笑口祖

營業中

休息中

西九龍中心八樓Food Court，一直都係食平嘢之選。發現一間好平嘅新店，但完全估唔到平得咁過份，即刻試下呢間由退休夫婦開嘅食店，原來係非常高質嘅用心製作。都係睇餐牌紅菜頭趣味椒鹽豆腐 $26我地搵位搵左超耐，個提示器響左幾下都未攞到。婆婆話要特登重新炸過份俾我地，仲叫我地拎到位一定要第一樣食。熱辣辣外脆內軟，仲有少少爆漿，紅菜頭味道唔算濃，好易入口，不過食粉紅色嘅豆腐好開心，非常有趣。笑咪咪蘑菇飯（海鮮炒飯底）$36第二次見蘑菇飯嘅蘑菇咁大片，仲要係新鮮啡蘑菇🍄。而Creamy 嘅醬汁，下面係炒得乾身，粒粒分明嘅海鮮炒飯。裡面有蝦粒、蟹柳同埋菜心，即係無蟹子，雖然無咩名貴材料，不過出面$36應該淨係買到一盒蘑菇，簡直非常收貨，有下次。友愛泰式鳳爪 $26無骨鳳爪本身夠爽脆，酸酸甜甜加少少辣，加埋青瓜夠開胃，不過同行友人覺得唔夠濃，建議加少少魚露，順便增加泰式風味。招牌笑口乳鴿 $36呢度嘅乳鴿係豉油皇嘅做法，比一般滷水汁甜，但未到瑞士汁咁甜。Keep 到完整嘅外皮，裡面嘅肉好嫩滑，滑到以為部份肉係皮，差啲就浪費左。甜蜜白糖糕 $16白糖糕發酵得好好，氣泡好多夠煙韌，但完全無酸味。另

深水埗好多隱世小店，竟然係西九龍中心美食廣場發掘到間好食嘅小店，仲要出名乳鴿，梗係要食下啦。有滷水乳鴿同埋紅燒乳鴿，兩款都點了，紅燒乳鴿要即食先夠香脆，滷水乳鴿肉香味好濃。46蚊一個乳鴿餐仲配養生茶，真係好抵。炒飯餐$26，椒鹽豆腐$26，芝麻卷$16 ，大良炸奶$16！呢個價錢真係非常良心貼地。除咗乳鴿餐，手撕雞飯都好推薦，好好食，雞肉非常嫩滑。雞亦尖超惹味，辣辣地，份量超多。叫晒咁多食物(3人份量)都係$200左右。似是兩夫妻經營的小店，要大大力支持良心小店。總結，良心，好食，支持！下次再來！

🫶🏼深水埗西九龍中心food court 新開嘅舖頭！🏠唔使去酒樓，都有得食乳鴿，呢個最驚喜嘅～🦆笑口乳鴿飯就係一隻乳鴿加啲菜，乳鴿體型飽滿，我叫咗炸嘅，所以外皮呈琥珀色，油光鋥亮💛脆皮，皮下脂肪烤得極薄，毫無油膩感🫶🏼 啲肉質嫩滑多汁，尤其鴿腿部位輕輕一撕就食到⭐️🐣開朗手撕雞飯 都幾好，皮同埋肉部份清晰，味道啱啱好 唔會太鹹💛💛🧀芝士椒鹽豆腐⚪️豆腐切成一口大小的方塊，裹上薄粉炸至金黃，外皮酥脆到輕輕一咬就「咔嚓」裂開😂重點就係除椒鹽芝士，鹹香微辣中帶著芝士既濃鬱奶香🥯🧀另外我仲買咗炸鮮奶、白糖糕，充滿香港既味道😌老闆娘仲好好送咗杯桂圓茶🍷

