稻香 (碧湖花園)

營業中

休息中

以前一直對稻香既形象都係貴價質素又一般,但稻香推出左邊爐放題同一蚊雞之後真係令我改觀唔少。首先邊爐放題只係需要一百蚊多d.而且選擇眾多。除左一般有既肥牛,佢仲有平時其他邊爐好少會提供既花膠,仲有手拍青爪炸尤魚等等既小食。雖然有時會有漏單情況,但都好少出現。一蚊雞方面,除左佢平,食落其實都同一般食雞差唔多,比預期表現好,未試過既朋友仔可以一試,包你一試上癮。

平時黎稻香都唔會有咩期望, 但求冇伏就OK.今次黎見到呢個SET 幾抵食WOR, WEEKDAY 1888, WEEKEND 都係加多兩百.咁就叫呢個唔好煩..乳豬全體. 肥瘦適中, 岩岩好~醬爆墨花炒元貝... 份量夠, D 料重多過菜咁~芝香蝦球E麵. 蝦球算多, 夠爽口.清蒸沙巴龍躉. 我又PASS 左魚喇.脆皮燒雞/ 呢個上菜有D亂, 不過味道OK.黃金米網卷,.呢個幾得意, 賣相吸引, 食落係薯蓉黎, 素食姐可選, 食完亦好飽, 會被KO.燕窩海皇羹. 其實我地叫呢個餐時都冇睇有D乜, 直到上菜發現... 嘩有燕窩既?! 清清地. 唔會好咸.蠔皇金錢扣鮑魚. 呢道又係..嘩, 有鮑魚既?! 哈~ 咁樣睇又好似幾抵食WOR... 冇期望就冇失望.散叫賽旁蟹. 因為在場有素食朋友, SO 叫左D 散菜.呢個都走左肉.散叫炒雜菌.馬拉盞炒飯. 呢個飯好好味, 要ENCORE, 雖然咸左D, 不過馬拉盞就係咁GA LA... 勁夠鑊氣!正呀!

時不時都會來稻香飲下下午茶，稻香下午茶CP值高，最鍾意櫻花蝦炒蘿蔔糕，蘿蔔糕外脆裡嫩，仲可以食到粒粒臘腸.紅油抄手係四川菜系（其實就係雲吞）辣椒油涼拌雲吞！辣椒油的香味同豬肉的鮮味搭配的啱啱好，唔會太辣，讓人食完想再食！最近新出龍蝦湯腐竹卷，龍蝦湯味道濃郁，沒有味精，飲完都不口渴！叉燒腸粉次次必叫，腸粉晶瑩剔透，唔黏牙，叉燒肥瘦適中絕對係必點菜之一今次叫左新品芋頭餅，外面綠色外皮，裡面包住芋頭餡，唔係好甜，配上白芝麻，一啖咬落去覺得好焦香係口中翻滾！絕對係甜品不二選擇

平時去開稻香都係主要食任食邊爐， 佢啲邊爐料唔算好多但係質素都ok而且有花膠肥牛等美食。我覺得算係幾抵食嘅，加上價錢比普遍嘅一啲質素較低嘅任食邊爐都要平， 咁當然呢個係因為佢係宵夜時段先有嘅原因。同時稻香樓面嘅店員太少， 以致效率低，同埋會有漏單情況。但整體而言，都算係可以接受。

呢間係老牌嘅連鎖式酒樓，其實由細飲到大，亦都睇住佢愈做愈差。員工服務態度愈來愈差，樓面同收銀個個黑口黑面不單只，而且質素愈來愈低，連安排位置都吾識。下午茶時段，入席率都吾夠3分1，格硬要4位吾相識嘅客人迫埋同1張細圓枱，根本吾夠位擺野食。食吾哂嘅野食，問樓面拎膠袋，有d當聽吾到，有d當睇吾到你，問左四五個都冇人應你，然後到有人理你時，職員話下午茶拎走要收正價，膠袋亦要收費。出街飲食咁多年，除左自助餐同$1堂食優惠係吾可以打包，第一次聽到下午茶係咁限制，而且所謂下午茶亦吾係真係好平，吾比客人拎走好吾合理，入席時亦冇講過下午茶吾可以拎走。而家度度都講緊環保，竟然仲有呢d咁吾環保嘅食市迫客人去浪費食物。

今日年初十二，終於約齊老友春茗，估唔到初十二重有利是逗。大家約去粉嶺稻香春茗，酒樓大堂裡人頭湧湧，座無虛席，令人意料之外的是出品仍然能夠保持水準，而且今期新推介估唔倒有新驚喜。原鼎黑蒜響螺燉老雞，湯料有元肉淮山黑蒜響螺雞腳，湯水可以盛足八碗，好飲又有益。金鼎雲萊素燴，有什菇雲耳肉豆金針南瓜白果，賣相很好，真的健康又好食。其他餸菜材料充足又新鮮，原汁原味。今日個個老友食到捧住個肚回家，令人回味無窮，非常滿意。

