25
4
2
所有分店 (3)
電話號碼
2893-8293
開飯介紹
位於馬場附近,玩完馬仔可以到這兒吃一頓豐富晚飯。「芝士焗龍蝦」與「椒鹽瀨尿蝦」是這兒的招牌菜式! 繼續閱讀
營業時間
今日營業
11:00 - 00:00
星期一至日
11:00 - 00:00
付款方式
Visa Master 現金 AE 銀聯 JCB
座位數目
250
其他資料
酒精飲品
自帶酒水 詳細介紹
泊車 詳細介紹
電話訂座
招牌菜
芝士焗龍蝦 潮州翅
食評 (36)
等級2 2020-05-30
409 瀏覽
老闆推介食竹園!聽講呢間飯店以前好出名好多人食,出名食咩我其實唔知,老闆點咩餸我哋就食咩,然後我哋買咗幾支白酒準備食海鮮,無開平費❤️.今晚海鮮為主.第一次咁食,好正,個海鮮好新鮮!.主菜係龍蝦由於有人唔食芝士,所以上湯同芝士都有,我中意食芝士,芝士贏勝在夠濃味!芝士味濃!聖子咁炒又幾好食wor! 有陣胡椒味~ 鼓油王蝦,個蝦頭都成個食得.魚我無乜興趣,但唔差😆..整體來講,我覺得都幾好食!同邊個食同有無酒都有關係!!今次好滿意!! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-24
299 瀏覽
黑衫四眼男經理服務簡直一流, 見高拜見底踩! 完美展示雙面人.事緣係咁我今日1點去攞枱咁酒樓等枱本身好合理,咁我攞咗飛一路等,一路見到有人出嚟,但係一路有遲過我哋嘅人一路入去 , 咁係我等到1:30 我入去問呢個經理 點解一路有遲過我哋嘅人俾我哋早入去. 呢個經理竟然同我講 前面有10幾張訂枱,訂枱客人係優先. 咁我同佢講我都明白,咁我問佢仲有幾耐可以入, 佢同我講仲有一張就到我哋, 好咁我信多佢一次, 結果梗係冇令你失望 呢個時候嚟咗個佢嘅熟客(我估:一嚟到就叫晒咩太咩太) ,結果一有客走有枱即刻安排那位小姐入座. 我當場即刻行入餐廳走去同個經理講 又話下一張到我哋 結果呢? 結果就係佢又同我講訂枱優先. 跟住我話佢喺餐廳門口同佢爭論 結果即刻有枱 終於搞到兩點終於可以入座,仲要張枱一早Set Up 好根本就有空枱. 諗住留俾佢啲熟客.其實自問每一兩個禮拜都嚟幫襯, 一路都知呢個經理係有問題,但其他員工服務質素其實好好 食物水平亦唔錯 ,所以一路都冇乜嘢但係就係呢個有問題嘅經理,搞到我今日忍唔住要打這篇文章.希望你來唔會遇到呢啲咁嘅嘢同埋唔好俾呢個經理service 你咁就冇問題了。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-05
411 瀏覽