今日就去左西九龍既美食廣場揾食見到呢間笑口祖，超多人排隊，而且價錢親民，20幾蚊就有超多選擇招牌乳鴿肉質鮮嫩，滷得好入味開朗手撕雞飯手撕雞皮爽嫩滑，配搭麻醬調味恰到好處快樂海鮮蟹籽炒飯有齊海鮮同粒粒蟹籽，飯粒炒到好乾身，夠唒大盒友愛泰式鳳爪鳳爪爽口，味道酸酸味味，好開胃趣味椒鹽豆腐面頭撒滿紅菜頭粉，外脆內軟，惹味香口可愛大良炸奶啱啱炸起夠晒熱辣辣，外皮金黃香脆，奶香味濃郁心軟班蘭糕咬落軟糯，椰味馥郁甜蜜脆麻花炸到好鬆化，再淋上糖漿，甜蜜滋味

上星期來到深水埗西九龍中心有間「笑口祖 HappyJo」，朋友說新開業已有人氣，因為食物有驚喜小店由一對六旬夫妻主理，老闆娘超nice , 更堅持親民價，多款飯餐都只係$26起，工作再忙都要好好食飯，呢間實在係平靚正呀招牌脆皮乳鴿咬落肉嫩多汁， 只是$36 加$10就可轉成套餐，全隻乳鴿飯，仲配花茶/養生茶+甜品！快樂海鮮蟹子炒飯鑊氣十足，炒到金黃色香味俱全，套餐均附送甜品及花茶/養生茶另外，特色小吃有班蘭糕、炸鮮奶、芝麻卷、脆麻花及笑口棗，全部經典之作！細個食到大！

今次來到西九龍中心8樓美食廣場，認真試勻「笑口祖」成個餐牌，每款都係街坊價，仲要樣樣有驚喜！ 快樂海鮮蟹籽炒飯 $26 鑊氣超足！蝦仁同魷魚粒夠彈牙，蟹籽多到每啖都卜卜聲，仲有啲蛋絲好味！開朗手撕雞飯 $26 雞肉撕得幼細，淋咗啲蔥油同芝麻，撈飯一流。雞肉滑順多汁，抵讚！回味雞翼尖（滷水味） $16 滷得夠晒入味，咬落去啲膠質黏嘴唇，滷水汁偏甜帶五香，送飯簡直無敵！ 歡樂雞翼尖（麻辣味） $16 麻辣控必點！花椒味突出，食完嘴唇會微微發麻，但唔會辣到嗌救命，越食越上癮。 可愛大良炸奶 $16 外皮炸到金黃脆身，一咬開入面嘅奶餡即刻流心，奶香濃郁但唔膩，熱食最正！ 迷人芝麻卷 $16 黑到發亮！芝麻味濃到似食緊固體芝麻糊，口感煙韌有嚼勁，養生之選。 甜蜜脆麻花 $16 即叫即炸，脆到嗦嗦聲，表面沾了蜜糖，邪惡但停唔到口。 心軟班蘭糕 $16 班蘭味清新自然，質地軟糯似糯米糍，東南亞風情滿滿。 哈哈笑口棗 $16 傳統賀年小食！外脆內空，芝麻香爆棚，咬落咔哧一聲，懷舊感即刻返晒嚟。 $16甜品全部高質，主食廿六蚊有交易，仲要款款有心思。特別推薦麻辣雞翼尖同

