稻香 (富萊花園) (已結業) 查看

服務態度奇差，今晚大約6:30跟朋友一起到大埔富萊花園稻香分店晚飯，約7:40食完行出去俾錢嘅途中我朋友被地下的油漬還是水漬都搞不清楚係油還是水，總之係地濕滑導致成個人反側撻咗係地，職員見到完全唔理齋係識得企埋一邊，叫佢嗌同事嚟幫手，係有多個職員行咗嚟不過唔知點解行到過嚟又係識得企喺度又唔會第一時間扶返人起身又或者拎張凳過嚟俾人坐番起身先囉，真係好得意，居然係其他食客不段叫先識囉拎張凳，才識得拎返個小心地滑提示牌出嚟，職員完全好似事不關己態度，齋係識得賴個清潔冇抹好撻地喎！但係事發時我見到小心地滑嘅提示牌係收起放埋一邊囉，而唔係出事嘅位置囉！我都好想知究竟你哋集團如何培訓員工呢？呢啲係你地既服務態度？！發生意外嘅常識？！我即時問返第二個行過嚟嘅職員，點解你哋唔識得幫手一齊負返跌低咗嘅客人起身先呢？佢居然九唔搭八答我第一個職員頭先佢驚喎，我反問返同我講個位第二個職員咁妳驚唔驚呢？完全冇扶過囉！簡直不知所謂，結果我朋友費事我情緒激動就嗱嗱臨俾錢走，離開咗佢先同講其實佢撻得好應好痛！麻煩貴集團嚴加注意下培訓員工注意地下濕滑情況及應變方案！！！而唔係淨係識得齋企囉！！！

今日飲下午茶唔太多人，首先要用手機掃描落點單。 星期一至五下午茶時間由兩點至四點，小點、中點、大點、特點、尊點都係各$15。菠蘿叉燒包，韭菜豬紅，鯪魚球配西生菜，櫻花蝦香煎蘿蔔糕， 一籠香菇灌湯餃 ， 香芋鴨腳扎，抹茶香芋餅。太耐冇嚟飲茶， 發覺點心有進步，樣樣都好熱。豬紅好滑，菠蘿包個皮焗得好香，抹茶餅皮有芝麻包住好香脆，櫻花好好味，蘿蔔糕煎得好香。點心大概等十分鐘左右，另外，斟茶唔使叫夥記， 每枱旁邊有部加水機，按一下加水，等到一百度，就可以自己沖茶，好先進。

又到左食蟹的季節，近乎每一年都會同屋企人食長腳蟹稻香又做緊特價啦今晚隻蟹五斤幾，夠晒一家六個人食清蒸，係最鮮甜好味，無得彈另外order 魚香茄子煲,海味雜菜煲，菠蘿咕嚕肉

今次同行六人幫，去大埔稻香揾食啦！本想食$1乳鴿，可惜踫釘子了，星期六，日原來系正價$68隻架！冇辨法啦！唯有食其它了。。。嘅然咁我哋就來個豪D嘅！首先來隻長腳蟹！肉貭鮮甜！够彈牙不止，還超多羔，可憐大家大慰食，忘記比相機食添跟住有爐燒鵝(够特別)邊食邊熱住就唔怕佢凍啦！再來魚兩食，先上個炒魚肉超够獲氣接住上個枝竹豆腐頭腩好惹味呀！最尾仲有個蛋浸莧菜同冬瓜，呢兩個味道算唔錯。呢餐我哋食得太豐富了，飽……飽……飽……最後最後啦！差D忘記了為大家推薦的自助式沖茶水車，非常時期，非常安全。。。再約下次食乳鴿

一家6個人食了半圍餐1388，真係不知所謂，先講乳豬半隻，賣相已經唔得，得半隻豬係咪應該用細既碟呢，用一隻豬既碟去上菜，好似比人偷左半邊咁，另外講味道喇，應該是丁熱的，皮不脆又肥成口油，魚翅仲離普，竟然玉絲係一舊舊既，所謂魚翅竟然係硬既有骨咁，另外最簡單既甜豆，竟然無摘咬落去要自己拉返條絲出黎，仲有菜心啫都唔摘左個花出黎，大大條咁，真係懷疑究竟有無洗過！另外大蝦伊麵，從未見過咁既煮法，可能我唔識欣賞但真係難食，免強食到既應該係碟炒飯，唉…總之真係食到一肚氣……

