米線芳華

營業中

休息中

人氣米線火鍋｜湯底濃到飲晒都唔夠！今次去咗官塘偉業街嘅「米線芳華」，主打自家熬製湯底同新鮮食材，真係好有水準！餐廳環境舒服，位夠闊落，坐得輕鬆，一個人食定同朋友嚟都好正～ᴡʜᴀᴛ ᴡᴇ ᴏʀᴅᴇʀᴇᴅ我哋叫咗兩個火鍋湯底，加咗嫩滑雞件同火鍋拼盤，食完飽到飛起！✨ 胡椒豬肚雞湯配烏冬
胡椒豬肚雞湯一嚟到已經滾緊，熱氣撲鼻，香到不得了！湯底胡椒味好濃但唔嗆，飲落暖胃又順喉，豬肚煮得軟腍入味，雞湯鮮甜到你會忍唔住一啖接一啖咁飲。我哋試過淨飲幾啖湯先，真係正到爆！配上烏冬，索滿濃湯，咬落好有口感，滿足感爆棚～✨ 藥膳濃雞湯配薯粉
藥膳濃雞湯同樣嚟到時滾緊，湯色濃郁，聞到陣陣中藥香，飲落溫補又唔會膩。湯底熬得好入味，雞湯嘅鮮甜好突出，滾咗一陣仲要再飲多幾啖先夠喉。薯粉軟糯滑口，吸晒啲湯汁，食落暖笠笠好舒服，啱晒想養生嘅朋友！✨ 嫩滑雞件
嫩滑雞件煮熟咗之後，雞肉嫩到入口即化，超多汁，鮮甜味滲入湯底，食落真係一流～✨ 火鍋拼盤
火鍋拼盤料多到誇張！有金菇、冬菇、新鮮蔬菜、響鈴、魚腐，仲有幾粒丸，份量十足，食完超級飽肚！每樣食材都好新鮮，煮完湯底仲有濃濃嘅鮮味。店員好貼心，見我哋湯少咗就即刻走過嚟幫

觀塘新開左間米線店 但可以變身一人靚湯鍋！芳華靚湯鍋－匙柄 $134我選擇了花膠濃雞湯作為湯底，這款湯底味道濃郁，好養生滋潤 有紅棗杞子花膠等！搭配的米線吸收了湯底的精華，每一口都十分滿足。火鍋拼盤都多款 有菜有丸！好彈牙～仲有牛肉都係手切 不錯不錯！熱柑桔茶的味道清新，特別適合火鍋的重口味，幫助平衡口感。而大漠孜然雞翼的香氣四溢，外皮酥脆! 招牌花膠春卷的口感輕盈，內餡豐富，搭配的醬汁更是增添了風味。最後，爆漿紅糖慈粑的甜蜜滋味，讓整頓飯在甜點中劃上完美的句號。米線芳華 (觀塘)觀塘偉業街180號Two Harbour Square地下F&B1號舖

餐廳裝修光猛，乾淨企理，坐位很舒服，以米線為主打，有多款米線同小食飲品可供選擇，仲有一人火鍋，採用QR code落單，十分方便。招牌花膠濃湯雞鍋米線用料豐富，雞肉嫩滑無骨，啖啖肉，花膠好足料，充滿骨膠原，湯底濃郁鮮甜，有蟲草花、紅棗等配料，仲可以配飯、薯粉、烏冬線、菜底等，食完可以連湯都飲埋，真係有驚喜。靚湯鍋，有多款湯底，肉類選擇也很多，有新鮮直送的潮汕手切吊龍、匙柄、肥拼(腹肉)及殼飼肥牛，嫩滑雞件等，我地揀了豬骨香茜湯、匙柄，牛肉味濃，只需淥幾秒，肉質非常鲜嫩可口，入口即化，非常滿足。附送的火鍋拼盤有墨魚丸、魚片頭、牛丸、魚皮餃、響鈴、豆卜、娃娃菜、冬菇、金菇、蘿蔔片，用料豐富，仲送埋飲品，好味又抵食。#米線芳華 #觀塘美食 #花膠濃湯雞鍋米線 #一人一鍋