今年第一次去飲茶好似比以前高質左bo!🥢叉燒包飲早茶 我特別喜歡食包🥰特別是叉燒包🥰 早茶的叉燒包他們的包子皮同那些速凍的是不一樣的非常軟蓬好正！叉燒餡也很好吃🥢鳳爪早茶能可以唔點鳳爪？啲鳳爪也是很好吃 醬汁調的剛剛好 鳳爪軟糯很入味 花生也是肥肥圓圓的一顆🥢腐皮卷炸到油光滿面 內餡卻很小清新 裡麵包著蝦 （由於我對蝦過敏 所以這道沒有嘗試）🥢蝦米腸粉呢個都正（外表太吸引 引唔住吃了兩塊） 裡麵包著蝦 入面仲有類似油炸鬼既野整體來說我很喜歡！

呢間酒樓好耐無幫襯，其一原因服務態度認真唔掂，最近竟然有改善喎！今日竟比個機會試下個中午茶，果然不錯可以讓我扮下茶精。🥢叉燒腸皮不太厚，粉皮算可以接受！炸雲吞這個甜品餅忘記名稱，餡是用芋頭蓉不太甜可口👍叉燒菠蘿包餡料比較少，味道一般，菠蘿皮都脆口，賣相可以。白灼生菜鯪魚球生菜都灼得爽脆，鯪魚球就有點實。

稻香晚飯常有優惠推介，是日與家人到粉嶺碧湖稻香晚飯，叫了兩款優惠推介及其他小菜勁蔥熱鍋雞$58，雞入味嫩滑，多蔥，下面還有墊娃娃菜，用熱鍋上夠熱，正！果皮梅子蒸鱔$68，大鱔夠肥美，約有十件，大大件肥鱔真係無得輸，啱哂我呢個鱔迷😋薑汁炒芥蘭，多薑絲，有酒香味，芥蘭夠嫩，不錯(如果多少少薑汁同酒會更正)腊味糯米飯，絕對無令人失望，色香味俱全，糯米飯靭度適中，伴與腊味腰果一起吃，是我同家人的大愛。感受到廚師用心制作，覺得真是物超所值，非常滿意。

星期日十點半嚟飲茶，估不到人不多，等了十多分鐘便有位。三人飲茶不搭枱，座位闊落舒適。之前已光顧這間酒樓很多次，唯獨今次各個工作人員都十分有禮，‘‘請’’、‘‘多謝’’ 等禮貌說話常掛嘴邊，要人拿水拿茶也很快送上，餐具也比之前的光鮮。有進步，值得一讚。可惜點心尚有進步空間：交了點心紙，等了差不多十五分鐘才上菜；蝦餃和燒賣被稱為尊點，卻十分細小；蝦餃皮太厚，餡鮮味不足；燒賣的外皮破裂，冬菇搶了蝦的鮮味；叉燒酥外皮淋曬，好像焗完很久又蒸返熱似的；炸饅頭硬梆梆的，沒有瀝乾油份。

老媽不在家，結果同老爸去食$1雞。主角出場啦⋯⋯$1雞比想像中好食，燒雞一隻，不過今次你想食既話就要自己落手去剪開它因為係燒既關係，所以香口而且肉質吾算老。用$1既價錢來講算ok啦。叫多左個蝦加2個白飯就簡單一餐。

星期五8:30諗住試下放題邊爐，平還平，不論食物定服務都勁差，食左一個鐘，第一round叫既肉完全冇影，追就淨係話廚房出緊，出埋全部係d丸、面則飽人既野！垃圾放題

早幾日試過呢間稻香既任食火鍋放題，好抵食，D肥牛亦好好食，但要20:30先開始有得食任食火鍋，飲品如果想任飲就要每位加十幾蚊，但加埋都係一百幾蚊位，都好抵食，款式亦算多，但星期六、日、假期比較多人等位、想呢D日子去食既話最好打定去預訂，佢仲有其他涼伴小食任叫，但味道就我覺得一般，主要推介都係食牛，任食牛黎講咁既價錢比到咁既質素牛我個人已經覺得係值得推介既任食火鍋放題，但記住要20:30先開始有任食火鍋放題

服務好差愈叫愈走 。。。仲要扮睇我唔到。。。週末想一家人食餐飯姐。都要受氣叫左嘅食物唔黎，無叫就多幾樣比錢時就最快手👏🏻👏🏻好失望嘅一次體驗應該唔係有病都唔會再黎

very disappointed experience with Taoheung, I have dinner here with my family, and try to order, we wave hands and call for server, but not one answer for 15mins until we walk out call for order.And we finally get our first meal, but server just drop it on table, and no smile no telling us what's the meal! So disappointed, and would not coming anymore!