又去多一次稻香吃蟹，想不到，原來大埔這一間稻香，位處於邊陲位置，竟然都有不少人。這次的蟹，據稱只有三斤幾，因為之前吃的都有五斤或者六斤，體積比較龐大。因此這次吃到的長腳蟹，感覺肉還是可以的，而且拍照的時候看起上嚟來也夠大夠照，但是就味道沒有那麼鮮甜多汁。反而，友人們與旁桌沒人點的五柳魚，更為有趣，可能由於我本身不太鍾愛吃魚，正常人都愛吃蒸新鮮魚，而我反覺這種魚，炸過香脆又香口，骨不太多，又配襯我最愛的廈門炒米的五柳，酸甜的開胃魚其他菜式其實整體質素也不錯，可能因為人流不少，很多菜式都想先做。例如蝦仁炒蛋，新鮮炒起，但有些蔥粒在內，夠香夠熱辣。咕嚕肉亦都非常之熱辣辣、有鑊氣，質地也夠膽身，肉粒夠大呈方，但是味道也不錯。一份燒鵝好像比起半隻或是全隻燒鵝差得多，雖然賣相看起上來也是有一個熱爐，下邊有火然之後將鵝放在上邊，但其實吃落就知道差得多。之前在青衣吃過全隻燒鵝，肉非常之多，皮也脆；相反，這一次叫一份的燒鵝，燒鵝皮也非常之脆，薄薄脆脆的，香味盅然，但是燒鵝底下，近乎沒有任何肉可以吃，好像百多元一份燒鵝只是吃了層皮就完。想不到大埔邊皮的稻香有這麼多人，之後還增添了其他進來打火鍋的食客，還看

母親大人生日，晚上到稻香食飯慶祝，換來惡夢的一晚。一開始樓面我們安排坐到一張6人卡位，我們坐好了，卻突然被要求移到另一4人卡位，對此我們認為是合理的，始終今時今日生意難做，我們亦諒解食肆想多賺一枱客的錢，問題在於要求我們搬枱的員工，直接說出要求我們搬枱的原因是「因為她不想收拾6人枱多出來的碗碟」。我想這些說話不用告訴顧客吧。當時我們以為員工太忙，所以發一下牢騷，未有深究。開始點菜，我們點了波士頓龍蝦+花膠什菜煲套餐& 燒鵝例牌。本來我們想點燉湯及帝王蟹，但點菜員表示燉湯已賣清，帝王蟹先到先得，亦已沽清。當時是晚上7:15左右。龍蝦及什菜煲很快就上菜。波士頓龍蝦是可以吃得出濃烈的雪味，幸好伊面底有濃厚的醬汁，令此菜不算難以入口。什菜煲真是馬馬虎虎，上菜時乾得有如雞煲一般。煲內的花膠，對不起，我整煲只找到一小塊，還要是最便宜的那種。微量的海味配上大量的菜類及味精，令什菜煲只有咸的味道。我地邊吃邊等待燒鵝上菜，半小時後，我們向一位傳菜阿姐詢問燒鵝是否漏單，阿姐友善的回答，廚房比較忙，請我們再等一下。再等了15分鐘，此時枱面上的菜已經冷透了，我們再向另一位樓面阿姐要求跟進燒鵝漏單問題，呢位阿姐

