立鮨 (金馬倫廣場)

營業中

休息中

平價立食壽司之選 — 立鮨▫️喺香港立食嘅壽司係比較少見，而呢一間立鮨係一間幾多人推介嘅壽司店，重現日本傳統立食文化，佢哋有幾間分店，所有刺身壽司都係即叫即整，感覺好新鮮。▫️🍣特選三文魚盛合$58-三文角壽司-三文魚腩壽司-火炙三文魚壽司-三文魚小卷-辣三文魚軍艦▫️🍣立鮨特上壽司拼盤$138牡丹蝦壽司深海池魚壽司北海道帶子壽司中吞拿魚腩壽司海膽壽司▫️特別講一下：三文魚子：有微微嘅酒味海膽：非常鮮甜、冇明礬嘅味道中拖羅：無根入口即溶、油香十足帶子：鮮甜爽口▫️整體來講，呢間價錢都唔算特別貴，性價比高，不過可能要留意繁忙時間都要排耐啲隊。▫️地址：立鮨 尖沙咀金馬倫道23號金馬倫廣場地下D舖。旺角豉油街50號富達大廈地下1-2號舖。銅鑼灣謝斐道535號Tower 535地下03A號舖。荃灣路德圍26-42號安富大廈地下6號舖。▫️為食指數:7.5(10分為最多)抵食指數: 7

📍#立鮨🇭🇰香港尖沙咀金馬倫道23號金馬倫廣場地下D舖#MFJ尖沙咀 #MFJ日本菜人均消費: HKD530味道: 👅👅👅👅賣相: 👀👀👀👀👀價格: 💰💰💰環境: 🌹🌹🌹🌹服務: 👨🏻👨🏻性價比: ⭐️⭐️⭐️⭐️⭐️回頭率: 🔆🔆🔆終於一試一直都想食的立鮨選擇了尖沙咀的分店，比我想像中細得多，10個位，員工有7-8個，上菜速度快他們有廚師發辦，而我們就選擇了單點⭐️日本白烏賊壽司🦑$15有層次夠爽口，而且燒得好香，抵食⭐️日本真鯛壽司🐟$20脂肪少肉質有彈性，幾有鮮味⭐️火炙左口魚邊壽司🐟$40火炙幾出色夠惹味，有陣彈魚油香⭐️油甘魚壽司🐟$25油香細膩，而且口感飽滿，比平時的更好味⭐️深海池魚壽司🐟$25很少食厚切池魚，又嫩又肥，比得上油甘魚⭐️原隻活赤貝壽司🐚$30鮮色夠大隻，新鮮而且爽脆⭐️鮟鱇魚肝壽司🐟$38比我想像中大和厚，但不太像平時食日本菜的鮟鱇魚肝，口感和味道很像善字魚肉腸😂💯大吞拿魚腩壽司🐟48意想不到的好味！味道超鮮，又肥口感又好，油香一流，真心齒頰留香，完全不想開口溜走味道🤤💯三文魚籽軍艦🐟$20溢滿的三文魚籽軍艦！鮮味又香，特別的是裏面有陣陣的柚子香味，驚喜💯火炙特上地金目鯛壽司🐟$

去staycation買野返房食 朋友話不如試下立鮨 我地嗌左三文魚手卷同鰻魚手卷加一個蟹子沙律 三樣野食都好好味 尤其係鰻魚手卷 鰻魚都切得幾大塊 順帶一提 其實佢d壽司飯本身已調味 所以唔食得太咸既朋友唔好落咁多豉油 下次我一定會再幫襯佢

立鮨 本身都想試好耐終於搵到時間去🥰因為係午市時間會附送麵豉湯同埋蟹籽沙律不過冇影到相🤣我哋叫咗兩個特選三文魚盛合同埋一個午市自選八件壽司因為揀咗自選系列可以加$20有一件珍寶赤蝦壽司每人食咗$150左右，本身朋友仲有張減$100嘅現金卷可惜過咗期😢總結而言：味道都唔錯啲魚生都好新鮮價錢亦都唔算太貴可以接受本身見到Menu嘅特選想試吓黑松露帶子同埋赤蝦🤣但最後食唔落有機會可以再試吓其他款式！

舊有印象都會覺得立食嘅質素麻麻地，自從食咗呢間餐廳後改觀了，更會有條癮成日想返去食返幾舊壽司止癮。除咗立食呢個因素外，佢整體質素其實可媲美某些omakase店。一來佢用上赤醋飯，壽司飯又粒粒分明唔會黏，加上食材都水準以上，無論係魚類、魚籽抑或是海膽等。每次嚟到必點三文魚籽軍艦，三文魚籽量每次都極多，滿溢出來的份量，好澎湃。魚籽粒粒飽滿又鮮甜，之前食過有啲係漬得較咸，但呢間係好甜，絕對會讓你對三文魚籽改觀。而只需$20一件都好抵食，每次都要食起碼兩件滿足一下自己嘅慾望。除咗超推介嘅三文魚籽外，壽司盛合都幾抵食，平時嗌開兩款，一款係炙燒，一款係壽司拼盤（上）。$100唔洗就有5件壽司組合，而其中我最愛就係火炙左口魚邊壽司，魚油好香入口即化。赤蝦都好甘腴，連海膽都有㗎！最後再追加份鰻魚壽司就最完滿，鰻魚都幾大塊，加少許山椒粉調味好加分。鰻魚有燒熱返所以食落魚肉都幾軟嫩，但又不失外面燒過焦焦地嘅口感。平價壽司但卻有超於訂價嘅滿足及享受，真係超推！

