立鮨 (金馬倫廣場)

營業中

休息中

每次經過這間餐廳都常常看見很多人在門外排長龍，所以一直都想試一試，但我最怕排隊，於是便叫了外賣，點了幾款比較受歡迎的壽司，有吞拿魚，三文魚，帶子，油甘魚，劍魚，這間的壽司其實也不用點豉油，因為在每舊壽司飯當中，原來已經一早醃了味，每款魚都非常肥美和有濃烈的魚油香，有入口即溶的感覺，帶子鮮甜新鮮，怪不得那麼多人排隊，雖然價錢比較貴，但每款壽司的質素很高，總括來說都性價比高，值回票價的，可以再試，但我仍然選擇不用排隊的外賣

前牌排試過嚟立鮨食壽司，整體嘅水準都唔錯，價錢唔算特別貴，唯一唔好處就係要排隊排到七彩。剛巧經過尖沙咀係10c都冇嘅天寒地凍底下，相信個個人都會選擇一係打邊爐一係食燒肉，總之一定唔會食凍冰冰嘅壽司，於是造就了我不用排隊吃嘅機會。五點幾都要諗夜晚食乜嘢晚飯，既然立式唔使排隊咁就不如外賣壽司返屋企食。平的東西如北寄貝壽司和火灸北海道帶子壽司，呢啲又唔鬼水樽油不錯係最好嘅選擇，上次都係食呢類選擇，於是食番幾件。阿爸愛左口，食左火灸左口魚壽司，油香一流。火灸海膽蟹棒壽司，呢個配搭，又好食又抵食。由於媽媽不特別吃刺身，點了一些老少咸宜嘅食品，黑松露玉子壽司，簡單嘅黑松露香滿佈整件玉子，媽媽特別欣賞。我地選吃了不少刺身，寒螄魚刺身，比較少見同特別都幾好食不過如果怕腥，可能未必鍾意。深海池魚，呢d一定好食。劍魚腩，夠肥美，以價錢來說，覺得好值得食。最後的油甘魚，一如其他池魚，劍魚腩一樣表現非常好？特別推介北海道活象拔蚌，以呢個價錢有呢個水準，又切得好，如果有機會見到一定要試。今次點菜點多咗廚師推介，試咗兩次似乎廚師推介嘅水準更加高，絕對可以再翻兜。

立食對於我嚟講非常神奇 今日就有機會同朋友喺尖沙咀食下呢間立鮨午餐時間要等位 證明質素有保證 餐廳地方唔大 只有大約十個企位鍾意食壽司嘅我 叫咗幾件唔同特色嘅壽司 包括：火炙左口魚壽司 上面嘅左口魚刺身 魚油香味充足 微微焦香安康魚肝壽司 粉嫩 入口即化 味道新鮮濃郁火炙大吞拿魚腩壽司 大拖羅非常肥美冇跟火炙後魚油味更加突出 入口即溶 再用脆脆嘅紫菜包住 兩種口感鱈魚白子軍艦 季節限定既白子唔係成日有得食 咬落去鮮味即刻喺口腔度爆發 唔錯三文魚子軍艦 三文魚籽粒粒晶瑩剔透 非常飽滿 重點係份量超多 跌曬落個碗度秋刀魚刺身 魚味極濃 非常肥美鍾意重味魚嘅必點88蚊大滿足 海膽多到遮住啲飯 用上大大塊鮮味十足嘅加拿大海膽 真係大滿足

立食 就係呢間店既一大特色😄我同老公都鍾意，可能因為返工成日坐，所以食飯企下都冇所謂，別有一番風味☺️超爽甜☝🏻🤩🤩🤩三文魚籽本身唔特別，不過加上柚子皮之後好fresh，啱啱開始食，頭嗰兩件好開胃🤗紫海膽🥰🥰🥰🥰🥰My Favorite必試！！！好新鮮兩種食哂，會好滿足😍🤪特別部位😙大吞拿魚鮫壽司～😍😍😍😍😍唔試唔得！同老公每次食一定係Encore兩次☺️油脂豐富，加上特製醬油，配埋一齊食，不得了！😫時令秋刀魚～好肥美當造要食😋油香好重～～～燒過既大吞拿魚，有令一種焦香味，每次都要叫埋😜雖然呢間價錢唔平，但係值得食的！😁每樣都好新鮮，我同老公平均每個月有一次黎食每次都好盡興😋😋😋記得之前係附近影完嘅婚紗相，仲減肥緊，都忍唔住要過黎食🤣🤣🤣

