影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
相關文章
第一次食窑雞並唔係係香港，反而係廣州叫美團外賣送上黎，十分好食！之後每次返大陸都會必食！返到黎香港就念念不忘佢既味道。見到香港都有開，但驚黎到香港，口味會變左，所以買左半隻返去試下先，點知質素，配套（手套，餐桌紙etc）係同大陸一模一樣，十分驚喜！隻雞我叫左唔辣，但有叫店員俾包辣粉試試。由於得外賣，我要拎住隻雞搭1.5粒鐘車先返到屋企，但錫紙發揮到佢功效，打隻錫紙時隻雞仲係熱／暖。隻雞大小適中，一個男人食半隻，加1蚊加埋個飯都夠飽（我本身算大食），雞肉雞皮都好滑，帶上佢提供既手套拎起隻雞撕開食（易撕），好過癮，完全唔驚整污糟隻手，食到lam lam 脷。唯一缺點係店舖位比較偏遠，要行好耐先去到。（環境：由放無堂食唯有計位置，所以3分）見到既係大部份都係外賣員拎餐。第一次打文，原因係希望間鋪可以係香港生存到，因為真係好鬼好味。唔捨得佢消失。西灣河都開左分店，我都有食過，但個餐同價錢都唔同，可能好似7仔咁特許經營。
繼續閱讀
一間專門雞肉的外賣餐廳，提供的雞肉外賣是唔錯的選擇。雖然沒有堂食，但他們的雞肉和周到的服務，讓人倍感滿足。口味：這裡的雞肉偏油，湯汁濃郁，肉質滑嫩，讓你在每一口中都能感受到豐富的滋味，不錯，特別適合宵夜時光。服務：餐廳提供膠手膠和布手套，以及餐紙，濕紙巾，讓你享用美食時無需擔心弄髒，細心的安排讓用餐過程更加愉快。總結：窯雞王是夜晚叫外賣的唔錯選擇，美味的雞肉搭配周到的服務，讓你在家也能輕鬆享受美食的樂趣。#窯雞王 #夜宵 #雞肉控 #外賣美食 #無憂用餐
繼續閱讀
深水埗窯雞王開業差不多一年，冇乜人排隊我先買嚟試下，發現冇得堂食，餐牌真係以窯雞為主。食物種類真係好少選擇，咁有信心主推窯雞。落完Oder 5min左右就岀到餐，當時係18:30買，拎返屋企成個鐘就後依然係溫熱嘅，岀品都好有保證👍🏻包裝配備餐墊紙、吃雞指南、防燙棉手套、膠手套及濕紙巾等👍🏻👍🏻提示話可以沾湯吃，但係湯有好多油，沾上食會好快膩。雞皮的油脂特別多，但係唔係烤，所以都會比較容易膩。嗌嘅係全雞，整體食嘅感覺雞翼雞髀同浸住湯汁嘅位比較入味，其他都冇好入味。⚜️整體嚟講•偏油、唔柴、湯汁濃味 成隻食好過癮😋可以一試🌀不過不失啦🔅女士半隻雞就夠食🔅🈸個人唔太中意太油膩，亦唔係肉控，俾大家做個參考💮
繼續閱讀
係深水埗經過見到呢間窯雞王，記得係內地過江龍，諗住試下既心態買番屋企，今次買左辣味窯雞一隻，番到屋企打開，首先窯雞包住兩層錫紙，裏面仲有半塊荷葉包住隻雞，打開錫紙已經見到好多雞汁，好吸引，番到屋企隻雞仲係熱到辣手，佢好貼心咁有隔熱布手套同埋膠手套付上，隻雞食落真係好滑，骨肉分離，好好食，不過雞皮唔係烤到脆個隻，如果唔食得辣唔建議叫辣味，因為都幾辣🤣推薦！
繼續閱讀
點了外賣，很快就送到了，兩層錫紙包的很嚴實，再套塑料袋和紙袋～新鮮熱辣，還有濕紙巾、防燙棉手套、一次性手套、還有專門一張墊桌紙～一開始沒有看到墊桌紙的內容，以為只是菜單，也不知道棉手套是做什麼的，所以只帶了一次性手套，後來吃完了才發現貼心的「吃雞指南」；說回正題，雞真的超嫩超好吃！點的香辣味，還是有點辣的（benchmark譚仔我吃5小辣），不能吃辣的朋友建議點原味，能吃辣的朋友請不要猶豫直接點香辣～肉質和口味都超棒，考慮到香港飲食業現在這麼難做，現在吃到一家好吃的餐廳都會在心裡許願他們能開的久一點（捂臉笑哭🤣）所以！我不是托！只是希望好吃的能被大家看到，能開的久一點（讓我的生活開心D）以及老闆好好做生意，keep 住好品質啊！
繼續閱讀