平時食米線，一定係食麻辣，雖然好爽，但係重油重鹽，對身體有負擔唔健康，今次朋友推薦呢間健康米線😋果然冇介紹錯呢間米線除咗平時既麻辣同蕃茄湯底之外，仲有一個濃湯系列，當日我叫咗佢地個招牌花膠蟲草花濃湯雞米線，上菜一刻比佢個size震撼到🥹花膠每片都唔細，有3-4片，而雞都好嫩滑，覺得有啲似海南雞飯既雞，整體份量都好大❗️另外有好多小食都好吸引，但第一次食都係試左招牌花膠春卷先，原來係墨魚春卷入面有啲花膠粒跟埋個醬😋孜然雞翼就冇另一間連鎖米線咁重口味，比較Juice ~麻辣涼拌豬耳好有咬口，夠麻辣味亦都好香👍🏻重點❗️要試佢既楊枝金露😍因為你唔會估到一間米線舖既飲品/甜品都咁有驚喜😆

每次黎觀塘都會發現唔少新餐廳呢日落雨又凍，朋友就過黎試下呢間米線店內環境乾淨舒服，用掃QR Code 自助落單藥膳雞鍋米線 (可配飯/薯粉/烏冬)陣陣藥膳香味都幾足料有紹菜，黨參，當歸，紅棗，杞子，雞湯底濃郁唔油膩用上鮮三黄雞湯底，特別嫩滑 米線吸收左湯底精華，可以連個湯都飲埋食完碗麵成身暖笠笠朋友叫左碗胡椒豬肚雞米線都豐富辣辣地又夠開胃巴蜀涼拌皮蛋 酸酸辣辣，蒜香味濃，幾惹味五味拼盤(小）有炸墨魚棗，炸魚片頭，炸鮮蝦丸，招牌花膠春卷，紅糖糍粑炸得金黃食落唔油膩，個人推薦花膠春卷

這間米線店位於觀塘和牛頭角之間，地點上還算方便，這天和朋友一同前來好好享受一番。蕃茄濃湯米線配蘿蔔和招牌花膠春卷（章魚肉，花膠），湯底濃郁，蕃茄味重，配搭米線，十分健康，入口清新，配菜方面挑選了蘿蔔和招牌花膠春卷，蘿蔔經過長時間烹調，軟腍腍的口感。客家黃酒雞米線（配有紹菜，金針，紅棗，杞子，雲耳，無骨雞）加配醬油溏心蛋和招牌花膠春卷，客家黃酒湯底，暖胃之選，味道不錯。麻椒脆炸雞翼，外皮香脆可口，內裏肉汁豐富，入口帶點香麻的感覺，真不錯。

米線芳華觀塘two harbour square 地下餐廳燈光非常光猛，座位又寬敞，坐得舒適，職員從非常友善，一坐低已經放低兩杯暖水，餐廳掃QR code自助落單方便快捷，食物材料仲非常足料，平靚正 招牌花膠濃湯雞鍋米線$78湯底用咗花膠同雞煮成的，職員一放低已聞到雞既香氣，花膠仲要有幾件，份量相當多，雞肉質保持嫩滑，米線吸收湯底精華，仲有好香濃嘅蟲草花味，淡淡都非常惹味，飲起嚟仲好滑順，口感細膩，滋補養生，配菜有紅棗杞子花膠雞同埋紹菜相當足料，米線嘅軟硬度適中，煮到啱啱好，又唔會太淋小窩米線好多配菜可以選擇花膠春卷，炸到外脆內軟，夠晒惹味，湯底仲有好香濃嘅麻辣味，美味嘅辣容易入口豆卜仲吸收晒湯底嘅精華，糖心蛋一咬開蛋黃就流出蛋黃汁，烹調時間調校到啱啱好,肥牛唔會太肥，肉同埋脂肪比較平均，容易入口加$3飲埋杯凍冰冰，香噴噴嘅檸檬茶，非常滿足，會再來幫襯