跟這店跟本是相逢恨晚，明明就在公司附近，怎幾年間一直都未試過，這店立食壽司雖快速快食，但質素也講究，而且非常實惠，就像食Omakase 般，但價錢便宜一半有多，點豐富點人均4-500食到非常滿足😋中吞拿魚腩刺身好粉嫩，入口魚脂豐富入口即溶，非常鮮味再來刺身活赤貝，經師父拍打後，更爽脆又鮮甜油甘魚每件都好肥美，魚油豐富帶帶點微爽口感，這店刺身很有水準三文魚籽軍艦確實沒點錯，一上檯滿瀉的三文魚籽，每粒都晶瑩剔透，一咬落去脆卜卜在口爆開，鹹香味十足剝皮魚連魚肝，入口爽口鮮味又有魚肝甘香白子壽司一樣秋冬時令，好滑身又綿密，如鍾意白子嘅獨特味道壽司點了寒獅魚，粉嫩脆美充滿魚香，面上配了柚子蓉大滿足海膽特盛確實令人難忘，非常澎湃滿滿嘅海膽，甘黃色澤又新鮮，入口滑滑又甘香，真係好食要必叫喔

回想堂食的日子，立鮨已經去過無數次，食物質量絕對比起連鎖食店好，立食，是日本文化，同樣令我想起日本首先介紹是的燒蝦頭(配鮮蝦味增湯)， 不能不讚，味道濃得像龍蝦湯一樣，完全感受到什麼是海鮮的鮮與甜碎蔥吞拿魚腩軍艦，吞拿魚腩非常飽滿，入口軟綿綿帶點魚脂香，加上外層脆口的紫菜，幸福火炙三文魚壽司，$9/件，絕對抵食，有誠意，輕輕火炙過的三文魚，加上沙律醬及香蔥，口感有多種層次，必點之選日本白烏賊壽司，普通的白烏賊，加上師傅的刀工，令平凡變得高貴，入口帶有一點焦香，有驚喜甜蝦他他軍艦，同樣是在的清單上，該店的軍艦壽司，餡料絕不吝嗇，吃到甜蝦他他的鮮甜，令人拍案叫絕珍寶赤蝦壽司，與甜蝦他他軍艦的口感是另一種味道，原隻珍寶赤蝦，大隻，加上沾上醬油的壽司飯，不用加什麼醬料、令人拍案叫絕火炙左口魚邊壽司，左口魚一定要火灸，魚油重，味道濃郁，入口即溶，非常肥美，回味無窮最後點了一份三文魚腩刺身，單看銀邊，已經感受到很美味，帶點爽口

今日去咗一間喺尖沙咀嘅立食壽司，由於Lunch時間去就要排下隊，等咗20分鐘左右先入到去，等咁耐就係為咗試吓佢嘅Lunch壽司套餐，平時晚餐散叫好似無咁抵食，見佢午餐時間$100有找已經有齊三文魚、三文魚腩、吞拿魚腩、生蝦、元貝、海膽幾款手額壽司又真係抵食！啲壽司真係好食嘅，每件刺身都好新鮮，好甜，難怪咁多人慕名而來，不過企喺度食得唔好太耐，因為真係幾攰，同埋記得要小人時段先好黎，咁就可以輕鬆嘆喇！

第四波疫情下，好耐冇來，值得一讚系，立鮨開業至今，無論價錢，食物水準，性價比，一直保持良好。每次都有保證，疫情下，用一次性餐具，雖然吾環保，但都算減低風險。諗住過來快食2件見到人哋食燒蝦膏配啤酒，我又食又飲Kur...... 真係幾正再配水母刺身海膽既鮮又甜試過附近幾間翻板硬係冇立鮨甘得我歡心淨係個醋飯已經係獨一無二原來而家外賣自取有8折唔怪之得見甘多人叫外賣Kinki, 剝皮，象拔其實都好好味只係冇甘特出😂😂😂

金馬倫道哩間立鮨每次經過都勁多人，一直都好想試🤩🤩今次特登早啲過嚟 early dinner，估唔到六點嚟到都已經要排隊！ 不過立食文化比坐低食的時間來得短😋所以都唔需要等太耐，最重要嘅係佢真係好！好！食！特上吞拿魚盛盒 🐋🐋本鮪赤身壽司 中吞拿魚腩壽司 大吞拿魚腩壽司  碎蔥吞拿魚腩軍艦 火炙中吞拿魚腩壽司熱愛吞拿魚嘅你必定唔可以錯過🥰 每件壽司都非常新鮮厚切 吞拿魚少少根都冇，絕對係靚料靚食材 一碟五件唔同口感同埋感覺 幸福感滿瀉😋😋嚴選火炙盛盒🔥🔥🔥🐬🐬中吞拿魚腩 三文魚 北海道帶子 左口魚邊  松葉蟹腳一睇賣相先睇埋上已經非常吸引 🤩🤩用火槍輕輕火炙壽司表面🔥 將魚入面嘅油份逼出嚟🍣🍣 大愛左口魚邊同埋松葉蟹腳 🦀半生熟嘅感覺加上油香😋 ＄98/5隻勁抵食!當然唔少得必食嘅招牌大滿足海膽特盛再追加咗一件期間限定嘅牡丹蝦配燒蝦膏壽司😋😋😋

