影片
以上資料只供參考, 請與餐廳確認詳情
竹家莊 @ 佐敦不約而同…兩個朋同事強列推介話呢度既辣蟹好好味…仲叮囑我記得試埋個燒鴨河咁話。 咁大推無奶油唔試下今日入門時留意到門口有韓文…應該都幾多韓國人幫襯咁。 入到餐廳…店員熱情招待安排座位。 餐廳地方唔太大…不過坐卡位是ok的望下餐牌都唔算太多選擇…辣蟹…海鮮…白灼野…無小炒。就點朋友推介既辣蟹(中辣)…燒鴨河…白灼水魷…蒜蓉炒韭菜花蟹肉時間掌握唔錯…肉質都保持到嫩口。 料頭真係靈魂…惹味乾身…不過略嫌中辣唔夠辣…未夠惹味。 剩餘料頭打包返屋企淥米粉用燒鴨河…燒鴨俾胸位多肉…唔會鞋柴…湯底應該有加燒鴨殼煲…都幾甘香。 河粉都幾香滑。 不過再黎都唔會點🤣🤣🤣。 因為幾貴白灼水魷…正常啦…跟左個辣椒豉油點下唔錯蒜蓉炒韭菜花…韭菜花揀手…嫩口一d渣都無整體食物唔錯…不過食辣蟹…身價高…就預左貴dd。 #相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #竹家莊 #辣蟹 #燒鴨河 #白灼水魷 #蒜蓉炒韭菜花 #佐敦
繼續閱讀
以前住佐敦，耐唔耐都會去「竹家莊」食海鮮獎勵吓自己🤭呢度主打避風塘海鮮，海鮮新鮮不在話下，而且我敢講味道係第二度食唔到😋祝家莊仲要開到凌晨3點，試過有次夜麻麻落機到香港，返屋企前都走嚟呢度食埋個宵夜～蒜蓉粉絲蒸蟶子皇 ⭐️⭐️⭐️⭐️⭐️size驚人嘅蟶子皇😍入口一股清甜嘅鮮味爆發出嚟，口感爽身彈牙易咬，蒜蓉調味同份量啱啱好，唔會有過於鹹辣嘅情況，所有嘢都恰到好處，當然唔少得嘅就係吸收晒精華嘅粉絲，推薦大家必點🔥油鹽水大蜆 ⭐️⭐️⭐️⭐️⭐️估唔到份量咁大，食蜆我鍾意油鹽水，其次就係豉椒，今次嘅大蜆肉厚鮮甜，而且清洗乾淨一啲沙都冇，入面加咗啲粉絲又滑又好食👍🏻豉油王海蝦 ⭐️⭐️⭐️⭐️⭐️上枱時已經聞到勁香食指大動，海蝦新鮮肉質爽，蝦殼咬落會有脆卜卜嘅口感，豉油王醬汁掛滿晒喺海蝦嘅身上，食起嚟真係好滋味❤️椒鹽泥鯭 ⭐️⭐️⭐️⭐️⭐️朋友話平時食開陳皮蒸泥鯭，所以今次想試吓呢味椒鹽泥鯭，泥鯭炸到好鬆脆，連魚骨都可以食，鍾意食泥鯭就係食呢一種特別嘅味道😋白灼大魷魚、海蜇、韭菜花 ⭐️⭐️⭐️⭐️⭐️叫咗三樣白灼都係咁出色，平時我都鍾意買韭菜花返屋企煮，但我食過呢度嘅韭菜花之後，先知原來韭菜花係可以咁好食❤️另外魷魚咬落去真係超級腍，點少少辣椒豉油已經好正，仲有不得不讚海蜇頭，大大舊海蜇口感勁爽脆，原來白灼都可以咁好食😋燒鴨河粉 ⭐️⭐️⭐️⭐️⭐️聽老闆講呢個燒鴨河粉係必點嘅‼️燒鴨肉厚皮脆，竟然比出面好多燒味舖都出色！河粉偏幼質地嫩滑，成件事充滿避風塘口味，下次要試埋佢個艇仔粥🤭
繼續閱讀
