竹串日本料理 (已結業)

登龍街食肆多選擇，如果喺附近返工，真係試一年都未必試得曬。今次試左間日本野，要上樓！永光中心15樓。Lunch menu，$100樓下有壽司bar枱，有少少open kitchen。竹串頂級牛舌燒 $88除咗牛舌仲有雞翼、雞肉串、日本番薯仔串、翠肉瓜串同埋秋葵串，比我想像中豐富好多！牛舌真頂級，爽口肥美，雞肉串上面有少少日式芥辣，好惹味，雞翼燒得啱啱好，而蔬菜類嘅串燒一啲都唔乾，全部都好啱我口味！極上魚生飯 $98一上枱就「嘩」一聲，估唔到$98 咁厚切嘅刺身丼，平時出面一件牡丹蝦壽司都要成$50，重有帶子、海膽、油甘魚衣d貴刺身，價錢都係其次，最重要連味道都好有水準！海膽鮮甜，三文魚、油甘魚同帶子都好肥美，啖啖肉，牡丹蝦大大隻，冇呃人！有埋前菜、沙律、湯同埋小甜品，$200多d連加一，高質lunch冇詐型！

今日與好友去銅鑼灣逛街。逛街前先去登籠街搵好食。選擇太多了，間間都好多人排成隊食。周圍睇緊既時候，有一位姐姐俾左張 單張俾我地。話好抵又好味既lunch set! 😋睇落真係好似好正咁。一於上去睇下。就係15樓上到去都已經好full,好有去左日本既feel.燈光好溫和。環境幾舒服😊lunch set都係幾十至100蚊到，仲有前菜，沙律湯甜品。前菜有螺肉同沙律。螺肉大大粒，好有肉食。沙律既菜亦好fresh. 麵豉湯，好多料係入面。唔係普通沖出黎既麵豉湯。食到昆布，菇類同豆腐。天氣咁凍，飲番碗熱湯暖哂 😁燒鰻魚飯！😍😍嘩！！勁大條原條既鰻魚呀！望落好肥美好厚肉。一啲都唔瘦。😋👍👍燒得好靚，而且鰻魚醬夠哂多！最鐘意撈飯食。鰻魚仲係熱辣辣的。食落好好味。鰻魚夠哂嫩。好香鰻魚味！呢個真係好抵食。唔洗$100就食到咁大條。👍👍仲叫左個吉列炸豬扒，燒青魚，三文魚刺身定食。‘😍’又係好吸引！又平。吉列豬扒炸得岩岩好。而且唔會好厚粉同唔會散哂咁。肉質唔會鞋，有外脆內軟既感覺。青魚即燒，加上少少既檸檬 吊番個鮮味出黎！少少既酸味，更開胃！有三塊三文魚刺身，過下口癮😍最後仲俾左粒雪米糍我地食。😛呢間餐廳既質

午餐牌上面看到有鰻魚飯和魚生飯價錢就差不多, 所以都考慮左一會到底要叫邊隻最後我叫左既係鰻魚飯估唔到最後都冇令我失望SET LUNCH包括左有前菜同味噌湯前菜係沙律, 都幾爽口新鮮呢個就係鰻魚飯同我隻手掌咁大見到真係哇左一聲我食過更貴既鰻魚飯都冇咁大肉質十分肥, 最正係厚肉之餘個鰻魚燒汁係勁MATCH勁好味!!飯好軟熟, 店家係用左日本米, 所以口感同質感都是一流的!!最後會送上甜品, 雪米糍一粒, 給我們有一個完整的晚餐

