粵 (已結業)

疫情期間真係有好多酒店餐廳做優惠這間老牌中菜廳亦推出指定菜式半價優惠主餐牌菜式則享指定信用卡8折蜜汁叉燒拼龍井茶燻乳鴿 | $153 (半價價錢)一上枱已經超濃的煙燻香氣乳鴿的茶燻味極濃 有點兒過嗆乳鴿已經拆肉 肉質嫩而不鞋不乾叉燒蜜汁味偏淡反而好濃玫瑰酒香梅頭肉肉質鬆軟肥瘦均勻夠juicy但味道上我會喜歡少一點酒味多一點蜜汁這個雙拼有半價好抵食大澳脆炸雞 | $134 (半價價錢)係中餐館一見到脆、炸、雞就自動以為係炸子脆皮雞🤣上菜時先驚覺原來係炸雞粒不過用上大澳蝦醬醃過再炸 充滿鹹香味再加上冇用炸粉都依然香脆好好食蜜汁燒鱔 | $188 (正價)雖然係正價但都推介鱔肉質超級爽彈 最正係個皮燒到超級脆脆到隔離都聽到 加上甜甜的蜜汁好惹味雪嶺紅梅映松露 | $148pp (正價)見餐牌話係得獎菜就試吓賣相幾靚 下面係3層層次分明 蛋白甘荀的甜 蔬菜汁 蛋白 色彩鮮艷得來又好食特別係個甘荀的香甜提升整體鮮味龍口感彈牙配勁香黑松露其他菜式就普普通通 正常發揮菠蘿咕嚕肉 | $84 (半價價錢)蝦籽野菌紅燒豆腐 | $74 (半價價錢)…查看更多

呢排想唔增磅都難，因為實在太著數，搞到我約埋唔同飯腳周圍係咁食，今晚去城市花園酒店 「粵」中菜，主要是呢度有晚市精選小菜半價優惠，足有十款任你選，款款都是由入廚30多年的行政總廚賴正成師傅精心炮製，以傳統而正宗的手法演繹，由於用料及食材新鮮，因此有些食材只需單的烹調方法，便能讓你吃到食材的真鮮味。當然也有些功序繁複的手工菜，入口即嘗到箇中的滋味。此外，全日自選菜式都有8折優惠，給你更多的不同選擇。 先來蜜汁叉燒拼龍井茶乳鴿，未入口己聞到香噴噴，叉燒肉質好嫩滑好友D小姐更是讚不絕口，最後專登為佢而設叫多一碟龍井茶乳鴿，滿足晒佢。 脆鍋粑乾燒河蝦，脆卜卜的鍋粑上是鮮甜美味的河蝦，令人一吃便愛上。 大澳脆炸雞同彩椒菠咕噜肉，就俾我好有驚喜。 自問不能吃苦，但呢道豉蒜百花煎釀涼瓜，好友就讚不絕口，我都受唔住誘惑，涼瓜就俾佢地，我就只食內裡的百花即蝦膠，同樣鮮甜無比。 雖然半價仲有雪裡红豆芽蝦鬆、蝦籽野菌红燒豆腐、椒鮮魷魚及花雕蛋白蒸龍躉球，但我們最後還是點主餐牌沒有半價的海鮮石鍋飯，因為海鮮石鍋飯每次來都會點，堅好食。 上湯浸菜蔬及杏汁豆腐花作結，一句講晒呢餐飯，大家都食得好開心，不過下次我會再來試午餐，點解?「粵」有半價精選點心囉，咁抵食當然要來食喇 !…查看更多

