影片
營業時間
今日營業
07:30 - 21:00
星期一至日
07:30 - 21:00
以上資料只供參考, 請與餐廳確認詳情
相關文章
每次出旺角都要幫襯！尋日見到出左新嘅麻糬BB，細細粒超靚，仲加入布丁係中間。有紫薯、草莓、特濃朱古力、開心果、原味。麻糬波一貫嘅好味，鬆軟煙韌，加上布丁勁幼滑，滑到入口即溶，真係將麻薯包包再度提升。最愛草莓味中間仲有一層果醬，味道更香濃，酸酸甜甜，唔怪得咁快賣晒。爆漿開心果奶油包：繼續開心果大熱，呢個包包勁滿足。麵包鬆軟香甜，中間係爆多開心果奶油，面層仲舖滿開心果碎，大大一個，早餐超飽足。香蔥芝士麻薯波波包：咸味包有驚喜! 香蔥味勁濃，中間收埋左芝士餡同一大舊麻糬，多到可以拉絲。最鍾意呢度嘅糯米糍，外皮煙韌軟綿綿，啖啖米香味。大大粒，餡料多到爆，十蚊一粒絕對超值。一款開心果有粒粒開心果碎，堅果味勁香。試埋另一款係榛子脆脆，朱古力勁濃，又夠甜，加上脆米，口感豐富。
繼續閱讀
話說小妹次次經過Fresh Fresh Bakery都會比俾佢d產品吸引住，今次忍唔住又買咗：⬇️⬇️✨麻薯Q Q布丁✨有原味、紫薯、草莓、特濃朱古力同開心果味；小朋友先做選擇，小妹全部味都要😆煙煙韌韌既麻薯外層包裹住蛋香強勁、滑到唔使用牙咬既布丁🍮；食落口勁有層次，每啖都幾重享受，仲要全部味都好正，真係不得了🫶💕加上佢個size 好啱我嘴型👄，成個－口吞真係勁滋味😆✨薄何朱古力脆脆包✨海量既朱古力脆脆幾乎將個包埋住左，好重手😉入面d薄荷夾心又好夠香，令人好有驚喜丫🥰✨香蔥芝士麻薯波波包✨估你唔到咁好食👍🏻👍🏻個包鬆軟得梨又有d Q彈既感覺；入口個下，強烈既蔥香同芝士香直沖味蕾，咸咸香香仲要識得拉絲，出色‼️✨脆脆糯米糍✨呢度嘅糯米糍一向都皮薄餡大，軟軟熟熟咁口感勁正🉐️；小妹次次行過都－定會回購😘今次我揀左既開心果、榛子脆脆同阿華田脆脆口味💖全部都味道香濃，外軟內脆，鍾意食糯米糍既你真係唔可以錯過丫😉🛑Fresh Fresh Bakery📍旺角港鐵旺角東站MKK 1號舖
繼續閱讀
每人行經旺角， 都會被一間包店吸引， 因為從遠就已聞到包香及曲奇香。 所以都有好多排隊。（5⭐️最高）麻薯Q 布丁（5⭐️）有紫薯、原味、朱古力、士多啤梨、開心果。當中我比較喜歡開心果味及士多啤梨🍓。 開心果果粒入口爽口而香、士多啤梨🍓入口時有陣陣的草莓🍓果肉香😚。而且入口的吉士香濃幼滑。好滋味💓薄何朱古力脆脆包（5⭐️）外層是朱古力粒粒， 裏便的薄荷忌廉唔會太濃郁，如果再食之前微微加熱，就會有留心嘅效果出現🤤香蔥芝士麻薯波波包（5⭐️）一打開個包袋😙，一陣陣的香蔥味散發出來。入口卻是香嫩幼滑的滑麻糬。開心果及新口味脆脆糯米糍各2 粒（5⭐️）皮薄而且非常足料的麻糬，一口一個真的是大滿足🤤
繼續閱讀
旺角站必試人氣烘焙店！新產品食到停唔落口Fresh Fresh 超驚喜！除咗招牌烘焙，最近推出嘅新產品，開心果主打超有驚喜。麻薯Q布丁勁多種口味，又開心果、朱古力、紫薯、草莓等等，軟滑布丁鋪上煙韌麻糬，咬落QQ彈彈，都幾大粒甜度剛剛好！薄荷朱古力脆脆包朱古力包體夾住清新薄荷忌廉，面層灑滿脆卜卜穀物粒，苦甜夾雜超有層次，朱古力控+薄荷控雙重淪陷！洋蔥芝士包鹹香界王者！軟綿包體裹住會牽絲嘅麻糬，混合香蔥同芝士碎，一口一個超滿足，當早餐或下午茶小食一流～韓式脆咔咔(洋蔥)超好食意料之外，可頌切開再烤焗居然係另一種美味，薄脆可頌片佈滿洋蔥粉，口感比薯片更鬆脆更好食，食到停唔到焙茶//開心果糯米糍糯米皮軟糯煙韌，內餡爆滿到幾乎瀉出！推介焙茶糯米糍，入面有大量粒粒脆，外皮軟內裏脆又唔會太甜，好食。焦糖夏威夷果仁脆糖本來以為咁大粒會好甜，實質果仁份量多，脆糖不會太甜，原粒夏威夷堅果香口。溫書煲劇食就岩。新產品每日限量供應，建議早少少去搶購！佢哋IG仲有定期更新隱藏menu～〰️〰️〰️#香港美食 #旺角美食 #FreshFresh #人氣烘焙店 #新產品試吃 #素人實測 #麻薯控集合
繼續閱讀
位於旺角東港鐵站，內裏選擇眾多，當中我最喜愛的就是他的麻糬產品，配有多種不同口味。芝士麻糬QQ，芝士味濃郁。紫薯番薯麻糬QQ ，帶點甜味。草莓小紅莓麻糬QQ ，酸酸甜甜的感覺。摩卡咖啡麻糬QQ ，濃郁的咖啡味。杜拜開心果脆脆朱古力麻糬QQ ，杜拜的感覺回來了。開心果麻糬QQ ，滿滿的開心果。朱古力Oreo麻糬QQ ，朱古力味滿滿含有大量Oreo。朱古力豆豆麻糬QQ ，朱古力豆般跳動。紫菜肉鬆麻糬QQ，鹹鹹甜甜。北海道牛乳麻糬QQ ，濃郁的牛奶香。另外開心果系列中，我也10分喜愛開心果脆脆，甜和脆的交融，更是一大推薦。
繼續閱讀