影片
以上資料只供參考, 請與餐廳確認詳情
相關文章
之前見到介紹呢間係食香港懷舊小食9格擺盤好靚 特登約埋朋友嚟食嚟到發現仲有新出草莓冰糖葫蘆系列店面色調主要係以鮮艷橙色作為設計入面好多裝飾都有香港傳統味道撥輪電話、舊式水壺/電視/風扇擺設最近4月仲有姜濤生日應援佈置本身係間社企 唔係姜糖都會支持- - - - - - - - - - - - - - - - - - - - - - - -1. 草莓冰糖葫蘆糖不甩呢個糖不甩創新得嚟又估唔到咁冇遺和感糖不甩個糯米整得軟糯 食落係有咬口但又唔會黐住啲牙 下面舖滿花生碎碎仲加咗啲草莓果乾 甜中帶酸 多咗清新口感同埋上面有啲大粒又紅草莓冰糖葫蘆伴碟草莓果肉好甜 外層冷卻糖漿唔會好硬/黐牙2. 草莓冰糖葫蘆奶蓋冷泡茉莉呢杯冷泡茉莉上面有粒草莓冰糖葫蘆點綴 已經好靚 都幾打卡able 奶蓋味道唔算好濃飲到冷泡茉莉嘅茶味係超級清香先淡淡茉莉甜 後微回甘 有冰更加清爽3. 懷舊糕點九宮格拼盤呢個拼盤應該承載好多人嘅回憶入面9款懷舊糕點都係細個食過包括雙薯流心西米糕、流心芝麻卷香濃黑芝麻/開心果/手炒花生糯米糍砵仔糕、叮叮糖、花生糖、白糖糕- 西米糕餡係綿密嘅黃心蕃薯&紫薯蓉配支西米醬吱入個餡度 做到流心效果- 芝麻卷本身用咗黑芝麻整 好似菲林所以都會叫菲林卷 仲會配支黑芝麻醬都係吱入入面 流心又有雙重黑芝麻味- 糯米糍入面啲餡係好飽滿 咬開好多碎碎尤其花生口味係手炒嘅 食落更脆更香- 砵仔糕好特別 用咗古代瓦碗同竹籤做裝飾要自己刮邊挑起砵仔糕 黃糖紅豆唔會太甜- 叮叮糖、花生糖口感香脆 同細個食味道一樣- 白糖糕就比較軟糯、口感煙韌 帶有純正嘅甜
繼續閱讀
推開「糕點時光」嘅大門，瞬間跌入咗一個時光交錯嘅甜蜜宇宙——呢度唔止係一間社企小店，更係金齡婦女用雙手編織嘅傳統糕點夢工場，仲係「姜糖」今個月必到嘅打卡聖地！🎂💖 🌸 草莓冰糖葫蘆系列之一｜「草莓冰糖葫蘆奶蓋冷泡茉莉」【凍】春日戀愛感滿滿嘅飲品🍹茶味清香，少許回甘。冰糖葫蘆士多啤梨極香甜，真係想食多幾粒🍓富創意又好飲！🍋金桔檸檬百香果梳打【凍】｜夏日透心涼！金桔同百香果嘅酸甜×檸檬清香，氣泡感十足，解膩首選✨ 🎁 懷舊糕點九宮格拼盤｜穿越老香港，簡直係味覺時光機⏳： 🥜 有三款手工糯米糍1️⃣ 開心果糯米糍｜💚 外皮軟糯，內餡係伊朗開心果磨成綿密醬，堅果香爆炸～ 2️⃣ 花生糯米糍｜🥜 經典永不敗！炒香花生碎混砂糖，用料十足。3️⃣ 黑芝麻糯米糍｜⚫️ 芝麻控必食！自家炒芝麻磨醬，濃郁唔會太甜。4️⃣ 黃糖紅豆砵仔糕｜🔴 用竹籤「篤篤」先有靈魂！黃糖焦香+紅豆起沙，口感Q彈似記憶中嘅街邊檔～ 5️⃣ 白糖糕｜☁️ 發酵到完美蜂巢孔！微酸蜜香，十分懷舊。6️⃣ 紫薯番薯西米糕｜💜 雙薯聯手！紫薯蓉+番薯粒+西米三重奏，椰奶香偷偷昇華～ 7️⃣ 手工花生糖｜🥜 即製即切！蔗糖焦香包裹脆口花生，花生味香濃。8️⃣ 啄啄糖｜🐦聽就聽得多，不過真係第一次食呢款懷舊糖果，好特別！9️⃣黑芝麻卷｜「菲林」係細個飲茶🫖時會叫嘅點心🖤充滿兒時回憶。💐 咁啱遇到姜濤生日應援，全間餐廳都化身成「姜糖甜蜜屋」室內佈滿姜濤嘅靚相同poster! 我見到好多姜糖都打卡打得好開心💖呢度嘅魔力，在於將傳統糕點變奏出新靈魂，又保留住老香港嘅溫度。坐喺復古花磚枱前，食住砵仔糕望住姜濤嘅招牌派心相，突然明白——幸福，就係咁簡單✨
繼續閱讀
