糖佰府 (已結業)

路過條村想食吓甜品，見裝修好一般，見係鄉村小店都冇乜所謂，但價錢係市區旺店價，一碗普通通綠豆沙都收20幾，見左芋圓拼其他要40，上到嚟細到呢，同價錢完全唔合比例，冇影相，味道好雜亂。位類似老闆的更服務好一般點解仲生存到？

星期天大夥兒行完山，去了坑口村食泰菜，食罷泰菜大夥兒意猶未盡，行過兩間舖去食甜品本想吃合桃糊，但今晚沒有，咁唯有改黑芝麻糊啦！芝麻糊加咗湯丸同芋圓，$40朋友們叫芝麻糊加湯丸，$32 碗糖水上檯，我望住尐芋圓真係有尐目定口呆⋯點解尐色咁奇怪？芝麻糊底ok啦，湯丸ok !但尐芋圓發生乜事？ 食咗兩粒真係勉強不了，不能再吃下去，朋友們見狀都試咗粒⋯⋯大家反應一致⋯⋯⋯都唔係一般嘅芋圓⋯⋯⋯真係唔想再食這兒的芋圓

食物質素及賣相差，侍應態度欠佳龜裂的心太軟，它上蓋已經裂開左，而入面嘅朱古力漿好似係焗完先倒入去咁🤮 係涼涼地嘅。。。朱古力綿花冰送到過黎已經溶左，綿花冰下的朱古力漿非常甜，好似放左好多糖水溝成，食完一整碗應該會糖尿😅糖不甩實物與menu圖不符，實物係"芝麻加糖粒" ，圖上係"花生加糖", 我們好奇問一問侍應，她說一早已經改左係芝麻（態度差），我地因為有朋友唔食得芝麻，侍應 卻回應 "哦", 然後頭也不回走左。。。後來看到menu寫左圖片只供參考，所以都唔可以怪佢，係我地無睇清楚😖第一次去甜品鋪食淨咁多甜品😭

食完飯突然想食甜野，平時都係食開一兩間，今日突然想試下新野啦，點知真係出事，點解可以一碗芝麻糊都可以整到咁難食，再試下百寶芋圓又係出事成碗野無味...真係因為佢收成44蚊先食多幾啖，其實第一啖入口已經知道今次...真係柒左

聰嫂已結業，過年凍冰冰，山長水遠行過去坑口村買外賣回家吃。糖水無甜味的豆腐花 ~ 一絕甜到嘔薏米腐竹 ~ 二絕平唔等於要食垃圾，我寧願俾貴少少，到少入到口，永遠無下次！！！

第一次食糖佰府，份量很小，價錢又貴，而且叫網上外賣平台送外賣，送到時由於店家冇蓋好蓋子，倒瀉了大半，整個紙袋都濕了，一打開覺得十分失望，而且味道一般，沒有太特別，完全唔會再幫襯，冇下次

係到讀書讀左咁耐 呢間都為左回憶之地因為價錢唔係好貴 夜夜地想搵個地方傾計就會食下糖水呢間啲冰印象中都好食 但要比較就一定唔叫高質但嚟到反而可以試下特別啲甜品好似今次我啦嘅椰子雜果冰~食完面頭啲新鮮水果後更可以食埋啲椰肉呢個可以比到9分架

今日朋友生日，約出嚟一齊食糖水。坑口得兩間糖水舖，其中一間就係呢間。由於我哋極少食呢間，所以呢次就食呢間。店舖內外都可以坐，位置頗多但樓面得一個人喺度做，包括落order買單上菜都係同一個人，可見有人手不足嘅問題我哋叫咗朱古力綿綿冰，綠茶綿綿冰。綠茶嗰個就偏向藥水味，特別係隔離嘅啫喱，好大浸罐頭糖水嘅feel朱古力綿綿冰就正常啲，朱古力味都算濃郁，但價錢來講40幾蚊食個冰就有啲貴我就叫咗芒果豆腐花芒果汁好稀身，水水嘅feel，但食得出唔太甜，應該冇額外添加糖，都幾健康嘅自己朋友就帶咗個士多啤梨雪糕芋圓配涼粉，分量唔大，味道一般。我哋都偏向鍾意平日食開個間連鎖糖水，呢間雖然係自家糖水但質素就一般般喇