疫情期間，餐廳都紛紛做特價優惠，就連北角城市花園酒店-米芝蓮餐廳「粵」都參與優惠同市民共渡時艱。多款精選小菜做緊半價，連同酒水、汽水飲品都做半價優惠，同屋企人一齊去食，埋單都係千零蚊，認真抵食。蜜汁叉燒拼龍井茶燻乳鴿 港幣$153 (原價港幣$306)，半肥瘦叉燒淋上蜜汁，香甜美味；拼龍井茶燻乳鴿，經過幾小時茶燻烹調，離遠都能聞到茶燻的香氣。 大澳脆炸雞港幣$134 (原價港幣$268)，呢道菜充滿魚鄉風味，用大澳蝦膏做醬汁，配上外脆內軟的雞塊，惹味又可口。 脆鍋粑乾燒河蝦 港幣$153 (原價港幣$168)，脆卜卜的鍋粑，妹妹食得最開心，配上大大隻燒河蝦，滿足感10分。 彩椒菠蘿咕嚕肉  港幣$84 (原價港幣$168)，咕嚕肉炸過再炒，外面鬆脆，裏面鬆軟，用上了新鮮菠蘿，香甜又多汁。 蝦籽野菌紅燒豆腐 港幣$74(原價港幣$148)，滑嘟嘟的紅燒豆腐拼白灼生菜。 花雕蛋白蒸龍躉球 (每位)  港幣$64 (原價港幣$128)，龍躉魚蛋白質豐富，再用埋花雕、蛋白去蒸，帶有酒的香醇，又有助提升魚的鮮味。最後甜品梗係要試吓呢度嘅招牌蛋白杏仁茶，蛋白和杏仁茶的比例剛剛好，又不會太甜，食完即時覺得皮膚都靚咗☺️…查看更多

很奇怪，近月經常在北角的城市花園酒店出沒，除了每星期的覆診外，上次又跟囝囝的契爺契媽在「粵」中菜廳飯聚。無他，因為點心有半價嘛！原來晚市又有精選小菜半價優惠，實在是太吸引了，今晚又拉隊來試試。蜜汁叉燒拼龍井茶乳鴿 （$153）叉燒選用脢頭部位，不單有嚼口，蜜味恰到好處，送碗白飯毫無難度。另一半的煙燻乳鴿，建議用好拎住食，因為食完隻手指充滿了煙燻的香氣，鴿肉是細嫩得沒話說。脆鍋粑乾燒河蝦 （$84）鍋粑炸得香脆可口，河蝦爽口彈牙，醬汁緊扣蝦身，食落好惹味。大澳脆炸雞 （$134）炸漿不會太厚，炸得好香口，加入蝦醬更惹味，用來送啤酒一流。彩椒菠咕噜肉月（$84）上檯即食就最好，無他，外層咬落帶微脆口感，內裡是鬆軟的肉質，甜酸汁調較得啱啱好，又沒有過多的醬汁，拿捏得相當好。豉蒜百花煎釀涼瓜（$124）其實自己最初對涼瓜是敬而遠之，但接觸過後，卻發覺甘甜爽口，另有一番滋味，這道菜好有家庭餸的感覺，挖空的涼瓜釀入蝦膠，彈牙惹味，絕對好啱送飯。金蒜香牛柳 （$114）牛柳肉質鬆軟有嚼口，加入彩椒及蔥段令色彩不會單調，蒜片經炸過，透出的香氣令整道菜更可口。單尾是另點的海鮮石鍋飯，冒著熱氣的上檯，賣相一流，配料亦豐富，原隻帶子、鮑魚與及鮮魷魚，飯粒不會太濕身，好味。甜品是西施杏仁茶，甜度輕盈而且陣陣杏仁芳香馥郁的氣味，我鍾意。其實半價小菜仲有蝦籽野菌红燒豆（$74）、雪裡红豆芽蝦鬆（$84）、椒鮮魷魚（$99）及花雕蛋白蒸龍躉球（$64/位）。P.S : 只限堂食及售完即止 2020年5月9日至10日及6月20日至21日 另收茶及以原價加一服務費 …查看更多

Food is absolutely inedible. Winter melon soup is just water with 1 piece of winter melon and a few scraps of meat. Nothing special about any of the dishes. Presentation is minimal. Service is bad. They kept rushing food and all my dishes arrived in the first 20 minutes. My suggestion: simply don't eat here. Prices is extremely high especially because its North Point and they are serving prices worthy of Times Square restaurants. …查看更多

