稻香 (已結業)

家中長輩住喺呢一區，平時都會嚟呢度飲茶食飯，所以對呢度嘅食物已經有心理準備。平時大時大節出街食飯，會預咗服務差及食物質素降低，估唔到今晩稻香團年，每一樣餸都有驚喜，直頭係超水準，特別寫一篇食評高度讚揚！四個人叫咗六樣餸：先來糖醋排骨，豉油雞，蝦仁炒蛋，薑蔥蠔煲，翡翠豆腐，生炒糯米飯。唔好意思，越食越覺得唔讚唔得，所以每張相都食到剩返少少。真係冇諗過,稻香今日能夠有咁嘅表現，非常非常impress! 如果長期都有咁嘅質素，我一定會多d黎！…查看更多

今日，吃午餐，我見wechat Pay 減$20， 於收了信用卡，攞出手提電話比錢。比錢前，還問清楚收銀員，現在我滿$200 ，是否可以減$20，她説是，並説是微訊，不是支付寶，我便把電話一個打開了WeChat Pay 給她。比完錢，我發現沒有扣$20。我便問為什麼沒有扣？她説要scan 印花才可扣，我説你不早説。她説我只問有無得扣，沒有問怎樣扣，是我的錯沒有問清楚問題，不是她沒有説清楚😵⋯⋯那我抄下你什麼名字，再想想怎樣，我走時，她還在不斷地在我背後説我錯........…查看更多

前幾日晏左收工，去到酒樓個時都已經係宵夜時段，但估吾到宵夜既野食性價比會係咁高。 先講碗川芎白芷魚頭雞湯，絕對係女士既補品，每碗都有好多魚同雞肉，飲落好香，吾會太咸。醉蝦既酒味好足蝦肉仲好新鮮，豬腳又幫我地去哂骨，食落啖啖肉，其他菜嘅味道都好新鮮，絕對會想再返黎食過。 …查看更多

稻香一直係我同屋企人嘅飯堂，平時唔得閒煮就落樓下食。今日4個人叫左 5個送 + 3碗湯，宵夜時段食左$411。我鐘意佢味精唔多，宵夜時段價錢平、食物款式都唔差。特別推介碟老水豬脾仔，非常入味，去哂骨，食起黎非常方便，絕對要試！食物質素一向都係保持到一個水平，食完野再岩加埋碗芝麻糊，我次次都一定會食。…查看更多

今日年初十二，終於約齊老友春茗，估唔到初十二重有利是逗大家約去粉嶺稻香春茗，酒樓大堂裡人頭湧湧，座無虛席，令人意料之外的是出品仍然能夠保持水準，而且今期新推介估唔倒有新驚喜。原鼎黑蒜響螺燉老雞，湯料有元肉淮山黑蒜響螺雞腳，湯水可以盛足八碗，好飲又有益。金鼎雲萊素燴，有什菇雲耳肉豆金針南瓜白果，賣相很好，真的健康又好食。其他餸菜材料充足又新鮮，原汁原味。今日個個老友食到捧住個肚回家，令人回味無窮，非常滿意。…查看更多

還記得兩星期前寫過午茶於稻香酒樓，當時題為平民食堂，今天再到置富稻香酒樓晚膳，忍不住仍要再寫一次，因今次我們一行十人點菜時要了四隻燒雞及六個小菜，白飯，茶錢加一都只是九百多元，平均每人都不用一百，以酒樓用晚膳而然，真是超低。 首先上枱的是燒雞，皮脆肉滑，燒雞是原隻上用手撕的，雖則酒樓有提供手套，但撕雞的時候，仍是非常燙手，但又真係熱香撲鼻，未食已口水流，最難得是大大隻售三十八元，假期都只是加多十元一隻而已。其餘還有啫啫通菜煲，咸鱼蒸肉餅，金銀蛋莧菜，涼瓜炆牛肉，琵琶豆腐，魚香茄子煲等。先說魚香茄子煲，茄子夠多，咸魚朶爛混和蒜子遍佈茄子週邊，再燒熱鐵鍋而上枱因而香氣洋溢，琵琶豆腐就比較普通，但仍以份量取勝，涼瓜炆牛肉則以俗稱雷公鑿的涼瓜做主角，故瓜肉特厚，有口感，牛肉雖不多，但仍夠招乎我們這班為食鬼。金銀蛋莧菜就更是大大碟。其餘咸魚蒸肉餅等都份量十足，亦最難得是冇因價錢便宜而將貨就價， 以上食物，如閣下不是奄尖大少，以這樣的價錢，但味道仍不錯下，加上七碗白飯，茶錢及加一，才不過是九百二十元。…查看更多

