米線伝

叫緊外賣嘅時候，阿姐聽私人電話跟住將我本身講嘅完全忘記晒！咁我就重新再講過啦，之後覆咗五次單都唔啱嘅！然後我個米線加酸菜，成碗米線就係張相裏面得一塊，不如你當唔記得加俾我啦！呢間嘢啲人越做越差！…查看更多

今日返工返到好攰，返到九龍城樓下附近諗住是但求其食，見到有間「米線伝」，鮮黃門面幾搶眼就過去試一試。我地兩口子就叫左一個「牛魔王湯米線+紫菜」$68 。（慢煮肥牛配牛丸加紫菜） 湯底唔錯，麻辣好香，加埋紫菜，成碗好足料又大碗另一碗叫左「日式牛肉飯」$53，出奇好味，肥牛多過吉野家好多，肥香味重，熟度岩岩好，不過如果俾多d 牛汁撈飯又仲正，略嫌少咗啲啲汁 。但整體$53 （包埋熱飲，凍飲加$3）真係算低價高質。…查看更多

嚟得九龍城多數都係去食泰國嘢今次搞搞新意思 嚟咗間小店食米線話就話係小店 但係都座無虛席 仲要翻桌率都好高 不斷見到有人出出入入我諗今次都冇嚟錯😆🥢豬八戒湯米線講到明係豬八戒就梗係食豬㗎啦😂呢個米線係秘製豬扒配豬頸肉米線我就轉咗佢招牌嘅麻酸辣湯一拎上嚟嗰一刻啲酸湧晒出嚟 超正！聞到個湯真係急不及待 好想試吓佢個湯當然都係冇失望啦😋仲要佢個米線係有啲肉碎係個湯度唔知係咪我食開譚仔一直都冇呢啲肉碎所以佢有埋肉碎喺入面嘅時候 我真係覺得好正🤪個豬頸肉都有驚喜佢唔係好似泰式豬頸肉嗰啲一片片而係煎果定炸過咁 好脆好惹味真係好耐冇食過呢一種豬頸肉個豬扒就唔使講啦 整塊上俾你 又淋又夠味😋唔怪得咁多人食！下次約埋friend嚟可以食埋佢個老虎蝦卷 好似好吸引🤩🤩…查看更多

🚩九龍城🚩每次同朋友起九龍城都係食泰國野多，不過今次同朋友去經過想食米線，離遠見到「米線伝」，比佢招牌吸引到🤩🐓台式雞扒清湯米線 $67非一般既大塊酥炸雞扒，好似去左台灣咁，即叫即炸，唔會太油，皮脆肉嫩😚湯底選擇了清湯，唔會係味精湯底，唔食得辣，可以選擇呢個湯底🥰🐃牛魔王湯米線 $61 （招牌麻酸辣湯底+$2）配慢煮肥牛配振興牛丸兩粒餐廳採用左振興牛丸，肉嫩多汁，肥牛唔係一般既薄切肥牛，餐廳用既係高質肥牛，都幾厚身既肥牛，好有咬口😜💡餐廳環境舒服，食物質素高，份量都大大碗，絕對係CP值極高😚😚😚📍 米線伝 (九龍城)🗺️ 九龍城獅子石道84號地舖…查看更多

最鍾意食米線，今日食咗佢嘅自選豬扒肥牛蕃茄麻辣酸辣湯底米線，好足料，豬扒好厚又唔乾身，慢煮牛肉好濃牛肉味，配上酸辣湯底，越食越開胃！大大碗食到好飽，會再嚟幫襯😀…查看更多