上次介紹完呢度嘅半價點心，今次介紹另一個好抵嘅午餐，同樣來自城市花園酒店嘅粵。基本上北角能夠同客人食Business lunch嘅地方不多，城市花園酒店絕對係走唔甩嘅選擇。如果上次飲茶你覺得未必適合，時間太急，唔想飲茶，呢個午餐，應該更加適合你。六道菜，以獨立位上，都係二百幾蚊一個，酒店級嘅服務水準仲要坐得舒舒服服，我諗係北角區應該冇其他嘅地方可以俾到咁高質素你。先來頭盤，燒味拼盤，可以選擇兩種，點了蜜汁叉燒和龍井茶皇燻雞，剛剛在龍景軒食過嘅桂花叉燒有點令我失望，在這挽回了我不少對酒店叉燒嘅信心，當然最驚喜嘅必定係龍井茶王熏雞，茶香深深咁注射入雞內，雞肉也很滑，剩係頭盤已經很驚喜。之後嘅淮杞螺頭燉竹絲雞湯，滋補養生，每啖湯都可以飲到火喉。另外聽餐廳推介了一個新菜式，我們特地點了，白翠紅玉藏珍地，睇個名完全估唔到係乜，蒸肉餅加上鵝肝、帶子，蒸至剛剛熟後放置係石鍋內，最精彩的一招是在肉餅面上放一隻如西菜般的分子料理豉油汁，流落去肉餅到，水乳交融，好精彩，怪不得係攞獎之作。然後第一個前菜係花雕蛋白蒸龍躉球，蛋白白滑不在講，那個龍躉球每一啖都係彈性無比嘅肉，加上花雕的香，不得不讚。迷你干邑煎雞球煲才是高潮，加上干邑後，味道完全地揮發出來，雞肉不會過熟，保持滑嫩感覺。瑤柱蛋白炒飯炒得乾爽無水花，啖啖都吃得好開心，料又多，飯又粒粒靚。粵式甜品我選了蛋白杏仁茶，講真，以攞過米芝蓮嘅酒店來講，做呢啲甜品又點會有錯。六道菜每位港幣$268 ，吃得滿足又高興，另外加一服務費及菜芥，供應時間為每日中午12時至下午3時，推廣期至2020年6月30日。有興趣就要快訂位啦，同樣，蘇州過後無艇搭，呢排乜嘢酒店餐卷都已經售罄，呢啲offer可能好快都冇位。粵 北角城市花園道9號城市花園酒店1樓…查看更多

今天晚上到了粵，它是在城市花園酒店1樓，其實就是在buffet 綠茵閣 的另外一邊。今天沒有很多客人，可能疫症關係又在平日吧！不過見到其他枱的客人跟待應或經理很熟，大概很多人都會常來。本身也聽說過這間是米芝蓮recommended，試過一次之後，真的覺得很為這裏的廚師驕傲！😀我們二人點了很多道菜：1 釀焗蟹蓋芝士表層，內裏鮮味，十分好吃！2 雪紅莓影松露它是有三隻顏色的蛋白造成，白色、粉綠色、及淺茶紅色。上面有蝦及黑松露，非常特別！它也是在餐牌上有推介的。👍🏻3 龍井王熏雞外脆內軟，醬汁帶點甜味，很好吃。😃 10分高質素。4 蝦子野菌紅燒豆腐豆腐都是外脆內軟，雞髀菇冬菇及其他菇類也10分入味🤗🤗5 海鮮石鍋飯內裏的海鮮有時很多，帶子、鮑魚 也有不少塊！不過會比較濃味，帶點油膩感。6 蛋白杏仁茶很好吃，但味道偏甜服務很好，環境及衛生也不錯👍🏻 …查看更多

好多食肆都陸續推出優惠，在港島區上班的朋友又多一個選擇啦﹗因為「粵」首推午市點心半價優惠及6道菜點心午餐，剛巧要被迫放假，對自己好一點，以美食打敗負能量，我特別喜歡豬潤燒賣及X.O. 醬煎腸粉。豬潤燒賣  (港幣$32)  ，第一次吃這傳統點心呢﹗大塊爽脆豬潤，加上醬油等調味，口感味道極佳。X.O. 醬煎腸粉 (港幣$34)，就算放涼了也好軟熟，XO醬惹味又不太辣，美味﹗而6 道菜點心午餐$188 (另以加一服務費及菜芥)，菜式均以獨立位上，夠晒衛生。先來個精緻點心 (晶瑩鮮蝦餃、蟹皇燒賣、蠔皇叉燒包)之後是廚師老火湯，這天是栗子煲雞，濃郁清甜，滋陰養顏，保健脾胃。主菜是牛油紙豉油皇焗蝦球，還加上大蔥的香，非常惹味爽彈。一道惹味主菜後，換上金箔鮮菌釀銀盞清一清口腔，顏色配搭上很悅目，也盡顯冬瓜的清甜清新，讚﹗懷舊豉油皇炒麵，炒得好乾爽，條條分明，不會吃到滿口油膩，口感好好，超喜歡呢﹗午餐跟廚師精選甜品，但我想滋補下，另外散點了個椰汁燉桃膠 ($58)，勁足料，好味到暈﹗既然一場來到，當然要試試得奬肉餅啦﹗ 白翠紅玉藏珍地(HK$208)，在石鍋內放入滑溜的豬肉餅，之後在其上放上帶子粒、鵝肝粒及鹹蛋黃粒，準備吃之前，就弄穿分子料理的豉油，那鮮甜鹹香與滑溜感，真的讓人一試難忘﹗…查看更多

