竺扶大班燒味

營業中

休息中

周街都係燒味店唔通周街嘅燒味店都好食咩🤣今次就真係比我搵到一間好食仲要有良心嘅燒味店介紹比大家💛🍴黯然銷魂鴛鴦飯($68)相信食神入面周星馳嘅黯然銷魂飯大家都好熟悉~餐廳除左本來有嘅叉燒之外仲配埋冰燒鳳凰雞🤤半肥瘦叉燒咬落油香較重蜜汁剛仲有燶邊好香口😋冰燒鳳凰雞燒到外皮香脆肉質嫩滑配埋鳳凰辣汁酸辣開胃❤️🍴乳豬五寶飯($98)疫情期間好多飲宴聚會都取消左令到我有啲掛住乳豬🤣乳豬五寶飯除左乳豬之外仲有油雞、叉燒、紅腸同鹹蛋~乳豬外皮香脆唔會好肥好膩肉質都唔會dry😚油雞keep到一貫肉質嫩滑豉油汁都入味~不過個人比較鍾意偏甜少少就會再正啲🤣呢碗嘅叉燒偏瘦啲但係肉質完全唔會「鞋口」都係好軟淋❤️🍴鵝汁菜芯($20)一般餐廳都係腩汁油菜我都係第一次試用鵝汁浸嘅菜芯🤤出奇地食落唔會好油但又有鵝油嘅香味~🍴粉葛赤小豆豬骨湯(+$6)餐廳每日嘅湯款都唔同我地去當日就係粉葛赤小豆豬骨湯~跟飯加湯都係$6好抵飲仲又足料😋

🍴老火靚湯 6 蚊🔥跟餐加6 蚊既老火湯 今日係蓮藕湯 瘦肉 個湯好入味 瘦肉都煲得幾淋🐖 而蓮藕都幾爽口 唔錯🍴淨汾蹄 78 蚊🐖本身係海哲燻蹄 但冇哂海哲 所以就甘淨燻蹄 食得出帶 有 d咸香同酒香味 個皮整得幾彈牙 肉質都幾滑 點 d白醋都好正 👍🏻👍🏻🍴黯然銷魂鴛鴦飯 68 蚊半肥瘦叉燒 冰燒鳳凰雞 煎雙蛋 🥚🐖🐤鳳凰雞應該係燒雞 雞皮幾香脆 帶 d甜香 雞肉幾彈牙入味 個燒肉就好夠香脆 皮 肥膏 腩肉層次分別 燒肉汁叫大將燒肉汁 香咸得黎帶 d 甜豉油🐖 所以就算燒肉唔洗點芥辣 都好夠味 要黎撈飯正 而雞就點另上既 鳳凰辣汁🌶️ 帶 d酸辣味 可以減低番雞肉既膩度 再加上煎隻太陽蛋 連埋蛋汁撈飯好食 ! 🥚 🍴燒鵝五寶飯 88 蚊🍚燒鵝 🐖叉燒 燒腩仔 🐷玫瑰紅腸 鹹蛋半隻 🥚五寶飯材料豐富又大碗 首先用咸蛋撈飯 叉燒厚切 帶 d蜜糖香 而且口感軟熟 燒腩仔分幾層 有層次感 外層最香脆 紅腸夠入味 🐷而燒鵝 皮夠香脆 好入味 🔥肉質都嫩滑 最正係呢 d甘香既燒味配埋熱辣辣既白飯 喺食前已聞到香味 👍🏻 所以由開頭至食完都好滋味#燒味 #燒臘 #紅腸 #燒腩 #燻蹄 #叉燒

燒味絕對係每個家庭加餸都必叫🤩咁多款我就最鍾意食叉燒，燒得燶邊又有蜜汁嘅甜味，仲要啖啖肉真係令人流哂口水🤤🤤雖然地點位置位於街市附近，但都算企理亦都係小小嘅一條食街，店鋪裝修以金黃色為主調，光猛得嚟感覺幾乾淨👍🏻▫️乳豬五寶飯 $98樣樣都有啲，啱哂心大心細嘅朋友仔💁🏻‍♀️乳豬五寶飯除咗有乳豬外，五寶仲有包括油雞、叉燒、玫瑰紅腸及鹹蛋，賣相吸引之餘份量都唔少‼️略嫌乳豬唔係好脆口，可能我哋都比較晏食，反而油雞及叉燒幾出色，滑嫩又啖啖肉😋😋加埋咸蛋嘅咸香撈飯一流💯▫️黯然銷魂鴛鴦飯 $68見menu寫住「全港首創」，又有齊我最鍾意嘅叉燒同煎蛋🍳，即刻好想試下✅原來佢哋嘅叉燒都幾講究，用上半肥瘦波蘭黑豚豬肉，脂肪豐叟，燒得焦香又帶蜜汁甜味🤤🤤驚喜嘅係冰燒鳳凰雞一樣咁惹味，配埋特製醬汁真係撈到幾碗飯🍚▫️鵝汁菜芯 $20平時唔鍾意食蔬菜🥬嘅朋友，應該同我一樣都會食到停唔到口，首先菜芯好嫩又爽脆，以香濃鵝汁煮，菜芯吸盡精華甜甜哋好好味😋

