立体派拉麵 (威靈頓街)

營業中

休息中

大概兩年前👧🏻👦🏻第一次食立体派，印象不錯，當時雞白湯並冇現時咁流行。兩年後再品嚐，難得保持一貫水平。今次仲試埋小食+唔同湯底拉麵🍜，好滿足呀😚！🌟九味醬油湯拉麵第一次食立体派嘅醬油拉麵🍜，之前冇做過Research，估唔到呢到嘅醬油拉麵表現咁出色！湯底醬油味道🤎清澈清甜又唔咸，睇返資料先知”九味醬油”係用上9款醬油！呢碗拉麵絕對一洗👧🏻對醬油湯底嘅壞印象。至於叉燒就用上3cm厚嘅厚切五花腩🐷，質感煮到有啲似五花腩，肉質鬆化，一絲絲嘅。脂肪層煮得極腍，入口變油，充滿油香😆。🌟特級白湯拉麵雞白湯用上雞肉、米鴨昆布等材料烹調，難怪湯底層次豐富，好難單一飲到純雞湯嘅味道，質感亦冇平時嘅雞白湯咁”漿口”。拉麵質感爽口，叉燒就有3大塊，顏色粉嫩，肉同脂肪大概係5:5，比較腍身，唔知點解有錯覺似食緊湯煙肉🥓🤣。🌟唐揚脆炸雞炸雞有4舊，連埋大大塊雞皮炸夠曬邪惡😈。醃料味道都算明顯，帶點薑蒜味，雞肉夠Juicy，係發揮不錯嘅炸雞🍗。🌟富士川町柚子汽水//富士山櫻花可樂柚子汽水🥤係極重柚子味🍋(同柚子蜜差唔多濃度但冇咁甜！)。櫻花味可樂就真係好有返家鄉日本嘅感覺🇯🇵😭。

This ramen shop offered me a pretty good dining experience.I ordered two premium cubism white broth ramen, one for me and one for my friend, one plate of fried chicken (5 pieces).The ramen was 118 HKD, it had 3 huge slices of chashu, plenty of ramen noodles, few slices of bamboo and an egg sliced in half.Premium cubism - white broth 118HKD :Broth: savoury, not much to say its a pretty good broth.Noodles: great texture, not chewy but it have good amount of bounciness.Chashu: very huge, its placed

坦白講呢間拉麵店都係睇YouTube,大島xx 介紹先知🤣，隱世到，唔特登走落去，根本見唔到，全因為佢係條唔多人行嘅巷仔到～九州醬油湯拉麵一上枱見到好多蔥蔥🤣，唔多食蔥嘅朋友，記住走蔥，一試湯底，清甜，傳統醬油味，感覺好清爽～厚切叉燒見到層層肥膏，以為好油，但唔係囉，入口即溶，好正🤤，但有少少失望，係d肉，有d鞋，如果肥瘦均勻，可能感覺好d～特級白湯拉麵呢個一上枱麵係見到好多蔥🤣，個湯真係好濃，似忌廉雞湯咁，，呢個會比較膩，鍾意重口味嘅朋友會啱~細份唐揚炸雞件炸雞，都食到係生炸，好juice,覺得佢冇咩醃料，比較原汁原味，我個人比較鍾意😛～炸雞軟骨餃子炸得香脆，普通冇特別😆，完

