空海 (已結業)

本身煙廠街其實都好多野食 尤其甜品！一直見到呢間日本餐默默地係呢到都冇食過因為門面係十分簡約🤣 同埋係睇唔到入面 都幾有神秘感！今次終於打開對門入去！原來係得一張枱8個位😯一開始係有少許尷尬🤣因為一定係搭枱TLDR: 食完絕對唔口會覺得overpriced 食得出食材係新鮮🤤誠意推介呢個三色丼定食！岩曬我呢d咩都想試下既人🤣唔好睇少呢3小碗丼飯 我食到一碗半已經好滿足🤣松葉蟹肉 -係非常新鮮 鮮甜 加少少甜鼓油食更佳 (同埋d蟹肉真係堆到成座山咁高🤣)海膽 - 放入口之後停留幾秒 呼吸幾啖氣 d海膽味出曬黎 每粒都覺得齒頰留香🤤三文魚子 - 大大粒個隻🤤粒與粒之間既黏P.S. 定食仲有蟹肉味噌湯同茶湯係足料地夠蟹肉😋

呢間空海係朋友介紹我去食 果然係冇介紹錯。我哋兩個人叫咗一個三色丼同埋空海盛 十分之豐富。空海盛包括左前菜 松葉蟹腳刺身 蒜香一口和牛粒 甲羅燒 海膽凡立貝松葉蟹丼飯 蟹肉味增湯！全部都超級好味新鮮！朋友最鍾意食佢嘅甲羅笑 味道十分濃郁 而我就樣樣都好鍾意。不得不提佢嘅三色丼 賣相吸引 而且上面嘅材料一啲都唔吝嗇 每一款食落去都係啖啖嘅鮮味

哇！哇！哇！真係估唔到旺角有間咁嘅嘢食門面勁似大阪果間XX道，係唔識郁囉，唔知以為自己去左大阪食蟹雖然鋪仔細細，無乜裝修，但係好有日本風味有6-7個set選擇，價錢合理，每人一set份量岩岩好！麵豉湯ok唔會太鹹，不過大碗左少少清酒蜆太重牛油味海膽好鮮甜甲羅燒唔夠熱，但係份量都多，每碗蟹肉飯都好多料，食到中間仲有蟹膏三文魚子都好味，一d都唔腥，最岩小朋友食甜品柚子雪糕好味，仲有柚子肉，唔會過甜，岩岩好

本來計劃去旺角食串燒的，可惜沒有訂座而爆棚，焗住去找其他餐廳，但又唔想食西式嘢，行下行下，食到一間門面掛住一隻大蟹而低調的餐廳，有趣。一開門，只有一張八人枱，顧客們並肩而坐，亦有趣。二人進餐，我忘記了這個餐的名字，第一個是成碗蟹膏加蟹肉，配上一碗日本珍珠米，一濃一淡，很好的配搭。第二碗是全蟹肉，份量更多，啖啖肉，且飯面加上飯素，咸咸的，足夠送成碗飯。前菜有湯有豆腐，夠飽肚了。餐廳細細，顧客都會低聲說話，專心食飯，不錯。

餐廳位置易搵 在不遠處見到好大隻蟹就知道到了成間餐廳格局好得意 只有一張8人大台 座位闊 坐得幾舒服三色丼包括有松葉蟹 海膽 三文魚籽松葉蟹堆到好高 啖啖都係蟹肉 無得輸只係碗太細 要小心進食 以免蟹肉跌落黎海膽質素都吾差 不知不覺就食晒成碗三文魚籽賣相好吸睛好澎湃 多到瀉無數的三文魚籽係口中爆開 超正松葉蟹膏丼賣相雖然比較平凡 但味道完全吾平凡蟹肉同樣分量10足加埋啲蟹膏 撈埋啲飯一齊食 好幸福餐廳雖然面積不大 可能呢個原因客人講野會比較細聲 好寧靜吾嘈經openrice訂位仲有7折 下次會再黎