真心說，對稻香本身不感期望太多。但多個朋友近日推介佢嘅長腳蟹，就沙膽約朋友一試，今次對佢真係有些改觀了。環境有改善， 起碼地氈乾淨， 沒有之前一點點的“焗栗味"，坐得舒服，不過空調真係大了點，愈坐愈凍，真要改善下。 談論一下食物先，相當意外的是他們的明爐鵝，幾見得人喎，皮都算脆，肉身入味有咬口， 確實不錯。 沙薑雞就非常一般不食也罷。燉湯好抵飲，足料。炒菜及湯菜都味道不俗。主菜當然是4斤幾的阿拉斯加長腳蟹（有朋友講要食就要最大，可6斤幾架,不過真係食唔晒呢！），果真性價比極高，多肉多汁s，好彩選到隻靚嘢，仲有勁多膏（黃膏要用匙羹忽嗰d），真係會飽到極點，一行5人，食到敢都只係每人280。當然點都有個疑問……🤔點解會咁平，不過食得就唔好諗禁多，一年都係只係食一次吧！ps：忘記仲叫左一個椰皇燉燕窩，限量有售，好食的。

聽聞稻香近排有阿拉斯加長腳蟹做優惠，$136一斤，好似好抵吃，今晚就約埋幾個朋友一齊吃。當日訂咗6:30到，客人唔算太多，不過7點幾就開始要等位。自己去魚缸揀蟹，我哋5個人就揀咗隻中等size，4斤半，清蒸。好多肉，好鮮甜，不過無乜蟹膏。間檯檯都叫燉湯，我地又試下，果然唔錯，好足料，有一隻鮑魚，一大粒瑤柱，雞肉，豬肉，少少花膠片$38好抵飲。燒鵝都有驚喜，皮脆肉嫩，夠入味，有80分。不過明顯部長姐姐忙到唔想做，全長坐滿都只係得兩個人招呼，而且態度都好麻麻。食物整體比想象中好，服務就……

香港人最喜歡去茶樓飲茶叫一盅兩件 喝一壺茶看個報紙什麼的休休閒閒過一個早上今天跟媽媽都放假趁稻香十一點前點心半價優惠趕快來喝個飽稻香的點心都是大件夾抵食現在推出早市點心半價優惠可謂折上折惠之選紙心紙上除了雞蛋豬腳薑、原蝦燒賣王和稻香蝦餃皇之外所有點心都半價優惠難怪下雨天茶樓的客人不少反而增多！本來尊點$29（不含加一）現在只須$14.5跟小點的價錢一樣！小點的價錢吃到尊點的食物！真是物超所值啊！點心的質素和服務態度沒有因為半價而變差非常滿意的一餐

今日媽媽幫手帶兩個小朋友去呢度去果度，忙到都預備唔到晚飯，咁所以出街食啦！見稻香今試期做$88一份龍蝦...一於試下叫左個雲吞冬瓜雞湯$78兩份蒜蓉蒸開邊龍蝦$88x2一份薑蔥煮龍蝦$88避風塘麥片炸賴尿蝦肉并上湯浸粉絲大硯$168柚子炸蝦球（唔記得左🤣）一條清蒸龍躉仔$78首先上既係雲吞冬瓜雞湯，個湯冇得頂，超好味，但只係畢到5碗到🤣🤣唔夠喉呀再上龍蝦，呢個有d 惹味然後黎一個避風塘麥皮炸賴尿蝦肉...呢個味道係我致愛連小朋友都爭住食再黎一個柚子炸蝦球，酸酸甜甜幾開胃再到兩份蒸龍蝦，鮮甜呀👍🏻跟住黎個粉絲湯浸大硯，呢個就一般般啦，如果唔係個賴尿蝦份餐跟，我係唔會叫既，因為個硯有小小沙最後上埋條蒸魚，雖然細小小，但好新鮮，蒸既火喉啱啱好👍🏻我地6大2小埋單$8xx, 都算抵啦