今日跟朋友去咗呢間港式地道海鮮酒家食飯，試咗幾款招牌菜，真係好正！店內除咗本地人之外，仲有唔少韓國食客。原來呢間飯店嚮韓國已經好有名氣。果然係hidden 💎 gem前菜：白灼大魷魚+靚海蜇-灼得啱啱好，爽脆美味配埋啲麻油，好開胃，食完仲想再encore！👍🏻白灼韭菜花-推介。韭菜花翠綠鮮嫩，灼得剛剛好，唔會過老，食落去有啲清甜，配埋啲海鮮一齊食，可以中和返啲油膩感，好夾！主菜：椒鹽海中蝦 - 真係必試！蝦肉鮮甜，外皮炸得香脆，椒鹽味道夠晒惹味，食落去鹹香得嚟又唔會太鹹，蝦肉依然保持到鮮嫩，食到停唔到口果種👍🏻👍🏻👍🏻白灼花螺 - 都好出色，螺肉鮮甜，灼得啱啱好，咬落去有啲彈性，蘸啲海鮮醬，鮮味更加突出。而且好乾淨冇乜沙。清蒸鮮鮑魚 - 大大隻真係無得輸。鮑魚肉質鮮嫩，蒸得剛剛好，唔會過火，配埋啲果皮同蔥花，味道更加豐富，食完仲想再叫多份！蒜蓉粉絲蒸扇貝- 一絕👍🏻扇貝大隻又鮮甜，蒜蓉香味撲鼻，粉絲吸晒啲扇貝嘅精華，食落去好入味，真係好滿足！最後個燒鴨湯河粉，燒鴨皮脆肉嫩，湯底清甜，河粉滑溜，超級有驚喜👍🏻👍🏻👍🏻 另外，食店係採用傳統玻璃樽汽水。香港情懷。識貨。完美👍🏻餐廳仲有提供不加味精嘅老火湯。食材高質。餐廳的環境寬敞舒適。38年歷史嘅裝修，好有特色。而且上菜速度理想。每碟餸都好有水準可以熱辣辣一齊食。❤️廚師廚藝超級有水準。絕對睇得出用心製作。真係好值得推介❤️👍🏻絕對值得再嚟！
繼續閱讀
今時今日香港餐廳的成敗不要全怪港人北上消費，餐廳負責人會否自我檢討？這竹家莊能做到今時今日真替他們慶幸，以此餐廳之出品，香港人有幾個真的滿意？可能對一般遊客來說還可以，因他們不知道原有避風塘之味道，我們四大一小，七點進店十分鐘後點菜，一隻避風塘炒蟹、豉椒炒大蜆、4隻蒜蓉粉絲蒸蟶子，白灼韮菜花、白灼魷魚，3碗燒鴨河，1碗艇仔粥，不到五分鐘第一碟豉椒炒大蜆到，但一粒豆豉也沒有，只是辣椒醬炒，之後魷魚、韮菜花就是比醬油碟大小小的份量，韮菜花沒挑選的，咬落全有渣，真的很過份，完全沒揀過就給客人吃？$60比豉油碟大小小的份量？蒜蓉蟶子$98一隻四隻$392味道沒驚喜!避風塘炒蟹$1050，不是以前的避風塘味道，燒鴨河$68一碗，水一般的艇仔粥，全部菜上齊，沒一樣是熱的，全部也只是暖，相信全部菜色是預先灼定或走油，客人一叫便即輕輕一煮就上菜，所以這麼快及不熱，全無鑊氣，但收費就比得上五星酒樓，茶位$18，但是大排檔茶壼斟茶，還要加一服務費，相信以上收費和食物質素一般香港人是不收貨，但估計他們做遊客的話，客人不會有下次也是正常!所以他們屹立至今也真是萬幸!也讚賞他們敢於收費!
繼續閱讀
朋友帶我嚟呢間餐廳食宵夜，到嘅時候大概11點，啱啱俾我哋攞咗最後張枱，之後已經見到門口有人排隊餐廳座位與座位之間比較狹窄，地方亦都比較細，不過氣氛好好，好有懷舊香港嘅感覺！我哋叫咗兩隻避風塘瀨尿蝦，蝦味重，避風塘惹味兼香口，夠鑊氣！再叫咗碟蒜蓉蒸海蝦，蝦好新鮮！煮到剛剛熟非常好味！但係最好味嘅係四碟小菜：韭菜，粉腸，海蜇同埋魷魚！魷魚爽口，兼鮮味！呢幾樣真係食唔停口！之後爭俾錢買單，所以唔知俾咗幾多錢😌
繼續閱讀