第一次食立鮨，上網睇食評好似唔錯所以一試，可能疫情關係好彩唔駛等位。位置唔多，細細間鋪。企位前面就係凍櫃，雖然隔左板但感覺有d迫，立食關係所以可以接受。埋到位就可以上網落order, 師傅好快已經整好。建議menu外套應該要換一換，感覺有d污糟😰今次叫左特上吞拿魚盛合、深海池魚、活赤貝、凡立貝同粒貝。首先食粒貝，偏硬，唔會再嗌。活赤貝新鮮好味，劍魚同池魚都屬正常。到期待既吞拿魚盛合，火炎中吞拿魚腩有驚喜，好香油香，好好味👍🏻👍🏻大呑拿魚腩都好正。另外三件都新鮮。總括都幾好味，價錢唔貴，但食完lunch 會唔夠飽。

今日上網訂到半價優惠, 終於可以一探究竟店舖內整體整潔, 由於過了午餐時段,全店只有我們一枱客,有一張特定餐牌專比半價客人點餐我哋點咗蟹棒, 鰻魚, 燒左口魚邊, 海膽(非特上), 赤貝, 帆立貝,  赤蝦, 油甘魚, 吞拿魚, 甜蝦, 拖羅等等食材大致新鮮但味道整體沒有留下很深印象最驚喜一定係拖羅配上特製醬汁魚油香豐富濃郁芳香如果要我比分 10分滿分會比9分！半價價錢值得一試～值得一提由於店舖環境寧靜壽司吧枱師傅幾個圍起聊天,細聲講 大聲笑加上奉上壽司時沒有任何說話連基本禮貌亦唯欠奉希望多加留意

尼閒來過好幾次，晚飯可能要排隊40分鐘以上，於是午餐見有位就即刻黎食。中檔壽司黎講，性價比超級高，同樣價錢食到嘅野絕對好過千兩尼種。但唔中意企住食嘅人除外。我自問都算一般人中嘅大胃王，一共食左19件野，算係几飽，壽司有平野有貴野，埋單連加一532。見圖。味道同食材質素方面，絕對好過千兩多多聲。離尼閒舖唔夠10米遠都有閒類似的壽司，我都去過幾次，幾乎每次都係因爲立鮨排隊等太耐我先過隔離食，性價比明顯低於立鮨。但渠宜家有得凳坐而且空間感會好啲，立鮨始終企起度，尼樣就睇個人喜好了。

快速食一個有質數的壽司，真係好少有價錢係好合理，普遍$30到$60佢有白子食，我就開心仔海膽手卷仔，夠做啦飯少，醋飯剛好，唔淋唔糊，我叫佢有味飯，因為佢調左味吞拿魚腩又夠肥又油脂重蝦好甜三文魚腩冇筋，肥美甜不過紫菜有d淋

疫情下無得堂食要買外賣， 慢慢我同女友人都已經習慣了. 反而覺得買外賣會多左選擇, 因為可以四圍去揾好野食... 今次我同女友人黎左尖沙咀剛好6 點幾無堂食，咁我地就選擇左買壽司上車食.. 我地叫左深海池魚刺身，特上地金目鯛刺身，三文魚腩壽司，火炙大吞拿魚腩海苔壽司，白子壽司，吞拿魚腦天壽司，Kama Toro壽司 同埋d牡丹蝦同甜蝦.. 我想講立魚旨一貫既作風就係新鮮同專做一d時令既稀有刺身.. 今次我有幸試到吞拿魚腦天壽司, 我想講佢真係極度肥美超重油香. 有d入口慢融既感覺不得了, 而Kama Toro就比起吞拿魚腦天較為無咁漏, 易入口d同感覺油香均勻d.. 女友人試左個稀有既白子壽司, 佢話鹹鹹地脆脆哋咁都幾好味。。個特上金目鯛刺身我第一次食,感覺唔錯幾爽口滑溜,深海池魚都好鮮甜。。 總括黎講成餐好特別好似係車食傲媽家姐咁..

