竹串日本料理 (已結業)

Lunch time和一位朋友來這裡進食午餐, 午時時段有lunch set吃。Lunch set包括了一碗沙律、麵豉湯、主菜和甜品。一小碗沙律。冬天來一碗熱麵豉湯, 暖下胃很舒服。極上魚生飯上有吞拿魚、三文魚、海膽、帶子、牡丹蝦、油甘魚刺身。件件壽司都幾新鮮, 我最喜歡的是三文魚刺身, 三文魚刺身好肥美, 而且還要是厚切的, 好有口感。 我朋友點的鰻魚飯的賣相很吸引人, 燒鰻魚大大條, 很厚身和多肉。食完魚生飯, 還有雪米糍做飯後甜品。

銅鑼灣登龍街一帶，無論地舖或上樓的食肆，可供選擇的餐廳選擇很多，是晚和朋友步入永光中心的竹串日本料理，已是八時過後，座上客人還有不少，看來應該有其吸引之處。坐下來大家鬧哄哄的點菜先來三文魚籽和海膽軍艦滿滿的魚籽和海膽，鮮味無比，吃得口腔甘膩厚切牛舌芯和芥末松板豬牛舌最好吃的部位，沒有羶味，煎得甘香無比，松板豬油份揮發後，肉質爽脆，帶點芥末囗味，増添吸引鰻魚炒飯飯粒圓潤分明，口感軟糯，味道恰到好處，而且份量不少香蒜炒野菜獲氣十足，陣陣木魚花的香氣飄來，叫人食指大動原塊鮮雞皮原以為邪惡的雞皮，據說含不飽和脂肪有助維持心臓健康，而且做得如此甘酥香脆，難怪朋友再來一客低溫鹽燒鳳梨香甜多汁，解膩清新吃串燒自是少不了以啤酒作伴，朋友碰碰杯，邊談邊吃，享受氣氛也為味蕾帶來滿足。

係銅鑼灣返工，Lunch食咩係最苦惱☹️， 因為周圍都勁多人，價格唔會平， 食個茶餐廳都要四十個大洋， 想食餐好，又要抵食嘅話，選擇真係唔多。😂 今次同事就帶左我去佢公司附近新開的日式料理餐廳—「竹串」， 佢話新張期間食過，覺得唔錯喎！ 難得啱啱做完一隻job，就食餐豐富嘅！😏 餐廳有午市供應， 午餐由$68起就有交易， 有魚生飯、和風便當、烏冬定食、串燒定食等。 主菜還附上沙律、味噌湯、小食和甜品， 都幾抵喎！😎 本來想食原條上，有一隻手掌✋🏾咁長嘅極上鰻魚丼飯， 但1點已經售罄啦😭， 所以小編就點左極上魚生飯（$98）。 沙律淋上和風醋醬汁， 酸酸甜甜，幾醒胃！ 味噌湯鹹淡適中， 帶子裙邊爽口，微辣惹味。 極上魚生飯有6款魚生， 三文魚、吞拿魚和油甘魚都係厚切， 三文魚肥美，魚油豐膄， 吞拿魚用上赤身部位，肉質較硬，但不失其甘甜鮮美， 油甘魚吃起來肉質彈牙，油脂豐富， 牡丹蝦好大隻，夠哂彈牙， 帶子size有2L咁大，肉身豐厚，又富彈性，味道鮮味， 無諗過魚生飯$100都唔洗仲有海膽呢， 物超所值呀！😎 竹串頂級牛舌燒（$88） 有 6 串串燒， 分別是厚切牛舌

