章記海鮮燒鵝小館

營業中

休息中

釣完魚唔想煮，拎三條大泥鯭共一斤去整油鹽水加工，共收$180, 問清楚後話我3條魚未劏又呢樣又嗰樣要收多$100劏魚費😂，連加工$80/斤共$180, 咁我喺現場買條魚食好似仲平啲😆另外叫了半隻白切雞，好食抵食👍🏻腐乳炒通菜，凍的無鑊氣👎🏻

之前屋企人生日，已經想嚟呢一間中菜館，啱啱好初三過年屋企人唔煮咁就一齊出嚟食呢一間。訂咗九位，佢俾張六人枱我，根本坐唔落。後來安排得到張大枱先至可以叫到餸。過年期間啲價錢都唔過分，重點係啲嘢食都幾有質素。係個黃金蝦球單薄咗少少，其他食物都唔錯。個椒鹽鮮魷可以睇得到個脆漿好薄個魷魚好厚身，另外個咕嚕肉都係仲要裏便超多肉汁。個燒鵝唔會太肥，肉都幾嫰，同埋半隻呢個價錢比起過年前夕去其他酒樓食嘅體驗，呢度真係好好多。另外個火腩鱔煲，啲蜆肉都夠厚亦都冇黎味，魚肉亦都好爽脆。小炒王，炒麵同埋四季豆唔會食到成口油。整體食物相當滿意，係個薯仔牛柳粒啲薯仔炸得唔夠身，同埋提醒大家嘅係要小心地滑。同埋啲侍應服務都幾好，一個眼神接觸或者手勢已經大概知道個客想要啲咩，超醒目。

豐富的二人晚餐，新張優惠孖寶，我們兩個人叫了優惠孖寶套餐西蘭花炒蝦球，燒味拼盤。兩人各一個白飯，份量很足夠。服務很好。期待下一次光臨。晚餐又多一個選擇了，推介推介。