係眾多日本過江龍拉麵店之中，位於中環威靈頓街嘅隱世拉麵店「立体派」係數一數二最具日本風味👍🏻 叫得隱世皆因佢位於橫巷地庫，第一次去入口比較難搵，但離地鐵站都只係數分鐘路程，算係聚腳開餐嘅好地方🍴《 特級白湯拉麵 》 $118 4.5 / 5店舖𝘚𝘪𝘨𝘯𝘢𝘵𝘶𝘳𝘦嘅湯底之一，由來至大阪嘅拉麵師傅秘製烹調，以米鴨、雞同昆布熬製而成，清甜得黎帶有濃郁鮮味🤤 大片叉燒肥瘦適中，入口融化👍🏻 而拉麵麵條質感有靭度，好掛湯😋 整體係清甜唔肥膩，食完無負擔🤪《 大和妃子雞免治肉丸辣味增拉麵 》$158 5 / 5 🌟🌟🌟🌟🌟未講味道，先講驚人份量成半個足球場咁多嘅芫茜😮 對“茜”敏感嘅朋友絕對會俾佢嚇親😂 但不得不說，芫茜味混入濃郁嘅辣味增湯度，竟然併發出一種獨特嘅芳香🤯 主角大和妃子雞免治肉丸🍡 厚實得黎肉質爽滑，內裡更有軟骨碎，鮮甜有咬口😋 配料仲有芝士竹輪卷同溏心蛋，相當豐盛👍🏻《 慢煮叉燒 》 $58 4.5 / 5肥美嘅五花腩肉炆到好入味，肉質軟綿唔會柴👍🏻 肥膏部分唔會好多，係要有少少肥先有油脂香🤤《 日式汽水 》 4款色彩斑斕嘅日本汽水，好打卡𝘈𝘣𝘭𝘦，增添幾分日式風格😆整體環境好

口味嘅野各有不同好正常，但咁嘅價錢難食到咁仲有咁多好評，唔通真係我有問題？叫左碗大白湯拉麵，明明店內都多人仲有人龍等緊，坐低先落完單不足5分鐘，已經黎左碗麵，心諗不妙！有咩發現？👁：明明話係雞白湯，上到黎係雞黃湯。完全唔係白色。如果有食開蓮香樓附近個間雞白湯拉麵，人家嘅湯真係純白色👃🏻：有雞湯香味，但聞多兩秒，你會聞到奶精味。一陣好奇怪嘅奶味。同正宗雞白湯嘅味差好遠。黎到呢個位都冇咩期望，只希望食得晒就算。麵：不掛湯但叫做要咬口，但個種咬口同平時食開嘅日本拉麵唔同。再觀察廚房。由頭到尾都睇唔到佢地有飛水嘅動作。湯：唔再多講。啖啖味精，食左1/3已經忍唔到要飲水。真係好討厭拉麵湯底加味精。我食返出前一丁唔好？！蛋：滑，但顏色勁怪又無咩味。肉：無香味，平平無奇。好好的一個星期五晚，想食個好拉麵慰藉自己，就俾你呢間立体派破壞晒。望多兩眼個廚房，睇佢地動作入面嘅人係完全冇心整野食。過江龍唔好有太大期望就早已知道，但難食到如斯地步，大阪那位所謂的拉麵大奬老闆，可否不要容許自己丟盡日本拉麵的架？真心令人討厭的拉麵。

講到最愛拉麵，心目中依然係呢間，看似簡單無花巧，但憑住精心湯底+肉，已經完勝。今次一次過食曬佢兩款最出名拉麵。但感覺比從前食既質素水準表現一時時，希望可以改善，保持水準。特級白湯拉麵湯底用日本京都丹波地雞+昆布熬製，無添加任何味精或人造調味料。配上3塊低溫慢煮叉燒，雖然係薄薄一片，但肉嫩鮮美，入口即溶。配上自家手造拉麵，軟硬適中，一試難忘。醬油清湯拉麵湯底用上特製9種醬油調配，味道濃郁得黎清醇，唔會過咸。配上厚切慢煮叉燒，肉質軟稔多汁，同樣入口即化，但稍多肥膏，較岩鍾意食肥肉既朋友。

絕對不容考慮去開中環直係試下尼次好彩walkin唔洗排坐定定未叫野就要排隊了好好好味（好3次）個白雞湯.濃而不油.足料.炸雞.唔好食..…太多😛雞軟骨餃子🥟.唔好食…..咁多呀🤪入口明顯小心唔好行過左😁環境有日本feel😍

