第一郡 (已搬遷) 新店位置

黎到深水埗見到咁多人Like呢間餐廳就梗係要試下! 大約等咗15分鐘就入得，樣樣嘢食都好吸引🤗平時鍾意食熱辣辣嘅湯麵，但今日天氣太熱喇!☀️🔥想食下啲開胃嘅菜式!呢個越式法包超乎想像咁好食，諗起都好想搵日再戰! 個包皮脆脆地勁易入口，調味酸酸甜甜夠fresh!裹面嘢餡料非常豐富，有齊扎肉、腩肉、酸蘿蔔、青瓜、蔥、芫荽! 🥬🥖🥕 食咗半個一D都唔膩，只覺得相逢恨晚🤭之後再食烤豬肉撈檬，烤肉醃得入味又Juicy😚😚配上大量嘅白酸蘿蔔同埋花生碎，口感好豐富令人食唔停🤩事先撈好嘅檬酸甜汁值100分，每個味道都Balance 得十分好! 撈檬爽口又彈牙，夏天食涼拌粉麵係一大樂事!仲有我至愛既牛油果沙冰，口感細滑香濃，用料十足! 🤩🤩鍾意牛油果嘅朋友千其唔好錯過呀!最尾試左令我非常非常非常驚喜嘅榴槤糕! 雖然貌相平平但超有內涵~❤️🧡💛💚食落充滿榴槤嘅香味，仲有絲絲嘅新鮮榴槤肉，非常欣賞老板嘅真材實料同埋用心! 即時同男友打包多每人4個返屋企慢慢慢慢歎😚😋總括嚟講呢間係一間非常值得推薦嘅越南餐廳! 價錢合理之餘~食物質素出色又地道! 

呢間餐廳原本係天后有分店之前去過佢休息或者限聚令只能提供外賣天后分店好似已經結業.今次就嚟咗深水埗依間分店佢最吸引我嘅就係佢個斑蘭綠豆糕點知佢賣晒喎 唯有點其他糕點佢都冇令到我哋失望🔸蟹膏蕃茄湯檬 $55 👍👍      有件蟹膏cube超濃蟹味 足料而且唔貴🔸米紙蝦卷 $20 👍👍      個醬汁好特別 係自家製作🔸越式軟包 $38🔸椰汁紅豆糕同埋芒果糕 $6@.份量適中 價錢唔貴其實叫咗咁多嘢連埋嘢飲埋單每人都係$100內絕對CP值超高!! 👍.第一郡🍴深水埗荔枝角道315號地舖

第一郡舖頭細細，7點幾去到已經滿晒人，等咗10分鐘到先有位，入到去，發現冷氣其實唔係好夠🤣即時好有feel，似去左越南食pho咁!蟹膏蕃茄湯檬 $55材料有蟹膏餅，蕃茄，扎肉，豬紅，香菜，芽菜，生菜，檬粉首先湯底好香濃，有半個蕃茄，又有好多菜，扎肉好入味，依款蟹膏餅第一次食，但我就一般般，大家不妨一試，整體湯檬好好食（蟹膏餅除外）越式軟包 $38材料有腩肉，扎肉，肉鬆，酸菜，青瓜，芫茜，蔥，肝醬平時食越式法包通常都比較硬身，我哋第一次有得揀軟包，上枱時包身熱辣辣👍🏻入面材料好豐富，口感層次分明，先有好新鮮嘅感覺，食到肉嘅部分，又有好Juicy嘅感覺😋又平又好食本身想試埋米紙蝦卷，點知賣晒，下次再食過☺

第一次嚟呢度食越南嘢，係聽同事介紹話好好味。由地鐵站行嚟，喺對面馬路差唔多搵唔到呢間舖頭，因為個門口好鬼細，招牌又唔突出。但行到埋去發現六點幾已經好多人喺門口。入到去見到人哋嗰啲食物好鬼靚，所以嗌咗一個蟹膏番茄湯矇同埋越式法包，個蟹膏湯矇湯底好好味(個味好濃)，個法包又香又脆，最有趣就係佢個芒果沙冰，我覺得佢個芒果沙冰就好似奶昔一樣，又好似而家嗰啲喜茶咁樣，嗰牛油果沙冰都好正！下次去開深水埗都一定會再返嚟食。

