稻香 (已結業)

初來葵涌報到，搵下有乜食，先試稻香啦第一次唔食走左去，叫點心等左半個鐘不特止，仲要唔好食。作為一個有衣食既我，怎可以這樣，飲檸水可以落3包糖既我，食件馬拉糕，簡直係糖糕，甜度頂唔順，蒸雞完全唔知豬肉定雞肉…查看更多

平時約食飯，餐廳真係多到唔知點揀，但一去到一班人既聚會，選擇真係少好多，細間既餐廳仔已經唔駛諗，反而首要考慮係地方要夠大。於是今次搵到呢到約gathering。相信我一講一蚊雞，香港人應該無邊個唔識佢。雖然我知道佢出名一蚊雞，但今日一班人嚟到，無理由人頭上一蚊雞咁頹。再加上今日呢個人數，最岩烚下烚下，所以叫左個椰椰芝麻雞鍋。湯底都幾有椰子味，雞經過長時間係椰子湯底度浸住，亦都有椰香。混過醬之後開始放食物落去個爐度。肉類，丸類，餃類，菜類，樣樣都叫左d。豚肉，同肥牛既色水同份量都唔錯，口感亦唔錯。丸類同墨魚滑夠彈牙，餃類皮薄餡多。當然亦要叫番d菜，唔好做食肉獸。最後想講下呢個雪花丁方，個名夠晒古怪。厚身既牛肉粒，需要耐少少既時間令裡面熟透。食落有嚼勁，而且牛肉味都幾香。好多時發現一班朋友約聚會，聚會既地方會放首位，而所食既野反而係其次，因為對於班人gathering，一個舒適既地方比食物嚟得更重要。…查看更多

呢間食左第一次之後，已經決定唔會再幫襯稻香集團酒家。本身沒有想過打食評，宜家好後悔無影到相分享比你地。因為我從來未食過咁難食既點心蝦餃 - 的外皮超厚，入面既蝦分量勁少，一咬落去已經知道蝦存放左好耐 (蝦無肉,好乾,零彈牙)味道仲有點怪異奶皇卷 - 一睇外表就知道乾，原有的奶黃色都變, 中間部分無奶黃味道, 成塊都是好硬身叫左"炸"既食物，拎出黎時已經知道係炸左好耐, 唔脆至於顏色又變黑最後......食左一半已經無再食落去啦。雖然知道平時食稻香出名麻麻地，但經過今次之後係完全好失望。呢間分店唔可以代表全部分店都係咁難食，但寧願去第2間酒家都唔會再去稻香。希望有關人士可以檢討一下。…查看更多

是日和朋友到葵涌附屬稻香酒樓的茶餐廳午飯，我選了午餐的义燒燒鸭飯，份量非常足夠，但燒鴨的肉質較韌，而且没什麼味道，义燒還算腍滑，朋友的乾炒爽肉河粉，有獲氣但肉碼偏少，河粉厚身有點漿口，估計是隔夜貨色。兩杯飲品尚算有點水準。…查看更多

葵涌打磚坪街的稻香是少有連餐廳經營的食肆，日前吃了兩份下午茶，都相當具水準。 干炒爽肉河，配料齊備，尤其河粉上那一少撮芝麻，讓河粉生色不少，爽肉名符其實非常爽滑，河粉獲氣十足，可謂色香味俱全。另一份一口西多配炸雞翼 西多小巧精緻，炸得透身，雞翼熟而不老，帶南乳香味，凍檸檬茶很好喝，凍奶茶則略嫌茶味不足，消費64元，超值享受。…查看更多

終於食左尼幾樣野！龙虾伊面/ 烏冬龙虾啖啖肉，都幾鲜甜，仲要有膏！！不過始终有啲雪味，不過48一碟仲想點！？瑞士鐵鍋鷄出黎超熱，連傳菜既姨姨都差啲燙到，god bless her。隻雞都算幾大隻，又夠多汁，但唔算好好食，但都係個34一鍋你想點！？節瓜粉丝煲首先就覺得節瓜切到太碎了，粉丝好多，本黎以为係清湯，点知原來係南乳汁底，好咸同唔中意，可惜無叫其他菜，惟有照食。菜膽翅個湯幾甜，但本人唔食翅，所以飲左女友一啖湯算。七味豆腐豆腐幾滑，岩岩炸起好好食，放耐左唔想食哈哈大部分既菜同行友人都食左啲先再影，並非原图，唔好誤會佢個份量。…查看更多

