米珈琲

咖啡店細細間，好親密，只有幾張木枱同一個質樸嘅酒吧區，營造出一種舒適嘅氣氛。一班咖啡愛好者已經聚集喺酒吧枱度，品嚐緊各種咖啡，我推測同佢哋互動緊既係店主，應該係一個咖啡達人。呢個係我第一次根據豆烘焙過程中所用嘅唔同完成溫度去揀咖啡，店主建議我哋試下比較兩個唔同嘅完成溫度，以便更好地理解味道特徵嘅微妙差異，揀到最適合我哋嘅個人口味。150 vs 190…查看更多

上次去了屯門樂啡，老細推薦了這間「米咖啡」。星期日便慕名而來了，真的是從港島特登入西貢試味！本身只打算試一杯熱咖啡同一杯冰滴，點知最後打開了新世界大門🚪首先，老細見我哋懵懵懂懂，對咖啡純粹係門外漢，就叫我們其中一個先選一個產地，然後另一個選烘培程度。最後我哋一致揀咗黃金曼德寧作為「探路」。因為唔可以用手機，所以以下嘅溫度係以記憶去記錄。🫣我哋揀咗中深烘焙程度，好似係180度（如果記錯，老闆請原諒我）同埋深烘焙230度。雖然同一種咖啡豆，但係因為Roasting嘅程度唔同，所以味道嘅呈現係完全唔同。PS 老細唔係以淺中深烘焙嘅程度作為咖啡分類。180度（待menu覆核）：甘，舌尖嘗到少少酸味，但係很夾。230度: 沉實，木質，待稍稍溫度降下來更佳。冰滴（master’s selection): 一個月發酵，酒香明顯，清甜。本人嘗到「花香味」，老細笑說「這是你的味覺👅花香也分很多種喔！😂😂」雖然老細沒用磅，沖咖啡同加水嘅時候亦都睇落去好隨意，但係沖出嚟就真係同出邊嘅好唔同。小驚喜：本身想試多一杯冰滴，但係因為我哋已經試咗同一隻豆嘅兩隻唔同烘焙程度，老細推薦我哋試吓Ultra light 150度烘焙嘅味道，Menu仲要寫喺甜嘅，咁我梗係即刻OK啦。150度黃金曼特寧竟然沖出了竹蔗茅根嘅味道，呢一次真係大開眼界🫢🫢🫢希望大家都試下咖啡的神奇變化吧❤️老細仲透露了熊本縣arrow cafe就係超淺烘培偷師嘅地方🫡老細仲自費推出西貢tshirt，沒加任何店舖logo👍…查看更多

我最唔鍾意壞人飯碗，但係呢間真係唔爆料唔得，千祈❌千祈❌千祈❌唔好去西貢嘅「米咖啡」咖啡$100幾$200一杯，咖啡店內一個人都冇，都唔俾我坐咖啡枱前張吧枱，佢話因為我無一星期前book。我問係咪有客嚟緊，佢話唔係，不過就係要book。成個Menu寫到懶深奧，什麼青豆乜豆物豆，乜炒物炒，完全唔明。你問佢，佢一副專家口吻，講完一大堆嘢嘅意思係「講你都唔明啦，stupid orange 😒」比着平時嘅我，已經即刻起身出門口，但係嗰日唔知做咩，覺得真係未見過咁差嘅例老闆，真係想試吓佢可以去得幾盡。結果係! 我當然做咗silly seven, 全程虐待我，唔準用手機，算！當你想顧客認真享受，但係你又唔同人交流，唔夠人飲。佢手沖咖啡時,我企起身遠距離望下，佢叫我坐翻低，佢話你見唔見到我喺吧枱前邊啲「棟」咗啲版，就係唔俾你哋睇。我話我對咖啡有興趣，只係想了解吓點沖，佢話你只係入嚟消費冇權睇我點整，消費者唔係大晒！「X$y@z;!7…..」 我心裏真是爆了很多粗，開間懶專業嘅嘢，如果真心對咖啡有Passion，應該好開心遇到有興趣嘅顧客。佢竟然全程以虐待顧客為傲😡可能自己物業，完全唔明點解可以做咁多年。我一生人，從來未遇過咁差嘅經驗，亦係第一次出埋店名寫劣評。其實件事已經一段時候前，但係諗返，嗰種嬲仍然散不去，呢位老闆虐待顧客嘅能力，真係地上至強。😡😡😡…查看更多