藍帶燒味😊好有驚喜😻依間小店主打燒味飯，今次叫左幾樣黎食😇估唔到樣樣都有驚喜👍🏽依到既地方一都唔噏耷有別於傳統既燒味店，就算係街市附近環境都好舒適😻.暗然銷魂鴛鴦飯 $68值得一讚既係個叉燒🐷燒得好靚，仲要係真正既半肥瘦🤫帶有少少濃邊🤩再配上冰燒鳳凰雞🐣雞全部都係嫩滑😊個皮帶有少少脆口‼️.燒腩仔汾蹄雙拼 $56燒腩仔真係好脆口🤩個皮未試過甘好食架😻本身都驚好dry,好彩有豉油係個飯底到😊啲飯整體黎講就細碗左少少🤏

心血來潮想食燒味，就與朋友去咗佢公司附近嘅燒味店食dinner😆🔸乳豬五寶飯（$98）呢度有燒鵝或乳豬五寶飯，鍾意食乳豬嘅我梗係揀後者啦！五寶飯除有乳豬外，仲有油雞、叉燒、玫瑰紅腸及鹹蛋，賣相不但吸引，份量都唔少！乳豬皮幾香脆，油雞髀食落啖啖肉😋配埋充滿油香嘅鹹蛋真係超好下飯👍🏻🔸黯然銷魂鴛鴦飯（$68）呢款個名夠搞鬼，而且標明「全港首創」，無理由唔試吓啫😆兩隻𠺘吓𠺘吓嘅荷包蛋好吸引😍半肥瘦叉燒以波蘭黑豚豬燒製，夠晒講究👍🏻食落唔會嚡熠熠，肉嫩又有油香，好味😋而冰燒鳳凰雞本來都唔錯，但配埋秘製鳳凰辣汁後，即時變得更加好味，原來個汁先係靈魂所在😋🔸老火靚湯（+$6）燒味店每星期會有7款老火湯供應，是日嘅老火湯係冬瓜薏米白豆煲豬骨湯！味道清甜，飲得出係真材實料，完全無加味精，飲完都唔會口渴👍🏻🔸鵝汁菜芯（$20）菜芯幾嫩口，鵝汁味香濃，食落甜甜地幾惹味😋重點係呢道菜式唔常見👍🏻另燒味店仲自設太空爐，定時出爐新鮮燒鵝，鍾意食鵝嘅唔好錯過！

🍽 竺扶大班燒味 (灣仔)灣仔三角街2-3號華欣閣地下3號舖適逢一年一度嘅書展，🐽又點可以錯過！難得嚟到灣仔梗係要捐窿捐罅搵美食啦！今次就搵到一間遠近馳名嘅餐廳-竺扶大班燒味💛試一試佢哋首創嘅黯然銷魂鴛鴦飯以及作為測量燒味店嘅指標-燒鵝瀨😋🐽作為一個食燒味長大嘅香港人，豬豬偵探一直尋覓一碟好食嘅燒味飯……一碟燒味飯最重要係咩？係燒味嘅火候、係飯嘅口感！可惜好多餐廳的燒味飯都良莠不齊，一係就燒味燒到乾「噌噌」，一係白飯煮到淋「擗擗」。好食嘅燒味挭係有啦，但係價錢就貴到飛起😅明明燒味飯最吸引嘅地方就係平易近人嘅價錢，以及食落去口腹皆滿足嘅味道。恰好呢間餐廳就做到一碟好嘅燒味飯🤩黯然銷魂鴛鴦飯 $68（🧡🧡🧡🤍）黯然銷魂鴛鴦飯係以坊間嘅黯然銷魂飯為藍本嘅加強版，除咗本身嘅叉燒、太陽蛋，呢度加入燒雞作配搭，無骨冰燒鳳凰雞配搭上佢自家製嘅鳳凰辣汁非常惹味😋呢碗飯分量十足，厚切叉燒足足有四件，採用咗波蘭黑豚肉，色澤亮麗肥瘦適中仲帶有焦香燶邊，肉質爽滑鬆軟，係一舊超高質嘅半肥瘦燶邊叉燒💯打孖上嘅太陽蛋煎得金黃香脆，透亮的蛋白、半熟流心蛋黃配搭上濃厚嘅甜豉油，用嚟拌白飯食簡直係絕配🤩古井燒鵝配上湯瀨粉

