12
14
7
港鐵荃灣站 B1 出口, 步行約5分鐘 繼續閱讀
所有分店 (2)
電話號碼
23201080
營業時間
今日營業
12:00 - 16:30
18:00 - 22:00
星期一至日
12:00 - 16:30
18:00 - 22:00
付款方式
Visa Master AlipayHK 支付寶 現金 八達通
其他資料
支持防疫 詳細介紹
支持減塑 詳細介紹
當面支付
食評 (39)
等級4 2020-12-14
169 瀏覽
噚日(13-12-2020 Sun)同老公有事落荃灣,由於都開始肚餓,於是搵嘢食,search到呢間,老公話呢喥有細碗船麵,可以叫四碗食,咁有趣,咁就嚟啦.我哋研究完後,都決定要$48.00四碗細碗船麵,同埋分要$12.00同$19.00嘅汽,水同泰式凍奶茶.泰式凍奶茶好深色,茶味濃,奶味淡,但口感滑,而由於茶膽同港式嘅唔同,所以唔可以同港式嘅比較.老公就形容有啲似咖啡嘅苦澀.味道: 3分兩set四碗細碗船麵到嚟喇.我嘅有:1. 雞清湯炸魚蛋薯粉一飲啖湯就有適當嘅蒜味,而且都幾好味.炸魚蛋一般,唔算爽口彈牙.薯粉滑滑,ok.味道: 3.67分2. 雞清湯豬肉丸河粉豬肉丸味道唔錯,河粉夠滑.味道: 4分3. 牛清湯肥牛金邊粉牛清湯味道唔太濃,幾乎同雞清湯差唔多.原來金邊粉比河粉冇咁滑同有啲”界”口.肥牛正常冇問題.味道: 2.33分4. 豬湯扎肉檬粉豬湯深色,但味道有啲似肉骨茶,我唔係咁識欣賞.扎肉同檬粉正常冇問題.味道: 2分老公嘅有:5. 豬辣湯牛肚金邊粉牛肚有少少韌難咬開,味道較淡.味道: 1.5分6. 牛辣湯牛丸河粉其實佢揀牛腸,但今日冇.牛丸咁似豬肉丸嘅?係咪俾錯咗?否則盲就麻麻喇.味道: 0.5分7. 冬蔭功湯鴨血薯粉鴨血滑,冬蔭功湯唔辣,飲到椰子味.味道: 2.5分8. 牛湯鮮蝦全蛋麵牛湯牛肉味濃,全蛋麵爽口,ok.味道: 4分食完後,老公話可再叫多一set四碗細碗船麵,我話唔好喇,又要再諗,不如小食啦.咁佢就加咗:9. $8.00嘅薄脆.炸豬皮炸豬皮份量唔多,同薄脆一樣咁脆,而兩樣嘢味道都淡,蘸魚露食啦,但呢喥嘅魚露都幾鹹,只蘸好少都幾鹹.味道: 3分10. $19.00嘅木瓜沙律睇見紅色我就驚辣,但睇真係蝦仔,咁我撈勻食吓先,木瓜爽口但,原來落到喉嚨係辣,我唔食喇.老公一個人埋佢啦,但佢都話辣,好佢未飲晒可樂,可以幫幫佢.味道: 3分抵食係2.8分 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-05
56 瀏覽
.繼續延續禁晚市堂食😢大家都要繼續撐良心小店多啲買外賣呀💛.今次係荃灣千色匯呢啲相對大商場黎講搵到良心小店係異常地興奮呀🤩💛外賣自取78折黎講超平平過車仔麵但質素同湯底係好過普通車仔麵多多聲🥳認真係窮人恩物😍.🥢泰式牛魔王船麵 牛湯 金邊粉 $29個湯底係超濃超有泰國風味既牛湯底🐮飲落去似係煲左好耐既湯底加埋有多款餸 肥牛 牛丸 牛柏葉 蘿蔔🍜計埋有成4款餸超級抵4️⃣.🥢 泰式豬八戒船麵 冬陰公湯 金邊粉 $29冬陰公湯底比起牛湯就冇咁有驚喜🌶個味都相對黎講淡啲啲但都係有成4個餸 豬腩片 豬肉丸 扎肉 蘿蔔🐷份量其實都唔少呢個價錢黎講真係好高質👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
💛💛💛篤篤船麵💛💛💛去左眾安街個邊諗唔到食咩好,就開Apps睇下啦,見到佢係黃店就狗衝。去到唔洗等位,唔錯唔錯😂。餐廳裝修應該花左好多心機,入到去個感覺有少少似去左一間Cafe多於一間粉麵舖。壁畫好似就係描述緊點整船河,船河有啲乜嘢材料,畫得好靚☺️!泰式海南雞飯(配篤篤例湯)$64我唔想食麵,所以見到有飯就嗌飯。坦白講,碟雞上菜時,一望落去甩皮甩骨,肉質嘅顏色偏灰白色,總之一句講晒唔係平時食開黃色皮白色肉嘅海南雞,未食落口個陣真係有啲擔心😂😂。不!過!食落去味道又幾好食,佢係滑既同無渣既海南雞,仲有雞香味🥰。份量唔少,我覺得有1/4隻雞(亂估)。另外左邊有啲細細碟既配菜,因海南雞同飯嘅份量都好多,我連飯同雞都完成唔到,配菜只食得一啖。男朋友幫我食埋佢,佢話啲配菜都唔錯。