13
9
3
餐廳: 稻香
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。現更可憑優惠券專享折扣優惠!
所有分店 (23)
電話號碼
83008081
營業時間
今日營業
07:00-00:00
星期一至日
07:00-00:00
付款方式
Visa Master 現金 銀聯 八達通
其他資料
酒精飲品
電話訂座
加一服務費
食評 (28)
惋惜珍惜的 焦點食評
等級5 2016-11-12
742 瀏覽
爸爸今年生日想低調慶祝, 普普通通的一家人吃餐飯, 還自己訂定位, 開定茶等我們,只因他是超級廿四孝爸爸。 因不想走太遠, 他選擇了附近屋苑內的 - 稻香。 一行12人, 大概晚上七時半到達, 店內不算太多人。老人家喜歡吃套餐, 不用懊惱又不用煩, 選擇了一圍$1688的雙龍宴, 免加一, 還送啤酒汽水。 不得不佩服中菜名稱的創作性, 貼題又到位。 鴻運金豬全體先來乳豬, 沒有閃燈又沒有蠟燭, 還原最基本的乳豬。 切成塊狀的乳豬, 豬皮都燒得頗脆, 不過豬仔偏瘦, 不是太多肉, 味道不會過鹹, 倒是不錯。 清蒸龍躉頭腩接著已到魚, 切成一塊塊的龍躉蒸得有點過火, 魚肉較為韌, 不過魚皮下充滿骨膠原, 加上蔥花的香氣, 勉強加回點分數。 有一點大家存有懷疑, 就是同一條魚竟有完全不同質感和味道, 稻香品質一路都備受“關注”, 但我們仍是繼續吃下去, 不竟只是第2度菜。 碧綠炒龍躉球一味兩食的龍躉, 微微煎過的龍躉肉, 比清蒸的口感好一點, 更為結實, 醬汁調配令魚肉更香口, 當然保留了魚皮的骨膠感。 不過伴碟的荷蘭豆煮得不太熟透, 硬身青草味, 不太受家人歡迎。 上湯波士頓龍蝦伊底 非常滿滿的一碟。 芡汁非常黏口, 雖未到玻璃芡的程度, 但滿口又稠又黏的芡汁, 不是太有味兒。 龍蝦雖然大隻肉多, 但肉質非新鮮那種, 霉霉爛爛, 非常鬆散。 而伊麵沒有沾上龍蝦的精華, 後來的融合, 麵條仍處於煮得過腍的狀態, 情況有點每況愈下。 黃金炸百花球炸得金黃而熱騰騰, 炸漿頗為薄身又脆口, 雖然嚐不到是蟹肉還是蝦肉, 抑或是混合版, 餸名又參透不了, 但是那彈牙香口之感, 反而是整晚最可口的一道。 脆皮燒雞雞皮確是炸得十分香脆, 雖然今時今日要食新鮮雞是有點難度, 不過這冰鮮雞雪味不太明顯, 稱上肉滑多汁,令人滿意, 是僅次於百花球後好吃的一道。 紅燒雞絲生翅 雖然“一翅都不食”是非常值得宣揚和教導的保育議題, 但老一輩仍然沒有這個保育理念, 喜慶事仍是要吃翅。 打成的芡汁較稀, 味道也較淡, 要紅醋的輔助。 看似肉絲的雞絲所佔的比例較多, 慶幸魚翅用上頭尾質素偏低的部分, 份量也是寥寥可數。 但另一角度想, 既然鯊魚被犧牲了, 何不煮好一點, 令其犧牲更有價值呢? 金瑤扒鴛鴦蔬將平價的金菇混入貴價的瑤柱, 令份量看似多一點, 但金菇的水份溢出, 令原本不稠身的茨汁更水溜溜。 鴛鴦蔬有西蘭花和小棠菜, 配合各人喜好。 瑤柱蛋白炒飯飯粒未算炒得分明, 油份不多, 未見有油光。 蛋白炒得細碎, 瑤柱份量亦不見得多, 蔥粒加入令賣相看似多點配料, 整體味道偏淡, 勉強收貨。 