當各大酒店中菜廳把矛頭指向點心市場時，位於北角城市花園酒店的「粵」當然都不例外，午間除了提供商務午餐，亦有精選點心供應，而且只是半價，令大家多了選擇。「粵」不只一次曾奪米芝蓮一星的殊榮，已是信心的保證。一入酒店大堂已經要量度體溫，已是指定動作，自於中菜廳地方夠大，預留的座位空間是有多無少，而且一坐低，檯面已經有A4紙給客人擺放口罩，是是做足。既然只可以坐4個人，當然會依足規定，而餐廳亦作出相應安排。記憶所及，大菜食得多，食點心還是第一次，既然是半價，且看看質素。點心 粟米墨魚餅（$44）壓成薄片，煎得色澤金黃，幾香口，QQ彈牙的口感真好，若然加些少自家製XO醬食，就更惹味。豬膶燒賣（$32）豬膶啤水處理得相當好，毫無血腥味，咬落仲有點爽口，肉丸加入了蝦膠，吃起來更彈牙，細微處見功夫。XO醬炒腸粉（$34）正如朋友所講，從未見過如此工整的炒腸粉，加入彩椒令賣相更佳，個人認為XO醬可以更重手。醬皇蒸鳳爪（$27）不會炆到甩皮甩骨，醬汁又不會呈一舊舊，幾好。豉汁蒸排骨（$27）骨位反而不多，蒜香味恰到好處。薑粒雞包仔（$32）利用少許薑末來提鮮，雞肉亦覺嫩滑，包皮鬆軟有水準。白翠紅玉藏珍地賣相層次分明又亮麗，名字起得富有詩意，置面的豉油以份子料理方式泡製，中間白色的，原來是帶子加蝦膠打成了，爽彈又嫩滑，而肉餅部份亦不簡單，當中加鵝肝，成了矜貴版肉餅，用刀輕輕割開豉油，讓豉油滲入肉餅內，充滿了玩味，但又好啱送飯喎！商務午餐 BUSINESS SET LUNCH 整個套餐都是位上，確保衛生，這就是酒店餐廳的優惠，比貴少少都值得，至少買個安心。燒味雙拼 Barbecued meat platter 叉燒拼煙燻茶皇雞叉燒絕對有水準，鬆軟而有嚼口，富蜜味卻不會過份，用來送白飯最啱。至於茶皇雞選來了脾位，淡淡的茶香燻味，雞肉嫩滑到一個點。淮杞螺頭燉竹絲雞湯 Double-boiled sen whellk soup with Chinese herbs and silky fowl 朋友都知在下係湯怪，真係無湯不歡。原盅燉湯火喉同用料十足，沒有不好喝的道理，湯底清澈，入口甘香醇厚，舌底生津，但要小心，因為實在好熱。花雕蛋白蒸龍躉球 Steamed giant garoupa fillet with egg white and Hua Diao wine 蛋白蒸得剛好，質地輕盈，加上淡淡的酒香，放上蒸得緊熟龍躉球，沒有討厭的魚腥味，的確有水準，其實感覺上蛋白是更搶鏡。迷你干邑生煎雞球煲 Pan-fried chicken with cognac in clay pot 雞球先行煎香，然後用迷你鍋上檯，食之前澆上干邑，令雞肉帶酒香，加上蔥後蒜粒，真係好香口，不過雞肉似乎偏鹹。瑤柱蛋白炒飯 Fried rice with conpoy and egg white 炒得好乾身，沒多餘的油份，見功夫，陣陣蛋白香氣，放上少許炸過的瑤柱絲口感更佳，小小的一碗，大大的滿足。粤式甜品 Dessert 鮮奶燉桃膠雖然近月在戒甜中，但都忍不住喝多了，桃膠質地滑溜，芳香馥郁，好滋補。 每位$268 per person（以上菜式均獨立位上） …查看更多