酒樓食小炒真有鑊氣，碟頭大，熱辣辣。稻香經常有特價，之前的一蚊雞引起全城話題，今次又搞燒雞，到底又如何呢！不到一百，只數十元原隻上枱，新鮮即炸熨手，有手套供應，你撕一下我撕一下，食得津津有味。皮炸得脆口，肉汁還保持得好，滋味到停不了囗。連續點了四隻不手軟。其他小菜都不遜色。苦瓜炒牛肉，鑊氣夠惹味。苦瓜爽口不苦澀。牛肉軟腍。蝦醬通菜用沙煲盛載，上枱時還吱吱聲。蝦醬恰到好處不會太濃，每條通菜都沾上了汁，好味。蒸肉餅好懷舊嘅餸菜，伴飯一流。整體比以前進步了，味道，衛生，效率都有改善，不錯。…查看更多

星期天，通常都是一家大細，樂聚天倫的日子，香港人尤其中意到茶樓，酒家去嘆茶。今日講的是港人熟悉的稻香酒樓，今天和家人到置富花園商場的稻香午茶，點了數款點心及一碟黑椒海鲜炒烏冬，一鍋肥牛米線，海鮮炒烏冬，味道不錯，配料有尤魚，蝦，魚塊等，熱騰騰端上，香氣四溢，肥牛米線用石油氣爐明火鍋上，這樣好處在於肥牛生熟的程度可任君選擇。另外我們亦叫了蘿蔔絲酥餅，山竹牛肉，煎茄子及香煎花枝餅等，全部都是新鲜熱辣奉上。蘿蔔絲酥餅皮鬆脆而内蘿蔔很多，茄子則因油足而食落不會覺得有乾澀的感覺，山竹牛肉平常的酒樓都是三粒的，但這裏的卻有四粒，可謂低食夾大件，稻香可算是大眾化的酒樓，價錢公道，而食物的質數亦不會將貨就價，還有這裏的下午茶點心亦相當便宜，大大碟的燒臘飯才二十元多些，在這個所謂國際大都會，但百物騰貴的地方，對一些不是那麽富裕的階層，真是他們開餐的福地。…查看更多

大年初一一家人齊齊拜年食飯, 人太多晚飯要自家煮實在太吃力, 每年都會點外賣盤菜, 貪佢方面料多, 可以輕輕鬆鬆過新年酒樓係附近, 我們選擇自取, 想再方面d, 盤菜另一百蚊即可送貨盤菜用電磁壚加熱就可以, 當中盤菜蝦會分開裝, 未加熱既盤菜賣相還好, 醬汁自己加, 但酒樓提供了三枝實在太多, 本身食身已經有味道, 避免太過濃味, 我們加了一枝醬汁約十五分鐘開始滾起, 入面都好足料, 有蠔豉/雞/鴨掌/鮑魚/魚旦年糕/牛根/魚肚/雲耳/大蝦/ 芋頭/豬皮/瑤柱/貢丸/冬菇/鴨/綾魚球/海參/豬手/蓮藕, 接近二十種材料整體味道ok, 不過芋頭份量較少, 蓮藕好大舊, 魚旦年糕有10件好似太多, 豬皮吸晒鍋中精華, 大蝦酒樓已預先用椒鹽煮好, 會有少少辣, 鴨掌炆得夠淋…查看更多

自從上次食過一次椰子雞煲之後,一直覺得好好食,但奈何價錢貴最近發現左稻香有得食,仲要個價錢好親民,緊係即刻約fd去食啦食雞煲仲送啤酒,正呀醬汁方面,有沙薑醬同青桔仔,將啲青桔仔榨汁,同沙薑醬混埋一齊,味道清甜青桔仔亦有中和左沙薑既咸味,點雞一流等啲椰子水滾就可以落雞雞$90就有一隻,夠4人share好抵食呀啲雞放入煲等5分鐘就食得,椰子肉爽口雞肉雖然有啲比較硬身,但整體都唔錯!食完雞就正式打邊爐啦!醬汁選擇好多黑豚梅肉美國牛小排好腍身,淥一陣就食得珊瑚蚌好爽口,千其唔好淥咁耐,同埋唔好點任何醬汁,因為本身都好鮮味脆鯇片算係新鮮,但唔算太爽脆…查看更多

