17
2
0
港鐵宋皇臺站D出口, 步行約11分鐘
繼續閱讀
電話號碼
27708805
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
中秋節加餸，第一時間又諗到要黎竹地館買番幾味潮州野孝敬娘親。除左價錢公道，環境都好企理，唔會油淋淋，後生員工主理的確唔同啲。潮州鹹菜$15話明架己冷一定最想食鹹菜，而其實個鹹菜唔係鹹，仲會係甜酸得宜，所以$15咁大盒都會轉眼間食晒，極之開胃嘅小吃。潮式鹹香雞半隻$55雞肉嫩滑，只係鹹香味唔算好夠，不過當白切雞咁食都無壞，價格上都無得輸。韮菜豬紅$38好耐無食到好食又惹味嘅韮菜豬紅，處理得好嘅豬紅無異味，韮菜都唔爽脆無渣，最重要係個辣汁好入味，唔死鹹，送飯一流！白雲鳳爪$20無睇錯，出面同樣份量可能都要雙倍價錢，只不過再墊底有生菜咁解，呢度實實在在有6-7隻無骨鳳爪，買黎送酒正呀！
繼續閱讀
食過好幾次堂食，永無失望，作配碟嘅咸酸菜味道一流！唔。區嘗到食材實在新鮮，滷水豐沃又唔太搶嘅鮮香;雖然如此，，街坊小店價格卻如此實惠，好次羨慕土瓜環街坊有此一流小店！！
繼續閱讀
今晚又要開工，便在附近尋找美食，在OpenRice內搜尋了這間新開的潮州滷水店，便來到一試。招牌滷水鴨半隻$70，鴨肉鮮嫩可口，滷水味道不會過鹹，份量十足。👍👍👍👍潮州鹹香雞半隻 $55，雞肉鮮嫩可口，剛剛熟，又不會過熟，廚師控制時間非常完美。👍👍👍👍潮州鹹香雞飯$33 ，有一個禮堂附送，例湯材料十足，今天是節瓜豬骨湯，味道清甜可口。在等外賣的時候，知道原來有一個個人堂食優惠， $98就有啤酒和滷水鵝，下次有機會必定一試。
繼續閱讀
📍 竹地館 (土瓜灣)土瓜灣馬頭角道50號迎豐地下6號舖係土瓜灣剪完頭髮，諗住斬料返屋企加餸，髮型師推薦我去買迎豐樓下的滷水店，話大份夾抵食💖‼️去到門面乾淨企理，種類繁多，餐牌有好多唔同配搭組合，價錢完全唔貴仲好抵‼️👉世一滷水拼盤💰$98 (+$30加購墨魚)😋😋😋😋.5/5如果想食滷水鵝，又想入面樣樣有啲可以揀呢個世一滷水拼盤，入面大部份嘅滷水都有，包括腩肉、大腸、豬肚、雞腎、豆腐、紅腸、滷水蛋，而且個價錢只係$98。呢度嘅滷水真係正架！ 夠哂入味，拼盤咩都有唔洗煩。 最正係滷水雞腎，滷到夠淋易咬口，豆腐大腸都入哂味，濃而不咸。👉外賣韭菜豬紅💰$38😋😋😋😋.7/5濃濃的醬汁滲入一磚磚的軟腍豬紅中，即使屬於重口味菜式但仍難以抗拒，屋企人係韭菜豬紅的的愛好者，竹地館的韭菜豬紅大大碗，血腥味不重份量多，每磚豬紅都方正完整，濃濃的醬汁滲入一磚磚香滑軟腍豬紅中，醬汁少辣不鹹，空口都可以食曬 ！口感很好，不會太厚實，也不會一夾就散。屋企人大讚出色韭菜同樣入味！回頭:yesyesyes，份量超級多勁抵食，而且食材新鮮入味，超級豊富份量勁滿！佢哋唔係淨係做外賣，仲有堂食的，下次會想試吓佢哋的潮州鹹香雞飯😍😍☺️😋
繼續閱讀
今日喺土瓜灣區見個客，由於呢區越嚟越多新樓生意都多咗，食完飯之後就上去迎豐個單位傾細節，最後搞搞下都搞到四點幾，今日仲要星期五都未諗到食咩好，出街食又逼...... 個客話如果外賣返屋企食，可以試樓下嘅滷水店，佢讚到呢間滷味店不得了，話放工時間好多人買。咁同另一半商量完之後就外賣返屋企啦。去到見到間滷味店門面好乾淨整齊，而且真係好似個客咁講有好多種類及款式 ，而且睇返價錢完全唔貴仲好抵。佢門面嘅餐牌好多組合，由一人至多人食嘅要求都完全符合到，雖然有好多野想試但係無奈地兩個人食有限，不過期間老闆(相信係)都有主動介紹，如果想樣樣有啲可以揀呢個超值滷水拼盤，入面大部份嘅都有而且個價錢只係$78~ 果然係超值之選。最後我揀咗一盒滷水拼盤，另外老闆話可以試埋個招牌滷水鵝同埋潮州鹹香雞飯，兩款都好好食，其實佢唔講我都諗住試~ 喺等候呢段時間發現佢都有堂食，唔係外賣我都會現場食。等咗大約十分鐘，所有食品已經包裝好，埋單俾錢嘅時候真係抵到爛，三樣加埋都係$160蚊，份量超級多勁抵食!!! 揸車返去時好彩呢段時間未開始塞，好快都返到去而另一半都差不多到，趁呢段時間我梗係要預備好等佢返嚟就有得食啦，打開盒影相時已經打從心底裏讚嘆，佢真係超級豐富份量勁滿 。首先盒滷水燒鵝飯，淨係燒鵝已經大件夾抵食，打開仲香噴噴、熱辣辣，旁邊有豆腐同埋鹹酸菜，我都忍唔住偷食一嚿鵝，發現佢啲滷水好香好入味，唔會因為滷得耐而肉韌，而且好嫩好多汁，真係好好食。潮州鹹香雞飯，個老闆仲要俾隻雞髀見到都啖啖肉，雞髀肉非常嫩口，佢啲鹹香味入晒落啲肉但又唔會死鹹，個味剛剛好果然係招牌推介。最後到超值滷水拼盤，入面大約有七款餸每款都好啱我胃口，先講個腩肉，佢滷得好入味層次分明，肉質相當軟淋，而且切到一片片剛剛好。呢度嘅大腸同豬肚亦都係一流 ，口感唔韌好易咬開，滷得入味之餘仲好爽口。雞腎烹調時間剛剛好亦唔韌，反而食到佢嘅爽口。豆腐細細嚿一口一啖，除左滷水味仲有香濃嘅豆香。紅腸滷得好味亦係我鐘意食既，俾份量都相當多。雞蛋烚得剛剛好，又係好入味，呢個超值滷水拼盤既價錢同質素真係超值，呢三盒兩個人一餐都食唔晒，個客又真係無介紹錯，性價比非常之高，下次見面後要再幫襯佢其他款式，因為有的真係好想食，好似鵝翼、金錢肚、牛孖筋同牛𦟌，諗起都正~~~
繼續閱讀
您可能會有興趣的...