影片
港鐵朗屏站 B2 出口, 步行約6分鐘
繼續閱讀
電話號碼
52171332
開飯介紹
裝潢簡約溫馨，走休閒風格的西餐廳，供應價錢合理的多國菜及生蠔，款式會不時更新，配上葡萄酒會更加滋味。
繼續閱讀
營業時間
今日營業
11:30 - 16:00
17:30 - 22:00
星期一
全日休息
星期二至日
11:30 - 16:00
17:30 - 22:00
以上資料只供參考, 請與餐廳確認詳情
有關獎賞計劃
有朋友約我食生日飯，我話想揀一間浪漫嘅氣氛打卡影相慶生，食物又要精緻好味，佢就即刻提議咗去元朗 簡聚晚餐，見到啲相都覺得靚，就立刻應承咗！😚到咗餐廳，外面佈置全部都係花，已經令我心心眼！入去坐低咗，雖然出面是一條大馬路，但是餐廳內完全聽唔到任何車聲，只有令人鬆弛的音樂，配合花過心思嘅佈置，頭頂上都是花，影相影極影唔完😆 有與世隔絕的空間，感受到強烈的浪漫氣氛🥰服務員好細心，每一道菜食完，佢先上另外一道菜，而且每道菜會換所有餐具，包括碟，真係好細心！好似食緊法國餐咁！銀堡壘Ostras Del Castillo$68大大隻西班牙生蠔，肉質肥厚爽口，海水味濃，小編連海水都一滴不漏飲埋，非常新鮮😍Dinner menu 黑糖餐包暖暖的，帶少少甜味，配合溶咗的有鹽牛油，特別好食! 😗是日餐湯：南瓜湯熱乎乎的，稠度剛剛好，唔會好鹹或者好甜，但突顯到好香濃的南瓜味，加啲香草，勁正! 😚香煎日本帶子配三文魚子多士$98日本帶子非常新鮮，太大粒爽口又鮮甜! 魚子都是超級大粒，仲好多份量，一啲腥味都冇，一樣超級新鮮好味，粒粒入口都卜卜脆☺️沙律醋唔酸，好好味! 而且茄子超級新鮮，清甜的唔會酸😙香煎星斑柳拼老虎大蝦配日式柚子醬油$208星斑佬煎到外脆內軟，超香魚味，冇煎過龍，配合柚子醬油，味道令人眼前一亮！老虎大蝦啖啖肉，肉質非常鮮甜，烤得好香😍美國安格斯牛肉肉眼配燒汁$328好大塊厚厚的肉眼，好juicy! 雖然5 成熟，但肉質仍然非常鮮嫩，完全唔韌口，配合唔會太濃味嘅燒汁，將肉眼味道顯得更好食！😍Tiramisu cake 突然播起生日歌，原來朋友為我準備咗甜品同我慶祝，侍應端內甜品，點起蠟燭，真係好開心😍 原來喺OpenRice book位，可以慶祝生日或周年紀念，有個免費法式甜品同免費寫字服務！個Tiramisu 好有層次，唔會好甜，唔似出邊嗰啲最尾膩到食唔晒😌 今晚全部菜式都令我好滿足！最後我哋點咗兩杯Cappuccino 同 Hazelnut latte，杯碟好精緻，加埋花喺上面襯托點綴，連最尾嘅餐飲都有浪漫氣氛，一絲不苟，完全滿意今次餐餐嘅飯，謝謝！🥰呢間元朗隱世浪漫西餐廳，真係極力推薦，尤其慶祝特別日子，包你滿意🥳
繼續閱讀
今日同朋友慶祝生日，係同事推薦下訂左一間有氣氛又有情調嘅西餐廳。餐廳用左好多花做裝飾，啱晒少女心又愛打卡嘅佢😂⭐️日之雪花 & 銀堡壘 生蠔經理推介左兩款分別係日本同西班牙嘅生蠔，身為蠔怪嘅朋友就話要叫黎試試，壽星女大晒咁當然冇問題啦兩款蠔各有特色，一淡一濃，又肥美又爽滑，好鮮味😋，大推！⭐️西班牙火腿田園沙律沙律菜夠新鮮，配上甜甜嘅黑醋同橄欖油，非常開胃👍⭐️芒果蟹肉他他鮮味嘅蟹肉配上清甜嘅芒果同爽嫩嘅生菜，好清新嘅口感，li個配搭好夾🤤⭐️法式黃油雞配香辣蒜片炒意大利麵 黃油雞外脆內嫩，蒜辣味意粉好惹味，好鍾意個意粉夠爽口，朋友對li道菜讚不絕口😋⭐️香煎星班柳併老虎大蝦配日式柚子醬油虎蝦爽口彈牙，星班柳嫩滑又唔腥😍配菜亦做得好出色👍⭐️鮮果茶紅茶底配上青提、藍莓、蜜桃肉，唔會太甜好啱用黎解膩👍⭐️泡沫咖啡口感滑溜，用上食用花瓣做裝飾，好適合打卡😍經理知道我哋慶生，仲特意送上蛋糕，同時又播生日歌，朋友仔好開心啊。最後不得不提嘅係店員服務好好又非常細心，會主動幫你加水，重會主動問洗唔洗幫我地影相。另外菜與菜之間會換碟和餐具，雖然只是係一間小店，但係有高級餐廳嘅服務，讚！👍👍👍