一向喜歡食日本菜，因為一來相對上較冇咁油膩，款式又多變化，十分適合女仔品嚐，今晚就相約好閨蜜來到位於銅鑼灣的竹串日本料理共進晚飯啦！只看餐牌設計已知走簡約風的路線刺身拼盤價錢相宜鵝肝帶子卷～一碟已經共有六大件卷物！卷物上鋪上大大片的帶子，十分吸睛內裡包著油脂及香味并重的鵝肝同時伴著青瓜一起吃用能減低罪惡感呢！蒜蓉燒廣島蠔～廣島蠔大大隻，超級肥美多汁一口一定唔能夠吃掉呢！鹽燒雞亦及帶子～兩者也燒得火喉剛剛好雞亦外皮十分香脆！帶子肉質嫩滑！只用簡單的調味已經令帶子帶出鮮味了！鹽燒菠蘿～每次食串燒必點的選擇原件菠蘿上枱！充滿口感外，仍然保持菠蘿的鮮甜多汁的本性！燒飯團🍙～飯團外層燒得微微的焦香有淡淡的醬油咸香味！！包著紫菜一齊吃的話，增強口感卜卜脆呢！餐廳相當有誠意，在晚餐時段也有甜品～雪糕糯米糍贈送！為是日晚餐劃上完美的句點！

昨晚第二次光顧這家日本餐廳，在銅鑼灣燈籠街名為「竹串」。第一次光顧的時候，上菜速度極慢，一串牛脷等了一個小時，又漏單，蠔又焗到縮曬水，以我一貫作風是絕對不會翻兜的。但不知為何對他們的味道念念不忘，加上看到網評對他們的雞皮讚不絕口，就鼓起勇氣翻兜一次。喔。老闆娘說原來炒了那個廢廢dum波鐘廚師，今晚速度非常滿意。食物水準比上次更好！唔差得過索價不菲的「X亭」啊！性價比和食物總類更多選擇，服務員都很親切，仲送雪糕甜品。完勝！昨晚 order 了：雞腎 雞心 雞軟骨 雞翼 牛脷 黑豚肉 鵝肝 海膽 蝦膏 雞皮 蜆肉湯 釀冬菇 免治雞肉串 蝦膏蠔 蒜蓉蠔 日本進口新鮮大螺刺身日本進口新鮮大𩶘貝正常係 $300-350。老闆計我 $200。串燒價錢很便宜。真是良心餐廳收現金 only。

喜歡食串燒，特別是一班朋友時，因為往往細細碟，一餐當中試到的款式總類卻是很多。登龍街餐廳眾多，這幢商廈更是層層食肆，競爭不小。今晚來到竹串，未到八時已經差不多全院滿座，故此應該有一定口碑。這裡提供的燒物選擇眾多，整體品質非常高，食材新鮮，味道濃淡適中，不像其他居酒屋般偏重口味。綜合餐廳環境、服務態度、價錢和食物品質四大評分準則，推介指數有9分（10分為滿分）。燒雞泡魚乾 - 雞泡魚燒至乾透，口感較硬，但勝在煙煙靭靭，送酒佳品。軟殼蟹牛油果卷 - 蟹殼軟軟的炸得酥香，炸漿不厚又沒有油膩味，配以清香牛油果，飯團外層以紫菜碎包圍，滿分。手羽先- 一串兩隻燒雞翼，外皮烤得香脆，雞肉肉質嫩實。三文魚、吞拿魚刺身- 三文魚帶著豐富的魚油香，入口肥美甘滑，紅潤的吞拿魚大片肉厚，肉質甜美。蒜蓉燒茄子-濃郁蒜蓉鋪滿味道清幽的一大片茄子上，非常配搭。一口芝士- 炸得香口，每粒炸物內均充滿香濃芝士漿，吃畢後齒頰留香。蟹膏伴廣島蠔 – 新鮮味濃的蟹膏為廣島蠔帶來陣陣咸香，蠔肚夠厚，肉質夠甜。

又到happy friday 的時間，又是相約姊妹們飯聚的時間啦！今次就到銅鑼灣區搵食啦，順便可以行街shopping 呢！最喜歡選擇日式餐廳，小巧又有氣氛，可以與姊妹們談談天！放工太肚餓，急不及待打開餐牌！選擇種類繁多，有鍋物、魚生、壽司及串燒等！鰻魚、香蔥免治吞拿魚、灸燒prime牛小排、三文魚及灸燒左口魚邊壽司🍣🍣魚生全部都新鮮肥美特別的是鰻魚的份量比一般餐廳來得大件燒得十分香口，真的是口感十足！而且牛小排也燒得生熟適中入口幼嫩又有牛肉香味！蒜蓉燒廣島蠔廣島蠔十分大隻肥美，可用珍寶size形容伴著蒜蓉一起燒份外惹味鹽燒白鱔外皮燒得脆卜卜內裡肉質仍然保持幼滑沒有最怕的鰻魚泥味，大愛是也鹽燒菠蘿（後）兩樣也是我的最愛之一菠蘿燒得很有水準保持內的果肉鮮甜多汁大細也切得剛剛好不像其他餐廳只有薄薄一片燒一口甜薯 （前）蕃薯仔外皮燒得金黃香脆剛剛好一口一件竹串料理環境小巧精緻充滿日式居酒屋風味十分適合約埋三五知己談談心，吃美食，摸摸酒杯底呢！