今晚嘅外賣揀咗食呢間，menu 好多特別嘅品種，正～整體每款都好新鮮！火炙三文魚壽司 - 面頭有蘿蔔蓉同沙律醬，不錯。三文魚腩壽司 - 肥美。北海道特大珍寶帶子壽司 - 好鮮甜！又大粒。火炙大吞拿魚腩海苔壽司 - 夾埋紫菜食好香口，紫菜索埋啲魚油仲正！特上地金目鯛壽司 - 呢個普通，可以唔試。試咗幾款軍艦，有芥辣八爪魚，三文魚籽，海膽，蟹肉蟹膏同鱈魚白子。每樣都幾好，最特別一定係鱈魚白子，口感好綿密，要試！吞拿魚腦天壽司 - 好矜貴嘅部位，係魚頭頂嘅肉。口感軟滑，少筋而且勁香，魚味超濃！Kama Toro - 又一矜貴部位，係魚下巴，超重油香，軟綿綿，入口即溶！赤鯥壽司 - 好味程度僅次於拖羅，必叫～刺身試咗深海池魚，劍魚腩，珍寶甘蝦同珍寶牡丹蝦。每樣都好鮮甜，讚！

前幾日同好朋友去左食壽司！因為朋友話未試過立食壽司，所以呢日就帶左佢黎呢度食返餐😁😁😁餐廳既環境唔算好大，大概企到8-10人，但就好整齊，感覺好企理：）食物既選擇都好多，我地心大心細都揀左一陣先決定食咩😂😂最終我要左一份十件既自選壽司同迷你三文魚籽海膽丼，朋友就要左炙燒壽司拼盤同拖羅拼盤，另外單點左幾件期間限定既壽司朋友超愛食白子，一黎到就order左份白子小食，佢話調味帶酸所以好開胃 😆😆跟住我地既壽司都陸續黎到啦 😍😍整體既壽司都好好食，特別推薦佢地既迷你海膽丼同拖羅！！！因為海膽甘甜，拖羅又肥美，其他既刺身魚生都係非常新鮮架！！！而期間限定既價格可以會高少少，但個種令人再三回味再回味既滋味真係絕對值得一試架！！！！

一直都未試過喺香港立食壽司今日終於同朋友黎左食中午1200-1800有套餐，附送沙律同味噌湯附送既蟹籽沙律同蝦味噌湯都非常有質素！！我地分別要左兩個拼盤，另加一份拖羅拼盤同一d期間限定既食物share：）呢碟“白子小食”HKd$58+10%調味帶酸，作為前菜十分合適跟著係我既“火炙拼盤”HKd$98+10%同朋友既“自選壽司(十貫)”HKd$178+10%之後就到期間限定既壽司sssssss馬糞海膽超級鮮甜大拖羅魚鮫直頭係入口即溶“拖羅拼盤”都係件件回味架！！！朋友既“三文魚籽海膽大滿足(迷你丼)”HKd$98+10%都係精緻又吸睛呢度既壽司全部都好高質，相信好快會encore!!

又到放工時間，又要想一想到那裡買外賣回家吃，今晚突然想食壽司，所以就來到這間位於尖沙咀的立鮨叫外賣。現在外賣還有8折，所以好抵食。大滿足海膽手卷，手卷由於是外賣，所以紫菜是獨立包裝的，回到家才自行包好!紫菜脆卜卜，海膽份量多而且鮮甜，沒有苦味。市場三式魚生飯，這款魚生飯包括有海膽、三文魚籽和吞拿魚蓉。三文魚籽咬落卜卜聲，海膽鮮甜，帶有海水味，而吞拿魚蓉好有吞拿魚的魚香。原隻活赤貝壽司，赤貝新鮮又爽口，而且都幾大塊。珍寶牡丹蝦壽司，牡丹蝦非常大隻，蝦肉爽口鮮甜，十分美味。特上地金目鯛壽司，近期愛上食金目鯛，刺身魚皮部分爽口，魚肉鮮甜，再點上醬油味道更出。芥辣八爪魚軍艦，芥辣八爪魚一向係我至愛，八爪魚腳爽口，芥辣味夠嗆鼻，非常刺激。立鮨加州卷，加州卷外層沾滿蟹籽，內裡包上玉子和青瓜絲，口感十足。

一直都很喜歡到這間壽司店食，但由於疫情關係，所以便外賣回家吃，不過就算外賣回家，壽司的質素還是高質!平時堂食的基本上也可以點外賣，而且手卷也有更多款可以選擇!特選三文魚盛合，這款三文魚壽司盛合包括了三文魚壽司、三文魚小卷、火炙三文魚壽司，價錢不算很貴，份量也很多!三文魚都幾厚切，而且上面有蔥花，令三文魚更香。加上他們的壽司飯是有味飯，基本上可以不用點醬油也已經很美味!本鮪赤身壽司，即是吞拿魚壽司。吞拿魚味道濃郁，而且顏色都幾鮮艷，加上上面灑了芝麻粒，令壽司更富口感!北海道特大珍寶帶子壽司，這款帶子比平時吃到的大而且厚肉，味道鮮甜，基本上帶子已經遮蓋了壽司飯，食落啖啖肉!三文魚籽海膽大滿足，這個迷你飯三文魚籽份量非常多，每粒三文魚籽都是脹卜卜，而海膽份量也很多，海膽鮮甜而且creamy，非常惹味!