影片
開飯介紹
日式咖喱蛋包飯專門店 《米炊》，源於創辦人深受米之雪白精瑩、風味萬千感動，以頂級食材，將米之美極致發揮。《米炊》選用：日本特A級米飯、自家研發日式咖哩、日本頂級雞蛋「新紀元卵．曉」即點即製旋風蛋、店內自家熟成頂級牛肉、特選日本清酒和調飲等…在午餐、下午茶、歡樂時光、晚餐， 分享在家難以做到的頂級新滋味。
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
有關獎賞計劃
今晚行過見到試下，未試過在IFC食野咁失望，首先座位並非舒適，服務員顧住自己傾計，叫他來落單沒有任何禮貌反應，要傾多兩句才慢慢走來，好似阻住佢傾計咁，服務態度連茶餐廳都不如，食物送上發現和牛及漢堡肉質非常差劣，磨菇汁完全無味，咖喱汁只有甜味，賣相又極之唔得，餐具亦低級，雜菜粗糙，全部都是西蘭花及白菜花，唔知係厨師問題或老闆問題，好像完全不會考慮食客的感受，沒有半點用心經營，在今時今日的營商環境，相信很難持久！
繼續閱讀
蘑菇白汁極難食 好似餐院餐咁 又淡又杰又唔夠禮貌詢問店員可唔可以俾多少少同埋個汁有啲痰想轉咖喱汁 佢好似好唔耐煩咁知道淨係食得一個鐘 食左50分鐘左右 行埋嚟話要收咗錢先OK冇問題 但係啲態度唔使咁惡劣 一嘢就劈張單喺枱面 唔講以為得罪佢 $160食個咁難食嘅 仲要受啲咁嘅態度 真係多謝晒你食埋我個份
繼續閱讀
米炊午市大概百零蚊位，喺IFC嘅餐廳當中屬於比較經濟嘅選擇，所以lunchtime 通常都會大排長龍。全靠朋友幫手排隊，先可以試下呢間蛋包飯🫶🏻今次叫咗烤特上M4和牛腰柳蛋包飯配中辛咖喱。蛋包採用日本蘭王蛋製作旋風炒蛋，賣相吸引，蛋香濃郁，口感滑溜。咖喱以雪梨、蘋果、洋蔥等蔬果熬煮，味道甘甜辛香，送飯一流。米飯選用北海道夢美人米，飯香十足。值得一提嘅係，戒carbs嘅朋友可以走飯轉野菜底。野菜包括西蘭花、椰菜花、蓮藕同蕃茄仔，份量俾得大方，點咖喱一樣好味。唯一可惜係牛腰柳烤過龍，已經冇咩肉汁，好難咬斷☹️
繼續閱讀
依間開係IFC嘅餐廳，一到lunch 就會多人排隊。今日11點幾，可以直入啊，所以唔使諗，即刻入去食。睇menu 既話，蛋包飯真係好靚。本來打算減下碳水，就咁叫主菜加野菜。但係最後抵受唔住引誘，都係叫咗蛋包飯😂午餐跟野飲既，有兩款選擇，黑咖啡不過不失。蛋包飯有得揀白飯或者16穀飯。我今次揀咗白飯，係高質素嘅日本米呀❗️ 加埋咖喱食，好好味。我揀咗牛舌，超級厚切，入邊仲係腍嘅，食到有幸福感 😋👍見到好多人話依間餐廳嘅服務唔好，可能我唔係peak hours 去，我覺得不過不失，可以接受嘅。食完大概12點幾，門口已經有長龍 👍
繼續閱讀
在餐廳叫了兩份旋風蛋飯，分別是牛脷及雞扒，當兩碟送到的時候，雞扒那一份，白飯的份量明顯比另一份少，我只是要求侍應添加一點點白飯，因為份量明顯比另一碟少。侍應給我的答覆是白飯需要加錢，我給她解釋是雞扒那一份的白飯是比牛脷那一份少，我並不是需要多一碗白飯。之後侍應有給我一碗白飯並說不需要加錢並解釋可能是廚房稍微出錯。我認同整個流程上侍應沒有過錯，但是在說話的態度及語氣上有改善空間，因為在對話當中，她令我感到客人想無理地添加一碗白飯而不付費，而那一位侍應，就是前幾個post都有提及的那一位侍應。希望店主能加以留意員工的工作日常，因為餐廳的食物是好吃的，不要因為小小問題影響客人對餐廳的印象。（她拿給我的那一碗白飯，我們只吃了三份一，因為我們並不是需要額外的白飯）
繼續閱讀