通常返工食飯，都好少選擇飲茶，特別係好似我呢啲得一個鐘頭食飯嘅打工仔，要飲茶，太奢侈了。不過近期唔同嘅餐廳都出減價戰，北角城市花園嘅酒店都加入左戰場，粵推出嘅係半價點心，一籠最多廿幾蚊到四十幾不等。平時得一個鐘食飯，一定唔會去飲茶，因為根本唔夠時間，但呢個價錢咁吸引，真係唔去試吓都對唔住自己。不過好彩就算星期六日都有，如果唔想趕頭趕命，可以週末去食。想知有啲咩食可以睇吓呢條link:https://sino-hotels-prod.azureedge.net/cmsstorage/sinohotels/media/cgh/dining/yue/lunch-menu_1.pdf最推介係豬潤燒賣，呢啲手工心機菜式，都係咁平就好抵食，粒燒賣大到不得了，豬潤令我想起漢記水準。薑粒雞包仔只係$32，但係我吃過最好嘅雞包仔，個味勁薑，雞肉和薑粒粒粒性格鮮明，大推。 醬皇蒸鳳爪同豉汁蒸排骨，都係水準以上嘅作品。另外都好喜歡粟米墨魚餅，墨魚滿載又足料。最後好鍾意個XO醬煎腸粉，平時你係米芝蓮嘅酒店餐廳食呢個點心冇五六十都唔使落樓，而家$34，仲要擺盤勁靚，想點。有興趣嘅就快啲訂啦，聽講好爆，好多人就算一個鐘食飯都會嚟飲個快茶，住北角或者係北角工作嘅朋友仔，心動不如行動啦。粵  北角城市花園道9號城市花園酒店1樓…查看更多

限聚令之下，餐飲食肆更加難做，那管你食物好吃得飛天，或是米芝蓮幾多粒星星，都係度捱緊。推出超筍優惠，係無辦法之下的辦法，很多酒店餐廳也在做。北角城市花園酒店中菜廳都唔例外，商務午餐好抵食，足以飽到上心口，另外有十幾款點心半價，其實唔知應該開心定悲哀。          日子點困難都好，飯仍是要吃，就來享受下優惠。除了商務午餐，還點了幾款點心，盡情發洩下。XO醬煎腸粉，成品香口惹味，腸粉軟熟唔會死實實，自家製作的XO醬當然功不可沒。另外柯打的墨魚餅，彈牙鮮味，重點是混入了不少粟米粒，口感更豐富。多年沒吃過的懷舊點心豬潤燒賣，能在此重溫真係好幸福。豬潤粉嫩，沒半點腥，加上足料的燒賣，不錯吃的。接著是商務套餐的菜色，打頭陣的是燒味雙拼，可自選兩款，我就挑了叉燒拼雞。叉燒看上去是偏瘦，但入口鬆化，雞肉滲出陣陣燻香，蠻有水準。話晒係抗疫時期，午市套餐自然不乏湯水，給大家滋補下。是日的螺頭燉竹絲雞，湯頭非常熱燙，岩晒筆者心水，我始終覺得飲湯一定要夠熱。再者，啖湯也是十分清甜，畢竟酒店的出品，自是有信心保証。喝過湯後，寧舍舒服。再來就是兩款注入酒香的菜色，先係花雕蛋白蒸龍躉球，酒香結合細滑的蛋白，呢味餸唔使問都知好食，龍躉球的口感也從來是我杯茶。之後的干邑生煎雞球，上桌時店員才倒入干邑，好容易令人產生少少醉意，繼而唔知會唔會發生...以石鍋上的肉餅，頂面之球體是以份子料理概念打造而成的豉油，吃時將之破穿，讓汁液滲進肉餅上便成，好有趣，而且熱呼呼的也挺好吃。瑤柱蛋白炒飯，炒得乾身爽口，常說簡單的炒飯最易看出師傅功架。最後整碗杏仁茶甜一甜，作個幸福結尾，原來有豆腐墊底，雙重口感，師傅真有心思。大家努力，捱過呢一關吧！會過去的~…查看更多

