稻香 (皇室堡)

營業中

休息中

呢個粉果好扁，好可愛。啲奶黃包個皮都係黃色的，其他點心如陳村粉、鳳爪、馬拉卷、抄手、煎餃、魚腐等味道都不過不失。呢間茶樓係自己煲水沖茶的，點菜係用電子點菜，全自動化節省咗好多人手。#稻香 #點心

我同老婆經常嚟飲茶.留意枱面有好多晚市廣告.見到晚上八點半後.火鍋配料三折優惠.感覺有興趣.就一於同老婆嚟呢度.兩人坐張大卡位.蠻舒服.由於無食晚餐所以都叫了很多嘢叫了經典鴛鴦湯底.沙爹及芫茜.沙爹味唔算濃,可以在自助醬料區自己加.因為外出醬料有沙茶醬.配料叫了牛肉.鳝片.脆鲩片.聖子花膠仔.嚮令.菠菜.雞片等等仲叫了一樽啤酒.全部食材新鮮.花膠就稍為細件.其他都滿意.特別係脆鲩片.爽口彈牙.埋單都係$260.我哋住附近.工作也經附近.有機會再嚟

本身book左去食團年飯，點知屋企人病左delay 到呢兩日先食。一上到好驚訝，成堆行李喼擺晒喺走廊，行入去房都怕kick親。d碗筷基本上同冇洗冇分別，一層厚厚嘅油喺面，用熱水洗都唔甩要再用紙巾抹，食最貴嗰個滿屋宴，乳豬肥到得層肥膏唔見肉，連男士都哽唔落，龍蝦尚算正常，點知個炸蟹鉗唔知做乜包層杏仁片喺面，另外d餸全部都係唔熱，個紅燒翅凍到勁腥。個餐唔好食就另外散叫d餸，西蘭花炒帶子d帶子又霉又臭，叫個侍應搵廚房試，佢返黎話接受唔到陣味就退或換最後個餐仲有壽包，一咬落去有陣垃圾味好可怕。。真係以後唔會再幫襯。。

今晚得我同阿仔食晚飯。我哋行完維園，睇左盂蘭節活動…. 諗唔到食咩就諗住食平平，我哋就揀左等8:30pm 先開始嘅…. 稻香宵夜邊爐，一個餐只要$9.9 ，包湯底，但打邊爐記得仲要比茶芥呀我哋去左皇室堡冒險樂園同玩具反斗城玩左一陣，玩到7:50pm 就去稻香拎飛啦 我當然係2枱第一個，到左8:30pm 就可以入去了有兩個餐，一個係牛+雞+海鮮盤，另一個係海鮑魚頭枝竹+海鮮盤我就揀左牛+雞+海鮮盤有一碟大約有5片嘅肥仔有一碟大約有7-8 件雞件，仲有雲耳海鮮拼盤有兩粒蝦丸+兩粒墨魚丸+兩件魚+兩隻蝦+四粒蛽+兩隻墨魚仔+兩粒粟米+兩粒菇整體：牛唔硬，好味雞滑魚係鯇魚，我鐘意食蝦新鮮丸都好食我哋仲加左公仔麵 ，宵夜打邊爐有六折最後係$69 埋單，超級抵🤩

銅鑼灣皇室堡稻香首先去攞位又唔睬唔應，問幾次先有人嚟接待，到點菜嘅時候，問套餐啲嘢又唔知，問樓面優惠使用條例又唔知，咁畀優惠把鬼咩！貼錢受氣！稻香有時真係越做越差！

一間史上史無前例最差的酒樓食物上菜速度慢，坐低咗成個鐘都未有嘢食侍應服務態度差超級差行路慢到呢真係要叫啲老細督促下佢哋啲嘢食超級耐都未嚟肚餓嘅話，一定死食完飯想話攞個盒打包啫，又等半個鐘咁就死啦，香港時間就是金錢你啲嘢平但係其他嘢做唔足咁都冇用㗎喎建議你哋個個都唔好去去親一定死一定中伏叫佢加水死都唔肯加俾你總之完全冇服務可言啲嘢難食，你話好食就話啫做乜要咁樣作賤自己？出嚟食飯都係想開心啫今次今日咁嘅服務態度係唔得㗎

