米線營 (已結業)

今日去開長沙灣，行過見到呢間食米線嘅地方，燈夠光猛，座位幾闊落，就入去試吓。望到呢個超值午餐餐牌，就決定食肥牛鮮菇米線，我就加＄5轉稻庭烏冬 牛肉少，啱晒唔太肚餓嘅我，稻庭烏冬真係好滑好正😍餐飲就叫咗熱咖啡，不過不失啦。會再幫襯因為價錢大眾化，味道亦唔錯。…查看更多

附近返學，經過商場，突然想食湯麵類既野，就決定食尼間，好似唔錯。感覺似米線陣，但又好似唔係。我見到有紫菜鮮蝦雲吞墨丸河下午茶就試下黎食。感覺好好味。:)鮮蝦雲吞唔錯呀～好多蝦肉，墨丸就見仁見智，但d米線口感，我覺得岩岩好，幾好食。整體碗米線好好食，唔錯。（佢有得選湯或底，我叫左清湯，因為紫菜好似同清湯夾d，其他湯底好似唔多夾，所以先叫清湯）另外有杯野飲送，我就叫左杯熱檸水，我覺得幾甜又唔酸，杯飲品不錯呀～下次會再幫襯^^…查看更多

天氣熱較想食湯米,於是首次幫襯呢間米線店,想試下新嘢,唔再係乜哥乜仔米線,午飯時候坐位緊迫,甚至要等位,口淡淡叫了個口水雞米線,皆因辣辣地開胃些,套餐連飲品約45元。這價錢,出品,環境,及服務在繁忙時間幫襯是不錯選擇。…查看更多

米線在本區紮「營」已年多，街坊口碑不佳，未曾見客滿，與樓上的大家樂有雲泥之別。其實只是作為經營平民粉麵店試點，為何不把兩舖組成連鎖，把快餐店客源分流至新店?為探索米線 「陣」，我決定入「營」考察。入門頓覺冷氣陣陣，十分暢快。下午茶市，只有幾檯客。格局清新，主題牆是深水埔地圖，用藝術手法繪圖，右邊突出電腦商場，左方標示此店準確位置。用英文列明建築物名稱，感覺此店走新派粉麵路線。「營」是解讀為營養，可理解為走健康路線。細看「開飯寶典」的資料，「陣」是川菜系，「營」是滇（雲南）菜系。唯檢視餐牌，「陣」中有擔擔麵，醇醋酸辣，刴椒麻辣米線， 「營」內同樣有上述湯底，未有突出菇菌米線等雲南風格。為比較 「陣」「營」食品質素，同樣點選香菜濃湯米線。此店現在大減價，把價格降至29元。香菜濃湯的食材指定是魚蛋，魚腐，松葉蟹棒。喝了一口湯，嘩! 淡了一倍，質素不合格，魚蛋等食材則與「陣」分別不大，甚至是貨源一樣。其次要試四川擔擔麵湯底，食材同樣是魚蛋，魚腐，松葉蟹棒，湯底尚可，與「陣」同類出品水準很相近，有香濃花生味。只是跟餐飲品大有不同，沒有豆漿，我喝了凍青檸薏米水。淡淡的，青檸太薄太小片。最後，兩店均在店外展示皇牌套餐，有貴價米線，小食，貴價飲品，三結合。兩店款式相同，只是「陣」較貴，「營」較廉宜。總括而言，「陣」質素較佳，「營」標榜新派，健康，平民，食物質素則參差，欠佳。…查看更多

睇唔到GD演唱會，諗住去食韓國菜補返數，點知朋友喉嚨痛，咁冇計啦，唯有食啲清淡野，去咗米線營。鋪頭裝修都幾光猛，樓底高所以空間感幾好，中間有幾張大枱自己揀位坐。選擇都幾多，有午餐包飲品，或者單點冇飲品都有，任你點揀呀。鮮茄手打豬肉丸蟹棒米線＄46米線都幾大碗，蕃茄夠新鮮，湯底酸酸甜甜，蟹柳冇乜冰鮮味，而且幾大條，最好食嘅係個豬肉丸，唔係機制嗰款，真係似手打，夠爽口彈牙，米線軟硬度剛好，凍飲加左一蚊，都叫做抵食。濃茄雞脾肉蟹棒烏冬＄42呢個就一般，雞俾肉好鞋口，雖然話係濃茄，但同我個番茄湯底差唔多，烏冬似係讚岐烏冬嗰種扁款，最搞笑嘅係入邊有兩舊油炸鬼，真係新奇又刺激。…查看更多