呢間越南小店位置唔太顯眼，之前一直行過幾次都唔覺佢嘅存在🤣，店內冇華麗裝修，都幾多人外賣堂食只有簡單六張枱，但食完相當有驚喜‼️/扎肉法包$43相當大件，有七款配菜選擇麵包都有法包🥖/軟包🥯可以揀，包皮烘得脆脆地餡料超級豐富，有齊蔥、芫荽、扎肉、酸菜、青瓜、肝醬，一啖咬落去勁開胃又滿足，女仔細食的話一份應該KO😛！/烤豬肉撈檬$55，坊間食的話魚露水係會分開提供，但呢到就會落埋碗粉到，比例係落得啱啱好👍🏻唔會過酸，最驚喜係烤豬肉超級入味，食得出香茅味道超正！/米紙蝦卷$35有兩條，眼見每枱都會叫應該係超熱門菜式💥，米卷包得相當孔實，咬落去唔會鬆散，每條都有兩隻大蝦同酸蘿蔔、檬粉同香菜，沾上醬汁相當惹味🤩，夏天食相當fresh！/牛油果沙冰🥑$30，係食評網見到超級多人叫，其實似smoothie多過沙冰，飲落相當creamy，如果你係牛油果控會相當喜歡，但我就麻麻啦🤣/最後食埋班蘭綠豆糕$15，咬落勁煙韌，班蘭味幾出眾，中間夾著綠豆溶唔會太甜，估唔到兩個人都食左咁多野😂，埋單唔洗兩舊，值得支持呢啲💛小店！

每次經過都見好多人排隊，今日去食下午茶，可以話係滿足而回一去到就有位。打開餐牌見到烤豬肉撈檬賣相不錯，於是點了一份。烤豬肉醃得入味，蘿蔔絲、生菜絲同蔥粒全部都新鮮爽口。入面仲有好多香葉，食起嚟好有層次感天氣炎熱最啱食碗凍檬降溫價錢亦好平，不過男朋友話如果份量慷慨啲就更好另外叫了一份越式法包，熱烘烘的法包，除左平時會食到的食材外，入面仲夾了肉鬆同醬油，有別於外面越南法包做法，幾特別！總結：食物有驚喜，以呢個價錢來講好高質，媲美中環越南菜下次會再訪餐廳座位有限，冷氣唔夠，快快食完就離開

一直都好想試這間越式餐廳。 因好多人介紹都話好食。 但一見好多人要等又會冇心機去搵其他野食。今次朋友好堅持要試, 就黎左食。其實黎到都要等一陣, 已經等到4點幾下午茶時段，都多人, 即係證明佢好受歡迎。坐底見到佢既menu其實都寫晒係醬上。 好多野食。 檬粉, 米紙卷, 沙冰。我地點了蟹膏檬粉, 豬頸肉檬粉, 米紙卷, 牛油果沙冰。蟹膏檬粉, 竟然有超大個蕃茄，好濃味，亦唔會太咸。 非常啱味。天口熱熱地, 都食個撈檬。 豬頸肉燒得好juice。 同埋佢撈好晒味, 我唔洗自己再搞個汁，非常貼心。米紙卷, 睇落好簡單, 但見每一枱都有點, 應該係好野。佢真係扎得好扎實, 咬後唔會散開。 味道清得黎又夾蝦同肉味。 必食。牛油果沙冰真係幾特別。 打得超綿滑, 唔會粒粒碎冰而又有凍既效果。 好特別。

呢間平民越式小食店喺OpenRice都有幾多個舔舔脷，仲係運動第一天發聲💛次次行過都錯過真係有眼不識泰山🤭🤭·早排係抗疫期間都支持下💪🏻（佢哋個陣收起左大部份嘅枱，唔清楚而家還原堂食未～）·越式法包真係驚為天人，冇諗過個包係咁完美😱。除咗個包皮係脆脆地一啲都唔乾身之外，啲餡料嘅比例係啱啱好。有齊蔥、扎肉、芫荽、有啲酸酸甜甜嘅醬汁，食落好開胃又好Fresh！！🤤🥬🥖有喺越南食嘅風味啊！！·烤豬肉撈檬唔好睇外貌好似平平庸庸，雖然小店來講我覺得外賣已經攞到七八分～但係食落都幾惹味㗎。嗰隻撈檬酸甜汁已經幫我哋落咗，酸味唔係好突出。反而配料就真係幾足下， 啲菜切成絲，配埋啲酸蘿蔔，唔使用醬汁都可以帶到個味🤪唯獨是當日嘅豬扒有啲偏硬身。所以話越南嘢都係配扎肉最開心🥳·總括來講，小店有呢個質素非常值得讚！個法包係一定要食！喺網上見到有人強推佢哋嘅牛油果沙冰，今次冇叫到真係好可惜😢-越式法包｜$45烤豬肉撈檬｜$55-第一郡 (深水埗)深水埗荔枝角道315號地舖-

我好鍾意食越式法包，之前食過大角咀嘅蔥仔越南包，質素好高，成日心思思想再去，無奈大角咀我甚少涉足😐。早排知道深水埗嘅第一郡都有越南包食，於是第一時間走咗去試。呢度嘅越式法包餡料包括腩肉，扎肉，肉鬆，酸菜，青瓜，芫茜，蔥同肝醬等，全部都係最 classic 嘅配搭，上枱時仲好窩心咁將個長麵包一分為二，方便顧客進食，呢度有分加👍。咬一口，最先衝擊味蕾嘅係芫茜香氣，好似我呢啲芫茜控會覺得超正🤩；之後就係酸蘿蔔嘅味道，由於份量都幾多，成個包感覺稍為偏酸，唔太啱我口味😂。至於其他餡料屬正常味道，配埋個烘得脆卜卜嘅法包，整體水準算係唔錯。飲埋杯冰凍鹹檸七，又係豐富嘅一餐🤗。

