米痴線 (已結業)

星期三晚攰攰地，唔想煮飯就決定叫外賣. 本身我果區米線舖選擇唔多，見到米痴線呢個名咁特別就決定試下。老公話要食飽d,就叫左個大窩過橋米線，入面有牛肉，豬潤，炸醬，竹笙，肥牛，火腿等等, 再配返個麻辣湯底。望落個湯底唔算好紅，食落亦唔算好辣，不過就好香好惹味，份量唔算話超級多，但就樣樣都有，好滿足。我作為芫茜控就叫左個皮旦芫茜湯底米線，本身呢個湯底都好少見，有得㨂梗係㨂呢個啦！加埋豬腩肉同生茶，個湯味道幾足，但又唔會好油，都唔錯。豬腩肉同其他米線舖食既唔同，呢間無㷈過，但勝在個湯底好味，所以都幾夾。另外我地仲叫左一個小食，就係拍青瓜，都幾大份，好多青瓜同蒜蓉，幾清新，只係有少少偏酸。下次大家食厭左d連銷米線，都可以試下呢間。

今日下午茶係位於荃灣嘅荃灣中心，店名叫做米癡線係專門食米線嘅一間店舖，一坐低就即刻嗌咗個麻辣米線咁我叫餸就係雞肉、蟹柳、同埋滷水豬軟骨，同埋叫咗佢個四川雞翼、蒜泥白肉，同埋加咗杯凍奶茶，價錢唔貴都係$90鍾意食米線嘅你又行開荃灣嗰邊可以去試吓good

第一次食呢間米線,咁啱去朋友屋企叫所以外賣食, 佢話同譚仔差唔多,咁我叫返雞肉蘿蔔 微麻辣湯底走青!!外賣差唔多等左15分鐘左右就有啦~一試覺得都好好食,蘿蔔好淋好甜,雞肉都好好食!!!!湯底更加正!!!事關朋友話佢D辣好勁,所以只係揀左BB辣,但都好夠我食了~同埋試左土匪雞翼,個人係覺得除左外賣淋左D外,個味係好食過譚仔0.0 另外奶茶都好味,我叫左多奶真係有多到! (因為唔係間間奶茶都沖得好飲)下次去佢屋企一定要再食!! 

lunch time, 去叫左米痴線嘅外賣，叫4個餸原來已經要$80左右，（佢有太多位加錢，例如外賣兜加兩蚊分湯加兩蚊一個餸已經$12）（唔知以為去咗食拉麵）不過貴還貴，但係你都俾返足嘅嘢我呀嘛，點知米線份量超級少，原來係一碗飯碗咁嘅份量，從來食米線，米線嘅份量係湯碗計㗎嘛，之後，最慘係嗰啲餸全部都係縮水嘅，味道好一般，而且係食唔飽架！所以咁嘅價錢，咁嘅味道，都係食返第二間出名啲嘅米線啊，比較公道啲，價錢合理啲又好味啲

嗌咗個米線小辣，豬耳，豬軟骨，豆卜再加三隻土匪雞翼埋單$58姐姐一早同我講咗要10幾分鐘，我知道的，大約等咗12分鐘左右，有外賣出，網上外賣 都有出，之後我又等到20分鐘之後都仍然未見有嗌號碼。但係枱面仍有2大袋，其中一袋有個客自行去check（知係自己已經拎走），於是我去睇，發覺係我嘅號碼單，但係員工仍然冇叫過，真係激死人呀⋯⋯佢哋交接好有問題～明明整好咗，但冇人嗌號碼要我白等到幾時！🔥返到屋企先發覺原來個員工落漏單冇比到豬軟骨～

個啊姐已經好似唔想做生意，無禮貌都算。嗌2碗3餸，比2餸仲叫我自己返去補返個餸。一打開碗麵，得半碗！😭正！由外賣返到屋企3分鐘內既事，但碗麵已經係微暖！好無奈，希望佢做生意有返d良心喇！唔想做索性閂門好過