肚仔餓，走咗去米線型去食特盛米線。個價錢$52。個米線有雞翼、金菇、魚片、肉丸等。個米線好彈牙。雞翼好嫩口。肉丸用豬肉造。好新鮮。個魚片好鮮嫩。好大碗。好抵食。…查看更多

無人煮飯既夜晚本來係想食另一間米線但無開到叫左酸辣湯底湯底好好味既係, 不過面太少.....根本唔夠飽加埋野飲已經(36$) 不過不失咁啦... 全靠個湯底希望可以大碗返小小同埋等外賣等左15分鐘.... …查看更多

女朋友今晚又ot我唯有食自己 之前食過幾抵食特登再去 有個套餐$68 包一碗麵一個小食同一杯野飲 我叫左麻辣蕃茄肥牛魚腐米線+醉雞翼+青瓜豆漿 個米線既湯底好好味 唔太辣仲有啲新鮮蕃茄蓉 米線軟硬度適中 唔會好似上次咁一上枱就已經變到好似糊仔一pat野咁 啲醉雞翼味道OK 有酒味但可以再濃啲 不過呢雞翼雪得太硬喇 筷子篤入去都篤唔到..而青瓜豆漿簡直係冒險新嘗試 係有粒粒青瓜口感 甜甜地 青瓜夾豆漿聽落怪怪地 飲落又幾清新味道都唔差既但都係試一次就夠😂…查看更多

今日因為工作關係去咗長沙灣元洲邨個邊，人生路不熟，見到呢間嘢就走咗入去。雖然呢間係派嘅米線舖，但係食落去又有另一翻風味，我叫咗個雙餸米線套餐（魚腐+雪菜肉絲）之後加咗1蚊雞轉咗咗個蕃茄湯，黎到個時見到個湯底唔係好似出面某d餐廳甘稀，但又唔會過傑，岩岩適中，而且湯上面仲有蕃茄溶，唔係求其加d色落去，一啖蕃茄一啖米線，真係好正啊！配上爽滑嘅米線簡直係夾到爆啊。。。。而且又座得舒服唔會好似出面個d米線舖甘迫下迫下，個地又唔會滑嘟嘟。…查看更多

今日第一次去米線營食早餐，大約9點半，唔係太多人，佢早餐都幾多選擇，而且價錢好抵。媽媽叫左個蕃茄通粉配腸蛋加餐包，正正常常。我要強調既係我個碗雞脾肉火腿通粉，好大碗，而且至少有4-5舊雞脾肉，仲舊舊都唔細，食完真係會好飽，啲雞脾肉都好好食，包埋野飲都係廿蚊有找，好正。…查看更多

今日屋企冇人煮飯，落咗米線營買外賣。叫咗個口水雞米線，侍應主動問我走唔走莞茜，好細心最後點左酸辣少辣，口水雞係好滑，味都好夠，但米線量仍然係過少。可以見到成碗米線得好少量腐皮同酸菜，所以辣味夠但酸味不足，建議落多少少酸菜或者酸汁，腐皮都應該比多一到兩塊較好:)但包裝方面係幾好，米線同湯底係分開，防止米線變淋同吸曬d湯外賣碗有兩層（紅和黑），隔熱功能好，都好硬淨，可以清洗後要用總括來說除左米線既量同料較少，其他方面都已經不錯，今次給中評！…查看更多

上網見到好多人sell呢個米線火鍋，見到條片幾吸引所以泥試下，點知中曬伏配料勁小，蕃茄就大大舊又多，但肥牛又薄又小，丸得2粒，米線勁疏勁小，食完完全5飽。而且將配料放系爐邊，當個爐熱既時候搞到d餸痴住系個邊到仲要$68，我食大家樂既火鍋冇甘嬲呢間野真系blacklist 5會再去食…查看更多

成日聽日講食米線火鍋，覺得好得意就去試下。個餐一黎到真係呆左，米線量可接受，但料真係少得可憐，重比少左兩粒丸，肥牛又得2-3片，食完跟本唔飽，唯有加十蚊加多碟豆卜啦。好就好在個蕃茄湯底夠濃，其他田野真係有待改善。…查看更多

今日想素食米線。去咗米線營點咗個北海道牛乳湯底米線。配料有金菇同豆卜。個湯好重北海道年乳味。個米線好彈牙。金菇好爽口。豆卜好新鮮。個賣相好正。價錢$35。誠意推介。…查看更多

污糟得可怕嘅食肆……著牛仔藍色衫嘅吖姐成碗摞過嚟，隻羹咁嘅款插係碗米線到，我諗眼殘都不至於到咁大塊野都睇唔到掛？重點係，塊野係完全癡實曬!條女平時服務態度差到極!摞可樂嚟，d飲管係掉低係檯面比我地ga!…查看更多