餐廳位於坑口村，交通不便，鄰近將軍澳醫院。餐廳面積不大，只有四至五張枱。但餐廳內的範圍亦有座位。今次點了棉花冰，在寒冷的天氣下，吃棉花冰別有一番風味。棉花冰加了煉奶和芒果口味，跟台灣的棉花冰非常相似。價錢大約$50 ，價錢合理，如果在坑口村吃完晚飯後，大家可以過來吃甜品，值得一試。

黎到坑口村食完小菜 當然離不開食埋糖水先走坑口村唯一的糖水舖選擇十分之多由於好想食芋圓同小丸子所以叫左依個百寶點知d芋圓唔丸好味 反面其他配料好好多都叫做不過不失啦

The shop is at hang hau village. It was quite easy to find. You can eat inside and outside.... The inside decoration was great. The food looked yummy in the menu and yes they have a English version of the menu.... I Tried waffle for the first time and it was yummy.... Recommend it.... Going to try the coconut milk ice cream next.... Happy eating

今天來到與兩隻小寶貝玩，晚上難得只剩三老表，於寶貝們入睡後便來個甜蜜時刻。以前於港島區尚有分店時不時會到訪，但現在太多競爭對手，已經很久沒來到訪。今天三人行叫來了三款最基本的款式來品嚐。椰汁黑糯米 ($22)是從小吃到大的甜品。充滿椰汁奶香的黑糯米軟綿煙韌，口感不錯，黑糯米份量亦剛好，甜度適中。天氣剛好稍涼，來一碗熱熱的糖水真的暖上心頭。自製豆腐花 ($18)不是我偏愛的甜品，賣相感覺普通，表面看起來不夠平滑。表姐表示味道不錯，亦尚算香滑，我沒有試，則不予置評了。最後點來了芒果班戟 ($27)一起分享，班戟有兩件，一上桌便聞得到芒果香。內裡充滿忌廉，芒果肉亦頗飽滿。芒果味道甜美，忌廉香滑，班戟皮亦尚算有咬口，整體味道不錯，有重拾童年回憶的味道。最滿足的，依然是珍貴的談心時間；手足之情，於願足矣。

一開係坑口村開咗好多年的糖水小店，咁多年來都非常好食，款式都不斷增加！但我始終覺得傳統糖水比新式的好食。紅豆沙同豆腐花都好出色！湯圓仲要係自己做的！好好食新式的糖水來說，綿花冰是非常推薦的！而且價錢都非常平！咁多年都無咩加價

本身抱住好心情去食個糖水，坐左半粒鐘都未有糖水，原來係冇落單囉，建議想去食嘅朋友們問清楚佢到底有冇落單先，我就唔知咩味啦，不過就一肚氣囉！重要比個職員問返我轉頭，乜我有落單咩？

呢間糖水舖係由中學時期食到大貪佢好多嘢揀，款式又唔會話一式一樣幾個人嚟，叫咗呢個芒果雪花冰，配咗曲奇味雪糕，toppings有椰果，紅豆同朱古力彩針雪花冰嘅口味好細膩，凍冰冰似食緊雪條雪糕同椰果屬正常味道，紅豆唔會太腍，都有咬口芒果pancake好fresh, 一路食見到老闆係最入個張大檯整緊，唔怕係擺隔夜而且戟皮好薄，幾好食食芒果西米露大概係食糖水較正路嘅選擇，有得揀配椰汁or芒果汁，但係唔知點解個芒汁有陣奇怪嘅酸味，好似縮縮哋最後有呢個雪糕椰汁涼粉，甜度適中，幾好飲