43
1
0
港鐵尖沙咀/尖東站 N3 出口, 步行約2分鐘 繼續閱讀
所有分店 (2)
電話號碼
21091155
開飯介紹
由日本冠軍級拉麵大師林隆臣所開設的拉麵店,其主打的白湯湯底混合日本米鴨、有機飼養京都丹波地雞、日本各地近四十種味噌等熬製而成,香濃而不油膩。 繼續閱讀
營業時間
今日營業
11:00 - 23:00
星期一至日
11:00 - 23:00
付款方式
現金
座位數目
31
其他資料
網上訂座
賞訂座積分
有關獎賞計劃
食評 (51)
等級4 2020-02-19
320 瀏覽
有時諗唔到食咩,我都會選擇去食拉麵,而家愈開愈多過江龍拉麵店,都會特意想去食下係咪真係咁好味,可能最近比較少人出外食飯,但懶煮飯既我都要搵食,所以上星期有日放工約左男友去左依間拉麵店食晚飯入到店有普通四人枱或吧枱座,我地兩個就選擇坐吧枱座可以坐埋一齊食,男友叫左個黃金味憎拉麵,見到牆上既海報寫住係日本冠軍拉麵,所以立即吸引左而叫一送到黎真係有哂賣相,佢用左個銀色既日本拉麵鐵箱黎裝住碗麵,感覺好懷舊,忍唔住要影張相碗拉麵係滿哂,內有豚肉之外仲有個豆皮福袋,內餡係韮菜同粉絲,食落有少少似韓國既餃子咁,好大件又飽滿,食個時有陣陣韭菜香而麵中間就放左味憎,撈勻哂先食,湯味道好濃郁,麵質夠彈牙又唔會太過軟,夾起每啖麵都有掛到湯,的確唔錯,份量都比想像中多,食左三分之二已經飽哂我就叫左特級白湯(大),一送到黎已經嘩左一聲咁大碗白湯係用雞肉洧成,飲落好香濃既雞肉味,又唔會太過濃稠,唔係味精湯咁飲完好口渴,飲完係覺得舒服,豚肉片每塊薄切食落完全無負擔,肉嫩帶甜味,麵質一樣爽口彈牙,好味啊另外我們再叫左兩款小食,手造韭菜餃子外皮煎得脆口,食落個餃皮又夠薄,韭菜味唔太強烈,但我個人都覺得味道唔錯名古屋風雞翼賣相平平無奇,但食落仲保持到肉汁同溫度,唔會整得太乾身,的確有少少驚喜 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-01
393 瀏覽
由日本冠軍級拉麵大師林隆臣親自監製、開創拉麵潮流先驅品牌的「立体派」,最近都喺尖沙咀開左分店!店內環境簡潔明亮,感覺乾淨,室內設計以木材元素為主調,舒適自在,樓底頗高,空間感十足餐牌有頗多款拉麵可供選擇,提供不同特色湯底手造韭菜餃子🥟餃子皮厚薄適中,外脆內軟,內裏肉汁滿瀉,帶豐滿肉香,好好食特級白湯拉麵(大)白湯拉麵可以選擇大或小size,呢碗大size果然真係好大碗!白湯底質地濃厚,味道濃而不膩,好鮮甜啊!秘製叉燒由豬肩肉低溫焗製4小時而成,半肥瘦肉香軟腍滑,帶豬肉脂香~麵條則粗幼適中,帶有嚼勁,充滿麵粉香!半熟糖心蛋充滿蛋汁,好出色黃金味噌拉麵店舖嘅招牌主打「黃金味噌拉麵」獲獎無數,風靡大阪,我都特登點左碗試試!湯底用上40種來自日本各地的優質麵豉,以及免治豬肉、醬油、砂糖、蒜頭等等調味,口味獨特,甜中帶辣的味道,甜味相對比較突出一點~麵條好掛湯呢!布袋豆腐勁大隻,裏面係香蔥粉絲餡唐揚脆炸雞炸粉外皮薄脆,雞件炸得乾身不油膩,肉質鮮嫩,都幾juicy呢烏龍茶及綠茶最後叫左兩支日本茶,去脂解油膩一流 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-14
456 瀏覽
日本拉麵大師林隆臣一向甚有諗頭, 普普通通的 鹽味拉麵當然不能夠滿足他。為了讓人一新耳目, 在他的店裏你可以找到這一個 在其他店找不到的 雙味鹽味拉麵.....之前在中環店裏吃過他的招牌雞白湯拉麵, 水準實在讓人驚豔。 今次這一碗雙味鹽味拉麵就更是讓人嘖嘖稱奇 --- 鹽湯呷下去一點都不死鹹而aftertaste 則十分濃烈而不嗆喉。 左面那碗湯入口是熱燙的, 切得極薄片的五花腩肉口感跡近入口即溶, 麵條則是處理得比較淋身的。 相反右邊的那碗呷下去竟發現是冷湯來的, 所用的麵條就是我們平常吃沾麵的那種硬身太麵, 叉燒亦用上較厚身及有咬勁的梅花肉, 再加上舖面的ikura, 小白魚仔及瑤柱碎, 配搭實在是極之新穎前所未見, 最重要的是味道甚佳....餃子雖然是屬袖珍size但勝在蒜味足而口感實淨, 最特別的是在配醬中赫然見到有像辣椒油的東西, 感覺上好像有點奇怪但吃下去卻覺甚是搭調....這樣的一個拉麵套餐價值當然不會便宜, 但由此可以換來一個以前從未遇過的拉麵體驗,感覺是十分值得的.... 繼續閱讀
(以上食評乃用戶個人意見 , 並不代表OpenRice之觀點。)