記得上次嚟呢度嘅印象麻麻哋，不過同事求其揀就再嚟呢個方便嘅茶樓飲茶其實覺得都係海港嘅質素比較好 而且冇佢咁貴添唔知係咪姜濤生日俾啲fans包起咗某啲菜式，今日好多菜式都冇囉竟然 只係12:30的時候，叉燒包呢個咁大路一定會喺茶樓出現嘅菜式竟然冇滷水牛腱呀，豬紅都冇 都唔記得，仲有啲咩係冇啦同埋好奇怪，佢個秋葵變咗做青椒咁樣 我哋都係對單先發覺 完全冇同我哋講😂😂不過都唔記得咗嗌咗係秋葵呢個燒味拼盤有啲搵笨除咗叉燒之外，其他嘢都係得個樣，主要係骨嚟嘅都冇咩用 一係就皮….蝦腸正常 白灼鮮魷太多油啦 唔知點解要load咁多油上去金錢肚好硬 豬腳薑我就覺得幾抵食幾大份好味！棉花雞竟然得上中見到嗰一份雞，但係冬菇就好大 白灼菜心，今次冇油非常好 上次記得好似有用油去灼埋單都貴 除返一個人都要200 但係質素不成正比我寧願去北京樓冇影相嘅山竹牛肉就幾香 XO醬蘿蔔糕就好似炸蘿蔔糕配啲炸粉 定唔知炸豆卜？ 同事完全唔知自己食緊蘿蔔糕。😂瑤柱灌湯餃就有粒真係瑤柱 不過入面好多肥豬肉變好油 有少量蟹肉，但係肥豬肉先係主角咁…整體而言呢度幾乎冇服務可言，從上次嘅體驗一樣本身想叫人加多個茶位都要自己去拎隔

稻香記得以前喺第二度食開，不嬲都係麻麻今次公司飲茶求其搵間諗住價錢實惠啲又喺皇室堡嘅 點知勁難食 冇服務得嚟有污糟 呢度全部嘢自助咁滯，都好難搵到一個人因為我哋想要啲醬汁價錢唔算特別平 我都係鍾意海港個friend想食叉燒就嗌咗 最快上枱啦但係賣相勁差，好有勢頭，因為有個盤喺下面好大個盤咁，但係叉燒係勁博新，唔係講緊師傅都工好，而係講緊嗰舊肉本身係好平好薄 又唔係肥又唔係瘦都唔知點形容，而且醃製嘅結果又唔係好味好差叉燒腸叉燒嘅份量都係少之又少 粉皮合格啦魷魚好多生菜墊底，而且生菜好多油，魷魚好似得三隻..咁前途正常發揮整體質素好麻麻，又多油…就算菜都係好多油甜品亦都唔好食，真係以後都唔想食稻香

唔知香港飲食業有冇檢討過自己嘅出品同服務態度呢？！肯定呢一間係冇！服務員鋪枱嗰陣時跌咗對筷子落梳化，竟然冇同我哋換過就擺番上枱俾我哋用。點完菜我哋叫服務員加啲熱水，服務員就叫我哋自己睇說明書，餸菜嚟到嗰陣時除咗個燉湯所有嘢都係凍嘅。燒乳鴿同蒸乳鴿係冇分別。後來我哋又叫兩個白飯，等咗好耐都未嚟我就同部長講點知部長話冇落過單。呢一餐真係食得好失望，不但服務極差食物質素亦都好敷衍地煮出嚟。再加上價錢都唔係好平

6月尾係稻香食咗個普通12人一位的餐，包啤酒汽水12罐，食物水準普通，本身都唔期望高水準，祗在大家坐埋聯誼下，魚算蒸熟時間剛剛好肉質鮮嫩，亦夠大條，蝦球表面有一層杏仁片，口感外脆而內蝦球彈牙都幾特別，如果杏仁有香味更加好。上湯龍蝦伊麵合格，呢個組合，合符期望好食。