💛終於食到bookmark左好耐既班蘭綠豆糕😍店鋪較細⋯平時見到排長龍一定唔簡🤣咁岩前排經過得一個排緊😏🥳·🍜烤豬肉湯河（$58）烤豬肉份量好多！！！好抵食！！！湯底鮮甜，但好多芫荽同九層塔😖😖😖每一啖都係九層塔味⋯唔鍾意😣食完仲要勁口渴·🥖越式法包（$45）最愛香脆法包😚食極唔嫌😋餡料有腩肉、扎肉、肉鬆、青瓜、肝醬、腌蘿蔔等🤩好彩超長既芫荽無切碎⋯方便我了走佢🤣·🥧班蘭綠豆糕（$15）點完餐後好快就到🤣以為甜品後上🤣食落勁煙韌！！好愛好愛😋甜度剛好～本身見有綠豆蓉卻步左一下⋯因為我唔鍾意食豆🤣好彩最後都有叫😛·🥄紫米糕+紅豆糕（$12）大食仔最愛⋯我已經好飽🤣·🥥椰皇（$23）大食仔唔俾飲凍野所以唔批准點沙冰😭無得飲🥑🥺🥺🥺有椰皇好過飲熱飲既🥺·📍第一群深水埗荔枝角道315號地鋪

#💛 #灰到深水埗 #灰到食越南菜🔻蟹膏蕃茄湯檬 $55配菜份量蠻多，有扎肉、豬紅、蕃茄等。要不是menu有提及，其實完全看不出，也吃不出是蟹膏餅😳味道偏鹹，也沒有甚麼蟹膏味。湯底帶點酸，是頗開胃。不知道是不是因為混了酸酸的湯底，豬紅吃下去有點怪味，味道不太搭。🔻牛油果沙冰 $30我人生第一次吃牛油果的食物就是兩年前(?)喝了一口朋友在這裏買的沙冰，當時覺得很好喝😆😋這次就想encore~這杯與其說是沙冰，更加像是smoothie🤣質感超越creamy💨不過牛油果味感覺比記憶中淡，可能牛油果的質素有影響🤔-👅食後感：今次的食物不如我期望的好吃😳有機會會再試試其他食物。-👀個人喜愛度：6.5/10-🚩第一郡深水埗荔枝角道315號地舖-#美食#香港美食#hkfood#food#hk#hkfoodie#foodie

一次於Vtv上見到介紹呢間越南菜館，專程前往～～～～這間小店由越南人主理，來港多年，可以話係正宗越南味道～～店鋪位於深水埗一條較安靜的街頭，鋪頭雖少，位置不多，經常多人排隊，要耐心等一會我坐底後，叫左招牌蟹膏蕃茄湯檬，等食時見到多數人都有叫，佢d越南coffee都唔平，但望落都幾正宗幾正～佢分量都幾大，湯底鮮味，札肉，豬紅，蟹餅咁既物體都好味👍👍埋單前仲拎多個甜品走，好煙韌！🥰🥰🥰🥰🥰🥰

深水埗有很多小店，今天推介這間越式餐廳： 蟹膏蕃茄湯檬酸酸甜甜的湯底配上扎肉、豬紅、豆卜等材料加上一大塊蟹膏餅，每一口濃厚的蟹鮮味PS: 吃過幾次， 蟹膏餅的味道有點不穩定🙊， 上次食有一點燶味🤔 香茅豬肉湯檬來越南餐廳一定會食的菜式，整體都尚可，豬肉入味之餘夠鬆軟😋 越式法包外脆內軟，微微烤脆的法包加上肝醬、扎肉、豬肉及蘿蔔絲，完美咁平衡左個包👏

今日行經深水埗，之前同事介紹深水埗有間越南菜，就專登同老公去食午餐，見到門口有幾個人等位，食店裡面大約10-12個位，所以等位時間需要10-20分鐘。越式軟飽+雞絲撈檬+菠蘿🍍沙冰+牛油果🥑沙冰，最大驚喜就係菠蘿沙冰+牛油果沙冰好似乳酪creammy😋有機會再行經深水埗一定去。

3年前因為同事介紹先認識到呢間店，之後都有好一段日子冇再黎啦。但每次見到牛油果沙冰，第一時間都係諗返起第一郡今日咁啱要同朋友黎深水埗，好想再食多次，睇下仲係咪keep得返水準先~左起：熱檸水，牛油果沙冰，菠蘿沙冰甜品：椰汁紅豆糕，紫糯米糕🥑牛油果沙冰：同當年印象比好似係冇咁濃味，但都已經比坊間嘅用料更足，更濃但與其叫沙冰，我更加覺得佢似smoothie,因為根本就滑到冇沙🍍菠蘿沙冰：朋友話有啲咸相信應該係同有浸過蟹監鹽水有關。因為呢間小店雖然店面細細，但放左好多新鮮菠蘿