星期六日去銅鑼灣搵間可以坐低靜靜地傾下計嘅餐廳真係好難咁啱登龍街附近有串燒就去一試啦！餐廳環境幾舒服，位置比較寬，而具中午唔算話太多人！🤩🤩🤩可能係港人罕有既寧靜空間！午餐定食嘅選擇都幾多，圖文並茂。心大心細唔知揀邊個餐好🤭🤭🤭前菜嘅沙律新鮮，仲有味增湯，同螺肉我就叫咗個 竹串銀鱈魚燒 配飯🤩🤩🤩又幾好食🤤🤤🤤銀雪魚又燒得幾香！串燒種類都有唔同比較均衡飲食為主有秋葵，翠玉瓜，雞翼，豬肉串，銀雪魚！乜都有啲都幾好！最重要係啲嘢食係即叫即整，新鮮就好食！同朋友一邊食一邊傾計都成兩個鐘，店員都冇要求我哋離開感覺，好舒服可以慢慢咁享受一個午餐！☺️去香港好多時都係限時，見你食完就要求你埋單走！再來再來！

銅鑼灣食乜好？！荷包有啲扁，又唔想對自己肚仔差？黎永光就最好！永光嘅日本餐廳已經駐守好耐，成棟其實都係日本餐廳嘅大廈。為食既朋友一早Bookmark定。竹串算係其中比較新嘅一間。見樓下姨姨咁落力sell，就試下啦。午餐定食主要有八款，除左平到難以相信嘅魚生飯（只係$68），仲有佢主打嘅串燒。見有個特上鰻魚飯，又有個銀鱈魚串燒，爭扎左一陣，天口凍，就食個暖身既鰻魚啦！定食包沙律，前菜，湯湯竟然有菇菇，好有心思喔！但味道好淡呢！特上鰻魚飯天啊！竟然係咁大？！本身餐牌上嘅好似好薄咁，但原來係咁厚咁長咁大條既？！成個碟有前臂咁長！而條鰻魚就有隻碟咁長！厚度有成3cm！自己一個根本就食唔晒！因為食前菜都食左陣，等左陣先食，好似已經凍左，以為無咁好食啦，點知！！咬落去仲好柔軟，完全唔會好似風乾左咁。中間厚厚嘅魚脂，係鰻魚嘅精髓啊好肥美，同時好肥啊啖啖都係厚厚嘅幸福！！唯獨燒汁有點多，有點過鹹了。。。係冬日食到咁美好既鰻魚飯真係太滿足啦！内部很日本小店喔 下次要再來喔！

某天朋友想約我係銅鑼灣食日本料理午餐但不知選擇那間在OPENRICE見到這間人人都推介的鰻魚飯看似很大塊鰻魚 就這樣足以令我吸引 於是來到品嚐除了鰻魚丼飯 菜單上的極上魚生飯丼也比較吸引也有自選魚生丼可以選擇 想食甚麼魚生可以自由配搭不過我同朋友想試下和風便當 有吉列豬扒和鯖花魚外間日本料理餐廳很少會有吉列豬扒+鯖魚的配搭午餐最近揀左鰻魚飯同和風便當每個午餐都附有前菜沙津，小食及味噌湯小食是牛舌粒 容易咬口 味道像似濃郁的醬汁煮過很入味 作為開胃菜確實不錯味噌湯味道清淡 少量海帶及秀珍菇帶來健康味道原條鰻魚呈現在面前 感覺大件而份量十足入口溫暖 而且鰻魚咬口容易 也沒有骨 加上白飯已經被剩餘的鰻魚汁滲入 啖啖鰻魚味 很滿足和風便當🍱有三文魚刺身二片 入口新鮮沒有腥味吉列豬扒較為大塊 不過略為炸過少少火了 外層較脆 反而肉質咬口結實 失望了少少 鯖魚也燒得剛剛好 沒有腥味 也沒太多骨 點上酸醋點 味道恰到好處 最後仍然覺得鰻魚飯最好食所以喜歡食鰻魚飯既朋友一定要來試下

