竇

營業中

休息中

好耐無來過將軍澳，中午見到這間尚有位，而且選擇很多就入來試下。呢個龍蝦湯大蝦湯飯唔知係用乜米，一言難盡的口感，非常奇怪。蜆有沙，搞到整碗湯都有，差唔多每一啖都會食到沙。

係新都城三期地下 裝修幾靚雲石枱 都幾多位 lunch好多人食有lunch set同全日餐台、日、西、新加坡咩都有Lunch set有包野飲 見珍珠奶茶唔使加錢👀我叫左新鮮冷壓檸檬水 少甜正常 唔會好甜唔會好酸同苦👌🏼黑松露大蝦意大利麵 ($70)落單個陣可以揀少油少鹽 好似幾健康😂揀左少油 好大碟 有一Pat黑松露醬係面聞落唔係好香但食落都ok另外有成6-7隻蝦 都幾大隻 又幾彈牙唔係霉柴 都幾好食 仲有d菇同洋蔥意粉口感都唔錯 整體幾好食 推介👍🏼

唔知食咩, 行過就再食下這間街坊食堂食物 : 滷肉炸雞翼溏心蛋飯 $67 ~ 雞翼炸得幾香幾好食, 滷肉配飯都好好食, 整體都唔錯 牛肉炒台灣白麵 $67 ~ 味道正正常常, 都有幾多牛肉及椰菜, 可以試下 飲品 : 新鮮冷壓檸檬菜蜜 $9 ~ 味道正常普通 環境 : 地方舒服乾淨 服務 : 職員有禮貌 價錢 : HK$143 (無加一服務費)

我叫一個雞粒米粉，味道超級咸遲遲都未上飲品🥤，我要凍檬茶少甜變左走甜兼澀味，好難飲冇茶味，今次唔係第一次食，但今次味道實在難食，而且每一次服務員收銀時都唔想收到$500和$1000紙幣，每次都要人付電子消費，如果間餐廳咁唔想收現金，索性標明只可付之電子消費，不收現金。

我今天下午到這間餐廳落左個下午茶，等足半小時多都未有茶餐到，追兩次都沒有幫我跟進。食物質素一般，服務態度極差。大家如不想下午茶變晚餐，請勿去這間餐廳。極度不推薦。

今日同屋企人出去食飯，經過好多舖頭都要等位，但係呢一間就唔使，所以諗住搏一鋪，點知有驚喜~果香咕嚕肉 $75好好食！味調得剛剛好，唔會太酸太甜仲配埋啲薄脆，夾埋嚟食好似食緊酒樓d炸雲吞咁👍🏻~白汁煙肉鮮蜆意大利粉 $66意粉煮得剛剛好，唔會好淋有好多唔同配料，好好食👍🏻👍🏻不過蜆都有d沙喺中間~檳城白咖喱焗雞飯 $65對於我嚟講算好辣，但係又好惹味，所以忍住辣都要食🤣~海鮮涮涮鍋 $88材料係OK但係個湯底好鹹！好鹹！好鹹真係鹹到阿媽都唔認得😫

俾錢買難受 有蟲仲要食到一肚氣本身住開寶琳，見到呢間餐廳咁闊落，所以特登試吓佢既lunch。我點左一個酸菜魚薯粉+芒果soda，飲品好快就上，但係酸菜魚薯粉都等咗好耐，起碼20分鐘。以11:45呢個鐘數 間舖都得1/3人 嚟講 速度算慢。 味道方面還好，無論飲品定薯粉都算好食，但係食食吓發現入邊有蟲，叫侍應嚟問，佢都冇任何解釋，直接收咗佢，換過份就算。以$77呢個價位，我expect食物既衛生應該做好啲，餐廳入邊仲有啲烏蠅飛來飛去，食得唔舒服😵‍💫埋單嗰陣，想同經理反映下衛生問題。不過其侍應話經理唔係度😐 話已經換個碟比我，講到我好似想R著數咁。講真唔係講時間我都寧願唔食埋單換下一間。佢哋處理嘅態度敷衍了事 只係係咁叫我出去埋單。咁嘅服務態度真係好食都冇下次。

