糖思甜品 (已結業)

最近同朋友去左西灣河，行完街見有d肚餓，咁啱就見到呢間「糖思甜品」有意粉同甜品，就一齊入左去試下～叫左兩個意粉同兩個甜品，原本仲諗住試多個梳乎厘，但我地食完d嘢已經好飽，意粉份量好足，食完真係好飽，3個女仔share兩個都ok。我地仲叫左嘢飲，係巨峰梳打、百香果梳打，同埋水蜜桃梳打，好好飲，但唔記得影相😂😂😂夏日炎炎飲杯凍嘢、涼下冷氣真係一流！甜品方面真係意想不到，冇諗到呢個價錢食到咁好食嘅嘢，焦糖燉蛋真係不得了，十級推薦～！好正好好食！

咁岩同朋友今日系小西灣 行過見到呢間新舖幾吸引 就決定入去食下- 環境幾舒服 staff好nice 會同你傾下計 又介紹menu - 我食左 卡邦尼意粉 好彈牙,唔會太過, 汁好入味!煙肉都幾香,份量都好足,食到好飽下次再黎一定會再食- 朋友就食左雞翼 有6隻老闆好好人,送左薯條比我地試 全部野都即炸熱辣辣,仲有黑松露醬- 雖然lunch hour 但都有甜品叫 食左梳乎厘 拎出黎個時好似椰青咁高 焗得好靚仲有雲呢拿汁連堆食 勁特別 - 仲叫左杯mocha 都ok 不過不失啦:b呢間都係一間食野既好選擇：D

星期六睌冇野做就同朋友去左呢間食甜品，點左個焦糖燉蛋，超好味！價錢重一啲都唔貴，睇得出所有甜品都制作得好有心機！我一定會再嚟食!!!!!!!!!!!!!!!!!

出左新menu 多左好多特別款式甜品口味創新左好多 賣相都比之前令左 特別係烏龍茶焦糖燉蛋 超級特別 唔會太甜又有茶味 適合d唔中意食太甜的人 雖然價錢比普通焦糖燉蛋貴d 但份量都大左一個double 正!!同埋新menu加左lunch set & dinner set選擇 味道都唔錯 有d意想不到 食左黑松露魚柳包 黑松露好香 老闆話係意大利既黑松露 好香 值得一試仲有特濃朱古力切餅 擺盤冇以前咁頹 令左好多 朱古力味好濃郁 有d似mousse cake 雪既溫度好好 食落去唔會太硬太軟 啱中意食朱古力的人烏龍茶焦糖燉蛋真係一定要試 出邊近乎冇咩地方食得到

前日同朋友去藍灣半島探中學老師，之後去小西灣商場既時候經過依間糖水舖，我朋友話依間最好似有埋西餐，所以我地就入去食埋個下午餐先走💓同左老闆傾傾下先知原來個廚師係由大坑過嚟...而且好有實力😀所以我就叫左心太軟，朋友就叫左個茄汁煙鴨胸意埋益力實多磚🙈_＊朱古力心太軟配雪糕只睇個心太軟既賣相..已經感覺唔錯..一切落去..啲朱古力好似岩漿咁湧出嚟.！！！而且朱古力味好香..鐘意食朱古力既人一定要嚟食😋_*茄汁煙鴨胸意粉見到好大碟同好香..所以偷左幾啖嚟食😂一食落口..意粉唔會太硬， 而且好夠味，會食一啖都會feel到蕃茄味！！！煙鴨胸肉食落勁香口！！價錢唔算貴..但份量都幾多..真係好抵食😍_＊益力多磚聽個店員講有新出既益力多磚..所以就試下😂原本聽落以為食落係冰磚之類既野..但原來口感係似布丁，賣相都好靚😍一食落口，益力多既味慢慢出現..酸酸甜甜咁，啱唒食完正餐後食😘下次一定會再嚟食..就算唔經小西灣..都會專程入嚟食..因為完全值得！！大推薦益力多磚同心太軟！！！！！😍😍😍