一對好有心嘅夫婦，因為覺得退休對佢哋太唔適合，所以個女打本比佢哋搞一間自己嘅食肆，老闆娘話佢先生本身喺酒樓做大廚，所以已經有好多年嘅大廚經驗，大廚出身嘅先生，加上呢位背後女人助力，開業至今做到停唔到手，好多時候一早已經賣晒佢哋嘅招牌乳鴿。點解會知道佢哋嘅故仔？呢對夫婦之前接受報紙訪問，喺佢個舖頭都有張貼分享出嚟。我幫襯嗰日啱啱有另外一個女孩子話喺報紙度睇到佢哋嘅報道，專程去買佢哋嘅斑蘭糕，仲叫夫婦倆繼續加油。而我就專程去幫襯佢哋嘅招牌乳鴿飯，同埋手撕雞飯準備聽日食，另外啲炸豆腐真係超正，有原味同芝士味，外脆內軟口感啱啱好，彈牙芝麻卷同香脆炸鮮奶唔係太甜，健康又好食，老闆娘話每日要準備最受歡迎嘅招牌班蘭糕都要花上三個鐘頭。老闆娘非常友善健談，見到冇乜客戶嘅時候，過嚟同我傾偈，所以知道佢哋咁多故仔，超水準嘅乳鴿仲係平民街坊價錢，一隻乳鴿只係為$36，我諗都幾難搵到呢個質素嘅乳鴿係咁平。大家去深水埗大力推薦呢家店幫襯，一定唔會令大家失望。

呢間小店好平啊 主打做街坊生意！#### 心軟班蘭糕 ($16)這款班蘭糕班蘭味微甜 口感煙靭！不錯～#### 迷人芝麻卷 ($16)芝麻卷好少地方有啦！係好傳統的手作！#### 開朗手撕雞飯 ($36)雞肉鮮嫩多汁，手撕的方式搭配的麻油恰到好處～#### 快樂海鮮蟹籽炒飯 ($26)好平好平啊！這道炒飯色香味俱全，海鮮新鮮，蟹籽的點綴增添了一層獨特的風味，炒飯粒粒分明！#### 椒鹽豆腐 ($26)豆腐椒鹽的香氣不錯 但好似炸到更脆會更好食！#### 笑口乳鴿飯 ($46)乳鴿肉質偏冧 但平價錢都算幾大份～#### 大良炸奶 ($16)這款甜品外層酥脆，內裡滑嫩，奶香濃郁，是餐後的完美選擇，令人心情愉悅。笑口祖 (深水埗)深水埗欽州街37K號西九龍中心8樓美食廣場8F27號舖

真係驚喜大癲🥳🥳估唔到香港$100港元，可以有咁多嘢食😍仲平過返深圳食啊👍今次試咗笑口祖嘅係一對公公婆婆一齊開的良心小店經營，而且食物都大大碟又好味😋紅菜頭趣味，椒鹽豆腐$26元椒鹽豆腐看來平凡，吃起來卻很誘人😍有了椒鹽，就算淡而無味的豆腐也變得不一樣好吃😋開朗手撕雞飯$36 元雞肉食落肉質嫩滑、蔥油味香濃，絕對是白飯的最佳搭檔乳鴿$36元外脆內嫩好Juicy甜品🍨可愛大量炸奶$16元（8粒）酥脆的外皮包裹著濃郁的鮮奶，奶香四溢美食😋斑蘭蛋糕$16元斑蘭葉，蛋糕會散發著一股濃郁的香味俱全，而且口感鬆軟濕潤，食落清新不會膩老闆娘服務超好人Nice 👍😍喺度等緊嘢食嘅時候即時有杯好味清熱好飲嘅飲品比我係免費🆓架。#西九龍中心 #美食 #美食推介

從不寫食評的我食完呢間小店後忍不住要寫食評讚揚一下！咁平民嘅價錢有呢個食物質素同即叫即做熱辣辣！有驚喜！性價比高👍🏼👍🏼乳鴿餐加$10可轉海鮮炒飯底,幾鮮味冇加錯揀咗燒乳鴿，叫老闆娘唔使切開，手撕滋味啲，皮脆肉嫩果然係招牌笑咪咪蘑菇飯，竟然實物靚過張相，仲有黑松露味同勁多蘑菇，啱曬蘑菇控雪印北海道芝士豆腐，係老闆娘推介嘅，香脆熱辣辣，仲燙親咀果然冇介紹錯麻辣雞翼尖好香嘅鹵水味，都唔算好辣，剛好啱我哋唔食得好辣嘅人食見到個餐牌樣樣都好吸引，樣樣都想食，結果嗌大咗！兩個女仔根本食唔曬最終要打包🤭朋友仲加購咗甜品，個心軟班蘭糕真係好柔軟好香乳鴿擺設好得意餐具包都好齊全窩心👍🏼