大哥係個大忙人（忙拍拖😒），難得佢主動約我依個妹食飯，我真係有點榮幸同有兩分感動😭大哥有點嘴刁，平時屋企食飯，都嫌三嫌四🤨同佢出街食飯，揀餐廳對我黎講都幾苦惱。不過今次難得大哥主動揀餐廳，仲打電話去訂埋台，真係出乎意料之外囉。其實原來係佢女朋友放佢飛機✈️，先搵我囉🤷🏻‍♀️佢話依間好多人book , 約左唔好嘥，益下我🤷🏻‍♀️-點都好，今日大哥請客😏餐廳環境有少少日式居酒屋🏮feel燈光色調柔和，傾計坐得舒適。-Lunch set 有8 款，我地叫左竹串銀鱈魚🐟燒Set 同極上鰻魚丼飯🤤每份set 都有份前菜✨沙律，小食（螺肉）及味噌湯沙律🥗同螺肉都新鮮今日天氣凍冰冰，飲一碗熱騰騰既味噌湯，個人暖笠笠-✨竹串銀鱈魚🐟燒Set主菜有銀鱈魚，鹽燒手羽先，芥松板豬，翠玉瓜，秋葵和一口甜薯。充滿油脂既銀鱈魚，異常嫩滑銀鱈魚經燒炙後表面金黃，淡淡日本味噌既甘甜香-由細到大，都鍾意食雞翼鹽燒雞翼外皮脆口, 而內裡的雞肉就唔會乾身-芥松板豬松阪豬肉外酥內嫩，肉質彈牙簡單地灑點鹽去燒，已經襯托出肉汁鮮甜-除左肉類串燒，仲有翠玉瓜同秋葵最愛高纖又富含黏液既秋葵-✨極尚鰻魚丼飯日本嘅鰻魚飯食過一次就會令人念

日本午餐周圍都有，價錢有高有低，要慢慢精挑細選是不容易的事。朋友介紹我去呢間位於銅鑼灣嘅竹串，午市套餐都係＄100有找，質素仲要唔差，極上刺身飯同埋原條鰻魚飯都有！雖然都係得幾個選擇，但是我同朋友揀咗好耐，因為樣樣都好吸引。最後決定下一個極上魚生飯同埋銀雪魚串燒定食。每個餐包括有前菜沙律、面豉湯同埋帆立貝邊，亦有熱茶奉上。朋友嗌嘅係銀鱈魚定食，平時出去日本居酒屋食一串都要成60幾蚊, 現在＄98一個餐，除咗銀雪魚之外，還有芥末豚肉燒、雞翼串燒、番薯仔、翠玉瓜、秋葵。朋友話淨係講銀鱈魚都抵啦，仲要超好食，口感和肉質都勝於一切，肥美的油脂配上白飯是最好不過的。係佢口中，其他都燒得好好，雞翼的外皮燒得脆脆的，估唔到呢個價錢有咁嘅質素！不過碗珍珠米就硬左少少。我就帶咗極上魚生飯，包括油金魚、三文魚、海膽、甜蝦和帶子，都是非常大路的刺身。海膽非常之鮮甜，配上青瓜一齊食，好滿足。甜蝦和帶子的味道亦都非常鮮甜，口感爽滑，真好！而三文魚的味道一般，油脂唔夠，唔係話咁新鮮，有少少失望。最後甜品出場，是雲呢拿糯米糍，普通得來又好好食！

今天阿仔約左我在銅鑼灣做完嘢就一齊撑枱腳。因他喜愛吃刺生，我們就在燈籠街內揾食。看見一間日式餐館陳列的午餐套餐由$68-$98不等，價錢咁親民在銅鑼灣這個區真的非難得於是入內嘗試。餐廳佈置以日式居酒屋裝修為主， 掛上多個日式吊燈， 有舒適而歡寬闊嘅雅座，好舒服。因午餐時段人流頗多我們坐在壽司吧台那邊。聽店員說還有另外兩家分店。我們揀選了兩份套餐。除主菜外還有沙律，味噌湯，小食和甜品添。沙律菜新鮮淋上和風醋味道酸酸甜甜，夠哂醒胃。味噌湯就畧咸，小食是螺肉都是阿仔至愛。極上鰻魚飯極上鰻魚丼飯，原條燒鰻魚放在白飯上面，賣相無特別花巧，但已夠震撼足足有成尺長。配以日式燒汁燒得微焦，入口軟滑，肥美甜香，燒汁和魚油滲入了飯中，跟鰻魚同吃一濃一淡互相配合，更覺美味可口。極上魚生飯極上魚生飯款式頗多和厚切，份量十足。有齊牡丹蝦、吞拿魚、海膽、帶子、油甘魚和三文魚，當中更不乏貴價貨色，讓人驚喜。魚生鮮甜入口結實和富彈性，亦帶著油潤的光澤。以這樣的質素，也只是索價$98，性價比實在很高。最後還有雪糕糯米糍做甜品。