.今日去咗觀塘拍嘢‼️拍完嘢要relax吓對自己好啲🤭食我最鍾意嘅米線🤪米線芳華是一家位於香港觀塘的滇菜餐廳，主打雲南米線和濃湯雞鍋。餐廳環境簡潔明亮，座位寬敞‼️招牌花膠濃湯雞鍋米線 🌟✨必食推介！膠質爆燈💡一上枱就聞到超香🐔湯味！飲第一啖湯直頭「哇😍」出聲——濃到好似飲緊骨膠原精華💦，花膠厚到有🖐️手指公咁大件，咬落去軟淋淋又彈牙🤤！米線吸晒湯汁🍜，滑捋捋咁「嗦」一聲吸入口，雞肉燉到一夾就散🍗，完全唔鞋口桂圓雪梨茶 🍐☕️ 熱辣辣♨️捧住杯茶，聞到桂圓嘅甜香🍯同雪梨嘅fresh🍐！飲落微甜唔膩喉，喉嚨乾到着火🔥嘅時候飲真係救星🌟大漠孜然雞翼 🌶️🔥一上枱就聞到超香孜然味🌾，似足街邊燒烤檔🍢嘅風味！雞翼炸到金黃色💛，皮脆到「咔嚓」聲📢，咬開仲有肉汁💦爆出嚟紅糖慈粑 🍡🍯 外皮煎到微焦🔥，咬落脆卜卜，入面麻糬拉絲拉到半米長🧶！紅糖漿甜得嚟帶焦香🍮，仲有啲花生碎🥜增加口感花膠春卷 🌯💣諗住「哇花膠春卷咁浮誇？！」🤯 一咬落去脆到似食玻璃紙📦，入面有啲滑捋捋嘅花膠絲同蔬菜🥕蒜泥白肉 🧄🥩五花肉切到薄到透光🔪，肥瘦層次分明🌈！蒜泥醬多到淹沒啲肉🌊，辣油🌶️+醋🍶嘅比例啱啱好，食落酸辣惹味，仲有啲芝麻香👃📍

同事生日，她話吃得簡單就滿足，粥粉麵飯都可以，最後揀了間主打米線店。店子環境舒適溫馨，裝修簡約，燈光柔和，感覺很輕鬆，很適合好友小聚。除了主打濃湯米線外，還有過橋米線、小窩米線自己配、靚湯鍋、小食、特飲等選擇。******************************同事要招牌花膠蟲草花濃湯雞（$78），湯頭濃郁鮮美，配上甜美的紅棗和杞子，很滋補，女士恩物。米線滑溜；無骨雞肉非常鮮嫩；花膠鮮香爽滑；紹菜清爽鮮嫩；蟲草花爽口鮮香。整體來說，湯靚料正，推介！******************************我就點了羊肚菌藥膳雞轉菜底（$68+$3），湯底以黨參、當歸、紅棗和杞子藥材製作，滋補養生，味道甘香，但個人認爲再濃一點更吸引！無骨雞肉鮮嫩，連着黃油，很滑！矜貴的羊肚菌又爽又香；生菜清爽鮮嫩，有益健康之選。******************************每人加了隻醬油溏心蛋（$9/隻），蛋黃勁流心，好鮮香；蛋白鮮嫩入味，醬油的鹹香味剛好，用來配麵增添風味，正！******************************又加了份招牌花膠墨魚春卷（+$12），炸得金

米線通常都食開譚仔，不過耐唔耐都會試下啲小店，今次就試咗呢間米線芳華，見佢門口都幾精神。本身諗住食米線，但見到火鍋又好想食，所以轉咗食火鍋 😌 估唔到米線店都有火鍋食 😂 火鍋湯底有好幾款選擇，最後叫咗最貴嘅花膠濃雞湯。湯底估佢唔到咁足料，花膠夠哂大件，而且仲有我最愛嘅蟲草花 😍 好彩揀咗呢個。肉類分別叫咗吊龍、匙柄、普通肥牛三款比較吓，吊龍份量不算好多，不過一分錢一分貨，肉味真係最濃郁。火鍋拼盤都幾有誠意，有墨魚丸、魚片頭、牛丸、魚皮餃、響鈴、豆卜、娃娃菜、冬菇、金菇、蘿蔔片，而且仲可以揀飯、麵或者烏冬。誠意推介楊枝甘露，因為跟套餐呢個特飲只需加 $7 蚊，味道唔錯性價比非常高，埋單仲唔收一非常有良心。

今日難得off，一支公去咗觀塘偉業街嘅「米線芳華」試吓佢哋嘅火鍋set！位置喺Two Harbour Square地下，近地鐵站超方便～ ✨ **芳華靚火鍋** ($108) 我揀咗「牛吊龍拼盤」，配料超豐富：墨魚丸、牛肉丸、魚皮餃、炸腐皮、蘿蔔、娃娃菜…仲跟埋米線！湯底加$0揀咗**蕃茄濃湯**，酸甜開胃，啲丸類吸晒湯汁好正！吊龍肉質嫩滑，唔會韌，性價比高到嚇親～ ➕ **追加肥牛腹肉** ($38) 貪心加咗份肥牛，油脂分布均勻，淥兩淥就食得，配蕃茄湯底超夾！ ☕ **凍即磨咖啡** (+$3) 跟餐飲品加$3就有即磨咖啡，味道唔輸茶記，抵讚！