「工作可以慢慢做，糕點必須馬上吃」！？ (◍•ᴗ•◍)近日到訪呢間勁hit 嘅糕點Cafe，網上見到呢度嘅裝修好有港式情懷，仲要係一間社企，所以特登嚟到北角幫襯，果然餐廳入面嘅裝修好有特色，打卡效果都唔錯，原來呢度唔係淨係有糕點，仲有飯食㗎！呢個季節仲係士多啤梨🍓嘅天下，介紹一下呢個讓味蕾戀愛嘅春日限定！🍓🤍草莓冰糖葫蘆糖不甩 $68呢個甜品賣相好可愛，每一粒士多啤梨好大粒，士多啤梨本身酸酸甜甜，外面包裹住冰糖，外層冰糖入口酥脆，糖不甩仲加咗花生碎同士多啤梨碎，喜歡士多啤梨嘅朋友一定鍾意呢個別出心裁嘅甜品！🍓🍵草莓冰糖葫蘆奶蓋冷泡茉莉（凍）$50冷泡茉莉好清香啊，本身無糖，上面擁有一層豐富嘅奶泡同，加咗一粒可愛嘅士多啤梨冰糖葫蘆，令到呢個飲品好睇又好食！🍱懷舊糕點九宮格拼盤 $98呢個九宮格每枱必點，入面嘅糕點令我勾起小時候嘅回憶，每一款都充滿港式情懷，其中我最鐘意🖤菲林卷(芝麻卷)煙煙韌韌，芝麻味香濃，仲有細細支嘅芝麻汁可以添加，味道不錯！🤍清明仔 （茶粿）：一個充滿甜蜜味道嘅甜品，入面有黃番薯、紫薯同大量紅豆蓉，仲有細支椰汁可以添加，口感煙煙韌韌都幾特別！💚最好食：開心果糯米糍，裏面充滿開心果碎碎，甜度啱啱好，口感煙靭，風味濃郁！另外仲有大菜糕、叮叮糖、砵仔糕、芝麻糯米糍、香脆花生糖.....全部水準都唔錯，食完令人感到非常甜蜜！🤎🐔慢煮袐製沙薑雞飯 $88（前菜和甜品🍧）大大件嘅雞脾🍗肉質嫩滑，沙薑汁味道濃郁，仲可以混合蔥油一齊食，米飯🍚加咗紅米增加口感，甜品仲包埋砵仔糕，感覺好豐富！✨所有出品都用心制作，餐點即叫即刻，製作需時，所以要耐心等候哦！
繼續閱讀
早幾日同朋友係北角搵地方食Lunch，行行下見到呢間舖嘅裝修幾懷舊，大家都覺得幾正就決定揀呢間！入面以香港本地特色嘅懷舊設計，好似時光倒流去返兒時咁，除咗環境之外，佢地連餐桌餐具等等都仿照以前嘅，好有特色好懷舊！我地就點咗❣️❤️梅菜扣肉刈包創新製作將家常食材梅菜扣肉加入蒸好嘅刈包，啖啖都滲有梅菜扣肉嘅獨特香味，仲估唔到係咁大份，啱晒我哋午餐💕🩷糕點九宮格拼盤將本地特色糕點還原，有白糖糕、西米糕、芝麻卷、噹噹糖、砵仔糕、薑糖、3款味道嘅糯米糍（原味、芝麻味、開心果味）集合為一體，一次過品嘗唔同特色，我就最欣賞白糖糕同糯米糍，入口個刻兒時回憶返晒嚟！🧡砵仔糕我哋都係砵仔糕嘅愛好者，想找到好吃而正宗唔多，呢間做到還原兒時味道，一於點多兩件同家人分享！@timetogold.np#刈包 #台式刈包 #手撕雞 #手撕雞刈包 #沙嗲牛肉 #沙嗲牛肉刈包 #梅菜扣肉 #梅菜扣肉刈包 #玫瑰花茶 #荔枝茶 #糕點時光 #TimeToGold #hkcafe #社企 #香港社企 #北角美食 #錦屏街 #北角 #NorthPoint #香港美食
繼續閱讀
「糕點時光 Time To Gold」是一間致力保存傳統糕點文化的獲獎社會企業，提供糕點銷售及寄賣、技能培訓、體驗工作坊及資訊分享等服務，希望在提供服務的同時，促進婦女及長者就業👍👍傳統糕點予人「老土」、「廉價」的印象。「糕點時光」為懷舊糕點加入新元素、新形象，研發創新口味，同時午餐還有健康美味嘅食物和飲品，最新仲推出咗最愛嘅刈包，而且我好喜歡佢哋門口設有座位，非常有懷舊風味，可以一邊品嚐美食，一邊望住條街，慢活一下🫶▪️沙嗲牛肉刈包 $ 68刈包以點心蒸籠上枱，型格又有風味，沙嗲牛肉就是港人最愛嘅傳統風味，牛肉超香沙嗲味，而且肉質軟腍又入味，配料有酸菜更加滋味，刈包煙靭又軟熟，包住沙嗲牛肉超美味👍▪️川味口水雞刈包 $ 62這個帶點香辣的口水雞口味，雞絲嫩滑又惹味，配上酸菜、紅洋蔥和青瓜，和熱辣辣既刈包味道超夾，午餐夠晒飽肚▪️海鹽芝士奶蓋茉莉飄香 $ 48這個茉莉香茶沒有糖分，就帶一點清香啱晒我，面頭放上味道香濃的海鹽芝士奶蓋，充滿鹽香，配搭茉莉茶清新又美味
繼續閱讀