周六睏到自然醒已經11點，我和老公決定到銅灣睇戲，到達時已12點，我倆都已經肚餓要搵飯食喇。老公之前返工試過登龍街這間日式料理店，他說有我最愛的鰻魚飯，一聽到鰻魚就決定試喇😍店面用竹來裝飾，好符合店名，充滿日式情懷。店內都以木和竹作佈置，感覺清雅。午市套餐選擇都多，而且價錢實惠，我們選了竹串銀雪魚燒及極上鰻魚丼飯。沙律酸甜的沙律醋很醒胃味噌湯湯料很多而且味不鹹極上鰻魚丼飯鰻魚好大條，蓋在飯面猶如一件極大的鰻魚壽司😍怪不得老公話我實會鍾意。鰻魚肥厚多汁，入口綿軟，魚的油香在口腔內迴盪，最欣賞鰻魚汁不會太濃太甜，恰當地襯托出鰻魚的香味。竹串銀雪魚燒有銀雪魚~甜薯~秋葵~雞翼~芥末松板豬~翠肉瓜，每樣都烤得香而又能保留食材的精華，當中銀雪魚和松板豬尤其出色。銀雪魚好滑而且油分多，魚皮燒得香脆，微微的焦香好特別。松板豬肉質彈牙有嚼勁，豬肉味清香，芥末的微辛令豬肉更惹味。雪米糍飯後甜品，作一個完美終結。假日在鬧市能以這個價錢品嚐一頓滿意的日式午市套餐，真是經濟實惠。難怪一時多已坐滿了人。

竹串以傳統日式和室作設計、有小木桌亦有吧檯、午市來到客人很多、我們被安排坐在吧檯位置、可看著師傅準備食物倒也不錯。午餐由$68-98、有小食、味噌湯、沙律和甜品、幾抵食。沙律汁調得酸酸甜甜挺開胃。那小碟的螺肉作為小食也不錯。主菜我們要了極上魚生飯、看上去很豐富。三文魚厚身肥美、油甘魚亦富油香、厚肉的帶子配飯吃、很有滿足感呢。此外、還有帶子、海膽、蝦等。甜點有雪米糍、不過雪到太硬了、等了很久才可以吃。

今晚又來到永光中心開餐, 今次呢間係竹串, 入到去比較暗, 卡座好有日式味道, 可惜我地去得遲, 已經俾人坐曬 叫咗幾款壽司, 分別係三文魚,四文魚同和牛壽司。 魚生算新鮮無雪味, 四文魚其實係醬油漬嘅三文魚, 味道都幾特別, 和牛壽司塊牛都幾有牛味, 薄薄一片口感唔錯。 呢個係銀鱈魚西京燒, 燒得恰到好處, 甜甜地熱辣辣又軟諗諗, 好啱凍天食。 個人幾中意呢個燒五花腩, 少脆得來 又唔會整到過硬, 配埋調味夠香口。 到呢個牛肉鍋, 基本上都係牛肉豆腐菜同雜菌果啲材料, 志在夠暖意窩心, 雖然唔特等, 但味道都係唔錯嘅。烏冬方面個湯底幾清甜, 個麵都夠煙韌。