正! 剛去完一間西貢的咖啡店，真係驚喜連連。首先落喉嘅北海道牛奶咖啡，簡直得閒嘅意境，啱哂我呢種米字旗😌。咖啡既香濃又唔會太苦，奶泡輕盈得黎滑唔溜丢，飲落舒服得嚟仲有深度。再黎講講呢個Apple Crumble，焗得啱啱好，蘋果唔會太腍亦不會太酸，配嗰層酥脆啖啖都爽口。食之前仲以為會膩，點知食得越多越上癮😋。最正係跟朋友share啲甜物，傾下計真係舒服死。最後忍唔住又點咗個Sakura Gelato，呢啲日本直送嘅雪糕咬落去微微桜花香，鬼馬又清新，完全冇得頂💖。食咖啡店嘅菜色，其實都算平民化，不過味道同體驗就絕對高級。老闆跟我哋交流時真係熱情，飲品食物跟佢嘅態度一樣，咩個食咩個㩒心思，我會再嚟，定係會!…查看更多

難得放假去西貢諗住自己一個嘆杯好啡，路過見到呢間標榜自家烘焙，我都好支持本地烘焙所以撞入去一試。體驗同其他客人差唔多，一入鋪就要睇一大堆規條規矩。一坐低老闆就拎menu過嚟，其實都唔係好明，因為同平時嘅menu好唔同，佢有自己嘅language ,我呢啲手沖初哥係唔會睇得明，當然佢都無特別解釋，我呢啲社恐亦都唔想太多交流，基本上我就亂點，諗住抱持開放嘅熊度，睇下有冇驚喜。我點咗一款hawaii 嘅豆，menu標價為$180。成間鋪得我同老闆兩個人，佢喺bar枱沖緊咖啡嘅時候，我又坐喺門口咁遠咩都睇唔到，我當然拎部電話出嚟，掩飾我內心嘅不安。呢個時候佢就話，呢度唔可以用電話。你又唔係同我相處，我又唔可以同電話相處，我頓時唔知可以喺呢個空間做啲咩，惟有呆坐。呢杯咖啡無乜驚喜特別嘅味道，味道同我買炭燒咖啡嘅掛耳包差不多，或者我本身不太喜歡深焙手沖，未夠道行欣賞。只飲到咖啡係好順滑，味道並無$180嘅驚艷。佢唔俾我用電話其實有啲壓力，雖然假期無繁瑣事務要處理，現代人要拎電話出嚟係無意識嘅動作，需要自律一下先可以完全放低，所以被要求放下電話並沒有等如放下煩囂，帶來只有更壓抑嘅氣氛。最後飲完都只想埋單走人，我明明點咗一杯$180嘅咖啡，佢最後收我$200。我係失敗嘅社恐，無勇氣喺咁壓抑嘅氣氛下開口問清楚，以為係加一服務費，離開再計一下，加了一都係$198，點解仲要收多$2？hawaii有兩款烘焙，另一款係$220，應該不存在落錯單嘅誤會。咁就唔知係信用咭手續費，定係我拎電話出嚟嘅罰款。作為顧客見價錢有問題我照付款係我有問題，但佢都似乎有亂收錢之嫌，大家埋單請小心核實。相信西貢其實有好多更好嘅咖啡選擇。…查看更多