<黃金味噌湯一定要試>😍呢間喺 tst既立体派好有日本拉麵店既感覺 近距離望到師傅整野食 有對牆同長枱坐位 主打味噌湯拉麵 由日藉拉麵達人林隆臣大師推介 味道出色 而其它小食都十分出色 值得一試再試😍🍜🍴日本黃金味噌拉麵138 蚊🍜湯底以 免治豬肉 蒜頭 醬油 砂糖 牛奶調味 甜中帶辣 味道有層次感 😍日本人口味🌶秘製叉燒 係慢煮4 個鐘既豬肩肉整成 味道香濃又夠軟滑 仲有個福袋用腐皮做成 入面有薑葱粉絲苣蒻 酸得黎好有口感 佢個麵粗身夠爽口 連埋辣免治豬肉碎 芽菜 🌿一齊食 好有口感又惹味 👍🏻好正 必試🍴拉麵林隆臣推介 特級白湯 大🍜好大碗拉麵 湯底用左白湯 好香雞味 仲有醬汁同奶 令到湯底十分香滑🐤 麵質爽口彈牙 糖心蛋冇得輸 夠滑又香蛋味🥚 叉燒三大塊 慢煮豬肩肉 夠哂香咸 好好食🐷🍴自家製隆臣餃子 48 蚊🥟5 隻包得好靚既餃子 餃皮厚度適中 咬落帶 d香脆口感 入面既椰菜新鮮 豬肉 juicy夠哂足料🌿🐷點埋辣油或醋更正🍴麵豉香葱黑豚腩肉 38 蚊🐷肥美既豬腩肉上面放左甜香既麵豉 豬腩既肥肉同麵豉中和番 味道好 match加埋上面既辣鮮葱花同 芝麻 又香又有層次感 👍🏻🍺coedo shiro白 58 蚊有果香既日本啤酒 有少少似1662 口感爽滑 夠清新🍺coedo shikkoku 漆黑 58 蚊比想像中薄身 黑啤既焦香味唔算勁 但聞落去幾香 口感都滑 唔錯#拉麵 #味噌 #啤酒 #豬腩肉 #雞湯 #餃子 #溏心蛋Score 平均分 <8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻👍🏻Decor&Hygiene 環境衞生:👍🏻👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#立体派 尖沙咀棉登徑8 號凱譽地下 g13 號鋪 繼續閱讀
(以上食評乃用戶個人意見 , 並不代表OpenRice之觀點。)
由日本冠軍級拉麵大師林隆臣在大阪開創的 Ramen Cubism 立体派拉麵店,自從在中環核心區域開了全港首間分店後,大獲好評,人氣甚高,之前往試,感覺甚佳。最近該拉麵店在尖沙咀棉登徑開了九龍區的第一間分店,還推出了暫時只在該店供應,在日本當地曾經多次獲獎,贏得冠軍的「黃金味噌拉麵」($138)。這一晚,我就與老婆仔來到這間 Ramen Cubism的九龍新店,品嚐了這款「黃金味噌拉麵」。來到這間以木為主要材料,設計簡約舒適,並以多張店中拉麵為主題的長幅宣傳海報作為裝飾的店舖,稍稍翻閱一下只有兩頁的餐牌,心中已有決定,兩款拉麵,兩款小食,加多兩罐可樂,就成為了這夜我的晚餐。兩款在下午五時半後才有供應的小食,「鰹魚凍湯浸菠菜」($28)簡簡單單,但索了鰹魚凍湯的菠菜,嫩而無渣,味道也好,入口涼涼的,健康又好味。另一款小食「自家製蕃薯脆波波」($38)既是小吃,又似甜品。四顆脹鼓鼓的圓形波波,熱氣騰騰的,看得出是即叫即炸的出品,外層金黃香脆,內裡的蕃薯餡鬆軟香甜,作為吃拉麵前的小食固然可以,當作吃拉麵後的甜品,亦得。店中招牌出品,林隆臣之推介的 Ramen Cubism特級白湯拉麵($118)一貫地好,濃郁清甜的雞白湯,絕對是水準之作,三大片薄身叉燒,軟腍可喜,溏心蛋軟滑入味,自家手造的麵條亦十分彈牙。這拉麵能成為大師推介,確是實至名歸。據店家資料所示,「黃金味噌拉麵」的味噌湯底,是用了免治豬肉、蒜頭、醬油、砂糖和生奶調味的,甜中帶辣,喝上一口,我就覺得辣味比甜味重一點,刺激而開胃,且帶有層次感。叉燒雖只得一片,但肥瘦均勻,而且配料中有特別的「巾着」,外型猶如福袋,內裡有經調味過的粉絲、蒟蒻、香蔥、生薑等,辛辣的味道,為味蕾帶來特別的刺激。用上了四十種日本各地優質麵豉製作而成的麵豉球,伴以大蔥絲和大根苗,讓這拉麵成為別樹一格,令人留下深刻印象的拉麵。還有必須一提的,是這拉麵店特地引入了懷舊的「出前箱」,並以之裝載著「黃金味噌拉麵」奉客,原來「出前箱」的出現,是由於日本拉麵最初是以外賣為主,當時店家會以「出前箱」為客人送上拉麵外賣,藉以保持拉麵的溫度,就好像有名的即食麵品牌「出前一丁」的清仔一樣。這有心思的安排,值得一讚。其實,這拉麵店的拉麵款式雖然貴精不貴多,但店中其他幾款我不曾吃過的拉麵,好像「鯖魚湯香菇野菜海蝦拉麵」($108)和「特式辣味濃厚白湯拉麵」($88), 我都很有興趣試試呢! 繼續閱讀
(以上食評乃用戶個人意見 , 並不代表OpenRice之觀點。)