尖沙咀有幾間立食壽司舖，唯獨係sushi tachi未食過。銅鑼灣同旺角分店都試過幾次，人人都話水準最好係尖沙咀店，嗰日行街經過突然有啲想食壽司就入去整返10件8件。點了三文魚腩，呢個係限量供應，幾好食，肥美得很加上火炙特別正。油甘魚和深海池魚又係必食之作，試到個水準。最驚喜係呢度嘅原隻活赤貝壽司，同我之前喺中環一間米芝蓮嘅壽司店食差唔多水準。另外火焰大吞拿魚腩海苔壽司，絕對係我嘅最愛，同吃大拖羅感覺差唔多。另外仲有松葉蟹腳，呢個相對普通咗少少，但係計返價錢又覺得幾好。仲有好正好大隻嘅珍寶牡丹蝦壽司，不可錯過。還有最愛嘅金目鯛壽司和海膽壽司，又係正。當然還要加個味增湯作結。唯一一樣嘢唔好嘅就係呢度長期都要排隊，不過要食好嘢冇辦法。如果比起旺角同銅鑼灣呢間分店質素的確最佳，不過可惜地方太細排隊就要排得耐少少。

立食，是日本文化的一種，是沒有座位只提供站位，每次經過這家立鮨，門外總是排著隊，今天終於成為一份子為節省時間，在排隊期間，店員先提供點菜單點菜，單件壽司由$9起至$48不等，手卷，軍艦，刺身，更有拼盤選擇三文魚腩刺身/ 原隻活赤貝三文魚腩一客三塊，銀邊三文魚，未放入口已經令人垂涎欲滴原隻活赤貝，色澤新鮮，入口肉質更爽厚，味道鮮甜，令人再三回味刺身外，點了兩份拼盤最高第一排是立鮨特上壽司拼盤(牡丹蝦壽司，深海池魚壽司，北海道帶子壽司，中吞拿魚腩壽司，海膽壽司）第二排是海之幸盛盒（北海道帶子壽司，珍寶甜蝦壽司，北海道活象拔蚌壽司，海膽壽司，牡丹蝦壽司）為左大家吃的都是一樣，所以第三排是散點，點了大致相同的吞拿魚腩壽司，珍寶甜蝦壽司及珍寶赤蝦壽司珍寶甜蝦壽司，果然兩條脹卜卜肥美的甜蝦呈現眼前，放入口，很甜，黏口的口感北海道帶子壽司，師傅有心機的在帶子上介花，灑上少許柚子鹽，入口後帶點清新，帶子厚肉無比中吞拿魚腩壽司，入口滿口油脂，油脂甚至分布至嘴唇，完全沒有吞拿根，入口即溶，加上柚子胡椒鹽，令人拍案叫絕吃過立鮨後，令我想起日本了

立食壽司係日本係一種好流行嘅飲食文化，喺香港就比較少見。尖沙咀立鮨，可以話係性價比非常之高嘅立食壽司。 呢度一定要食嘅就絕對係廚師發辦，每日由廚師精心挑選最新鮮嘅食材，絕對唔會令你失望。最特別嘅就一定係右下角白子壽司，至於啲咩就歡迎大家上網查一查，白子既口感好獨特，味道偏淡但口感似奶油一樣好嫩滑，係日本非常受歡迎既食材，聽講仲非常之補身添。而右上角既係季節限定嘅赤鯥，赤鯥係深海魚嘅一種，係日本係非常之珍貴，油脂量非常豐富而且有獨特嘅甜味，用來做壽司非常適合。池魚壽司亦都係高級食材嘅一種，肉質比較爽脆脂肪比例適中，食落有清甜嘅感覺。左上角嘅吞拿魚腩壽司亦都非常之出色，吞拿魚腩油脂好豐富好香，食完令人有滿足嘅感覺。而家點解廚師發板仲可以追加大滿足海膽特盛，諗都唔使諗即刻追加。淨係見到滿滿嘅海膽已經值回票價。海膽帶有淡淡的海水味，一啖一啖都放入口簡直人生享受。嚟得食日本嘢梗係唔少得日本生啤啦。雖然呢度冇得錯，但係喺美食當前，真係企幾耐都唔覺攰啊😆