今日午餐去了銅鑼灣的竹串，他們是日本料理餐廳，午市餐點的價錢是$68-98，選擇都多，有豬、牛、刺身、鰻魚等配便當和丼飯的選擇，能滿足不同喜好的客人。之前已經來吃過銀鱈魚的定食，今次就轉轉款式，試一試鰻魚丼飯 $98太令人驚喜了！竟然是原條鰻魚飯！肥美的鰻魚淋上適量的鰻魚汁，甜甜的滋味非常開胃！鰻魚肉質鮮美，口感比較彈牙，雖然我比較喜歡入口即溶的鰻魚，但這個也是不錯的，可惜就是鰻魚皮太厚！配上軟硬適中的日本珍珠米，吃完都已經非常滿足了！差點忘記還有甜品，是迷你版雪米糍，為這頓午餐畫上完美句號。朋友點的魚生飯，刺身也是非常新鮮，他也表示十分滿意！一個套餐組合有前菜、沙律、甜品，感覺非常豐富！麵鼓湯內還有很多雜菇這個質素的食物，價錢也是合理的，下次午休時間都會再來吃飯！

下午在銅鑼灣逛街前去登龍街覓食，路經樓下看到傳單上的午市定食幾平，便決定吃這間。餐廳的裝潢好靚，非常雅緻又有格調，充滿和風的味道，好像日本居酒屋，感覺蠻高尚。卡位設計像包廂般，好有自己空間，適合一班朋友聚會，可以自成一角。午餐定食有好幾款，全部附沙律、味噌湯、小食、甜品，價錢由六十至九十幾不等，齋看圖片都已經覺得好吸引。味噌湯熱熱的很不錯，沙律好新鮮開胃。小食應該是醃製的水產裙邊類，估計是帆立貝，是少見的前菜，好特別而又美味，口感彈牙有𡁻口，十分惹味。極上魚生飯好快便奉上，想不到頗大盤的，九十幾蚊竟然有如此多款刺身，包括三文魚、海膽、帶子、吞拿魚、油甘魚、牡丹蝦，而且賣相很好看。好欣賞它的每一件魚生都是厚切的又大件，超有口感，最重要是件件都好新鮮又肥美，連不愛吃的呑拿魚和油甘魚的我都覺得兩者好好味，令我第一次對呢兩種魚有好評價。完全想不到一百蚊都唔洗竟然都有咁高質素，件件真材實料。極上鰻魚丼飯一上枱嚇我一跳，是超級巨型！大份到好像大人國的鰻魚壽司。不只長，而且好厚肉。肉質好嫩滑，鰻魚汁又多又好味，每咬一口都非常滿足。底下的飯還吸收了鰻魚汁好美味。這個鰻魚丼飯極度出色，怎想到只需九十多元

當你穿入登龍街，簡直以為是銅鑼灣的一條食街 、由街舖以致樓上食店多不勝數，如果用一個月時間亦未必可以吃畢全部、 今日便約了一個多年沒有見的朋友相聚，決定試試這間上樓舖。。。午餐方面大致上有7-8款選擇, 最為養眼的可算是原條極上鳗魚丼飯、 而另一款就當然應該算是極上魚生飯， 價錢上就由HK$68.至HK$98.不等~定食方面每人包括一份味噌湯/沙律及螺肉各一份 , 三款水準都達標,味噌湯 濃而不過於鹹， 至於主角亦逐一 來到跟前。。原條的極上鳗魚丼飯樣子極具震撼， 無獨有偶身邊兩台也叫上同一款、 其實賣相在餐牌上早早已看上, 所以吸睛度早已預知一二， 賣相是有不過就略嫌鰻魚飯失色在於米飯當中， 咬在口中飯質不夠黏懦較見鬆散、如果連這一點也能收補就更為完美~而另一款極上魚生飯亦隨隨送上枱上， 今次的米質就較鰻魚飯的略為好、 故此理應可能是天氣冷而令保存上有些少差誤，魚生飯包含三文魚,牡丹蝦、吞拿、油甘魚、及海膽， 每一款都很鲜、 最喜歡更是當日牡丹蝦， 肉質爽脆、 如果硬要挑剔的可能是三文魚部分略嫌不夠肥美，不過只是點點兒瑕疵~整體來說以價錢論上樓舖而言算可收貨。☆作為一個食客在飯後評述