立法會餐廳

營業中

休息中

我很喜歡到立法會地下的茶餐廳吃早午晚餐，一來支持一下，二來可以避開會議廳和辦公室內的壓迫感。這間茶餐廳的性價比很高，食物質素比外面的茶餐廳快餐店好一點點；價錢方面。早餐定價大概$30，午餐大概在$40至$50。早餐，火腿通粉，一個比較健康的選擇。配三文治包、炒蛋、腸仔， 加杯凍檸茶，$30以內，夫復何求。

#立法會餐廳金鐘立法會道1號立法會綜合大樓地下大堂—-😝係金鐘番過工ge人都知道 金鐘係一個美食沙漠 食都無野食 B仔連立法會個canteen都唔放過～通常立法會有議會ge時候會逼d 要等一陣位 其他時間就會相對鬆動 而呢個豬扒湯檬就係B仔成日叫ge list裡面其中一樣 先講講個豬扒 非常大塊 個面無炸過 但係有煎過 香得黎微微地脆 又唔會太過熱氣 而且肉質嫩滑 完全唔會覺得係一碗（$35）ge越南粉入面ge豬扒 而湯底就係好普通ge湯底 但因為豬扒上面有好多香茅調味ge關係 湯底又唔會話太過清 但粉ge份量唔算多 所以大食ge朋友仔可能會有少少唔夠飽😂整體黎講 係金鐘呢d沙漠地方 $35蚊有呢個水準 其實真係好抵食—B仔整體評價：8.5/10個👍🏻B仔抵食程度：10/10個👍🏻B仔環境評分：6/10個👍🏻B仔味道評分：8/10個👍🏻B仔回頭機會：9/10個👍🏻 ---跟住我一齊吞食香港啦！

食品味道尚何，但收銀員態度不知所謂，對客呼呼喝喝，試過找錢大力拍枱放底，外賣又落錯單但不肯承認過錯，反鬧客人落錯單，總之和客人對著幹，倒米！從未見過如止態度極差的女收銀員

第一次幫襯..諗住試下佢既小菜套餐個收銀阿姐服務態度非常差, 好似唔想做生意咁俾錢買難受, 簡直趕客 啲野食未食落肚已經令人印象差曬希望改善&檢討下員工既服務質素

小編雖因工作關係間中要到立法會辦事，但卻從未到過地下的「立法會餐廳」用餐。是午又有機會入立法會，特意借機走訪餐廳一轉一試究竟。「立法會」雖然是一個「高貴」的地方，但其餐廳卻十分「平民」，基本上和一般飯堂無異，價錢亦相當親民。小編點了一客「香茅雞中翼粉」。以單餸湯麵來説，只有三只雞翼實在太少。雞翼以香茅香料醃製，再落鍋油炸理應惹味搶口，但因雞翼沒有與湯粉分開奉上，頓時失去炸物應有的優勢。 整體而言，「立法會餐廳」給予小編的印象只屬一般，優勢在於價錢親民，有機會試試亦無妨！

在金鐘工作了三年多，但一直未有機會走到傳說中的立法會餐廳用饍，今次有同事提起話想去試下，所以約好一起去探索一下。去到立法會兩個傻更更四圍望，入立法會時原來要去入口的右邊進行安 檢，再到COUNTER填FORM登記和取證。走到餐廳門外張望，收銀處設於餐廳入口附近，我地就走到收銀處排隊，但發現排在我們前面的人手持食品記錄的，原來係食後比錢的，我們還以為好像一般快餐店那樣要先選食物和付款才取餐，這兒是先找座位，有位後才點餐，吃罷離席才付款攪咗一輪，終於可以安頓了，選擇也不少，有日式拉麵/烏冬、越式粉麵、小菜套餐、西式午餐、碟頭午餐，每一類之中也有多款選擇，價錢大約$30-$50，套餐包埋湯或飲品。我這個是小菜午餐中的韮菜花炒雞柳，質素合晒格 ! 起初誤會了係有湯又有飲品，原來係湯或飲品。難得往外用饍有咁多菜，多餸正合我心意呢。 $47這個午餐在金鐘絕對叫做便宜之選~  下回要試試30蚊之選 !

已經唔係第一次發生，無餐湯又唔出聲，到追單時又話送完即止！明明餐牌寫明是配西湯的，何來送西湯？何來送完即止？根本就完成不到整份午餐，但錢就收足！有點被欺騙的感覺！至於食物質素方面，份量略細，減肥一流！

金鐘處處吃東西都很貴，份量又少, 也要等位。 我們在参觀立法會時，順便在它的canteen 午飯。餐廳分兩邊， 近電視的是員工專用位，另一邊可供公衆使用。餐廳選擇多，有快餐， 拉麵， 公仔麵， 意粉， 蒸飯等。而且價錢便宜，大多都不過$50上圖是猪軟骨拉麵， 猪軟骨滿多的，很軟很易入口， 拉麵彈牙另加日式魚蛋和咸蛋半只。另配餐飲。這個價錢來說的話是很滿意的

參觀立法會，想必要試試那裏的餐廳。午餐選了西式，是粟米豬扒肉腸意粉，配雜菜湯和熱檸蜜。意粉份量豐富，豬扒夠香，肉腸好吃，吃到意粉沒太多香料，味道清淡。餐湯有些雜菜，蕃茄味足夠，達到水準。檸蜜夠熱，濃度得宜，不過甜，味道清新，好喝。

立法會地下大堂設有餐廳一間，走茶餐廳大眾化路線，卅多塊錢一個餐。除了一般港式中西飯食外，還月秦式粉麵、台式飯餐等，但我最喜歡吃有三樣東西：奶茶、炒飯和煎雞扒。這裏的奶茶勝在夠香滑，茶味尚可。炒飯和煎雞扒勝在夠鑊氣，有中上水平。