叉燒周街都有得食，但好食的叉燒就未必度度都食到。公司由上環新搬黎灣仔，就更係要搵下有咩飯堂食個lunch。有日心血來潮想食叉燒，就上openrice搵搵附近有冇得食，就睇到le間個名好難讀ge竺扶大班燒味，其實我就第二次食，但上次就外賣，本身打算等2點半叫下午茶，夠鐘行埋去落單，收銀姐姐仔竟然同我落正價，仲話冇得退….去食下午茶ge朋友仔自己注意下。但有個禁差ge經歷，點解我仲會去食？當然就係食物有料到la!上次拎走我就食叉油雞飯，叉燒正！夠淋，飯正！粒粒分明，唔係爛飯，汁唔會過多，蔥油咸度適中，係一個好食的燒味飯！今次可以早少少大概1230去到其實已經開始要排隊，等10分鐘左右就入得，門口哥哥仔繼續都係粗聲粗氣單單打打，我黎食野又唔係相睇就由你la，睇門口貼左張剪報有碟叉燒鵝汁撈粗，好吸引！就叫左黎試下叉燒：同上次差唔多，keep到水準實屬難得，又淋有咬口，有少少彩色就知佢新鮮，好叉燒黎講，繼龍邦同新桂香，佢係第三間我覺得好食而記得。鵝汁撈粗：安利豉油王撈粗就食得多，鵝汁撈就第一次食。佢掛汁味濃，重口味一定喜歡！食得出鵝味之餘仲有少少炭燒味，唔知佢點做到，都幾回味！佢仲有跟碗撈麵有的

聽同事介紹呢間燒味，個個都讚好食。又等我黎會一會佢先！ 今次揀左12:00中午時段黎，店舖位置都幾易搵，而且幾突出！ 正因店舖四周係街市，佢裝修新穎同光猛，好容易一眼就睇到。呢個時段黎到唔係好多人，仲有一半空位，店內裝修同其他食評所講一樣，是擺脫左一貫對燒味店嘅老舊，地板油淋淋嘅感覺留意到每枱食客都食緊叉燒，又等我試試先！ 我揀左個叉燒+燒鵝飯 $58一大碗，飯量十足叉燒：半肥瘦+燶邊， 食落一啲都唔肥膩，肉質淋淋地而且有咬口，唔會燒到好乾一條柴咁🤤有d 食評會話佢太燶，我望落又無咁嘅事，覺得岩岩好，又鍾意佢夠甜！燒鵝： 皮脆肉嫩！我食嘅位置剛好肉，骨各半，有少少肥膏，食落好香炭燒味，又無一陣騷味而酸梅醬，好傑身，唔係稀林林，酸甜剛好白飯+燒汁：不得不讚埋，佢嘅飯係粒粒分明，有咬口，好有口感，加埋燒汁一流，唔會太淋身！ 仲有個燒汁，一啲都唔肥膩，唔會見到係油淹咁款，同埋係好清澈（見唔到有渣滓）顏色淡淡，但味道一啲都唔淡！再試埋冰燒鳳凰雞飯+ 辣汁 ($52)係雞扒黎，而唔係燒味雞第一次見燒味舖用雞扒， 感覺幾新鮮可惜，略嫌有d 硬同乾身而辣汁，辣中帶酸，有少少泰式風味，十分惹味開胃每日