唔經過都唔知原來大埔有間裝修咁中國懷舊風嘅稻香，聽個侍應講原來剛剛裝修完，唔怪得d環境裝修同平時其他分店唔同啦。時間尚早，我同老公無等特價時段就入左去食個門口同攞飛等位既大堂裝修好一致，好有中國建築風味。可能未到特價時段，無乜人。醬料、飲品、食物櫃都放得好整齊乾淨。醬料有好多款式，最特別係有豆醬，點魚類就最好食。打邊爐梗係叫左湯底先，我地揀左花雕醉雞窩。個湯底一攞到黎個面全部都係泡，侍應話係d酒黎既....我心諗：「咁奇怪？Um....好核突，都係𢳂走佢。」𢳂走好多都仲係好多泡，味道偏淡～安格斯肥牛，幾新鮮，幾有牛味～脆鯇魚片，新鮮，真正脆口的～廣島蠔，都OK~其實我仲有叫左個唐生菜，食食下發現有d污糟野痴住，有兩舊菜有一望就見到既黑點同污糟野......賣相亦無咩特別所以無影到。食飽飽走人已經好多人等緊位，原來稻香夜晚8:30特價時段開始，$138任食，所以勁多人。總括黎講，如果特價時段$138任食係CP度高既，但正價我諗可以有其他更好既火鍋選擇。

一年一度的一蚊雞回歸，當然要去試一試，剛巧友人是3月之星，就約埋一行5人，到大埔的稻香，來個一蚊雞賀壽。這兩年的一蚊雞，已經由最初的沙薑貴妃雞斬件上，轉成了燒雞原隻上 (如需斬件，每隻雞另加30大元)一蚊雞限每位半隻，5個人點了2隻，原隻燒雞比春雞大一點點，配幾片炸蝦片，雞非常的新鮮熱辣，撕開肉汁四溢，雞肉鹹香且不鞋。雖然配有較剪和手套，但在辣手的狀態下，要自助撕開，就是吃得比較麻煩。另外點了一條清蒸斑，魚肉蒸得火候剛好，緊熟不會生，但砌開了魚身來蒸，令原本已不大條的魚更加縮水，實在影響賣相。腰果彩虹炒粗齋，是一道很清新的素菜，山藥和藕片炒得爽脆，彩椒清甜，味道很配合干煸四季豆味道適中，可惜太油，四季豆全是油，影響食味。最後點了桃包給友人，不過只吃到一半就已經拿桃包給我們，到吃的時候已經凍了!一年一度的一蚊雞回歸，當然要去試一試，剛巧友人是3月之星，就約埋一行5人，到大埔的稻香，來個一蚊雞賀壽。這兩年的一蚊雞，已經由最初的沙薑貴妃雞斬件上，轉成了燒雞原隻上 (如需斬件，每隻雞另加30大元)

一行三人到大埔稻香茶樓午飯午飯時間人樓不算旺茶樓在富萊商場2樓，入口位置是地面一排木系門的中央，如下圖入內後（如下圖），左面是電梯上去用膳，而右面是樓梯供客人用膳後走下去。所以老人家或嬰兒車上落應該會比較困難，亦可能因為上落不便這個原因，即使是中午飯繁忙時間，茶樓仍是不滿座，人流亦不多。但如果下樓有困難，有需要可以麻煩職員把電梯方向倒轉，電梯方向可改由上而下，方便有需要人士上落的。茶樓出品不過不失除茶水外，食物送到的時候只有微溫。我還滿心期待一碗熱熱的白飯呢。要點讚就是圖中黑色長方形碟的叉燒酥同隔離右下方白色的生磨杏仁茶。杏仁茶入口確實有咬到杏仁顆粒，而且表面浮著一層油，真材實料，甜度剛好。大大碗只售$16（未計加一）所以必點。叉燒酥味道上好，酥皮帶點鬆化，香香甜甜。不錯。食物出品不算快，還有幾樣點心在下單超過30分鐘才送到。待應反應時間亦需耐性等候。價錢屬中價，整體還可以吧。

好朋友一家同我慶祝生日,意外地竟然食一蚊雞餐,一行五人,叫二隻一蚊雞,一條魚,一碟齋,一碟炒四季豆...,仲有壽包..,朋友也有帶蛋糕,一支啤酒. 雖然係一蚊雞,但也大隻.五個大人,二隻也夠,真係有人只叫一蚊一隻雞加白飯但,二人計.也可以接受.但條魚較奇怪,頭大身細,似冇乜肉.之後試四季豆出奇好食,食飽後食壽包加蛋糕,真係大滿足.😆