影片
佢個個榴槤班CAKE又大件又低食生果好新鮮坐得好舒服呀...服務都幾好糖水夠足料,好大碗...好好食,好開心,好想快D番去食一家大細食完飯,散下步,再去食碗野
繼續閱讀
今日同朋友食完晚飯後, 例牌要食返碗糖水, B仔泛后食到悶, 之前見過有間叫"糖坊甜品", 即管試一試. 一行四人, 至靚嗰位叫咗碗熱綠豆沙 (真係估佢唔到 ), 靚女話都幾好食, 因為起沙夠.而圓碌碌本來要杧果黑珍珠, 但落單位Uncle話今日啲杧果麻麻地 (真係老實) , 所以轉咗要蜜瓜, 問圓碌碌好食冇? 佢話好食, 因為佢鍾意食黑珍珠......大隻顏就叫咗鮮什果楊支黑珍珠撈(個名堂好似係咁), 賣相好靚 ! 又足料 !! 生果好多好大舊 (好似唔洗錢咁), 我地覺得如果女仔食又真係大舊得滯, 男仔就會啱啱好而我就要咗個鮮什果三色涼粉撈, 同鮮什果楊支黑珍珠撈一樣, 賣相好靚 ! 又足料 !! 大碗到當飯食都得 可能新開嘅關係, 加上地段唔就腳, 所以幫襯嘅人唔多, 唔使等位, 坐得都幾舒服, 一定會再幫襯試吓其他甜品同小食.
繼續閱讀
上個星期去咗元朗諗住食糖水, 經過炮仗坊, 見到有間新開的糖水舖"糖坊甜品", 就入咗去試下啦!估唔到好得喎… 我叫咗個鮮雜果三色涼粉撈,好大碗好足料, 都係廿幾元, 好低食! 友人就叫咗一個好特別的榴槤慕絲(因她超喜歡食榴槤), 她覺得好香好滑,正! 我唔係幾食榴槤的都覺得好香,值得推介。另外仲叫咗個鮮雜果楊支甘撈同朱古力慕絲添!我地又叫咗D小食, 燒賣, 腸粉同腸仔, 燒賣好彈牙, 腸粉的麻醬好香, 聽個老闆講, 麻醬同甜豉油係老闆自己調配的, 唔係交來的, 所以特別好味 !如果下次去開元朗食糖水, 不妨試下呢開吖!
繼續閱讀