#港式eatcovery #灣仔eatcovery💡本土良心燒味店💛相信大家細細個已經開始食燒味飯，比人感覺係頹食，但今次依間燒味店就打破小編對頹食燒味既觀念，令小編眼前一亮😋🍽 黯然銷魂鴛鴦飯全港首創嘅黯然銷魂鴛鴦飯，鴛鴦飯入面有半肥瘦叉燒、冰燒鳳凰雞、煎雙蛋，份量多到遮住曬啲飯😂🐖叉燒係用左波蘭黑豚肉，每一塊都好厚肉，啖啖肉，肉質偏腍身，一啲都唔乾。每一啖都食到濃濃嘅蜜糖香汁，加上微微嘅焦味燶邊，配上大將燒肉汁，非常juicy，真係無敵！🐓冰燒鳳凰雞，每件切雞幾乎係無骨嘅，啖啖都係肉，燒雞肉質亦好鮮滑，外層仲經過輕微嘅烤焦，好脆口。加埋個秘製鳳凰辣汁，酸酸甜甜，更加開胃。🍳流心煎蛋打孖上，蛋漿撈飯，將成個飯昇華咗，保留左黯黯銷魂嘅精粹☺️🍽 乳豬五寶飯五寶飯入面有乳豬、油雞、叉燒、玫瑰紅腸、鹹蛋半隻，鋪滿曬成個碗🐖乳豬外皮燒到好脆，肉嘅部分唔多，但夠嫩！配埋燒肉汁，一流👍🏻🐖半肥瘦叉燒唔洗多講，肉質淋得黎有咬口。🐓油雞肉質嫩滑，帶小小油脂，夠香口。加埋半隻鹹蛋，撈飯一流。🍽 鵝汁菜心菜心充滿著香濃嘅鵝汁，令平時唔鍾意食菜嘅男小編都食左好多。🍽 西洋菜蜜棗煲豬腱湯一飲落去就感受到家

𝑆𝑖𝑢 𝑀𝑒𝑖 燒味 🍗🥩🍳🍚・灣仔區性價比較高的燒味店此店由藍帶廚師主理有一定的水準而我偏愛這裡的叉燒❤❤❤叉燒選用了波蘭黑豚肉先用大火燒製 燒出肉香再用慢火 慢慢烤成有肉味之餘而且肉質非常鬆軟平日我愛點這裡的黯然銷魂飯配上兩隻燶邊太陽蛋與叉燒汁極有風味😋😋😋・這裡除了叉燒之外我每次也必選他們的自家製羅漢果茶有益之餘他們製成的味道亦相當濃郁 另一款 就是他們的老火靚湯 每日都有一款湯品供應味道都很不錯 看到足料熬成有別於一般餐廳的是日例湯 ・⭐黯然銷魂飯⭐叉燒米⭐自家製羅漢果茶⭐老火靚湯

把握書展最後兩天，跟朋友到書展掃書前，到附近先吃飽肚子。古井燒鵝+燒腩仔 - $58想不到燒鵝的雙拼飯價錢與其他燒味差不多，選擇燒鵝絕對是物超所值。有五塊肥美的燒鵝肉，鵝皮燒得酥脆汁美，不會很肥膩，肉厚香甜啖啖肉；燒腩仔脂肪及瘦肉層層相間，不油膩有肉香，外皮脆卜卜不滲油；飯底有少許豉油調味，還有一條菜芯。豉油雞+燒腩仔 - $56有六塊雞肉連骨，雞肉好嫩滑，豉油滲透雞皮及雞肉，更皮與肉之間更連著少許黃油，雞油香頗重，就連飯底也有些咸中帶甜的豉油，特別開胃。凍奶茶 & 凍檸檬茶 +$7奶茶茶色頗深色，茶味較為濃郁，剛巧特別點了多奶，奶香感也同樣重，入口不失港式奶茶的順滑飽滿感。

燒味店一向給人一種較灰暗的感覺，但剛剛行經灣仔三角街，就見到一間金光閃閃的燒味店 - 竺扶大班燒味店。新派燒味店環境乾淨企理，真係食都食得放心！講到明全港首創黯然銷魂鴛鴦飯，當然第一時間要落單啦。店內一樣燈光耀眼，金鐘罩燒鵝、銷魂叉燒皇、霹靂火燒腩、飛天貴紀雞，淨係睇名都知勁！黯然銷魂鴛鴦飯 / 金牌四寶飯 / 紹香豉油雞淨睇賣相，都相當吸引！黯然銷魂鴛鴦飯黯然銷魂鴛鴦飯當中已包括半肥瘦叉燒、冰燒鳳凰雞、煎雙蛋，而且份量真係不少。其中半肥瘦叉燒邊位微微燶邊，入口軟腍，肥瘦適中，原來他們是利用了波蘭黑豚肉制成，難怪那麼肉味香濃，啖啖甘香。而冰燒鳳凰雞原來是一燒雞，那肉質嫩滑，入口啖啖肉，配上秘制鳳凰辣汁，更是錦上添花，非常惹味。最後還有煎雙蛋，輕輕切開蛋汁滑出，更添飯香。金牌四寶飯四寶飯中有半肥瘦叉燒、切雞、玫瑰紅腸、鹹蛋半隻，非常豐富。鹹蛋蛋黃漏油、紅腸煙韌有咬口、叉燒肉嫩甘香、連切雞都多肉嫩滑，真係非常抵食。紹香豉油雞叫了2款飯餐已有多款配餸，但都不忘叫半隻肥美紹香豉油雞。鼓油雞整得好食一d都唔易，浸醃太耐肉會老身，不夠會成帶血雞，但他們處理得剛剛好，肉質嫩滑多汁，更有一種鮮甜味道，

