算係唔錯～雖然夜晚得兩個侍應係度～但都可以好快上到甜品～唔洗等到頸都長先有得食已經好好～！！…查看更多

晚飯後行過幾間舖就到了，唔使等位應該係裝修後第二次光顧, 環境依舊落完單等食芒果燉蛋新地本來係跟芒果雪糕 , 改朱古力雪糕要另加3蚊一上檯, 覺得用個咁細既杯, 賣相小家了一點點.... 感覺好迫 , 沒有美感 ; 最不滿意係芒果肉實在太孤寒了吧  ? !由於個杯太細, 一定要由上而下咁食, 即係好難一匙過咁由頂去到底咁夾埋一起吃內裡有小丸子、粟米片,最底係燉蛋由於要由上而下處理, 食到粟米片已經覺得乾哽 ... 這杯要成五十 .... 這個嘛... 完全唔記得叫乜東東內裡有小丸子紅豆同白珍珠 , 沒甚特別…查看更多

每次跟這班朋友去聚聚舊，就是一定吃完飯後再吃甜品這夜是我們的聖誕聚會，加上是朋友的派帖時間呢我們不是時常見面的，所以每次也是吃完主吃再吃甜品這夜我們在太子吃飯，也揀選了位於揀了太子的糖百府看見它的裝修也算是不錯的，很美的而它我也吃多了一次兩次，這夜是第三次吃的這甜品店的設計有一點像是CAFE 的感覺是英式的花園設計，收銀處後面的也有不同的甜品介紹加上不同的燈光在店內，燈光在店內發光發亮我們五人一同點了五款不同的甜品，一同來Share 來吃吃吧首先要出場的當然就是楊之甘露吧這個是很多甜品店絕對是擁有的甜品要做到不酸不甜而是爽口的甜品，不是一件易件這家就把芒果汁弄在甜品內，加上它附上了芒果肉吃得出不是罐頭的產品，加上它也有是不酸的西柚肉呢尚算不錯的，我給它七分吧(十分為滿分)第二個是朱古力斑尼跟綠茶雪糕這個是樣子最精美的，也是最吸引眼球及相機的甜品不過由於這個朱古力斑尼絕對是甜甜的糕點不過它非常的實的，所以嗎，吃多一點點就開始要停呢因為它實在是非常的濟的，不過也是值得一吃的然後這個是我點的蘋果金寶蘋果金寶就是主角就是蘋果嗎今次上碟的蘋果只有數數幾粒，蘋果應該是主角不知為什麼只有三至四粒,但是那些乾乾的像餅乾粒粒樣子就多如繁星的樣子，完全吃到牙也軟了也許餅乾實在太乾了，小妹同朋友也沒有再特別再吃我不推介這個甜品，如果它改變了比例或者是更好的另外當然少不了是它家其中一款最受歡迎的甜品當然就是它家的綿綿冰吧，這夜我朋友就點了這款的牛奶綿綿冰由於當天我實在是怕冷的，所以沒有吃下這個甜品呢但是朋友說這個的牛奶冰沒有太重的牛奶味道反而配料更是好味得很呢，所以大家也是認為它可以不再點了也許其他味道會更佳的，只是牛奶冰未必岩我們的口味吧最後要吃的就是一個算是西式的甜品不過名字真的是忘記了同樣我們揀選了綠茶的味道的雪糕朋友們說這個甜品算是不錯的，但係實在難吃得到因為一係就是把雪糕放在碟上，再吃杯內的東西一係就是慢慢地吃下雪糕，再吃杯內的食物要是吃下雪糕後，再吃下其他東西就已經飽得要緊呢所以這個吃下真的有一點難度呢~這夜的甜品嗎，吃得一點點不想爽的起碼吃完想坐一下，已經比人收哂d 甜品碟呀杯呀加上甜品好像一次比一次更加不吸引要是這樣的價錢也許可以吃得更棒的不過如果在太子附近吃飯的，也許它是一所很好的甜品地點但係如果專登來吃的話，小妹就真的沒太大的推介紹吧當然有機會的，我也是會再嘗多一次它家的其他甜品也許當時是在聖誕及除夕時間附近吧，希望下次別再令我失望吧…查看更多

數年前, 於台灣引入的雪花冰在香港紅極一時~時移世易, 雪花冰的魅力已大不如前。當晚跟媽媽吃了一頓差到不行的雞煲後,突然很懷念從前跟媽媽吃雪花冰的味道,於是再次踏入''糖百府''之門~ 真的久違了呢 ^^想不到闊別數年, 它內裡也裝修了。變得有生氣而時尚, 不再是從前死氣沉沉的木桌椅。餐牌內圖文並茂, 方便點食!!在各式各樣的甜品, 我們都是傾向雪花冰~結果一人選了一款齊齊分享 ^^芒果牛奶秋香雪花冰分了兩種顏色,白色雪花為牛奶味, 濃度十足!!反之黃色的芒果味有被牛奶味搶了風頭...伴碟的配料有西瓜﹑綿綿的紅豆﹑帶點像大菜糕質感的咖啡味布丁粒及彩針。青蛙略嫌西瓜肉不夠冰凍, 但如果將所有配料混為一起吃的話,又冷﹑又甜﹑又綿﹑又爽的口感,可以一口氣品嚐得到, 讚喔!!!石榴秋香石榴秋香的味道, 整體上比芒果牛奶秋香來得清淡~兼且入口帶苦的感覺, 令人印象一般。伴碟的配料同樣有西瓜肉及爽口的布丁粒,不過它就有爆珠粒, 口感有像一瞬即逝的爆炸糖, 挺特別!!…查看更多

每次到糖百府都食綿綿冰, 今次試下新野, 我地兩個人點了窩夫, 一個係比利時朱古力, 另一個係芒果 比利時朱古力窩夫 - 窩夫外層較脆, 亦夠香甜, 但內裡較鬆散, 朱古力味不錯, 好香濃芒果窩夫 - 外表好吸引, 芒果好鮮甜, 雪糕都好滑, 好好食:)…查看更多