在聖誕連假的午後，我無計劃下在西貢後巷見到了這店從極低調的店外，心中都預備了此店定非池中物，上openrice一搜，已對這店的店主性格，規矩，價錢心中有數，才推門入內細讀house rule 後坐下，店主遞上餐牌，解釋規矩後離開等我下單我是個咖啡的門外漢，望完餐牌後，對餐牌上不同咖啡仍沒有概念，於是問了一句：邊種咖啡比較果味突出？店主答：“所有咖啡都有果味，視乎你定義“。我再問餐牌上所列出的兩種烘焙法有何分別？店主答：“正如餐牌上列出的，每種烘焙法的時間和溫度也不同“夠了，我感受不到店主有興趣和我作更多交流，於是我淡然叫了杯No.37, 我連咖啡名字也沒記住，反正我不認為有任何作用。咖啡上桌後我品嘗，感覺到有芝麻糊的香味，入口大概是醬莓味吧？但如果同$180一杯的craft beer 或紅酒相比，沒有同等級數的味覺震撼。埋單時店主亦沒有問感想，公式化地收了錢就完結了。窺看了bar枱上的booking, 似乎一個星期也有一次的private booking.最後感想：1.有些店會將客人分成兩種：須用心招待的熟客，和用來供養熟客的生客2. 會去Salt Bae 食超貴牛排的人或多或少有炫富心態3. 蔡瀾名句: Omakase 把客人當蠢材…查看更多

今日放假去了西貢悠閑食午餐，順道品嘗一下這間咖啡店。剛進咖啡店，老闆已經很執着地要求我看清楚告示板， 確保我同意店內的規則才可以進入。當中包括在整個過程中不可以用手機和影相。我本來想問老闆拿Menu看看才決定進去與否，但老闆亦坦白告知我不會看得明白menu。雖然老闆有些高傲，但我覺得不妨入去試試。我告知老闆我並不是飲手沖咖啡專家，不喜歡飲太酸的咖啡，喜歡比較nutty 同豆味重的咖啡。最後他推薦了Jamaica 的basic double 咖啡.。咖啡質素十分高，有別於其他咖啡店手沖的咖啡，感覺咖啡很沉實，味道回甘。和老闆傾談中发現他是一個很有理想和執著，希望把自己年青時在日本渴過的咖啡味道藉著自己的手再冲出來，我亦很坦白問店主平日一日可否賣到10杯咖啡，他亦同意地回答很難，只靠每日食麵包去維持經營。我非常敬珮和欣賞老闆為了自己的理念奮斗，每個人的選擇和value 不同吧。另外，他也分享了店內的咖啡是自己烘培的，很勁！最後，我十分喜歡在menu 的兩句話（不是太記得exact wordings, 因為不可以影相嘛，哈哈）大概意思為：「專心，是一種內涵。靜，是一樣被遺忘了的東西。」店主所謂的規則，是希望欣賞咖啡的人可以從繁忙的生活停下來，專心及安靜地欣賞－杯手沖咖啡而已。有何可悪之處？…查看更多

今天和爸爸，一位八十多歲的長者尋找令他朝思暮想的一杯入魂，數年前偶然下喝過兩次，老父念念不忘，今天再次踏足，更勝從前(老父說)。而我新手飲手沖，一杯果香味手沖，更令我十分感動，果香，酸度，厚度，醇度，回甘，由第一啖到最後一啖，味道都讓人十分享受。爸爸說珈琲師是藝術家，我說他是讀心人，懂得你描述的味，盡心分享他所知的好，讓在珈琲道上的相遇充滿驚喜。能遇上的，彼此尊重，纯粹。能在珈琲道上相遇充滿驚喜，感激用心。…查看更多

A quiet cafe with cosy setting. Food is quite ok, with a variety of pancakes and fusion dishes like udon carbonara but there is no coffee on the drink menu, which is a bit disappointing. The only choices are tea or soda. Not recommended if you come with small children. Staff there aren’t too friendly to kids.…查看更多

Friends and I never try this kind of coffee shop at all. Superbad experience due to no service and overpriced items. Doesn't feel like Japanese, as I understand Japanese people are very careful about the service. Putting silly posters and playing Japanese music doesn't mean your shop is Japanese. Reading your menu I felt sad for the owner, why not you just open your shop for your friends and family only and not a business. never again even it is FREE. …查看更多