今日黎到灣仔想食平平地食個lunch，所以揀咗依間OpenRice評價唔錯的餐廳雖然餐廳位置處於街市一角，但店內都幾乾淨衛生，而且中午時間見到好多人排隊買外賣～我地坐個張臺係風口位覺得有啲凍🥶，但店員都好好人甘幫我地轉左張臺👍黎到重頭戲——燒味飯！ 1. 燒鵝乳豬雙拼飯（$88）熱奶茶（+$5） 燒鵝皮帶左啲脂肪，送飯一流，不過我食個幾件就吾係好多鵝肉可以食😅到乳豬啦～乳豬皮夠脆，肥瘦適中又夠厚身，食食下有啲膩就點左啲芥末，點知又幾好食喎😋杯熱奶茶都幾好飲又夠滑😚2. 燒腩仔叉燒雙拼飯（$58）雙拼飯黎講都唔算貴，燒腩仔夠晒脆，可以一啖一件，記得要點埋芥末食💛！佢比起平時食開深黃色嘅芥末唔同，食落唔會搶咗食物本身嘅味道，解膩之餘又可以食多幾舊💗！至於叉燒，有燶邊食得出炭燒味，肥瘦均勻，又夠曬大件😎3. 乳豬叉燒雙拼飯（$85）啲燒味味道差唔多，不過今次啲乳豬比較多骨，得好少肉，而且食到底有啲鹹，可能落得太多汁🤔其實依間餐廳仲有暗然銷魂飯，好多人叫，不過今次冇試到😂

最近嚟到灣仔食燒味飯 聽聞呢間嘅黯然銷魂鴛鴦飯好出名🤩仲好似係全港首創‼️而燒味都係日日出爐 所以就嚟試吓😚👅 黯然銷魂鴛鴦飯 $68佢有兩隻勁大隻嘅太陽蛋🍳隻太陽蛋好流心 啱晒啲鍾意用蛋汁嚟送飯嘅人🥰仲有半肥瘦嘅叉燒 叉燒食落軟淋淋 但係又唔會過分肥膩🤤🤤叉燒嘅邊亦都燒到幾香脆 真係幾好食😋而嗰日咁岩冰燒鳳凰雞賣晒 變咗做油雞 但係都好好味 油雞好滑🤩就算係雞胸都肉質鮮嫩😋不過聽職員講佢地嘅冰燒鳳凰雞配埋秘製鳳凰辣汁好正 所以下次要再嚟試吓‼️👅乳豬五寶飯 $88佢嘅乳豬嘅外皮燒得好香脆 肉質幾好😛亦都唔會有太多肥膏 五寶飯仲有油雞 叉燒 鹹蛋🥚同埋紅腸 全部都整得幾出色😚😚👅鵝汁撈粗 $28佢嘅鵝汁好邪惡🤩甜甜地鹹鹹地 撈麵一流‼️而聽聞佢隻燒鵝都好好食 下次要嚟試一試😚特別一題係冇諗過燒味店嘅裝修都幾靚🤩係以金黃色作主調 同埋都坐得幾舒服😌總括嚟講 呢間餐廳嘅燒味真係做得幾出色😋😋環境都唔錯 大家嚟到灣仔不妨一試🥰😋 好味：7.81/10🤑 價錢：8.01/10🤗 服務：7.99/10😝 環境：7.89/10😚 衞生：7.45/10🤩 整體：7.94/10

雖然最近天時暑熱，但肚餓起上嚟，成個心淨係諗住去食個燒味飯。嚟到呢度見到門口好多人，好彩大部份都係等外賣嘅，所以兩位都好快可以入去。見到樣樣燒味都唔錯，最後三心兩意，唯有揀個大雜燴🤣🤣(唔記得叫咩名)叉燒簡直係色香味俱全，個部位好靚，我估係梅頭，有少少”林身”得黎亦唔會太乾，好正。(之後有一日，搞到我特登嚟買咗半斤叉燒返屋企加送)。另一樣勁值得讚嘅燒味係燒肉，皮超脆，食落真係”索索聲”，肥瘦相間，好邪惡又勁吸引!其他燒味，包括雞、紅腸、燒鵝等等都好正，配埋個嘢飲，好滿足！