朋友好鐘意食燒物 平時佢喜好食四川式 非常濃味既style。今日佢生日 我決定帶佢試下我鐘意食既 日式原味style 所以去左我喜歡的竹串。竹串的燒物 主打食材新鮮 不需要多加調味 只是輕輕灑上海鹽 檸檬 黑椒 已經好好味。手羽先、厚燒牛舌& 芥末松板豬。即叫即燒 like! 雞翼香脆金黃 外脆但肉質仍然幾嫩 時間剛好 微微帶點海鹽香。牛舌甘香 juicy唔會乾。松板豬好正 豬肉剛熟唔過火 配上新鮮芥末 非常惹味 encore左2串～野菜燒。秋葵&菠蘿～ 秋葵健康有益 我至愛的燒物。竹串既野菜燒幾好架 唔會乾 保留到水份。燒菠蘿超正 juicy 啖啖果汁。海鮮燒。銀鱈魚西京燒。鹽燒帶子銀鱈魚一個字 滑！因為新鮮 所以唔腥。甜甜地既汁包裹住魚肉。帶子雖則是急凍的 但都不遜色架 幾彈牙。最後再加個加州卷&野菜牛肉鍋，加州卷配料都是standard 但要一提佢的壽司飯好軟熟 蟹籽新鮮卜卜脆。野菜牛肉鍋 牛肉驚喜地正！好滑好有肉味 其他配料都好足 幾抵食。坐得舒適 食得高興 朋友仔好滿意 終於打破佢淨係鐘意食四川燒烤既諗法 哈哈～

星期六有時間梗係同屋企人出街食lunch 啦， 媽咪鐘意食魚生，所以選擇咗午餐食日本菜。餐廳內以日式居酒屋裝修為主， 掛上多個日式吊燈， 有舒適而歡寬闊嘅雅座，好舒服。我哋叫咗極上魚生飯同極上鰻魚丼飯， lunch set 仲有沙律，味噌湯、小食同甜品，抵食 ！前菜有帶子裙邊，口感爽口彈牙， 有開胃醬汁。 沙律菜份量適中，沙律菜甜美新鮮， 仲有味噌湯添！《 極上魚生飯 $98》雖然lunch set 只是$98，但魚生份量絕不孤寒，有超厚切嘅三文魚、油甘魚，吞拿魚，帶子，牡丹蝦同海膽。三文魚厚切，入口啖啖肉，十分肥美， 牡丹蝦彈牙爽口， 帶子亦厚身爽甜， 吞拿魚就一般， 海膽甘甜可口， 食完成魚生飯， 大滿足了！ 《極上鰻魚丼飯 $98》唔怪得知甘多人叫啦， 今日俾我食到原條嘅鰻魚飯 ， 大得有點誇張，真係好滿足！鰻魚長過我隻手掌，鰻魚真係好厚肉，口感十足！ 但實在太好味，我本身好少食魚， 因為怕魚腥， 可能加上燒汁同烤過嘅鰻魚， 唔覺唔覺就食晒成條鰻魚了！ 飯後仲有甜品，綠茶雪米糍，超爽！ 整體來說， 餐廳質素好好，環境舒服，價格非常合理，其實算抵食， 下次再來！