近日係香港開左好多cafe，直頭多到犯濫既情度但大部份都係俾人打卡為主，反而無放心機入杯啡度利申：我係一個完全唔識沖啡既人，只不過係非常鍾意飲手沖dark roast啡既人係香港，肯用心沖啡既地方已經唔多，仲要有埋手沖dark roast飲真係一隻手都數得哂我鍾意飲手沖既原因，係因為手沖係最能夠飲得出沖啡既時候既心情，同埋最能夠了解佢有咩想表達俾你知係呢幾間一隻手都數得哂既咖啡店入面，各有特色...有非常注重細節既，可以控制到每次杯啡都係一樣，亦都可以跟據你果日既心情而刻意做少少微調有好用心沖，但係每次杯啡都會隨著佢果日既心情而有唔同既而米老闆係神級既，看似好隨意沖一杯啡俾你，但出黎既效果竟然係每樣都係恰到好處。就以我杯Eagle Eye為例，無論係濃度，厚度，回甘程度，after taste係你口入面停留既時間，都係岩岩好。做個比喻，就好似合埋眼掟飛鏢但野野都中紅心咁既感覺。除此之外，飲得出佢係一個好有主見既人，佢係好刻意將佢心目中既味道直接放入你個口度，而呢個就係佢認為最好既味道，沒有猶豫。總結，如果你想食野可以去第二度，如果你想打卡可以去第二度，如果你想打發時間可以去第二度，如果你想有皇帝級既服務可以去第二度。呢度只適合準備好用心去感受珈琲既人。…查看更多

一間於網上很多負評店長態度差劣的咖啡店，對著這些的負評，仍然有存在的價值，除了豪氣，就一定有他的魅力與能力。我對於自己手調仍有很大的進步空間，但對於品嚐咖啡略知一二，雖然品味味道很主觀，喜好亦人人不同，但希望以更客觀的感覺去欣賞這杯咖啡。在這職人嚴格的態道下，他的手沖咖啡的確需要值得專重，一杯驚人味道的咖啡，相信香港沒有其他地方能感受得到，欣賞一杯屬於你的咖啡。提提大家，入門後需要細讀及理解職人所寫的守規，必須同意及明白方可就座。主要是場內不可使用通訊設置，不可打卡(除非受職人準許)，不提供奶啡，不要吹趕。目的希望大家專心欣賞細味一杯手沖咖啡。.Amber 琥珀 (超淺烘焙-咖啡因比一般高)👍色澤梨汁的顏色 濕聞是竹蔗的味道👍味道都係竹蔗的味道 甜度高 酸味唔多 入口厚滑 餘味甘香甜味有少少的草味道👍放心沒有常人感覺的所謂啡味 放左一段時間仲好飲左 雖然變化不大 但甜度再高左👍飲完後與職人了解更多，其實他只是想客人用手感受，並不是刻意塑造這個形象，他向我解釋與坊間商業不同的造法和這杯啡的精要。讓我嘆為觀止，從來未飲過這與別不同的手沖啡。過往我飲過入口及餘香或攤凍後有不同變化的手沖啡，但未飲過除了如此平衡而獨特的啡。有機會大家亦要感受一下。推介指數: ⭐⭐⭐⭐⭐⭐/5.💁服務: 用心良苦的態度 堅持追求完美的決心 正正是一位職人的態度⛲環境: 沒有打卡的背景，簡單應有的設計。寧靜環境，柔和的音樂。P.S.有人覺得$100以上的咖啡好貴，你知道紅酒都可以賣得很貴，咖啡亦都一樣。由採收到你眼前的一杯咖啡，所需的工序，每一刻每一步都需要用心才做到細味。$100看似很貴，但這杯啡所需要的人力物力卻值得這一個的價錢。在這咖啡店，有一本本的書籍，種書本的選擇。非常之相信職人用心良苦的有心人，希望用咖啡安慰心靈，希望大家能專重職人對咖啡的熱誠。…查看更多