來到置富，冇住家飯食，咁就出街食啦！置富商場都有超過5個選擇ga，今晚食稻香。差不多8點，竟然滿座，不過自助拎張電腦飛，等五分鐘就有檯啦。來幫襯的都系左鄰右里，街坊生意。估摸沒有人會在區外坐車來吃飯。稻香的第一特點是好多特價嘢。做完研習功課，今晚就食菜膽翅啦，每位$24，雲吞麵都唔止呢個價錢啦！大班兩味$99；花膠野菌浸時蔬，好似68；追加多個燒腩仔，好似都系68。大家吹下水，等飲，等食。伙計人手唔系好夠，是常態，我地系順德人，唔會太責怪D伙計，都唔會怪老板，咁低價錢，唉！冇嘢食，冇酒飲，阿姐行過，咁就揚下手咯，一次唔得，咪揚多次咯。跑第一是菜，真系好，冇乜油，味道清淡，符合有營食肆的口號！我地鐘意。大班兩味，先上炒球，再上蒸頭腩。魚新鮮就已經好高分。這個價錢一定是養魚，這是合理供應！（何況現在是休漁期呢！）炒球的配菜除了一定有的西芹彩椒還有淮山，真的健康搭配。蒸頭腩配咗些少雲耳。養魚的關系肉不是很結實、肉味較淡，可能配點頭菜、榨菜、沖菜之類的濃味配菜，可以提升一下味道。記住，現在是99元兩味，俾100蚊叫你自己去街市買材料，大概都煮唔到同樣的兩個餸。燒腩仔，因為阿姐落單有點甩漏，所以遲遲登場，上桌時，有微溫，都好有誠意，個芥末醬調得稀咗D，攻鼻指數不高。咁，仲欠D乜呢？正想又追阿姐，看見有三盅嘢過緊來。好嘢！有翅食！打開，材料好多，翅有兩件，當然仲有菜膽，再研究，有雞、排骨、火腿，好足料啵！魚翅唔系仿真翅，系魚翅的一部分，是魚唇！我地又覺得ok啵，魚唇的口感、味道其實唔差，講到食物功效，該跟魚翅相若。記住，付出的是24蚊，唔系240蚊，咁就要合理期望，我地完全收貨ga。食完，就返屋企啦，有免費泊車ga！…查看更多

和家人到置富稻香做冬，一般圍餐菜式，食物只屬中下，比較好的是蒸魚及炸雞。不過此回的重點不在食物，而在服務。人未齊，已被店員多加催促，並有店員提議打電話問吓位置...當真關你事？！人齊上菜，又唔覺上得快，又毫無次序，首先上翅？！其間趕收工當然有，多點數客白飯又要三催四請，多問回覆「不是我負責入廚房拿的」...我知...不過我都不能入廚房拿，只好問你！結賬之時，又無扣除訂金，安排十分混亂。冬至當日情況實難想像！…查看更多

週五晚和家人到置富稻香吃晚飯，首次惠顅，裝潢無乜特別，未知是否間了多間貴賓房，地方感覺上比以前美心小。或許是平日晚上，食客不算太多，酒家六七成滿座，座位可安排得更寬敞。家常便飯，沒花太多心思選菜，簡單點了一客全包四人餐，$388有湯有五餸，OK喇！瑤柱粟米羮，瑤柱份量出味很少，湯底稍稠，食味可接受。貴妃雞肉質白滑，軟腍度視乎雞件部份。雞身不肥，富雞味。脆皮咕嚕肉用上的豬柳肉質不錯，結實得來帶點彈牙。咕嚕汁調味對辦，不俗。粟米魚柳炸得老身死實，漿粉過多，不推介。南瓜脆薯餅出品熱辣燙嘴，不膩口。外皮香脆，內層南瓜薯蓉棉身富瓜香，少吃滋味！濃湯珍菌浸時蔬簡單浸菜，珍菌香氣不濃，無特別。…查看更多

好感動....置富終於有返間正常既食肆唔洗迫住食D連鎖快餐店同樓上幾間連茶餐廳都不如既垃圾早茶$13兩個點心, 連茶位$20有得埋單....抵到爛啦環境都好好多啦...唔洗坐food court D爛枱...(或者上面台灣果間唔知發左幾多年霉既欄鬼梳化櫈)質素方面都係好似其他稻香咁啦, 唔錯架喇係咁e講幾樣啦...如果唔係又唔批架喇牛肉球細粒左少少, 但都熱同好食既秋刀魚炸得幾香...唔錯炸腸就真係麻麻地, 叫過幾次都唔熱同唔脆到中午, 個外賣燒味飯都OK呀, 唔洗$30蚊新開張而家D碗呀碟呀都好新淨...服務都OK (除左有時會漏單....其實好多滔香成日都係咁唉)希望佢可以搶多D客, 樓上個幾間野可以早D消失啦…查看更多