我跟手飲埋送既例湯,喂呀!比啲心機同材料去煮得唔得😂。我完完全全唔知飲緊啲咩,只覺得好鹹。感覺上就好似飲緊一啲味精水咁樣。不過湯裡面既兩粒蘿蔔就好好食,非常之甜,唔知係咪湯太差有對比,所以蘿蔔更好食🤨。跟餐送青檸紅茶我揀左凍青檸紅茶,坦白講唔係幾好飲,青檸同紅茶好似唔夾。如果改為荔枝紅茶或者青檸綠茶可能會好飲啲。甜度啊冰多少啊都無乜問題,可惜味道係最大要改善點😢。泰式牛魔王 $58牛魔王餐裏面有肥牛、牛丸、牛柏葉。我估個湯係牛骨湯掛😂,因為有濃濃既牛味,唔似越式嗰隻咁清,而係煲到爛晒嘅牛肉湯💕。雖然個湯底係啡啡地灰灰地色咁樣,不過食落飲落又唔錯,無睇落咁怪😗。牛丸好食過牛柏葉,牛柏葉好食過肥牛。牛丸係正常牛丸,幾有牛味☺️。睇相都覺得牛柏葉無索到啲湯,睇落仲係白色架。肥牛有根,同埋過熟所以韌🤧。跟餐送迷你木瓜沙律,我本身唔係好食得辣,食左一條木瓜條,已經feel到辣無繼續食😂。仲送單骨雞翼一隻,隻雞翼細得可憐,食落去好似骨仲大過啲肉,希望佢哋下次可以買啲大小小嘅雞翼啦,不過隻雞翼醃得入味,鹹度適中,炸得好好食🥳!篤篤凍泰式奶茶 加$8奶茶嘅味道好似真係泰茶咁樣,好香煉奶味,又幾好飲喎🤤!不過加$8始終有少少貴,又唔係特別大杯,點解當左特飲咁樣收費既🤧🤧。我見深水埗個間分店好似好評多啲,我諗我會比次機會個間,如果好食,先會再次試荃灣分店😣。加油啊黃店💛!埋單$130(無加一) 繼續閱讀
(以上食評乃用戶個人意見 , 並不代表OpenRice之觀點。)
之前經過V walk嘅時候已經好想試吓呢間篤篤船麵,今次咁岩見到原來佢荃灣都有間分店,於是就諗住試吓佢。佢呢度最出名就係船麵。佢呢度就有做$58-5碗或者$48 - 4碗又或者你可以叫$13-1碗。如果有啲唔鍾意食澱粉質嘅人,呢度就啱晒因為佢有好多小食而且啲小食價格亦豐儉由人,由$8到$60客都有。我哋去嘅時間係星期日夜晚7:00左右,都算係食飯時間吧。不過舖頭入邊就水靜河飛。嗰時我喺度諗明明呢間係良心小店但竟然係食飯時間得個小貓三幾隻就諗住入去懲罰下。入到去舖頭裝修係唔錯嘅有佢嘅特色,彩色小板凳再加d鐵皮枱。食物方面我同我朋友都好鍾意食小食嘅所以呢我哋本身就諗住叫個鳳爪,泰式燒腩仔加木瓜沙律,泰式生蝦同蝦餅。本身好期待個泰式燒腩仔點知個店員過嚟話冇晒,所以到最後我哋揀咗嗰個$19嘅木瓜沙律。⭐️生蝦59蚊有成8隻抵食,而且蝦肉都算新鮮⭐️蝦餅得兩件但再新鮮炸出嚟,呢個好食嘅。⭐️木瓜沙律上枱嘅時候嚇親我哋竟然係搵一個大湯碗裝仲要係滿嘅。味道正正,常常$19咁大碗抵啦。⭐️鳳爪正常水平上枱嘅時候係咪唔係撈晒醬嗰啲,另外跟碟醬。小食so far係吾錯嘅。除咗小食我哋嗌左兩set嘅五個船麵,由於叫咗太多唔逐一講番以下點評一下邊一啲野值得食邊一啲野唔好叫。首先講講每個面佢都俾你配一個配料一個面底同埋一個湯底。面嘅話我同朋友分別試咗檬粉,河粉,米粉同金邊粉。我覺得全部都唔伏可以叫。至於啲配料值得食嘅有牛柏葉,扎肉,鴨血,豬腸。千祈唔好叫嘅就有牛腸同豬潤。最後就係湯底,老實講我介紹唔到任何一款係值得叫嘅,因為所有湯底都好似溝咗水咁,唔夠鹹味。連我呢個唔食魚露嘅都要係咁搵啲魚露去令到個湯底有少少味。仲有千其千其唔好叫加一蚊嘅彩虹湯,得一啲奇怪嘅甜味。如果比較好少少嘅話係冬陰功同牛湯。最後飲品我哋分別帶咗個椰子水同埋一個勵志蘭籽飲品。兩個都係本身支裝嘅嘢飲都OK嘅。最後如果你問我嘅話我未必會再去食呢間野,就算真係食嘅話應該都主要係只會嗌小食。粉麵真係吾得。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-17
122 瀏覽
可能見到標題你會好奇怪,點解晚餐可以但午餐不了?但係真的,唔知點解,晚餐同午餐好似兩間唔同既餐廳叫同樣既一碗牛魔王湯河夜晚招呼比較好,叫人係比較爽手,起碼碗河粉既料係灼透的,湯係熱的午餐碗河粉做乜碎的,湯又唔夠熱,牛肚食落擦膠咁明明都係一碗牛魔王河粉明明都唔係好爆棚,坐到半滿但完全係兩個樣順道想講聲,遞手叫野食攪到阻住夥記們傾計,好抱歉唔會有下次了 繼續閱讀
(以上食評乃用戶個人意見 , 並不代表OpenRice之觀點。)