壽包最後到壽包, 包面佈滿皺紋, 欠缺彈性, 翻蒸始終跟即蒸有分別, 家人還笑言: bb屁股變成婆婆屁股(XD~~~)。 包較粗糙, 麵粉味較重而且厚身, 幸好份量不多的蓮蓉餡很香滑, 還加入鹹蛋黃, 令味道加分。幸好早已預備了蛋糕給爸爸, 令這頓生日飯勉強畫上完滿句號。 雖然家人的評價未算十分理想, 但爸媽仍厚道地說: 好又一餐唔好又一餐, 沒所謂吧。 在我的文章中, 甚少給予極差的評語, 始終背後獻出努力的廚師們是功不可沒。 可是食物是珍貴的, 與其胡亂做出來, 倒不如用心的做到最好, 這樣才對得起食物, 畢竟世上太多連三餐也沒溫飽的, 要學懂珍惜食物呢! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-06-23
195 瀏覽
唔,就是之前一晚睇睇下《射鵰英雄傳》突然無訊號,百無聊賴拿起雜誌睇,連平時唔會睇的分類廣告都睇埋,竟然俾我睇到稻香火鍋有放題!稻香的火鍋一向有質素,但從來堅持不做放題,現在居然做?!之前試過沒㸃到什麼東西吃也要成千元,我們平常主要吃9:00 後的宵夜時段,知道有放題第二日即刻就去食!食野要做功課,先上Openrice 找有沒有關於稻香打邊爐放題的食評,睇吓有沒有問題?多不多野食?質素會不會將貨就價?找了各區分店,掃了多篇食評,才找到一篇,果然很多問題:「⋯攞張飛,點知話未夠鐘得晚市,等到夠鐘又話同晚市一樣,一陣又發現⋯佢個螢幕多咗一項叫放題嘅攞飛 即係我又攞錯喇 再問過阿姐阿姐話要攞放題飛喎不知所謂 完全冇系統 有陣時人多都唔係咁㗎⋯」但健生嗰間是閂11:00,9:15入去是不夠時間吃2.5!看來攞飛上要多加留意。第二日趁在附近吃飯,上去稻香攞火鍋紙, 不得了,一樣多款、絕對沒有欺場,後來我更發現原來有得訂枱,便打去訂枱,到時仍早少少出門,去到可能d人未知,未夠鐘8:20 已俾我們入去坐,不用經過一輪擾攘,唔駛排,但也都幾乎全滿。我們叫了豬骨煲後,立即點火煱料,一會上了火鍋料,但8:40 才上到鍋,不過醒目的我們已出去自助吧,自我幫助醫肚,可惜中式糖水得杏仁糊、芝麻糊、汽水機同沙冰,夏枯草,韓國飲品只有milk 同芒果,比平時的自助吧少了些。食食下發現有隻蜆臭了,嚇得大家即㚒出全部,不敢再吃,再上的也退回,天氣熱是特別易變壞? 小食叫咗秋刀魚、黑木耳、雞絲粉皮,秋刀魚用少少粉炸的,感覺上沒有平時吉之島百佳嗰啲熟食檔買的咁乾身,佢入邊保留左啲油分,肉滑些。肥牛、廣島蠔、九肚魚、鮮蝦、花膠、脆鯇魚片,樣樣都係好得,仲有加一蚊嘅鮑魚,真係新鮮的,會郁架! 不過叫左好耐,催了幾次,到臨尾先上。最攪笑是食食下那個高級的阿姐化身洗碗工!真是能屈能伸!總結食物一如平常新鮮、質素好,但漏單情況都嚴重,雲吞、水餃最後都沒有來,叫2碟上1碟,埋單時,同大叔聊起,他叫我們寧願不斷揀了又揀,最多來了退回,起碼有得吃!大叔講人話,使我們當下氣也消了!10:40 走了,$138*6=$828+$6=$834+$83.4=917.4! 繼續閱讀
(以上食評乃用戶個人意見 , 並不代表OpenRice之觀點。)