本來未試過呢間野，呢幾日又有朋友同我講菠蘿包唔錯就去試下，一邊食都感覺平平無奇，都冇咗種期待，幾樣野都味道普通，到食完諗住飲埋杯餐飲就走，無啦啦走咗個姐姐出嚟，帶住洗碗手套，問我哋食完未，我哋話食完，咁佢就收起我哋啲嘢，但問題杯嘢飲仲有一半未飲，正常你諗都係收啲碗碗碟碟，因為我都係講食完，唔係講飲完，點知佢第一時間就一隻手叉咗落杯飲品度，我即時呆左，帶住洗碗手套插入去，我仲點飲.....事後向職員反映，靜係識話沖個杯俾我，話嗰個姐姐係入面洗碗，唔關出面事，但問題係洗碗係洗碗樓面係樓面，我唔係想R啲咩，只係想你正視下呢個問題，唔知洗碗姐姐沖出嚟做乜，趕收工可以同我講聲，唔使成隻手指插入去趕我走，仲要當時仲有幾台客喺度，如果我係最後一台慢慢坐阻收工就話啫

等半個鐘都未出到外賣， 我由10點50叫一份早餐外賣等到佢早餐時間完結11.30我份早餐都未出到，早餐都變午餐，最後11.45先出到黎。個姐姐仲好意思同我講廚房多單，我睇住同我同一時間到既人，入去食完走人。成間鋪吉位多過坐滿，一半入座率都冇，外賣當時又係得我一個叫。我懷疑我去堂食仲快過叫外賣，反正平一蚊唔洗外賣盒。最後我份外賣係同埋四五份外賣單一齊出，簡單黎講，時間多又唔介意廚房會等埋其他外賣/堂食單一齊出既話可以去食。

在新都城中心三期1樓，有一家名為「竇」的新派茶餐廳。每當你經過那裡，它簡約的氛圍會吸引你的目光。這裡充滿了木質元素，帶有台式風格，而前面的小櫃台上擺放著一些翠綠的植物，又帶來了些許東南亞風味。這裡最受歡迎的（主打）是拉絲菠蘿包和特色珍珠奶茶🧋。此外，你還可以品嚐到酸菜魚麵和焗飯等美食。菜式雖不算太多，但飲品出式，最令人驚喜的是凍奶茶香甜奶滑，還有脆魚柳蛋蓋飯，買相好好，個番茄🍅汁好好味😆😆🤣而蕃茄鳳梨焗豬扒飯勝在夠熱，豬扒鬆化，其實拉絲芝士吞拿丹麥酥包做得出式，芝士起司好脆！🥘(午)蕃茄鳳梨焗豬扒飯HK$65熱駌鴦(標準優惠)🍛(全)脆魚柳蛋蓋飯HK$68- 蕃茄汁- 凍奶茶(標準優惠 (凍飲+$3))- 少冰- 少甜- 多奶🍞 (全) 拉絲芝士吞拿丹麥酥包HK$28

依間野食過幾次，但今次係最激氣既一次，事緣本人係網上外賣平台叫外賣自取，見有優惠$100減$50，就決定叫依間，點知到左可自取時間，出示埋個訂單號碼俾收銀個既阿姐睇，先被告知我個餐原來係夜晚先提供，咁我當堂真係呆左，以下是當時既對話：我追問個阿姐：咁依家算點？個姐話：冇啊，你個餐要夜晚先有。我：但我俾左錢wo…阿姐：下，你俾左錢啊，咁你要自己搵返網上外賣平台取消張單…我：？？？然後佢無理過我所以我又轉到網上外賣平台客服打左幾句，等左幾分鐘，就退左錢，好似成件事無發生過一樣，只留下我十萬個為什麼…點解我可以係網上外賣平台落到晚市先提供到既餐點？（個app無寫明係晚市供應）點解間餐廳收到我張單有問題，唔提前打俾我？點解要個客落到去餐廳拎野食，先話俾個客知：「我地咩都冇為你預備，因為你個餐係夜晚先提供」浪費客人時間，可以一句對不起都冇完全當啲客係草，一副事不關己嘅樣(星期日，見啲客排隊等候，但又放啲唔排隊既人打尖）服務態度差成咁，我真係祝你客似雲來，日日被客x