今天同屋企人一家四口出街吃飯，行行下發現富欣花園有間這麼有特色的餐廳，雖然餐廳裡面不算很大，但坐得很舒服，我們叫了4樣野吃， 其中一樣是廚師推介的軟殻㙰配黑松露醬，一啖咬落去軟殻蟹很脆口，原來軟殼蟹和黑松露醬是 Match 。 另外最意想不到的這間餐廳除了有法國輕吃野，還有很特色的西式甜品，在點餐時竟然看到最令人意想不到的還有款 ‘雪耳紫蕃薯’ 中式糖水，一出餐時見到顏色特別搶眼，以我所知雪耳可以養顏，滋潤。 吃完飯賣單時才知道原來這是師傅是大坑出名的甜品店師傅走過來。 下次我一定會再來試他們的梳夫厘和烏龍茶燉蛋

同朋友係小西灣食完晚飯後口痕,行行下街望到間裝修好靚既甜品鋪,就入黎試下.一入餐廳望個餐牌, 嘩, 成百款甜品,由大路甜品心太軟,綿花冰, 到一d 聽都無聽過既甜品都有, 樣樣都想試,睇到眼都暈埋 好彩店員都好幫手,提議左 個朱古力餅我試, 係依度要比店員1 個大既等左10分鐘朱古力餅就到,連埋杯水沖口,份量比出面既餐廳大2倍.一食,嘩,好濃好有層次感既朱古力味,真係無諗過用料會敢足 拍得住酒店級既水準! 諗下如果可以同時有杯香濃咖啡,就完美啦埋單總共$38, 依敢既質素黎講已經好值,下次再入小西灣一定會再黎

夜晚11點，四圍都關門就即管試試呢間新開糖水店，室外氣溫20度，室內暖到好唔舒服！第一次唔敢試其他，首先試左基本功糖水，芒果西米露$29，西米露大大粒浸得太耐無口感，芒果碎粒粒，湯底只係加左花奶芒果味，好似食緊芒果布甸味！整體都不及同價錢滿記用芒果汁做底，店員無表情，小店形式新店應該要更加在服務上提供親切感覺！

店鋪裝潢不俗，坐得幾舒服，晚上9點多10點人數不算太多。然而看了看餐牌，價錢偏貴，基本上都$40 up。以小西灣區而言定價略高。甜品方面，只能說實力對不起價錢：1. 雲呢拿朱古力綿花冰不過不失，然而份量偏少，不過橙色爆珠幾有驚喜。2. 朱古力心太軟唔好食，所採用的雞蛋質量不太好，有腥氣，朱古力味平平無奇。3. 梳乎厘直頭失敗，雞蛋腥臭氣味更甚。唯獨雪糕外形渾圓一球，多少為賣相補返少少分。整體而言，依個價錢、依個質素，行出柴灣食可能比較好。

已經成年幾無食過棉花冰啦,更加唔好話日式刨冰,因為對我黎講唔加汁就一d味都無。出面食親既棉花冰普遍有以下幾個通病:1) 味道唔平均,有d位好甜但有d位無味;2) 無謂配料加得太多，有d自己加錢簡配料仲大獲,事關唔識簡好容易簡左味道唔夾或重味過冰本身既配料。好似以豆腐棉花冰為例,如果簡左朱古力味咁濃既配料只會影響左成件事。黎到糖思，第一個感覺係好親切，所有員工態度都好好、好有家的感覺。第二係坐既環境都好cozy,燈光柔和。第三就係睇menu時候既感覺，店仔細細但係中西式甜品都有，好可惜個menu就有d錯漏,有錯字同譯字有d問題。棉花冰選擇唔多、只有4款，分別係：芒果、芒果益力多、朱古力Vanilla同榴槤棉花冰。好老實，榴槤就咪搞我啦。夏天熱辣辣，就叫個酸酸甜甜既芒果益力多棉花冰啦!一上枱我嚇親！咩咁大碟都只係43蚊咋?我懷疑我同朋友兩個人share會唔會食得曬。佢配料唔多，只有芒果爆珠珠，但味道真係交足貨-芒果是芒果、益力多是益力多。神奇地芒果係無蓋過益力多味、相得益彰。食到食唔落但我都唔捨得「放口」，用力KO埋最後一啖。下次我一定會試埋其他甜品，咁近我屋企真方便。

炎炎夏日 想食D凍野做下午茶😋😋😋芒果涼粉 計底夠凍 滑入喉嚨 相當消暑芒果小丸子 伴芒果雪糕汁底同涼粉一樣 小丸子份量足朱古力雪糕 伴waffle 極度配合 冇得輸我們會再來呀💪🏻