店舖裝修光猛簡潔，座位寛闊，一進店聞到胡椒豬肚雞香氣，決定點一碗試試胡椒豬肚雞鍋薯粉 $74先嘗一口湯，胡椒辣味香濃，豬肚軟嫩，去骨雞肉鮮甜，還有吸湯的娃娃菜和腐竹，我加$2點了薯粉，口感軟糯，好吃雞肉腩肉炸醬麻酸辣米線 $63麻酸辣味香濃惹味，酸味足，麻辣香，雞肉和腩肉大大件，不會切得很碎，保留口感，相當滿足涼拌豬耳（小） $25同樣份量足料，豬耳口感煙靭，涼拌麻辣好吃涼拌墨魚頭 $36墨魚頭口感十足，讓人一口接一口另外還有一人鍋，下次試試

一個人原來都可以盡興一個人都可以火鍋‼️嚟到米線芳華，試吓佢哋嘅一人鍋，材料好豐富🍜🍜招牌花膠濃湯雞鍋米線 ($78)湯底看起來十分誘人😍湯頭用花膠和雞熬煮成的，香氣濃郁，啖啖花膠好滋味，米線亦吸收了湯底精華；雞件亦保持到嫩滑💯（一人鍋）嫩滑雞件米線 ($78)雞肉切片相當嫩滑，口感細膩，搭配米線，大滿足🫶🏻配花膠濃雞湯 ($28)配花膠濃雞湯，飲起嚟滑順，配搭埋其他食材一齊吃味道更是提升唔少 🆙 火鍋拼盤現凡點選一人鍋送火鍋拼盤，讓整餐更加豐富。

觀塘 |米線芳華 觀塘出名多美食‼️ 過嚟經常會發現寶藏餐廳，近日發現Two Harbour Square開咗間主打米線嘅小店，一於過嚟試下先💫 店內環境光猛整潔，以掃QR Code 自助落單，方便快捷，當然，有需要可以搵店員幫手，絕對樂意效勞💫 店內主打招牌花膠蟲草花濃雞湯米線，湯底入口香濃，花膠和雞件份量都好多 米線吸收左湯底精華，絕對食唔停口，可以連個湯都飲埋嘅米線🍜 除咗米線之外，亦有不同小食及飲品提供，非常多元化💫 🍜招牌花膠蟲草花濃湯雞 $83呢碗朋友揀，配料非常多，紹菜、紅棗、杞子、花膠、無骨雞，除咗米線可以改配其他，我地改左稻庭烏冬，仲可以揀腍身定爽口，非常貼心，入口真係有大大舊花膠，湯底濃郁唔油膩，無骨雞啱懶人🤣 🍜客家黃酒雞 $73我就想試吓黃酒雞，好似好補身，近日辛苦，放上枱已經有陣陣酒香，入口湯底好有平日屋企煮雞酒果種味，配料有紹菜、金針、紅棗、杞子、雲耳、無骨雞，有紅棗同杞子啖湯好好飲😌 加$5 試爽口稻庭烏冬😉🍹楊枝甘露 $13 🍹洛神花山楂烏梅梳打 $13跟餐配飲品，試左兩款，楊枝甘露唔會太甜，足料；洛神花山楂烏梅梳打酸酸甜甜，啱我食滯嘅飲，飲

📍做完運動經過觀塘海濱公園附近，發現有間米線店叫米線芳華，主打靚湯而平民價的米線店🍜，相信在工廠區會好受上班一族歡迎～  🍜花膠蟲草花濃湯雞米線，奶白湯底，花膠多厚身彈牙，女仕可以補充骨膠原，雞是用三黃雞好嫩滑，湯渨好味到連個湯到飲埋，可配飯/薯粉/烏冬架～ 🍜客家黃酒雞米線，酒香撲鼻唔搶喉，配料有金針雲耳紅棗杞子同紹菜，米線吸引哂湯汁既精華～  花膠春卷 : 咬開脆皮爆出滿滿膠質Q彈  爆漿紅糖糍杷：熱辣辣紅糖流心楊枝甘露：芒果肉超多，飯後一碗解膩  🔥 餐廳另外有特色一人火煱可選擇，有潮汕手切牛肉，部位有吊龍、匙柄同腹肉。👉🏻 總括米線芳華湯底濃，雞滑料足，每一口充滿滿足感，價錢合理，整潔干淨，觀塘又有新選擇。 📌 米線芳華 觀塘偉業街180號Two Harbour Square地下