難得一日出街食嘢，梗係去返我嘅最愛「立鮨」今次嚟到見到餐廳所有餐具都換上即棄，感覺更加衛生！每個位都會有板分隔住，防疫措施做得好足👍🏼一黎就點咗-原隻活赤背同-北海道活象拔蚌(非常新鮮爽口鮮甜)-蟹籽沙律$98嘅大滿足海膽特盛，omakasa質素，真心就算呢杯賣$158都唔過份！三文魚籽海膽大滿足，價錢又係$98雖然個外觀冇海膽特性盛咁震撼但係但係個味道絕對唔會輸蝕，絕對係必點item之一秋刀魚刺身秋刀魚配上薑茸同葱粒，再加上本身嘅油香，不得了，時令嘅材料真係零舍不同嗌左三樣壽司日本馬糞海膽壽司，海膽非常之甜滑芥辣八爪魚軍艦，交足功課鱈魚白子壽司，呢個我地encore左幾次😆😆😆一到11.12月除左食秋刀魚，白子亦都係我地必食既！肥嘟嘟既白子，淨係賣相已經一流，配上酸汁啫喱，成個軍艦放入口，每粒飯都比creamy既白子滿滿地包圍住，令我地一食再食，真係停唔到口白子小食我每人一份，慢慢嘆。時令嘅白子配上酸汁啫喱再用火槍燒過，口感完全唔同，多咗焦香味，絕對係全新嘅體驗去到尾聲師傅仲送左一人一件鰤魚壽司同埋火炙大拖羅手卷比我地，鰤魚即係野生嘅油甘魚，成件都係粉紅色，咬落去好肥美但係又唔會太肥

之前已經試過幾次既高質日本餐廳，本身價錢已經好親民，而家外賣自取仲有8折 加上質素咁高真係超值！！-✅ 特選三文魚盛合 ($58再8折）三文魚小卷正常 三文魚 三文魚腩 同 火炙三文魚壽司都好肥美～ 辣三文魚就辣味唔太出 全部壽司飯都係本身有味 唔點豉油已經好好味～-✅ 大滿足海膽特盛 ($98 再8折）海膽超級鮮甜 一d腥味都冇 極正 而且份量都唔少！ 飯係漬過 本身好夠味 粒粒分明 加埋海膽仲好味！-🦁 立鮨尖沙咀金馬倫道23號金馬倫廣場地下D舖旺角豉油街50號富達大廈地下1-2號舖銅鑼灣謝斐道535號Tower 535地下03A號舖🦁 人均消費：$62｜推介：❣️❣️❣️❣️❣️

又到左老公放假既日子，梗係要食好西！醒起好耐無食立鮨，一於要食反餐豐富的假日午餐！餐廳用上即棄筷子，感覺更加衛生！二人限聚令嘅關係，都會有塊牌分隔住，每格都有斟熱水位，減少同人接觸，食得安心又放心！老公即刻嗌反杯𣄃麟生啤襯靚野我地嗌左兩種貝類刺身原隻活赤背同北海道活象拔蚌都好爽甜，特登一泥到就嗌左開下胃先蟹籽沙律由細到大都好中意食蟹籽沙律，好食！大滿足海膽特盛細細一杯既海膽特盛足以滿足你視覺同味覺既衝擊！海膽鮮甜無比，非常creamy，個味飯係非常之正，同我去超貴omakase既地方食既飯係一模一樣！唔好以為間店細細，佢地既食材係好高級！正過好多高級餐廳！三文魚籽海膽大滿足三文魚籽唔係一般貨式，用特別既醬汁醃製過，鮮！甜！粒粒三文魚籽喺口入面爆開果個滿足感真係只有三文魚籽先做到！絕對唔會食到厭，如果唔係個胃唔夠大，真係可以食多幾杯！嗌左三樣壽司日本馬糞海膽壽司，呢個無得輸，唔使講！用上咁靚既材料邊有得彈！芥辣八爪魚軍艦，好新鮮！鱈魚白子壽司，呢個我地encore左幾次天氣一涼，除左食秋刀魚，白子亦都係我地必食既！肥嘟嘟既白子，淨係賣相已經一流，配上酸汁啫喱，成個軍艦放入口，每粒飯都比c