影片
以上資料只供參考, 請與餐廳確認詳情
個晚唔知食咩好，咁啱經過呢度，又好肚餓，所以就入左去食。店入唔算好乾淨，不過都接受到。我地叫左兩個飯(一個白切雞飯，另一個鮮茄雞排焗飯)同一碟唐生菜。個白切雞飯乾得可憐，啲雞又“鞋”又無味，如果唔係啲薑蓉有咸味的話，我會覺得自己失去左味覺囉。老公個焗飯都唔太好食，啲飯好乾，汁唔太好味。我試左啖，比我個飯有味，不過我唔會用好食嚟形容。最好笑個菜，食食下食到粒發泡膠出嚟😓😓😓好彩無食落肚咋。以後有幾餓都唔會再去食。
繼續閱讀
約咗朋友但又唔係好餓，除咗坐Cafe, 可以考慮去飲茶食個包😂 係西鐵站一出嚟就見到粵廚點心，呢期無晒大陸人，間間餐廳都好舒適🙈3大1小叫咗6個點心，連茶錢$210叫咗鳳爪排骨飯，足料，不過飯唔係好香，合格豆沙煎堆仔，好熱，但感覺似係叮完上枱... 味道不錯糯米雞，足料，飯口感幾好，$36有d 貴😅藥膳鳳爪，夠晒入味，真抵讚脆皮焗叉燒包，不過不失，皮唔脆...鮮竹卷，ok好味，合格整體嚟講，質素唔錯，但收費就唔係好抵🙈🙈
繼續閱讀
今日想去食下點心，先發現原來呢間粵廚點心係同香港仔魚蛋粉係朋友，入面menu 除咗點心，都有粉麵。燒汁雞扒大碗飯睇相好吸引，即刻忍唔住叫，不過嚟到係有少少失望，無相片咁澎湃。話雖如此，個燒汁雞扒係唔錯，如果厚身少少會更好，飯汁亦可加多少少。流沙奶皇包點心係即叫即蒸，上桌熱辣辣，奶皇好有蛋黃香，亦好流沙，食到差啲漏奶皇，哈哈。牛肉球都係熱辣辣！呢個牛肉球比較特別，係混合咗生菜嘅，都幾有牛肉味。唯一覺得有啲貴，係呢度會收5蚊茶錢。
繼續閱讀
老實講一開始佢畀我嘅感覺都幾好 價格略貴 嘢食嘅質素唔差 叫左蝦餃 春卷 牛肉球等正常點心舖必備嘅點心 整體而言都唔錯我台灣朋友陪我一齊食 佢都幾鍾意呢間嘢嘅嘢食 認為呢間嘢都幾好食 可惜最後我哋加點左 雞球大包 見到佢哋話推薦嘅 都有返啲期待 點知道佢出嚟竟然係凍嘅 最後佢地雖然蒸熱返畀我哋 但係呢點真係臨尾香 完全毀咗之前佢畀我嘅感覺我認為一間食肆整個熱嘅熟嘅食物畀客人點都係必須嘅 而呢店卻做唔到呢一點 總體評價:一般 食物味道唔錯 然而可以再做得好啲
繼續閱讀
11點幾同外國frd行過佢地未食早餐、肚餓就入去食試下香煎蘿蔔糕出到黎係又淋又濕唔知點黎叫香煎腸粉唔滑脆皮叉燒包唔夠脆奶黃包皮厚叉燒包還可以，多汁啲好食啲係得隻糯米雞先正常，不過餡肉係碎肉，仲有蛋黃、冬菇等等唔會返食
繼續閱讀