今晚同學聚會，去左旺角呢間隱世小店食蟹宴。成間餐廳得8個位，想食一定要提前打電話去book定位，咁就唔驚要摸門釘啦。今晚得我地一行四人，變相包左場食我點左松葉蟹甲羅燒定食（$138），前菜係蟹肉麵豉湯加麻醬豆腐。個湯好有誠意，蟹肉係新鮮蟹肉主菜就係呢個雖然佢賣相平平無奇，一食竟然令人停唔到手。蟹膏非常飽滿，唔洗慳住食都夠送哂成碗飯。因為實在太好味嘅關係，我忍唔住問有係白飯添。點知真係有足足食左碗半飯，大滿足！

兩個好耐冇見既女人, 因為唔去得遠, 就揀左個中間點試新野食.一早WHATSAPP 訂左位食LUNCH.BOOK 左12點, 12點準時到, 點知....佢12點4,5 先入得 餓死我......一入到去, 原來得8個位, 一個下午我估最多做到2輪.所以都明白點解D侍應會催你落單同出餐咁快.如果加埋8個人早少少BOOK 包場食個飯都應該係幾好既選擇.因為太餓既關係....就叫左3個餐 加 2個小食.無聽錯, 我地係得2個人叫左3個餐. 呢個蟹MISO 湯有少少海鮮甜味,唔太咸 都算OK, 湯入面有隻蟹鉗, 但隻蟹鉗就冇乜味. (冇咩所謂, 反正我仲有好多蟹食)刺身都尚算鮮味.三色丼定食, 3款細細碗好足料 ... 咩都有D以為D魚子會好腥, 點知有意外驚喜  海膽同拆曬既蟹肉都好味. D料仲多過D飯.松葉盛係我朋友叫既, 我偷食左佢一隻燒蟹鉗, 覺得有少少乾同冇味 (同湯果隻應該只係做法唔同).下次唔會再叫呢個了.登登登登  必食既係呢個松葉蟹甲羅燒定食 ! 我下次黎都一定會再食... 雖然佢賣相冇MENU 映得咁靚, 但好足料!!仲有真係燒過既味, 好好味!!蟹膏係多到足以送曬成碗白

原本同屋企人幫媽媽開開心心慶祝生日飯，點知就比依間空海激死，食物再好，態度有問題為都做不到回頭客！我地訂咗9:30PM 去到都仲未有位，唔緊要，我地係出面等，過咗十幾分鐘先入到。坐低後我地就叫咗5個set同牛柳粒，其後友人都想黎。我地就問職員可以加多2位嗎？如果趕唔切就唔需要。職員就有小小串咁話，你黎到我咪整囉！咁我地都即刻幫友人落多2個set，友人亦係十分鐘後到達。甲羅燒，正常蟹糕罐頭味，唔夠熱。友人的野食到，但係沒有餐具，於是我哋叫職員幫手拎餐具，點知佢黑住面問要咩？仲話你出聲話要2枝羹呀嘛，一次過講啦！ 請佢拎餐具仲要受佢氣？準備好餐具比客人唔係你地責任？真係未去過一間態度差成咁的店。睇過其他人的comment 才知道那職員態度一直都有問題，我相信不是個別事件！到最後連蛋糕都無切到，轉去第二個地方，以免生日都食到一肚氣！最後仲發現然牛柳粒都冇黎到

經厲了一段無法忍受的過程，食物質素非常差 三文魚刺身有骨，完全零服務。因為帶小朋友 工作人員全程都黑面 。不能提供打包盒因為小朋友吾習慣食蟹肉飯，想帶走，結果店員非常不滿的態度好嬲咁講，我們冇打包盒。真心不會有下次。極度冇禮貌。