喺港島區返工嘅我喱期晏晝揾食都小心咗，唔敢亂去茶記食晏又唔想成日買上車食飯盒咁頹，所以都多咗留意酒店啲午市有冇抵食嘅午餐，比我揾到城市花園酒店嘅粵中菜廳有個套餐幾抵食！喱日就走咗去嘆咗個豐富午餐。 去酒店食有位泊車之餘防疫又做得足，食餐晏仔飽肚得嚟又放心啲吖嘛！ 喱日啱啱好4個人食仲可以而試埋半價點心，叫咗懷舊的豬膶燒賣、粟米墨魚餅同埋XO醬煎腸粉，豬膶夠濃香又軟滑下面啲燒賣好大舊仲有好多蝦肉喺入面好鬼豐滿。 粟米墨魚餅煎得香口而且都幾彈牙唔錯！ XO醬煎腸粉煎得夠香最緊要個XO醬唔太辣好啱我口味。 另外叫咗商務午餐只要＄268一個人就有6個菜好鬼豐富啫！首先嚟嘅係燒味雙拼可以自己揀鍾情嘅燒味，我就要咗蜜汁叉燒同埋龍井茶皇燻雞，叉燒食落好鬆軟味道都好好，不過茶皇燻雞就更省鏡，雞肉滑嘟嘟又燻得夠香真係正到爆。 食完燒味喱個時侯嚟一盅淮杞螺頭燉竹絲雞湯，見到入面仲有我至鍾意嘅蟲草花，嗰湯夠晒熱辣辣仲好香好甜夠晒火喉。 第三味係花雕蛋白蒸龍躉球，蛋白蒸到豬膏都冇咁滑，仲有香到不知得了嘅花雕洒香味真係引死人呀！龍躉球大大件又嫩口尤其啲魚皮位好鬼煙韌口感勁正。 之後喱味迷你干邑生煎雞球煲就啱晒我喱個洒鬼，開蓋後即刻加入干邑香味即昇起，煲入面有兩大件雞球新鮮又厚肉一個人食啱啱好。 套餐最後仲有個瑤柱蛋白炒飯包我夠飽，飯炒得好乾身一啲都唔油，仲有唔少炸香咗嘅瑤柱令到嗰飯口感更正斗。 聽聞喱道有個招牌攞獎菜叫白翠紅玉藏珍地一場嚟到冇理由唔叫嚟食啩！個名就好鬼有詩意喇但究竟又係乜東東呢？原來白翠即係帶子紅玉係鵝肝，加入鵝肝做成肉餅再喺面頭放一層帶子！ 然後放喺燒熱嘅石鍋裡頭上面仲有一個豉油汁波，拮穿後啲豉油流落熱鍋時就會造成煙霧嘅效果，視覺上好正之外仲好好味嫁。 最後甜品額外叫多咗椰汁燉桃膠同西施杏仁茶嚟嘆，一個椰香撲鼻一個滑溜可人真係好想左擁右抱呀！好彩有人肯同我兩份食令我可享齊甜之福呢嘿嘿.........  粵 YUÈ                                                                                                                                                                                                                                                                                                                     地址：北角城市花園道9號城市花園酒店1樓                                                                                                                                                                                                                               電話號碼：28064918…查看更多