是日母親節,媽媽唔想煮飯,一家人想落街食,其實我地住建生村,呢度位於屯門北面,近住青松觀,自成一角,我地附近近寶田村,附近盈豐及寶怡商場下面勁多野食,大排檔,m記,肯記,銀咖哩,茶餐廳都五,六間,真係乜都有得食,所以住呢頭唔怕搵唔到野食。但係今次我地就黎左建生商場既稻香,其實我地朝早成日都有黎飲早茶,佢地點心真係好普通,聽講都係中央食品工廠做好,再在酒樓加熱,所以味通真係好一般,同美心果D無得比,但係價錢真係平,好多特價點心,好多時我地都係叫4,5個點心連茶錢都唔洗60蚊落樓,因為佢地成日有D特價點心只係5-10蚊一個,又好多時有D阿姐,拎住D唔好賣既點心問我地要唔要,試過10蚊2大碗皮蛋瘦肉粥問我地要唔要,我地要左但太大碗真係食唔晒,哈哈。。。講番今晚先,我地黎食母親節飯,我地無訂到位,諗住都好多人要等,點知今晚居然只坐到一半場,好多位,所以我地無等位就黎左食。。。今次由我拍板,我坐底個服務員阿姐就不斷叫我地食一席果D母親節套餐,但我地只係7大2細,好似太多,雖然可以叫半席,但食呢排成日去飲都唔想食果D一席席了,雖然佢地都唔貴,但千幾蚊,不如散叫好過,見到佢地母親節都仲有特價野,有孖寶套餐,好抵食,我地叫左2份孖寶套餐,好多野選,有乳鴨,燒鴨,果個燒鴨真係唔食得都睇得,下面有火熱住,而且真係幾好食,好快就食晒。。。仲叫左鹽焗雞,又係好好食,酸甜豬扒,老火湯一大煲,好足料,最後因為佢地D白飯要等,我地就叫左太極鴛鴦炒飯,居然呢個先好食,未試過黎呢度食呢個飯,另外我地有叫自助吧,每位只係加12蚊就可以在佢個自助吧,任飲汽水和糖水,仲有雀巢雪糕仔任食,因為我地有兩個細路,所以佢地不斷出去自助吧拎野飲和雪糕,兩個細路都幾開心。最後埋單都唔洗1000蚊,真係抵食,我地3兄妹夾錢請媽媽食飯,母親節都預左食貴D,但係唔洗1000蚊真係估唔到。呢度都係做街坊生意,附近雖然仲有羊城,但係都係稻香最抵食,雖然味道有時和大酒樓比又無得比,始終呢度係平,一分錢一分貨,又唔可以咁比較,我地就食得好開心了,以後都會成日來幫襯,始終平平地一家人食餐飯,又食得開心。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-02-06
380 瀏覽
星期日同阿媽去行街街行到攰啦……係時候要搵野食醫下個肚 可能星期日嘅關係好多洒樓都full曬… 自有稻香有位 咁就試下啦芝麻脆皮雞 呢個好味like夠香金銀蛋菠菜 …金銀蛋夠多……愛吃菜一定要叫菠蘿咕嚕肉… 呢個冇乜特別沙薑雞呢個就麻麻地啦下次可以唔使叫沙爹金菇肥牛粉絲煲… 如果酒樓嚟講呢個算…係幾好味 有下次龍蝦伊麵 …下次唔會叫囉 冇味之餘 啲麵仲好鬼林 繼續閱讀
(以上食評乃用戶個人意見 , 並不代表OpenRice之觀點。)
等級2 2016-12-04
332 瀏覽
奶奶生日在酒樓擺幾圍,事前屋企人都攞了幾張酒席睇過,以中位價的套餐$2388的冬至宴 同$2688合家歡宴,2個相差$300, 但合家歡宴多了上湯焗波士頓龍蝦伊麵, 炒蝦仁同元貝的分別,牛奶卷同百花球都有分別, 識揀一定是合家歡宴!不過可惜此套餐只做到冬至前, 冬至沒得吃!酒席碟碟份量不少, 食材又新鮮, 所以晚飯我們都喜歡去稻香之類的酒樓吃, 食物質素不錯, 很少失手, 要嫌的只有乳豬太咸上湯焗波士頓龍蝦伊麵, 真是好大碟!  繼續閱讀
(以上食評乃用戶個人意見 , 並不代表OpenRice之觀點。)