晚市日本菜特別貴，選擇午餐是一個不錯的選擇，價錢相差很大但是質素相差不多。竹串日本料理午餐選擇繁多，但是每一款餐牌㗎都不超過＄100 ,就可以享用多種類串燒、魚生雜錦魚生飯或者特大鰻魚飯等。未食主菜之前，首先由味增湯、沙律菜以及螺肉帶領你的味蕾。沙律菜味道清新，螺肉非常彈牙，味噌湯亦可以墊肚，增加飽肚感。極上魚生飯＄98帶子，牡丹蝦，三文魚，吞拿魚，油甘魚，海膽多款魚生拼合一起的極上魚生飯，看起來已經夠晒豐富，每塊刺身除了帶子之外都有兩塊或以上，可同朋友一同享用就唔使一個人食咁多刺身咁dry。吞拿魚都出奇地好味，不是一股死死的味道。帶子鮮甜無比，油甘魚油份十足。絕對值得一讚。極上鰻魚丼飯＄98長過20 cm嘅鰻魚竟然係賣緊＄98 ,出去買都唔止呢個價錢。鰻魚無論肉質還是調味都非常不錯，唯一美中不足的是裏面有少少骨，令進食流程需要抽返D骨出嚟，但係整體都唔錯的。 最後仲有兩粒雪米磁作午餐的完結。

見客關係，經常會到不同地方這次來到銅鑼灣，食肆亦由客人選擇我第一次來到竹串，環境挺雅致我也跟客人說了我習慣幫食物拍照反正最多覺得我是個港女不理了，先看一下想吃什麼還好午餐選擇不算多，不會出現選擇困難在想著要吃鰻魚還是魚生飯時客人已經開口說選好了鰻魚，好吧我選另一個原來2個餐連前菜都有所不同客人配的是螺肉，沙律，麵豉湯我的應該是帶子裙邊沙律酸酸的挺開胃帶子裙邊就沒甚麼特別鰻魚飯先來，感覺好震撼好大的一條，我要求先給我拍個照嘩……拼一下，比筷子還要長啊！不知道是否我拍照拍得有點久，他說鰻魚不夠熱，但肉質跟醬汁都是一流的我偷試了一口滑滑的肉配上鰻魚汁很野味我的魚生飯都來到了我坐的位置不太夠光，手機拍起來有點黃但現場看得出魚生都很新鮮近看一下我的最愛，帶子跟海膽一口咬下，整個口慾都滿足了，鮮甜另外山葵應該是現磨的，尤其放了在豉油碟更為明顯跟餐還有甜品，是糯米糍沒得選口味原來是綠茶，這個綠茶味沒有很苦又不失茶味我喜歡另外溫馨提示，去前可以預約，因為用餐其間有不少客人walkin而摸門釘就算booking了也要等一下

放假又與好友到登龍街吃Lunch，惜地舖已人多爆滿，唯有轉戰樓上餐廳，選了大家最喜歡的日本料理🍣傳統日式裝潢加上昏暗燈光，即使大白天，猶如置身日本的“深夜食堂”。🎏Set Lunch $100 樓下，包沙律、小食、味噌湯及甜品，抵食!沙律，爽脆 蔬菜加上醋汁，酸香醒胃; 小食，帆立貝裙邊鹹香惹味。味噌湯，加入昆布及細滑豆腐，豐富口感，溫熱可口。極上魚生飯🐟🍚，有鮮味飽滿的海膽; 肥美嫩滑的牡丹蝦; 軟嫩的帶子; 厚切甘香的三文魚/吞拿魚/油甘魚，全都份量十足，鮮味滿瀉 ~😍和風便當🍱，大大塊吉烈豬扒🐷，外層炸得金黃酥脆，內層香口保留肉汁，蘸上沙律醬更滋味; 鯖花魚及三文魚也鮮味十足，配白飯吃一流~😊自家製免治雞肉棒🐓，外帶焦香，內裏肉汁豐富，混合洋葱更爽口，再撈勻蛋漿及甜燒汁，嚐到馥郁鮮美的蛋香及甜香~😋鹽燒雞軟骨🐓，外帶焦香，鹹香惹味，加點檸檬汁更能提升鮮味。甜品🍦，雪糕糯米糍挺香甜的~整體食物優質味美，刺身/串燒尤其滋味， 百幾蚊可由前菜吃到甜品，超抵食!