星期日 三點鐘諗住 約朋友飲個下午茶， 喺門口 話四個人， 佢就叫我 直行入數尾， 到我 直行入到尾 又畀人問點解入嚟唔攞飛， 門口入面夾唔到， 其實原來呢個時間呢度係唔多人， 好多 枱都冇人座， 坐咗十分鐘左右， 有人問我哋叫咗嘢未原來佢想 我哋 轉枱， 因為嗰度要set場，唉， 搞嚟搞去， 而家 點餐，斟水 煲滾水嗰啲都係自己搞掂曬， 服務真係 少之又少但係又有服務費， 佢哋人又唔夠， 問阿姐有冇啲咩特價下午茶 佢叫我自己撳電話睇 ,我就係 睇唔到所以問佢, 最後問題都解決唔到,我都係照咁點餐 ,佢哋部煲水機搞咗十幾分鐘想搵人幫下手都冇人 得閒理我， set左n次 搞到， 嘢食方便 蝦餃燒賣 牛肉 奶黃包特色點心 牛肚蘿蔔糕.... 樣樣有啲, 食品質素明顯差咗, 特別 牛肉球好"騷", 其他一般般, 其實銅鑼灣邊度飲茶 有好介紹?

今日同屋企人同埋婆婆慶祝佢嘅生日，就揀咗呢一間喺銅鑼灣皇室堡嘅稻香，但係預期中俾我哋有少少失望，我哋叫咗好多唔同孖寶套餐，第一個叫咗芝士龍蝦伊麵同埋上湯菜苗，芝士龍蝦伊麵嘅份量非常少，喺平時出邊餐廳伊麵份量嘅一半，龍蝦亦都有少少梅我哋覺得，性價比嚟講，絕對唔高，因為加埋都要398，仲要未計+1！另外餐廳其他餸菜嘅質素我哋覺得同普通大排檔比較質素仲要低，例如佢嘅咕嚕肉只係大概得七至八件，菠蘿仲多過咕嚕肉，有少少嚇親😦 如果大家有更好嘅選擇嚟講就唔使揀呢一間！埋單八個人大概每人$220

而家啲酒樓全部自助式,今日黎呢間稻香一樣，佢有一部自助機，可以自己沖水同埋煲水，佢仲識得自己加水，所以可以乜都自己做哂，唔使等夥計幫手👍，而且點餐亦都係只要掃QR code,咁就可以自己點餐，連點心紙都慳番，咁都幾環保丫，不過到底係好定唔好，真係一半一半！不過對於食客又真係好方便嘅！今日我地2人就係下午茶時間叫左鼓汁鳳爪香麻煎堆仔原籠馬拉糕香煎羅白糕菠蘿叉燒包2個人食咁多野都係每人幾十蚊，真係好抵食丫，下次下午茶要再黎食過先得!

最怕夏日成身汗 踏入六月天不涼 稻香宵夜經濟型 為友祝生人一場十三大洋飲beer bear 先上雞煲舊舊黃花茶是啥不知道 前線員工服務忙鮑魚夠大有份量 每人兩件破天荒雞件多骨我唔mind. 一蚊難道雞發光豐儉由人午餐肉 經典罐頭歷史長早餐午餐下午茶 昨天前日極尋常肥牛質素意料外 本人正是牛魔王五花相間很好味 豐腴可口勝殿堂最有微言四寶丸 死實堅硬客斷腸蝦丸墨丸無分別 我和壽星稱上當幸好豚肉唔勞氣 質素合格勸君嚐睇落靚仔粉嫰嫰 雖然很飽卻何妨呢餐最貴魚皮餃 自然格外有期望不是超市超值貨 包得很靚唔同倉山根一出陣容大 可惜個胃無位裝壓軸好戲心頭好 沖鋒陷陣殺四方埋單找數近三百 六折火鍋益街坊

今晚嚟食$1 雞，差不多6點到，已經有吾少客人。$1 雞（2位1隻）等左10 分鐘就到，應該系翻炸過所以好乾好柴，之前系佐敦食過，好juicy 的，但$1 /隻，不應該有任何投訴。脆皮咕嚕肉，d肉帶點肥但好脆口，菠蘿青椒也不少，幾好食。鮑魚燉湯，好清冇乜味亦都冇乜特別。埋單$194.50/2位，真係久不久食一次就夠啦。題外話，侍應姐姐其實都好勤快有禮的。