米痴線Crazy Noodle❤️😃荃灣最多米線食大家都知啦，今次想介紹一間喺荃灣中心既米線舖，中午時間黎到超多學生幫襯，👀一睇原來係一間大玩Crossover既米線店，除左有🦐海鮮米線之餘，仲有鰻魚添！食落味道絕對唔會輸蝕連鎖米線舖，🧏‍♀️雖然位置唔太易搵，但如果黎開荃灣都值得過黎一試嫁！menu💡可選麻辣，酸辣，鮮茄辣💡位置係愉景新城右邊上去，在天橋上面。💡見到大家樂後向右行上天橋便至。💁‍♀️帆立貝大蝦海鮮米線（$55)👍"海鮮米線大大碗超足料 除左有大大隻帆立貝 仲有超爽口既魷魚同蝦肉"💁‍♀️原條蒲燒鰻魚米線（$60)👍"無諗過鰻魚同米線又真係可以夾到喎""性價比超高既原條蒲燒鰻魚 厚肉之餘 調味剛剛好又唔會太鹹"💁‍♀️鴛鴦雞翼（$36)👍"今次選擇左土匪+麻辣味雞翼 雞翼真心夠哂大隻""另外雞翼調味唔錯 超惹味"💡雞翼即叫即炸，所以要預時間等侯喔

識我既都知我中意食米線😋但係大大條既鰻魚米線真係第一次食仲要性價比極高 正宗又平又好食夠晒貼地💃🏻.蒲燒鰻魚一直係日式既元素 加埋落米線大玩crossover估唔到又幾夾店家好好咁將鰻魚切開一件件 方便食用 仲要同米線分開上枱當然影靚相就擺返落米線上面影啦😏鰻魚燒到好香 肉質非常嫩滑 重點係無骨 啖啖肉❤️呢個價錢十分之可以 高質之選。.帆立貝大蝦海鮮米線🍜都係新作之一大玩日式元素 重點係 激！多！料！帆立貝都有2隻 仲有新鮮大蝦 魷魚 蟹柳等等全部米線都可以自選湯底要辣要唔辣要蕃茄湯清湯亦得 得左～.想食返正宗酸辣米線 又有啫～自選麵底同餸 相信大家都唔陌生豬大腸同豬肚都係鹵水 夠晒入味 仲炆得好淋食完一舊真係停唔到口 米線亦不會煮得太淋/太硬有口感 帶點爽口 份量十足 💁🏻‍♂️男士都會好夠飽。.小食之中 土匪雞翼可以話係必食 好味過x仔😏不是說笑一食就知龍與鳳 雞肉好嫩滑同juicy而且即叫即整 我一個人食晒6隻完全無問題😆川味尖椒皮蛋唔算太辣 初嚐辣人士都可以試下～有驚喜‼️.店家會定期有限定米線既款式唔知下一次係咩新款呢～🤤

昨日同屋企人去荃灣中心，經過呢間 "米痴線", 個店名真係好搞笑，就係俾個店名吸引咗入去。見到店內特別推介 "原條蒲燒鰻魚米線" 同 "帆立貝大蝦海鮮米線", 決心一試。屋企人點咗普通嘅米線餐配腩肉，豬肚，豬大腸；我自己比較中意海鮮，所以點了帆立貝大蝦海鮮米線，要蕃茄湯底。當碗米線上檯時，驚喜來了，同餐牌相片一模一樣 (因為好多時相片都係專登落多啲材料去吸引食客的) ，事實呢碗米線真係好多料：兩隻帆立貝，四隻大蝦，仲有大蟹柳同墨魚頭，配埋蕃茄湯，未食已覺好豐富。鮮甜嘅帆立貝﹑蟹柳﹑同彈牙嘅大蝦，加上好有咬口嘅墨魚頭，令到成碗米線變得鮮上鮮，好味到成碗湯要飲晒唔好嘥，難得仲係少味精，食完都唔會口渴，呢碗米線賣$55 真係好抵, 性價比非常高，值得 encore!

服務差，漏單，味道好麻麻，唯一就是土匪雞亦可以值得一試，不過米線或其他食品，試過好幾次，次次都失望！不單單是味道，同埋服務，試過叫外賣，佢地漏單，我打過去，佢話叫我下次經過再比返，聽完想笑，今次係最後一次！

今日同友人去荃灣探貓，途經見到尼間小店個名好攪笑，所以就入去試下。我叫左碗麻辣象拔蚌、豬軟骨、酸菜米線中小辣，友人叫左麻辣豬紅、魚蛋、墨丸小辣米線，其實我地兩條友都算食得辣，但原來中小辣都已經好辣，比譚仔既中辣仲辣少少，個湯老實講，不夠濃郁，比較淡，但食完無好似食完譚仔咁口渴成晚，所以佢應該唔系太多味精。而佢有好多款小食選擇，我地揀左土匪雞翼同拍青瓜，雞翼即叫即焗，上枱時好熱，每隻都脹卜卜，好juicy，好味，拍青瓜都好味，不過就好少囉...佢既雞翼仲有麻辣同鹵水兩款，下次再試其他味先😋