由於家裡水管維修,便與家人外出食飯。入到稻香就有位,但想點菜就點極都冇樓面黎,FINE!=___=慢慢等,等左差唔多15分鐘先有人黎!果時已經有少少燥,那時樓面不是多客!我們叫了5道菜。1. 瑤柱扒西蘭花 - 西蘭花尚可,但瑤柱炸過來,沒有拖水,太多油了 :( x12. 糖醋京都骨 - 京都骨的糖醋味恰當,但多骨少肉,每口約80%骨20%肉,而且分量很少 :(' x23. 脆皮燒腩仔 - 皮脆,但肉"動"哂,而且點了菜約20分鐘才上,真的不明白只是從冷盤部斬件,要這麼久的時間 :( x34. 芹菜炒牛仔肉 - 這道菜真的美味呢,是唯一的一道。牛仔肉走油的時間剛剛好,不帶韌,與芹菜也很"蛤",美中不足就是 "針"板沒有配洋蔥和京蔥。5. 清蒸生青斑 - 肉質尚可,有點鮮甜味,只可惜蒸的時間可能有點過久,肉質有點實,應該蒸多過15分鐘吧! :( x4現在的稻香,與以前的差別太大了!一家大集團,這麼簡單的菜式也做不出正常的水準,真的有點可惜!在這我不是作出批評,只是希望稻香集團能在增加菜式的選擇和改善出品,這兩方面作出改善。讓食客能夠"食過返尋味"。…查看更多

可一不可再 見有廣告食一蚊雞, 同屋企人去試下, 真係唔試”由字河”, 一試把幾火.7時許入座, 點了小菜, 飯及雞. 到了8時, 所有野食哂但冇雞.問D伙記, 佢地話: 雞就唔駛追! 下, 冇野AR MA, 食哂LA WOR. 再等一陣, 見隔離遲過我地到及落ORDER既都有雞, 再問, 竟然回覆: 唔可以追雞!…查看更多

因為約左舅父, 所以山長水遠嚟呢度飲茶...一入門口已經見到好多人等緊位, 不過因為舅父已經開埋位, 所以我地1坐低就剔野食! 大集團D食物通常都穩陣...而且稻香一向都覺得ok (我平時成日都去屯門稻香打邊爐)今次呢..試左隻燕麥包, 個樣好似奶皇包咁,但係入面係燕麥...我覺得幾特別, 同埋唔會好甜.. (唔知係咪新野, 不過我第1次見)但係呢, 呢間野個toilet真係完全唔可以接受! 1來得3定4格, 2來真係超污穢! 可能係舊區有人口老化問題, 有d老人家係冇咁顧衛生...但係酒樓如果安排人手頻密地清潔應該可以解決到... 就係呢個toilet令我唔會再去呢間分店! 最尾唔知幾多$埋單, 因為唔洗我比$! …查看更多

睇門面，真係一啲都唔似稻香。不過，响官方網頁上搵到，應該唔會假啩！？晚飯好多人食火鍋，我哋就食小菜。芝士龍蝦伊麵拼貴妃雞 - 芝士味唔太濃唔太搶，啱啱好。龍蝦幾多件，亦幾多肉食，伊麵更加係出奇地好味，夠爽口。貴妃雞，不提也罷。羊腩煲 - $88 好抵食，冬菇亭都過百蚊喇。羊腩一啲都唔羶，配埋生菜簡直係"掂"。唯一可惜，枝竹唔係全部夠腍...五福臨門 - 攪笑地嚟到得四福，個阿姐仲話佢咩都唔知喎 最終攪好耐先再上過，义燒同牛展味道唔錯，海蜇就超唔掂，有沙又唔爽。雜菜煲 - 普普通通，志在有個菜挾吓紅燒竹笙豆腐 - 豆腐幾滑，啲菇個樣唔得，冇試到。整體碟頭好大，八個人六碟餸都夠食有餘。價錢仲幾街坊！…查看更多

前幾日同左d同事來呢度飲茶,唔算太多人,一陣就有位,d小二都算ok有禮貌,而且做好快,不錯.叫左好多樣點心,起碼20籠,呢度o既質素幾好,尤其係蝦餃同鯪魚球,好好食,其他包類亦都做得唔錯,一人埋單都係$50,已經食到好飽,值得一試.…查看更多