這天在城市花園酒店跟久未見面的好友吃飯，這頓恰好4人一同到粵品嚐美饌，在難得的環境下好好相聚一刻多美好！酒店的防疫措施做得相當之足夠，步入酒店大門已有員工為客人量體溫和酒精搓手液供應，到粵的招待處亦加上膠牌盡量避免飛沐接觸，坐下來侍應隨即送上A4紙供存放口罩，加上不止1.5米的檯距絕對令我吃得超放心。 而粵亦推出了10多款點心半價優惠低至＄27起已可品嚐得到，我們亦點來三款解饞第一款是懷舊的豬膶燒賣＄32(原價＄63)，小時候最怕吃豬膶燒賣因為我覺得豬膶鞋烚烚好難食！原來弄得好是那麼粉淋甘香好像這兒的超水準出品，加上鮮爽滿滿的足料燒賣這＄32物超所值。 第二款是份量不少的粟米墨魚餅＄44(原價＄88)，彈牙鮮味的墨魚餅內充斥新鮮的粟米粒，吃下口感非常充實好滿足耶！ 最後一款是XO醬煎腸粉＄34(原價＄68)，炒得相當軟熟又香口的腸粉好惹味，用上自家的香辣XO醬絕對是此品的亮點。 這天主要來品嚐6道菜的豐富商務午餐＄268/位，如不想吃套餐選主餐牌菜式也有75折優惠啊！先來品嚐第一道燒味雙拼我們選了蜜汁叉燒拼龍井茶皇燻雞。  蜜汁叉燒不太肥但吃下口感豐腴蜜味香甜質素上佳，而龍井茶皇燻雞則香氣撲鼻煙燻味至入骨加上嫩滑肉地很是吸引。 吃罷高質的頭盤後侍應端來一盅淮杞螺頭燉竹絲雞湯，揭盅一看內裡足料得可以加上湯色濃郁未喝已經感受到那份誠意。 燉湯料有淮山、杞子、螺頭、蟲草花及竹絲雞，全部都是滋潤補身的好材料，呷一口熱騰騰濃香的燉湯身心俱暖到要即時開大點冷氣才行呢哈哈.......... 接下來兩道菜也是酒香四射之菜式，先上檯是賣相清麗的花雕蛋白蒸龍躉球，雪白的蛋白以花雕作伴吃下香滑之餘更散發著幽幽酒香引人入勝，厚肉的龍躉球亦蒸得恰到好處啖啖肉的吃下太爽皮了！ 接力的是迷你干邑生煎雞球煲上檯時才加入白蘭地，那酒香散發於室內令我這酒鬼酒意大發呢！肉厚的雞件經過香煎加上干邑那香氣非凡，嗜酒的朋友必定十分受落，別放過那些香噴噴的料頭啊絕不比雞球遜色喔！ 主食是瑤柱蛋白炒飯炒至粒粒爽彈不油口感超讚，貪吃的我們見有炒飯忍不住另外點來一客得獎菜白翠紅玉藏珍地佐飯吃。 雪嶺紅梅映松露已嚐過今次就來品嚐白翠紅玉藏珍地吧！白翠乃帶子、紅玉則是以紅酒浸泡過的鵝肝，混入紅玉一層白翠的肉餅置於燒熱石鍋之內，在肉餅上放了一隻分子料理的汁蛋吃時剌刺破，汁液流於熱鍋中造成煙霧迷漫的效果成件事便色香味俱全！ 套餐中配有粵式甜品不過我更外這客單點滋潤的椰汁燉桃膠，清甜不膩的椰汁配有平民燕窩之稱的桃膠太合襯了！ 車爸爸則自選了西施杏仁茶西施乃墊有豆腐底也，然後將杏仁茶撞上去滑溜豆腐底中，一個甜品帶出雙重口感很盞呢！這天一别又不知何時再重聚，好友們一定要加油和保重喔！ …查看更多

😋北角城市花園 "粵"， 點心半價好抵食👍高CP: 圍起每人大概食左100蚊多啲 都係貴平時飲茶少少●●●●●●點心全部無味精 最推薦係:🍑$25超值栗茸西米焗布丁 奶味香濃 唔會太甜🍑同腐皮卷 唔會有太油膩嘅感覺 內餡豐富有口感----------------------------最唔推薦: 😭蝦餃 個皮完全無煙un感 應該淨用登麵 不過5會太鹹 好明顯無落味精 但蝦肉口感欠奉 5夠彈牙○○○○○○○○○○…查看更多

今日老豆生日請佢嚟城市花園酒店入面嘅”粵”飲茶見到佢由13/3/2020至30/4/2020其間做緊優惠部分點心有半價優惠脆皮素鵝 (半價 $44)屋企人都好鐘意食素鵝佢依到嘅素鵝煎得好脆入面有好多餡香煎肉末虎皮椒 (半價 $44)虎皮椒唔會好辣味道正正常常七味脆皮豆腐 (半價 $44)豆腐岩岩炸起熱辣辣滑捋捋  夠調味豬潤燒賣 (半價 $32)豬潤係厚切嘅栗子茸西米焗布甸 (半價 $29)我哋一至認為甜品係最好味嘅入面有好多栗子茸唔會太甜點心拼盤 ($68)有蝦餃 燒賣 粉果 同叉燒包蝦餃 燒賣 粉果都好細粒蝦餃皮唔薄唔符合酒店質素香脆拼盤 ($58)有咸水角 脆皮菠蘿包 同春卷咸水角個皮好軟好好食菠蘿包入面真係有菠蘿總括然而 點心質素中上 環境舒適4個人埋單600幾蚊有優惠可以嚟試下…查看更多