競

營業中

休息中

因為天雨關係，8.10 走入sensory zero經營的分店keiba，因為相信飲食質素有一定保證。一坐低侍應已經提示8.30 last order，再詢問關門時間係晚上9:30立即點咗一個帶子烏冬套餐。上菜速度非常迅速。每當我食完一道沙律，仲未開始飲湯，侍應便匆匆忙忙收咗我個沙律碟。而餐茶喺主菜仲未上嘅時候就已經上咗。當晚上8:45左右，我啱啱食完主菜，啱啱放低筷子，仲未飲餐茶嘅時候，侍應就匆匆走過來要求埋單，並收咗主菜啲碟。於是我匆匆飲完杯餐茶，佢哋又立即過嚟攞走杯茶。我忍唔住再問咗佢哋一次幾點閂門，侍應回答係9:30。距離閂門時間尚有45分鐘，侍應們已經趕收工，狀甚趕客，語氣亦唔友善。咁嘅服務態度，怪不得而家所有香港人都北上消費。😵‍💫

情人節無任何安排，打算去灣仔合和行下Nitori 行之前要先醫肚見對面馬路依間餐廳外表幾靚仔又有位就入去試試店員都有耐心簡介menu 要注意的地方並指示可以用QR Code落單 見到咖啡「初戀」有似曾相識的感覺原來餐廳by sensory ZERO Sensory ZERO 食物一直水準平均，澳洲M4和牛有油香、西冷亦有牛味開心很多蔬菜、沙律新鮮、上面的牛油勁香、薯條炸得好香脆，茄汁略嫌太甜環境特別充滿賽馬裝飾，亦有多部電視播放不同賽事和資訊。

Visited this japanese resturant at race night with friends. Its open to public and not required membership for booking.Overall the food is okay and dessert is nice.It just located close to the goal of the court and with lots of window seats. I ordered salad, sukiyaki with beef and pancake for dinner set.What can you request more with such a comfortable place for dinning and viewing horse racing with reasonable price at the same time?

電視就睇得多親身入馬場真係第一次多謝朋友帶我入場初體驗🥳.朋友book咗呢間新餐廳主打日式fusion菜有set menu 亦都可以散叫..沙律酸酸甜甜 好開胃.章魚燒完美還原日本風味😍大大粒章魚 好有口感.反卷味道正常 不過不失.沙律蝦爽口鮮甜 沙律汁酸酸地又咸咸地好特別.窩夫味道正常 上面果塊芝麻脆片反而最令人驚喜非常香脆 吞落肚之後口內仲會留住好大陣芝麻味鍾意芝麻既必試啊!!!!!.Pancake都係正常發揮.總括嚟講 體驗係好好嘅一邊食嘢 一邊睇馬 原來係好刺激不過可能要早啲book位 靠窗邊先可以坐定定咁睇

有個星期3去咗跑馬地馬場同朋友慶祝生日～係一間新開嘅日式餐廳，一邊睇夜馬賽事🐎，一邊晚餐😋🍽～.餐廳裝修好靚🤩有好多沙發位😌又有靠窗嘅，可以睇到衝線位置🐎，好刺激！.晚餐以set Dinner為主，包括頭盤, 餐湯, 主菜, 甜品&餐飲。.🍣頭盤我簡左加州卷～有我最鐘意嘅牛油果🥑因為肚餓所以特別好味😅朋友點嘅蕎麥麵沙律分量幾多，開胃菜😋.🥘主食️ - 鐵板煎鳥胸肉鐵板煎住上菜時已超香🤤個汁好濃，偏咸，似照燒汁。反而個雞胸肉質好滑～好味嘅！薯條係幼身的，略嫌唔夠脆身，偏淋。.🥘主食️ - 牛肉咖哩燉飯中間溫泉蛋🥚同咖哩撈埋一齊，”杰”左少少，有少少配菜🥔🥕味道不過不失啦～食完朋友話好濟😂.🥞甜品 - 梳乎厘班戟果日等候時間較耐，因為係即整嘅。唔算厚同鬆軟，比較一般😅中間係Yogurt，都唔會太甜太漏～.🍍甜品 - 旬の菓物薄切由好多冰涼水果組成🍓🥝相對較Light，不錯的。.

餐廳露台位係對正馬場草地 可以見到終點線邊食邊睇跑馬 景觀不錯 係呢餐廳特色之一🖤加上大大片落地玻璃窗 令人感覺舒適 餐廳在裝飾上做了很多用心的打扮出面仲有好多日本舊時小玩意添 岩哂打卡🇯🇵喚醒了我們童年的回憶#Dinnerset 都有好多選擇呢🙆🏻‍♀️ 前菜蕎麥麵沙律 (雨衣甘藍,甘荀,海苔,蔥花,芝麻油酢汁)沙律菜新鮮 味道清新 越食越開胃 又唔膩蕎麥麵分明 唔會黏埋一嚿蔥花同芝麻油酢汁令整個box更加香 餐湯蕃茄雜菜 用料滿滿 料比湯還要多入面有好多蔬菜同豆豆 口感豐富😍濃稠適中味道唔錯而且好夠熱少少香草令到個看似平凡嘅雜菜湯味道昇華咗餐包配牛油簡直冇得輸(⁎⁍̴̛ᴗ⁍̴̛⁎) 日式牛肉咖喱燉飯 (青豆,甘荀,日本半熟玉子)咖喱底係日式咖喱 咖喱帶少少微辣非常惹味 味道甜甜的牛腩比得超慷慨 口感軟腍 而且不會柴不會硬食落咖喱味濃郁 好好味🤤 黎到冇理由唔試下梳乎厘班戟啦😍梳乎厘班戟 (草莓 日式乳酪) 即叫即整 要耐心等候Pancake個擺盤好靚 外面燒得好靚食落空氣感滿滿 質地柔軟細膩 夠鬆軟 甜度岩岩好 咁嘅價錢都物超所值 比預期中的好 有新鮮感幾建議去馬場既朋友仔book呢間職

跑馬地馬場新開左一間喫茶店 - 競 ，裏面環境超正！首先門口一入到去已經見到超多日本擺設同日本玩意，感覺懷舊又可以影相打卡～而且仲設有露台位，露台位可以直接睇到成個馬場草地同埋終點線，非常有特色！ 裏面坐位都係比較鬆動闊落舒適，仲可以聽到即時馬評同埋睇到好多個唔同嘅屏幕分享即時賽馬情況。 環境就夠晒舒服，食物價錢都相對合理， $350一個豐富嘅套餐就已經可以坐足全晚，平時去食個西餐都要啦🤣 章魚燒有酸薑、海苔、照燒汁、鰻魚乾，材料豐富做小食一流！ 味增南瓜湯質感比較濃，味道較為香甜。 鐵板煎雞胸肉有馬鈴薯條、本菇汁、季節の野菜，估唔到都比想像中滑，有健康感，加上裏面有薯條，又可以邪惡一下。 甜點抹茶芭菲有日本紅豆、抹茶啫喱、丸子，好鍾意佢表面抹茶雪糕好香，而且旁邊有啲一粒粒口感香脆，加上煙韌丸子，配埋底部抹茶啫喱，大滿足！ 最緊要都係個環境坐得舒適，裏面氣氛好relax，chill翻晚真係唔錯嘅選擇！