聖誕節很少人來飲茶?不用等位呢,就和爸爸二人世界!因地區關係,這間稻香價格比較便宜孖寶$30(蒜香牛鬆炒飯+鮮竹卷)炒飯夠乾身,有d翠玉瓜,幾爽口,但比較少牛鬆,整體味道ok!蠔皇鮮竹卷,幾大舊,外皮夠腍,唔錯.春卷併咸水角,春卷外皮金黃色,脆卜卜,但d餡好普通.咸水角我不愛,所以無食.脆香蓮藕餅,油左d,有點肥膩,但同樣係好香口,脆卜卜,入面蓮藕塊好爽口!鳳爪排骨,面頭有好多辣椒絲同豆豉,鳳爪好腍,有入味,排骨就肥左d咁叫左太多野食啦,所以最後都係要打包d番屋企做下午茶今日已經人唔多,但依然落錯單/送錯野,要認真改善下!…查看更多

可能因為地區關係，呢間稻香D野好似係特別平，是晚我地4個人點左6個小菜，埋單唔駛 $300，好抵食! 蒸扇貝：~ 呢個係同另一碟菜一齊計 $68，估唔到扇貝都有 4 大隻~ 蒸得好滑又彈牙，屋企蒸唔到咁好~ 尚嫌多油 (因為要賣相靚掛?!) 豉油蒸蝦：~ 一碟有好多隻，SIZE 都唔細~ 殼有味，但蝦係無味，不過幾新鮮既! 燒味拼盤：~ 有4 款，叉燒最好味!!~ 燒鴨香滑唔肥，正~食物大致都真係幾好、又抵食! 不過服務就麻麻，D 侍應、部長都好煩，為左 sell 個湯，有 5 個不同既人埋黎問要唔要，有冇諗過對個客黎講好煩架? 希望佢地可以內部溝通好 d 啦!…查看更多

又平又正的下午茶,干蒸牛肉 - 一啖一粒,幾好食!粉果 - 皮不厚,餡亦算多,不錯,黑椒枝竹豬肚 - 細細碗,但豬肚和枝竹都夠腍,幾好!$13.8的一拖一點心,有選擇粥或腸粉,再可選擇指定的一種點心,選了:鯪魚球 - 中規中矩,叉燒腸 - 以粘米粉為主,"立立糯糯",當作新嘗試.2位茶,連加一埋單$55,整體食物味道不錯,便宜抵食!裝修仍緣用客家好棧,只是在週邊加圍板成獨立貴賓房,用圓檯取代長方檯,但中堂仍然逞四方盒形,依舊有很大的迴音,令耳朵不甚舒服!…查看更多

剛剛中午出左去飲茶,其實本來係想去明星的,後尾嚟左呢度,呢度前身係客客好棧,依家轉左稻香,雖然係同一集團但係食物都係不同款式的,以前客家好棧是三免的,依家稻香則不是,是要收加一及茶錢的,6元茶錢,我們三個人叫了一碟欖菜肉碎炒飯,一碟水東芥菜,一籠蒸燒賣,炸芋蓉饅頭,蒸叉燒腸粉,柚皮蒸鴨掌,先來了叉燒蒸腸粉及柚皮鴨掌,鴨掌都幾好味,辣辣地,有三隻鴨腳左右,有幾件柚皮,蒸叉燒腸粉好滑好多叉燒呀,幾好味,之後一直等等等,等耐都幾耐都冇點心嚟,後尾就嚟左蒸燒賣,都幾大粒及入不是很多肥肉的,好味呀,之後我們就問點解芥菜及炸饅頭咁耐都未到,個仕應幫我們check電腦,話冇入單,即漏左,咁佢話加單要約15分鐘,我們就加單,等左十五分鐘以上都未嚟,再叫返個仕應問,佢又check單,剛剛碟炸饅頭嚟左但芥菜仲未到,因頭先佢話芥菜應該快d嚟,後尾佢叫了另一個仕應嚟,不知是個電腦有問題還是他們不懂用,見他們弄了一會,我們問他是否漏單,他又說不是,然後即刻走去攞一碟介菜來給我們,味道都幾好味的,都大碟的,不過如果不用等那麼久會好些,炸箭豬饅頭都好味,好脆不過好似過火左少少,入面有芋頭蓉都幾好味的.呢度都好多人,一點後開始多人,我們入嚟時未夠一點就好d.…查看更多