📍竇🇭🇰 將軍澳貿業路8號新都城中心三期1樓138A & OSA 138A號舖寶琳開左好多新餐廳今次今次試咗呢間係木系裝修 感覺好文青然後佢出面又有出爐麵包賣原來係食fusion嘢 西式中式台式馬來西亞菜都有啲咁感覺上就係呢個價錢 都ok抵食 午餐仲包野飲😋 酸菜魚配白飯 $65都唔錯 薄片嘅魚 但份量唔算多配菜就好多 尤其是芽菜🤣唔算好酸唔酸好麻都唔算好辣😋 叉燒魚片頭溏心蛋台灣白麵 $59同行有人話唔錯～雖然個配搭有少少奇怪但清清地 幾好食！

呢間餐廳提供中式、東南亞風、西式等菜式，亦都有茶餐廳會食到嘅嘢，所以我覺得佢都係嗰類local多國菜餐廳haha脆魚柳蛋蓋飯 ($68) ●●●◐○要咗番茄汁 好好味！ 感覺幾鮮幾濃🥫可惜蛋、魚就淡味咗啲凍咖啡 (+ $3) 走甜少奶咖啡香過奶茶好多 奶茶茶底唔係咁啱我⋯⋯☕️✍🏻 質素好正常嘅餐廳，如果係一家人諗唔到食咩都可以嚟呢度，因為夠多選項～都幾多人排隊！📍竇💰: ●●●◐○環境、服務：●●●◐○ 外面睇裝修唔錯，但係實際上坐得好逼

之前都食過1-2次下午茶，都幾好唔錯，但今次係星期六下午茶去食，叫阻炒薯粉，鹽酥雞併薯條，凍鴛鴦同熱橙紅茶下午茶我預阻份量唔多，但賣得40蚊，我預計鹽酥雞唔會太多，但起碼有薯條搭救個份量，點知一上黎，我地呆阻一呆，呢碟野叫下午茶？？40蚊？？依家薯條好貴咩？？呢份係下午茶既價錢，加錢小食既份量！個薯粉就不過不失，比上次食份量少阻同濕阻，薯粉濕得濟冇阻彈牙個口感野飲都係正正常常，不過唔知係咪我奄尖，個阿姐上野飲個陣，佢自己睇住張單兼擺低杯野飲問，係唔係你地架？，我下意識答返佢，我點知係唔係我架，佢冇理就走阻去，我係靠朕味先知係橙紅茶跟住杯凍鴦又係，個阿姐係我後面攝出黎擺低杯野就走，依家去茶餐廳食野，個伙記擺低都會講聲杯野係咩，我杯係凍鴦，靠個樣我睇唔出係奶茶定咖啡，聞下冇太濃既咖啡味，我先飲啖睇下，確定係凍鴦依家講下杯野係咩係咪好難？？

到新都城搵餐廳食下午茶，見到竇的下午茶餐牌都算多元化，有麵包多士類、炸物、台式滷肉飯等等，就決定試試這家吧！法式西多士，有原味、黑糖味及紅豆，我就先試原味的吧！原味即煉奶和牛油，法式西多士煎得外層香脆，中間的麵包仍很軟熟，煉奶與牛油的微甜與帶有蛋香的麵包很對味！以小圓鐵鍋盛載送上，能保持溫度。生炸雞髀🍗拼薯條，熱焫焫的送上，炸髀及薯條面層灑上少許辣粉，好惹味！炸髀皮脆肉嫩，帶有肉汁，不會炸得好乾身，挺好吃！另外點了一份正餐的新加坡街邊炒牛肉河，河粉麵質柔軟，不會太油膩，牛肉肉質軟嫩又入味。雖然沒茶餐廳的乾炒牛河那麼有鑊氣，但都夠惹味，灑上芝麻也增添了香氣。點了瓶特飲「白裡透紅」，配餐加$12，白桃梳打為基調再加入士多啤梨味糖漿。味道不會太甜，也沒有那陣藥水味，幾好飲！這次所吃的下午茶餐味道不錯，也會想試試正餐如何啊！