繼續閱讀
為朋友慶生，揀左依間極具少女心的花花西餐廳，正好適合打卡留念。雖然地方不大，但影相就到位係幾靚的。美食西餐為主，樣樣都唔錯。生蠔 $68/只兩款生蠔：日本的日之雪花和西班牙的銀堡壘。兩款蠔都相當大隻，前者口感滑順幾creamy，後者則爽口且海味濃郁，兩者高品，完全唔腥。西班牙火腿田園沙律 $0火腿稍微偏鹹，但幸好有無花果的甜味來中和，再加上黑醋醬汁調味，讓沙律菜酸甜可口，開胃美味。香煎日本帶子配三文魚籽法式多士 $98帶子的鮮甜搭配三文魚籽的咸鮮，咸甜交融，非常美味。香煎老虎大蝦配香辣蒜香意大利麵 $158兩隻大虎蝦新鮮彈牙，搭配蒜香意粉，簡單卻美味。烤加拿大豬鞍配蜜糖芥末籽汁 $248厚切豬鞍扒肉質鮮嫩，搭配蜜糖芥末籽汁，甜辣好味。免費生日蛋糕Tiramisu蛋糕，軟芝士幼滑芝味，有淡淡的咖啡酒香，不甜不膩，唔錯。Cappuccino $15正常發揮，隻杯幾靚打卡啱晒。鮮果茶 $22紅茶底加蜜桃、青提和藍苺，味道清甜。
繼續閱讀
很久不見的朋友約了我補祝生日，選了在元朗一間有情調的西餐廳共晉晚餐。餐廳裝修以米白色為主，配上乾花的佈置，十分浪漫。我哋點了兩個晚餐set，加是日生蠔。生蠔有產地於西班牙的銀堡壘（Ostras Del Castillo）和日本的日之雪花，日本蠔鮮嫩肥美、西班牙蠔海水味濃郁。前菜：香煎日本帶子三文魚籽法式多士，伴以田園沙律，帶子煎得香口，配上傾瀉的三文魚籽和食用花，是打卡之選香辣蒜香白酒煮藍青口：白酒蒜粒和白洋蔥配上藍青口，每隻藍青口都吸收晒精華十分惹味。主菜：法式黃油雞配香辣蒜香意大利麵：黃油雞份量足，雞件十分嫩滑，一口蒜香意大利麵一口法式黃油雞，記得連皮吃非常滋味。日本帶子大蝦配三文魚籽龍蝦汁意大利飯：滿瀉的三文魚子配上彈牙的大蝦和大大的帶子，意大利飯索晒濃濃的龍蝦汁，口感十分濃郁。蜜桃紅茶和柚子檸檬特飲都以食用乾花裝飾，賣相精緻。甜品是檸檬蛋白批，微酸開胃。多謝朋友預先通知餐廳寫碟，手字非常工整美麗，儀式感滿滿。剛隔籬枱也有壽星女生日，餐廳播上birthday song，氣氛十分好。這裏有午市套餐和下午茶套餐，有一個看街景的Bar枱位，下次可以過來邊食邊chill下。
繼續閱讀
母親節前夕帶媽媽嚟元朗呢間西餐小店慶祝🤭 尤其俾佢嘅生蠔吸引咗過嚟🤪 上網見到好多人推介 仲要超大隻🤪🤪🦪銀堡壘｜日之雪花真係手掌咁大隻生蠔😱 肉質勁肥美超鮮甜🥰尤其鍾意日本產地嘅日之雪花 口感真係超cream而且入口即溶西班牙產地嘅銀堡壘就咸啲、海水味重啲 食落都好滑😚$68一隻，咁大隻同埋咁肥美都真係好抵食😱🥗西班牙火腿田園沙律｜蕃茄湯沙律菜夠新鮮，配上橄欖黑醋汁好開胃 而且帕馬火腿鹹香味道好出色👅餐湯湯底用新鮮蕃茄熬製，帶有微微的酸味，十分開胃。配上少許香草的點綴，整碗湯更顯清新😚🦐香煎星班柳併老虎大蝦配柚子醬油星班柳煎得金黃酥脆，魚肉鮮嫩，配合大蝦的彈牙口感，讓人吃得津津有味。清新酸甜既柚子醬油配搭上星班柳真係一流👍🥩澳洲牛肉眼配燒汁牛肉眼的質地極為柔嫩，煮得恰到好處，肉汁四溢。燒汁的香氣濃烈，完美襯托出牛肉的肉味。搭配的焗薯簡單卻不失味道，焗得非常香口入味。🥧法式檸檬蛋白批呢間餐廳嘅招牌甜品果然好果然好唔錯😻 餅底超香 而且整體味道唔會好甜 反而偏酸多啲 完美結束呢餐母親節晚餐😊 而且餐廳亦都會用大碟寫住Happy Mother’s Day，幾有儀式感🎉🍹柚子檸檬特飲｜青檸藍碟花熱飲柚子檸檬加湯力水原來係咁夾🙈 柚子嘅甜味中和咗湯力水嘅微苦澀 而檸檬就帶出少少酸味好開胃青檸藍碟花熱飲就帶有淡淡的花香，清新又不失溫暖。青檸的酸味與花香的甜味交融埋單大約四百幾蚊一個人 食餐西餐晚餐仲要食埋蠔呢個價錢都好合理，而且媽媽都食到好開心好滿足🤭😚
繼續閱讀