友人推介呢間位於中環嘅拉麵店，位置喺巷仔，極都唔起眼，拉麵門口有個風水陣，非常特別，平日lunch time都要喺出邊排隊等位，可見其人氣程度。試咗九味醬油拉麵，店家用咗九種唔同嘅特級醬油秘製湯底，味道濃郁唔油膩，亦唔會太鹹，每口彈牙拉麵配一啖湯，好好味，差不多可以媲美日本嘅醬油拉麵，亦係我暫時喺香港食過最好味嘅醬油拉麵。配拉麵嘅慢煮五花腩，賣相望落去似東坡肉，有成3cm厚，肉質非常淋，好入味，油脂入口即溶。

今日第二日喺中環返工，同事話帶我食拉麵，心諗：中環食拉麵，應該又貴又細碗啦。同事帶我經過橫街小巷，最後入咗呢間日式拉麵店，第一次嚟，穩穩陣陣食一個最traditional嘅拉麵先😛極上白湯拉麵 $118起初睇Menu，我估拉麵嘅大細都應該係普普通通，點知擺到上枱，嚇死我，碗麵好大，叉燒好大塊，完全係同我想像兩回事，所以未開始食已經覺得好開心。總括來講，呢碗拉麵簡直攞滿分。湯底好好味，麵質恰到好處，叉燒肥瘦適中，加埋啲䓤好香，我一定會再嚟。👍🏻

之前經過唔起眼 見到YxuTxbxr大島介紹就黎食1. 特級白湯拉麵-大三片好好食既叉燒配上好香濃既雞湯拉麵好好味而又好飽肚 但會想繼續食哂佢2. 九味醬油湯拉麵比東坡肉再軟身但又唔易爛 一口熔化哂口腔佢堅好食 配埋係真。醬油但唔係豉油既湯底不得鳥3. 唐揚脆炸雞又熱又香口又唔肥膩既炸雞平時唔食皮嘅我都連炸皮食埋4. 香炸雞軟骨餃子香口既 個皮好薄好脆 煎得恰到好處不過我個人對餃子喜愛度一般 所以覺得可叫何唔叫服務態度都唔錯 尤其係好friendly既男經理仲請左我地飲左兩枝好好飲既日本可樂（我個人比較鍾意柚子味）約定下次dinner再黎食過

中環不嬲都好多拉麵店林立🫣而今日要介紹嘅呢間拉麵店好特別又隱蔽🙀係要喺巷仔到再落樓梯先搵到🙈🙈 非常之有神秘感🤪 所以今日同朋友黎到呢間拉麵店尋下寶🤨搵下美食🤤🍜大和妃子雞免治肉丸辣味噌拉麵 $158呢款期間限定嘅拉麵又足料又好味🤩自家製嘅免治肉丸多汁有咬口，兩大粒整成串燒🍢放係拉麵上面，打卡一流😎仲有濃郁嘅芝士竹輪同流心蛋，好滿足！呢碗味噌拉麵個湯底微辣，夠惹味，而且佢加左芫荽同芽菜中和返，食唔到太辣嘅朋友都可以一試！🍜特級白湯拉麵 $118一黎到就已經俾佢個賣相吸引咗，真係超大碗，份量亦都超級多😳😳 足足有兩隻攤開嘅手咁大，仲可以用黎呃like，認真抵叫🤩🤩白雞湯底味道好濃厚，又唔會好咸，拉麵煙韌彈牙，超有口感🫡 而且三大塊叉燒肉質都好滑嫩，再配埋溫泉蛋，簡直就係一流😱😱🥟香炸雞軟骨餃子 $48我覺得呢個黎到真係要叫下😚 見到有雞軟骨咁特別就叫咗黎試下，估唔到真係幾好食喎😙本身餃子炸到微微脆口，好易入口🥰 而且雞軟骨唔會咬到牙骹軟，非常易咬到，好有嚼勁，好爽口～～🍵綠茶 $28🌸富士山櫻花可樂 $28第一次試櫻花味嘅可樂，以為會好伏，點知又出奇地好飲，比一般可樂味道更為特別😬值得一