話說我好耐冇來西九龍中心，見今日天氣還好，便行下西九，聽講西龍6F(樓)同8F(樓)多咗好多唔同國家菜式，港式、泰國、川式、印尼、韓國、法國、西班牙、日本等，上到8F行行下，見到一個得意招牌笑口祖睇過啲野都還可以，叫左一個海鮮炒飯26蚊😊但我俾錢時😊😋得25蚊散紙So我諗著使用八達通俾老闆娘即時話唔使了我少俾左一蚊。🙏雖然1蚊唔係好多，但溫暖架說話、服務真心感動我。😊之後個餐送到俾我時😘我覺得幾好。值得推薦👍😋。(有1主食、2甜點、3.蔬菜4.飲品)

見到社交媒體網站推薦 再睇埋其他人食評都見到有啲伏都諗住畀個機會佢淨係試下個班蘭糕點知都係伏嚟 一啲班蘭味都冇 只係一嚿微甜嘅糕 浪費寶貴嘅16蚊但老闆娘係友善嘅 好好笑容不過冇必要再幫襯

叫左個海鮮炒飯，原本話等15分鐘，最後等左超過半個鐘，催完佢入面負責廚房嘅兩公婆都好似懵下懵下唔知做緊咩咁，要靠出面負責落單嘅妹妹同佢地講差d咩未整好而且甜品送晒落單個陣又吾講，去到我攞外賣主動問先話無😅即係我吾問就無人話比我知無甜品食啦🫠攞上手個飯係凍嘅 唔係熱嘅 食落口啖到完全無味 杯花茶飲落都好奇怪真係無下次

呢排西九龍中心都有幾間好出名嘅餐廳～除咗樓下意粉之外 今次終於試到呢間性價比小店😍食咗快樂海鮮蟹籽炒飯 $26炒飯有齊海鮮同粒粒蟹籽 $26仲有埋甜品同飲品 真係時光倒流價錢🥹同行朋友食埋乳鴿飯可以揀油炸或者滷水滷水乳鴿好入味 $46就食到～附送嘅甜品斑斕糕都好好食♥️♥️♥️店舖叔叔好好人 仲有收銀員姨姨兩個人由朝企到晚但係服務態度超級好 仲幫我哋冲花茶用超級良心價令到大家食得開心大家經過西九龍中心不妨一去！

今日同老公出去廟街買嘢，諗唔到食咩就去咗西九龍中心food court，見到呢間主打炸乳鴿$36，就膽粗粗試下，我哋叫咗一隻炸乳鴿，芝士椒鹽豆腐，海鮮蟹子炒飯，蘑菇飯，仲送咗班蘭糕，有驚喜，乳鴿超多汁，唔會炸到好乾同埋感覺好新鮮，芝士椒鹽豆腐好味外脆內軟，海鮮蟹子炒飯味道淡咗少少，但我個人口味比較淡我覺得可以接受，亦都好足料，第二驚喜蘑菇飯超好味，最窩心係仲有甜品餸，班蘭糕非常煙韌亦都唔太甜我本來不太食甜品但都鍾意食，店舖由兩個老人家打理，亦都好nice，食餐飯加埋都唔使$150，真係超級平，因為老公好鍾意食乳鴿走嘅時候再買多兩隻乳鴿返屋企，然後再問老闆娘有冇外賣平台🤣但可惜老闆娘話因為老人家唔識得用，所以暫時未有，冇辦法了唯有下次有時間再去食，今次上來打食評是想支持呢兩位有愛嘅老人家，良心小店已經買少見少，祝你哋生意興隆，會多啲推介朋友過來支持😊