影片
以上資料只供參考, 請與餐廳確認詳情
香港🇭🇰匯集各國嘅美食⋯⋯無論中西日各國應有盡有⋯⋯有時屋企食得太多中餐真係好悶⋯⋯而家天氣又熱⋯⋯又買餸煮飯係一個非常艱巨嘅工作⋯⋯今日罷工罷煮💁♀️🙆♀️⋯⋯行完東岸公園出咗嚟就見到一間漢堡包店！見到佢嘅banner好似好吸引⋯⋯就喺呢度開餐啦⋯⋯🙆♀️餐廳座位非常寬闊⋯⋯最緊要係冷氣夠勁⋯⋯牛油果軟殼蟹堡軟殼蟹炸得非常香脆⋯⋯內裏仲充滿肉汁⋯⋯鮮嫩可口⋯⋯軟滑濃郁的牛油果🥑⋯⋯我仲加埋大啡菇和半溶芝士🧀口感更多層次⋯⋯Yummy😋😋😋⋯⋯韓式炸雞呢間餐廳提供啤酒⋯⋯所以叫店員將韓式醬汁分開另上⋯⋯因為咁樣可以保持炸雞嘅香脆⋯⋯醬汁非常香濃⋯⋯炸雞外脆內軟⋯⋯慢慢嘆啤酒都保持香脆⋯⋯俾個like👍👍⋯⋯薯條可能係即炸嘅關係非常香脆，我最鍾意佢粗條型 ！洋蔥圈炸得非常香脆！但係又能保持洋蔥圈嘅鮮甜味！欲罷不能！炸薯格好少漢堡包店有炸薯格！呢間餐廳都有提供，而且非常香脆！欣賞特製嘅調味粉！好香💁♀️香草口味😋⋯⋯呢間餐廳仲提供意粉添，下次要試吓！
繼續閱讀
呢間漢堡店招牌都未有🤣嚟到北角食好西發現呢間Burger 店，原來係新開第二分店嚟，正呀喂～✅ 大啡菇笨蛋漢堡 $82 漢堡係手打漢堡勁juicy🥰 即叫即整好香好入味，醬汁用咗芥末籽醬，租甜地咸咸地。配料有芝士，洋蔥，酸瓜，生菜，蕃茄，大啡菇同漢堡勁夾！有提升到成個漢堡味道，大推好味😋✅ 超級笨蛋漢堡 $92 朋友叫嘅雙層超級笨蛋漢堡大癲！大大塊漢堡，厚到一口係食唔哂全部野嘅😆 朋友覺得好食，好香口好滿足。配料有雙層芝士，煙肉，洋蔥，酸瓜，生菜，蕃茄，芥末籽醬。✅ 溫泉蛋卡邦尼意粉 $70 卡邦尼意粉整得好creamy，味道好濃郁，煙肉好香口。最正係溫泉蛋撈落卡邦尼意粉度好好味，意粉軟硬適中，正呀🤩✅+$20可以升級套餐，我推薦食薯格，炸得好脆好香口。沙律都好食，配上日式沙律醬好清新。重有汽水或自家制嘅湯飲📍笨蛋漢堡 @bakaburger.hk北角北角道10號亞太商業中心地下1號舖
繼續閱讀
食左牛肉意粉、軟殼蟹漢堡、笨蛋漢堡、薯條、章魚小丸子，都係新鮮做同埋好食，推薦價錢相對頗爲實惠，一共食左$248。牛肉意粉味道足夠，意粉彈牙。笨蛋漢堡牛肉味好出，材料新鮮。軟殼蟹漢堡相對偏鹹，但係軟殼蟹真係炸得好鬆脆。薯條脆，而且放耐都唔會好似麥記咁樣變腍，茄汁係少見既地捫茄汁。章魚小丸子味道突出，同埋章魚唔係偷工減料、唔韌。香港好少有食到會令人眼前一亮既日式漢堡，我覺得值得比多啲人認識呢間小店。
繼續閱讀
之前在舊址試過牛肉漢堡，濃香多汁、咬落鬆軟、牛肉、芝士、菇菌搭配得剛剛好，口感豐富回味無窮。今日在新店食深海魚芝士堡。魚肉新鮮，外酥內軟，芝士拉絲，雙層魚肉芝士，啖啖滿足。 連我這種平時唔好漢堡之人都讚不絕口。 +20元就配小食套餐，選了湯和沙律。 沙律的蔬菜用料同樣好新鮮，配油醋醬，口感一流，健康好味。總共82元，性價比高。新店比之前大了很多，有4張4人台，和一排高凳。7點過後人客漸多，我剛好埋單讓個位出來。下次再來試下意麵🍝
繼續閱讀
開業應該有段時間，唔知點解路過都唔入來，可能門口唔起眼 。無意中FB睇到個post話好食，走入來試吓。點了笨蛋漢堡和超級笨蛋漢堡，分別係雙層手打牛肉，雙層芝士，超級笨蛋有煙肉，其他一樣。另外加升級套餐，點咗芝士薯條和汽水。侍應哥哥好爽快，點單講一次就得，上餐大約需要10分鐘，漢堡上枱熱辣辣，脆邊有肉汁，用牛油紙包住，直接拎住咬，唔怕食到一枱都係汁 。體驗不錯，下次會嘗試第二種口味。香港到處食店都在關門中，希望大家可以支持小店。
繼續閱讀