終於黎試中環嘅立体派拉麵，當然係點最出名嘅特級白湯拉麵，點左大Size，有三塊叉燒、溏心蛋、配搭大量蔥絲同埋筍。先試左一啖拉麵湯底，好濃縮嘅鮮味，鍾意濃味湯底嘅人可以黎試下。個麵無咩特別，最欣賞反而係叉燒，鍾意簿切嘅質感同味道，食落油膩感係零，好啱我口味！個碗睇落超級大，不過都食得哂，湯飲到最後覺得太鹹無飲太多。店鋪入口係威靈頓街，日日香鵝肉飯店對面，有塊「閒人免進」嘅路牌嘅巷仔落樓梯就見到，位置比較低調。星期六中午到訪，人流不多坐得幾舒服，服務員同其他熟客有講有笑，同埋有圍裙提供，態度幾好，有機會想再去試下另一款汁煮厚切叉燒醬油湯拉麵。

星期日去中環的好處，就係可以食到平時好多人排隊既野食呢碗就係特級白湯，一來到的時候真係俾個碗嚇親，係超大個。但可能真係因為個碗面積太大，所以啲拉麵好快凍，不過佢原本嚟嘅時候個碗係熱。先講湯底，我覺得係混合左雞同豚，都幾鮮味，又有啲奶奶地。不得不提係啲蘆筍，超好味。叉燒就一般般，有啲肥膩。拉麵硬度適中。另一碗好濃郁，有芫荽、芝士竹輪、蛋、蘆筍，同埋主角雞肉丸。認真個雞肉丸好好味😋 呢個係重口味人士之選慢煮叉燒，呢個我反而想一推，煮到林一林好入味

剛剛過咗食飯時間，唔使排隊就入到嚟。餐廳感覺環境好清幽，而且非常乾淨。位置比較獨特，位於中環一個小巷裏面，要行樓梯，唔多起眼。如果唔係朋友介紹，都冇留意到。餐廳都幾多特別嘅飲品同拉麵選擇唔知呢個係咪限定嘅呢？ ！所以今次就特別叫咗嚟試下。大和妃子雞免治肉丸辣味噌拉麵😂好長…… 湯底幾特別，比較辣，有少少麻。有啲似四川風味嘅感覺😂😂😂鍾意食芫荽嘅朋友可以叫呢三款芫荽拉麵我自己就叫咗白湯嘅拉麵，份量超級大，睇相可能唔係好覺。忍唔住拎隻手去比拼一下，應該有我兩隻半手咁大🤩夠晒份量。白湯味道好濃郁，唔會太油膩，拉麵嘅口感煙韌彈牙。連叉燒都好鮮味，肉質鮮嫩，糖心蛋都好入味。整體感覺非常好超級推薦呢個汁煮厚切叉燒，好好食㗎，入味得來，啲肉係好軟，有少少入口溶化嘅感覺。另外叫咗綠茶可樂同埋柚子汽水，感覺幾得意，初時都驚伏啦，點知原來都幾好飲

以前識左個男朋友佢好鍾意食拉麵，當時成日同佢周圍去搵拉麵食。呢一間立体派就係其中一間我地有食過既。佢既位置有少少隱匿，係條巷仔到既，好日式既裝修。見到出左幾款好重芫茜既拉麵，芫茜我都好鍾意！下次可以試下。今次我揀左大和妃子雞免治肉丸辣味噌拉麵 $158選用被為頂級美味既奈良縣特產大和妃子雞製成雞肉丸，湯底濃郁得黎少辣，估唔到個竹輪咬開竟然有芝士爆出黎！爭啲辣親個咀仔😂雖然重點唔係芫茜到，但佢既份量都唔少呀！仲有隻好流心既溏心蛋😋九味醬油湯拉麵 $98比起辣味噌拉麵呢個相對就清淡啲啦。湯底選用九種特級醬油調製而成，但一啲都唔咸！仲要配埋汁煮厚切叉燒，質感淋到不得了😋名古屋風雞翼 $48雞翼炸得脆，個醬汁甜甜地櫻花可樂 $28綠茶可樂 $28