同下面啲負評、經歷差唔多，食晒個男店主啲怪脾氣，呢啲我唔重覆描述，總結就係佢完全唔尊重人，但要求人哋無限尊重佢！但有樣最驚人嘅地方係，我想上社交平台睇下有無其他comment, 竟然見到佢係自己個page 公開post左店入面嘅CCTV片段，影住俾左負評嘅食客個樣，去攻擊人哋！哇，咁都得？！你開得舖，唔接受得人哋批評嘅，你一係唔好咁衰改善下自己，就算最盡俾你鬧返都得，但post 閉路電視post人哋個樣係好過份!!!! 搞到我都即刻唔敢表明身份俾意見!!! 呢間舖，可以徹底摧毀你weekday dayoff 嘅心情 😔 就算杯手沖識飛都無用，更何況唔係…查看更多

一間坐落西貢的職人咖啡店☕️，陳設簡潔，賣的是咖啡並不是服務！就如在日本的職人小店，列明店內要求，不喜歡大可以選擇不去。我不懂咖啡，只是一個愛喝咖啡的人，也沒有幾十年飲咖啡的經驗，所以不敢評價，只可以説我喜歡這杯咖啡的味道。相信每個人口味不同，是要自己去找自己喜歡的味道。店內舒適寧靜，不是打卡名店，選擇這裡是可以慢慢享受自己選擇的咖啡！店主樂意分享和講解不同的咖啡知識和經驗，獲益良多，謝謝🙏🏼…查看更多

因為男朋友鍾意飲手沖耳濡目染下都會留意有質素嘅珈琲店最近在網上見到有關米珈琲嘅報導再睇埋食評已感覺到其名聲惡名昭彰不過某程度上都認同老闆嘅理念所以冒住有機會被罵嘅心情 硬住頭皮都想去試吓今日專程同男朋友嚟到呢間珈琲店品啡懷住戰戰兢兢嘅心情步入珈琲店入到去之後 就如食評所講老闆會先要求我哋細閱門口的守則（雖然已上網預習 但都再睇一次😂）我哋都再三確認咗手提係DND mode先入座坐低咗先見到吧台位要預約 有點可惜本人認為同珈琲師交流可以提升飲啡體驗我點咗耶加雪夫嘅單品珈琲$120老闆追問咗一吓我嘅口味 ：個人鍾意果酸味重我杯珈琲最初嚟到時聞起嚟有陣紅豆味 好神奇溫度熱嘅時候杯琲嘅酸味冇咁出所以凍咗之後嘅味道 我係頗喜歡的佢嘅酸同我試過其他店嘅酸味頗唔同唔係好單一好乏味嘅嗰種酸雖然我都唔識形容😂但最欣賞係佢嘅喉韻唔會有種好乸喉嘅感覺男朋友點咗Amber 90+ $180味道偏淡 聞起上嚟有陣腐乳味相信凍咗之後好再好飲啲（但唔知點解杯嘢一直好熱）不過係幾特別的 偶爾一試特別口味都唔錯埋單時老闆有問我哋覺得杯琲點大家都交流咗陣其實本身唔係飲琲達人而且都唔太鍾意日式手沖但覺得今日有意外驚喜珈琲嘅味道固然係原因之一另外係同珈琲店嘅環境有好大關係店內嘅守則雖然嚴格 但又令人有更多嘅me time依家資訊科技咁發達 香港人生活節奏又咁快好鍾意入到店入面可以放低手機放低思考同身邊嘅人認真溝通 投入享琲嘅感覺我相信冇咗老闆嘅守則今日嘅體驗會變得不一樣雖然好多人覺得老闆好惡但我認為如果大家會互相尊重 好多時都可以避免好多尷尬場面而且食店同食客之間一向存在不明文嘅互選條件而老闆選擇咗先小人後君子嘅方法我又認為有何不可？價錢係有點貴但個人認為整體嚟講係物有所值今日我同男朋友都係飲淺烘下次會再去試老闆拿手嘅深烘仲要搵前預約吧台位！…查看更多