米籽 (彩明商場)

平時都係幫襯早餐時段，大多數都係食蕃茄湯底。一開始覺得蕃茄湯底都幾好食有蕃茄味同埋比較濃。依加愈食愈淡，無乜蕃茄味，令人失望另外飲品都愈來愈唔好飲，鴛鴦冇乜啡味我都希望調景嶺會開番啲好食既餐廳…查看更多

外賣左個酸菜魚 +飯 冇嗌野飲 60幾蚊點知一打開食落肚既魚加加埋埋都唔知有冇7/8塊其他都係啲芽菜定唔知啲菇咁既野呢個係我第一次食呢間亦都係我最後一次食呢間食完我個人都未飽…查看更多

我落單叫碗粥，等左15分鐘都仲未有，我同職員講我碗粥仲未有，佢應左我之後唔係去廚房同人講，而係去收枱面碗杯同拎廚房杯出黎上貨，我再等多陣就同收銀講cut單！個收銀先同我講粥要等20分鐘，但當時間鋪職員之前冇同我講粥要等，同要等幾耐，如果知等咁耐我就唔叫粥啦。…查看更多

同朋友兩個人堂食，首先12:45 去到要排隊，排左10分鐘有位入得。QR code 1點落order 叫左兩碗面，一坐低已經見鬲離台客係度催碗面未到。有感不妙，到我地落完單真係等左15mins 以上都未有野食，我地大約催左3~4次，到1:30 中於有第一碗面，跟住到1:35 再有另一碗面。lunch hr 1粒鐘，碗面到左要倒入胃，趕頭趕命，真係嘔血然後，碗面重要唔係好味 ..蕃茄湯底好一般，整咁耐 攪乜鬼，完全不值一等，去番食譚仔，三哥會開心好多。無下次。。。。。。…查看更多

喺OpenRice落咗單，過咗10分鐘後仲係顯示待接單，去到收銀位同位姐姐講呢張單未接，咁呢位姐姐就話做緊㗎啦，咁咪去附近行一圈先再返嚟，再返嚟嗰陣張平台單應該太耐冇人接就直接取消咗張單。呢個時候收銀換咗人，問佢又話唔識呢啲嘢，又冇主動去搵同事幫手，真係好無奈。我都有做過餐廳接過平台單，一響就應該有人接，見到有其他平台單都出緊，真係純粹信你地位同事話做緊。雖然錢係退咗，但無啦啦白等咗半個鐘真係😅之前已經試過堂食，出餐速度同員工態度真係有待改善。…查看更多