講到食海鮮,點可以唔提竹園🤤,食過幾次水準依然,永遠唔會令人失望🔥 每款菜式都好有驚喜,建議多啲人食啦,可以試多幾款菜式🍴飲品(啤酒、橙汁、竹蔗茅根)可以任飲㗎🍻! 當日我哋6人同行,份量以人頭計算,以下價錢只可作參考👇🏻.【牛油芝士焗龍蝦配法包🦞】HKD1140邪惡指數爆燈😈 咁多款入面最鍾意😍 龍蝦非常新鮮味美,肉質飽滿,好彈牙,配合杰身嘅牛油芝士汁🧈,係perfect match呀🤩 可以選擇以法包或伊麵配襯。每次必點法包🥖,法包香脆可口,用嚟蘸牛油芝士醬簡直係天作之合!不過真係超肥膩,食完好有罪惡感🙈【椒鹽瀨尿蝦🦐】HKD672第二款最愛嘅菜式😍 香氣撲鼻,炒得夠火喉,鑊氣十足🥰 。殼為軟身,好易拆殼👍🏻 瀨尿蝦肉好豐滿,除咗食到香濃椒鹽味,仲食到瀨尿蝦嘅鮮味🤪【豉椒炒蟶子皇】HKD390蟶子大大條😙 肉質鮮甜,夠晒爽口,用上豉椒炒得好香口👍🏻 食完一條忍唔住想食多條🙃【粉絲蒜蓉蒸扇貝】HKD330扇貝加上蒜蓉、粉絲同香蔥,用蒸嘅方法帶出扇貝鮮味🤤 粉絲好鬆軟,吸收晒蒜蓉同香蔥嘅味道,相當夠味呀!【豉油王蝦碌🦐】HKD630望落普通,味道有驚喜,高水準👏🏻 蝦殼脆身可口,蝦肉鮮嫩彈牙,好juicy🤤 咬落去有好濃嘅豉油味,好食!【薑蔥炒蟹🦀】HKD924炒得好夠鑊氣,鹹香入味😋 啖啖肉呀,蟹肉鮮甜,最正嘅係超多膏呀,好滿足😚 送飯一流呀~ 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-05
622 瀏覽
終於有機會到這間老牌海鮮酒家吃飯, 小時候途經九龍城都被這間餐館的魚缸吸引著🐙🦐🦀🦞🐠!! 老友記在跑馬地工作, 相約在竹園聚舊吹吹水🤗員工非常友善, 亦有不少贈品⋯⋯暖暖的蔗水,小魚干及蘿白支竹, 真有誠意的前菜🙏🏼🙏🏼我們三人吃了潮州翅、半隻🐔、豆苗、2 隻椒鹽賴尿蝦及瑤柱蛋白炒飯..每樣食物都很不錯👍🏻大滿足😆😆飯後還有誠意的免費糖水及水果! 這餐大約$1,999...論環境, 服務質素及小吃都差不多啦! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-04-22
2560 瀏覽
竹園海鮮飯店,是一家由我老爸推介,在80-90年代十分紅的海鮮餐廳。跑馬地感覺專營街坊生意,地方整潔,服務態度有善,沒有一些傳統老店的惡習。由於一早已訂位,報上名號就順利入座。甫入座,服務員馬上送上炸魚仔花生、清湯蘿蔔及一壺熱竹蔗茅根,之後就可以去餐館外的海鮮缸即點即撈。當晚點了 - 清蒸東星斑、芝士牛油焗本地龍蝦烏冬底、清蒸扇貝、豉椒炒蟶子、蒜蓉粉絲蒸貴妃蚌及砵酒桶蠔。點完海鮮回到座位可回其他菜式,當晚點了紅燒乳鴿、臘味糯米飯等1斤5兩的東星斑,竹園蒸魚的火候掌握得十分好,魚肉熟度剛好蟶子十分新鮮,豉椒味道不會太濃,重點係熟成度剛好,爽而不韌重頭戲,芝士牛油焗龍蝦烏冬底,醬汁味道濃郁,本地龍蝦爽口彈牙,烏冬加上醬汁不會太膩(當然荷包夠深可以選澳洲龍蝦,肉多味濃,波士頓反而不推。不吃龍蝦我也有選用老虎蝦開邊,味道都非常好。)都係個一句,火候掌控一流,熟成度十分好,粉絲只用海鹽吊味,味道剛剛好不過不失,個蠔個心還是半熟嫩口驚喜之作,蝦多士炸至金黃色,鬆脆可口不油膩,蝦肉也爽口總括而言,物有所值,對食物的火候掌控,蒸炒煮炸都掌控十分得宜。紅燒乳鴿就一般,但臘味糯米飯係炒得顆粒分明,值得一試 繼續閱讀
(以上食評乃用戶個人意見 , 並不代表OpenRice之觀點。)