响附近做嘢, 所以就試下呢間朋友推介~因為朋友聽到佢鍾意食鰻魚, 叫我地黎試下呢店嘅前臂長鰻魚囉~嗯嗯, 8款 lunch set 啱曬怕選擇 心大心細 趕時間嘅人~(簡簡下 時間好快過架咋... T^T)坐bar枱 睇住師傅準備串燒同燒串燒, 都幾得意喎~好鍾意個波波燈, 好有氣氛... lunch set o既沙律, 前菜同味噌湯~沙律菜新鮮爽口, 配日式沙律酢汁, fresh 我鍾意呀~淡口味噌湯, 我地 like 呀, 總係飲唔慣咸爆腎哥啲啊... 前菜帶子裙邊 個汁我怕 凍+ gel 口感覺, 我就比曬佢食, 佢話 ok~yea yeah!!!好快有得食~佢要 鰻魚丼飯; 我要 銀雪魚燒~好肥美啊~佢一望就開心仔, 仲猛同我講: 我好鍾意牛肉, 但同牛肉比起上黎, 我會簡呢個... 我好開心呀!!!見佢咁開心, 好啦, 咁我試一小口, 你自己食曬全條啦比你~我係手長怪, 佢同我前臂咁長... @0@!!!燒得 arm arm 好, 香口得黎軟滑, 個醬汁提味除腥 微甜微咸口, 好味喎又~我欣賞呢個新擺盤喎! 比起 menu 個圍圓圓擺法, 高雅 eatable 得多喎~小小一

今日同朋友黎到銅鑼灣行街，行左咁耐，肚仔都餓啦！經過，見到一間新開嘅日式料理，叫做竹串。我地於是抱住好奇嘅心態上左去試試。呢到地方都算闊落，有好多卡位，岩哂鐘意掃貨嘅絲打，一抽二褦嘅戰利品終於有位擺。睇睇個menu先，午餐Set Lunch 68蚊起，最貴都只係98蚊，包哂小食，味噌湯，沙律同甜品，真係超抵！於是我地叫一份極上魚生飯同一份銀雪魚燒嘅熟食。唔洗一陣，沙律同小食就送左黎我地面前。沙律菜酸酸甜甜的，相當刺激我地嘅食慾。而小食係螺肉，肉質鮮甜，配合甜絲絲的醬汁，真令人開胃。期待已久嘅主食終於黎啦，我嘅魚生飯。真係相當豐富！有大蝦，三文魚，吞拿魚，油甘魚，仲有我嘅至愛海膽阿！每款魚生刺身都相當厚身，放口入真係非常有滿足感阿！而海膽刺身都相鮮美，食完真係覺得好幸福阿！呢到要提提大家小心呢款大蝦，由於佢嘅殼比較硬，食嘅時候一定要去左殼，以免刮到口腔喔！而我朋友份燒物都相當豐富，除左相當香口嘅銀雪魚外，仲有兩隻雞翼，秋葵同埋我至愛嘅甜薯！見佢食到津津有味，真係好想試下！最後，職員同我地講返，由於新店開張，甜品暫時未有貨，真係相當可惜。但係唔緊要啦，飲埋碗味噌湯真係飽就黎行唔郁啦！埋單都

LUNCH雖然食得好趕但都唔可以求其既😝食飽食好先有力做更多既野架嘛😌所以今日就去左竹串食日本野～ 呢度lunch絕唔求其，除左有午市套餐仲有自選丼丼飯🤤套餐有差不多10款揀有丼飯同定食🍱隊長B就緊係唔錯過試佢地既極上魚生飯（$98）啦🤗有6款刺身仲有前菜、沙律、麵豉湯同甜品都實在不錯～ 不過最大驚喜位係份量好多🤪魚生絕不慳皮，超厚切超大件仲要超新鮮🤩🤩帶子平時可能係呢度一半再切半但呢度成粒黎，真正刺身多過飯😍除左抵食只可以用超抵食黎形容～而且仲有新鮮海膽⋯都真係估佢唔到 -----------------------好味指數😋：7.5/10翻啅指數🙆🏻：7/10人均消費💰：101-200服務態度👨🏼‍🍳：6.5/10乾淨指數🌝：7/10------------------------------