我同老公行行下街，見到「空海」都幾吸引，就入去左去，叫左2樣野，松腳蟹肉特別多，基本上整碗都係，正啊老公叫左3個碗仔嘅 海膽，松腳蟹肉同魚子 ，佢真係好想勁，食住唔停口。 最後買單都係300幾，好抵食

上次試左第一次， 覺得質素幾好， 所以今次帶另外兩㡴朋友仔黎再食過。我地book 左六點半， 亦都好準時去到， 不過店舖竟然未開， 連捲閘都未拉高， 嚇到我以為是日休業。不過等左一陣間， 間店就開番啦！今次試左298嗰個set, 包燒蟹鉗， 清酒煮蜆， 蟹肉飯，湯，飲品同甜品。燒蟹鉗好普通, 一d 驚喜都無，無香味。清酒煮蜆好食， 不過好食之處係個湯，雖然無清酒味。蟹肉飯同上次一樣都係新鮮有水準。飲品叫左柚子梳打， 唔甜， 都岩飲。甜品係柚子雪葩，不過menu 明明有紅豆湯選擇，不過店員無問我就俾左雪葩我啦

之前食隔離嘅西餐，經過見到這間門口很日式嘅餐廳， 就一心想黎試下。餐廳環境很樸素優雅，食物就以定食為主， 價錢由百幾蚊到幾百蚊不等。全間店得一張大枱， 大概容納8 個人左右。今次同朋友食左一個三色丼定食，一個松葉蟹定食同一個柚子雪葩。松葉蟹丼只有蟹肉和蟹羔，可以加錢加海膽或者帆立貝。三色丼有三小碗飯同好多好多魚子 海膽 和蟹肉，食落去， 啖啖都好滿足。 柚子雪葩甜度岩岩好。好耐都未食過一餐咁滿足， 即刻再約其它朋友仔再試埋其它定食～～

朋友介紹，間餐廳得一張大長枱，8個位，真係細鋪，不過間野主打食蟹丼，又唔貴，一於去試下我自己要咗個釜飯套餐，啲飯係個釜入面，暖粒粒，啖啖都有蟹肉，飯中間有好多蟹膏，好足料！呢個釜飯set都係$168，好抵食朋友要咗個$198三色丼套餐，好豐盛，賣相都贏晒我地三個人，一人一個套餐，再加咗個一口牛、清酒煮蜆同一版海膽，海膽好新鮮、好大粒清酒煮蜆個湯有看濃酒同奶油味，成個湯都飲埋一口牛更加係入口即溶，所有食物都係水準之作又唔貴，值得推介及encore

平價食蟹之選🦀🦀🦀呢間喺旺角嘅小店，全間鋪頭只有八個位，所以去之前記得訂位呀🤓佢個menu有幾款唔同嘅蟹set，丼飯set，選擇唔係好多，不過都夠你揀啦最重要係佢價錢一啲都唔貴🤑可以一試呀

同老公食生日飯，係openrice食評見到好多人差評兩位店員態度都有啲擔心，因為始終係食生日飯如果搞到老公唔高興就弊😑，但大家都講到咁好食又好想試下，唯有膽粗粗去訂位。可能因爲之前發生過book左枱又冇留位嘅情況，現時店員都要求用whatsapp book位，整個過程非常順利✌🏻食物方面絶對有驚喜，呢個價位食到咁豐盛嘅蟹宴真係幾抵，甲羅燒好好味啊🤤，啲蟹羔好香甜，另外海膽飯啲海膽又多又甜，如果嫌全餐(空海盛)太貴其實分開點都係一個好選擇。埋單$900兩位，生日飯嚟講好抵食丫。或者係預先有心理準備，我又唔覺得店員態度唔好，聽到佢地自己傾偈啲內容反而我同老公都覺得幾搞笑😝。我好難評價其他人留言係咪客觀，但始終大家比左咁多錢嚟食飯，總會希望有個愉快嘅體驗，如果店家明白呢個道理，生意一定會更好嘅。👍🏻🙂