稻香超級漁港 (朗屏商場)

營業中

休息中

身為全職媽媽嘅我日日都要為午餐及晚餐苦惱要每日諗食咩餸真係諗到頭都痕呀！最開心當然就係買外賣🤣但買外賣都唔平架不過比我發現到師奶恩物就係稻香孖寶燒味套餐可以揀半斤叉燒或者燒腩仔+半隻燒鴨都只係$118今次我就揀咗燒腩仔拼燒鴨再買多40蚊叉燒同炒返斤菜滾個節瓜瘦肉湯又一餐一家五口+老爺奶奶都已經好夠食呢個孖寶絕對係師奶懶人恩物❤️後記：燒腩仔今次有d肥，整體都唔差叉燒好靚不太肥，阿仔最愛燒鴨皮脆肉嫩👍

❗️❗️❗️❗️（大家一定要睇）2023-11-22晚，選了一隻郁的長腳蟹，蒸出嚟D肉霉的，點解咁嘅？部長定經理仲要不停解釋，話係點樣新鮮？就係死雞撐飯蓋，態度十分之差❗️❗️❗️唔好講咁多啦，一肚氣，取消佢，埋單淨俾茶錢，8位$123。唔好問點解無乜生意❗️❗️❗️响香港食晚飯，又貴又要受氣！返國內大魚大肉，價錢未必平，但係服務態度真係好好，再上網讚下，又有甜品送。集團負責人，首要任務，教吓員工，乜嘢叫做服務態度❗️❗️❗️

稻香超級漁港位於元朗朗屏商場，是一家以海鮮為主打的餐廳。他們的菜單涵蓋了各種新鮮的海鮮，包括螃蟹、蝦子、魚類和貝類等等。稻香超級漁港的螃蟹是絕對不能錯過的。他們提供了多種口味的螃蟹，包括蒜蓉蒸螃蟹、辣炒螃蟹和椒鹽炸螃蟹等等。不論您喜歡蒜香的口味還是辣辣的滋味，這裡都能夠滿足您的口味需求。螃蟹的肉質鮮嫩多汁，入口即化，絕對是海鮮愛好者的最愛。其次，稻香超級漁港的其他海鮮也是一等一的。他們的蝦子新鮮彈牙，煮熟後保持了鮮甜的味道，讓人回味無窮。魚類也是相當不錯，魚肉鮮嫩，入口即化，且沒有腥味。貝類的鮮甜更是讓人驚艷，每一口都能夠品味到豐富的海味。無論是蒸、炒還是煮，這裡的海鮮都能夠滿足您的口味需求。除了海鮮，稻香超級漁港還提供了其他的菜品。他們的燒味和燒鴨都非常受歡迎，燒鴨皮酥脆，肉質鮮美，讓人垂涎欲滴。燒味的調味剛剛好，肉質鮮嫩，不膩口。而且他們的價格也相當實惠，無論是家庭聚餐還是朋友聚會都能夠負擔得起。

想穩穩陣陣同屋企人食飯， 都係要搵番啲酒樓， 老人家細路都會啱又坐得舒服， 稻香久唔久都有啲特價嘢， 叫埋其他餸多除少補，價錢都叫合理， 今日 我哋叫咗燒鵝 蒸魚 節瓜粉絲煲 炒通菜 豆腐齋煲 鮑魚燉湯 （ 原來可以連殼煲 ）當然係一蚊乳鴿 （不過 有限數量嘅睇你張枱有幾多人）*稻香 燒鵝唔使講都係好食*石斑 食得出條魚新鮮， 清蒸得啱啱好 ， 緊緊熟好 滑，豉油都係精髓* 節瓜煲都好食有珊瑚蚌， 蝦米嘅鮮味* 炒通菜 永遠都係出街嘅好食， 自己炒米炒唔到嗰種味道， 而且個顏色係好恐怖* 豆腐齋， 我自己對翠玉瓜麻麻地， 豆腐炸過再煮 係好食* 鮑魚燉湯 香濃好飲， 確實足料* 一蚊乳鴿 我自己覺得有啲蘇味， 而且乳鴿仔冇乜肉食， 其實一分錢一分貨

稻香做緊燒鵝特價 ！88蚊例，4至7人158蚊半隻，8人以上298全隻！我地11個人食一隻食唔哂 一人至少食5件！燒得皮脆肉嫩， 肥美多汁 ！打卡又得味道又好！仲有其他特價小菜，都好吸引！

心血來潮同家人去酒樓飲茶🫖唔知係唔係太耐冇去飲茶，酒樓模式變咗好多，變成自助形式，連入門口都冇人招呼，要自己入去攞位搵位。而且還要用手機掃描下單，我家老人家真係唔識落單🤦🏻‍♀️由於不懂處理個熱水煲，搵咗職員來幫忙。她示範了一次給我們看。茶葉都係獨立包裝，自己可以優哉游哉泡茶飲，真的很不錯🍵但是第一轉落單，差不多半小時才到第二轉的菜都到的時候，第一轉叫的腸粉還沒到，於是向職員查詢，職員立即回答說⋯⋯腸粉冇咁快，要等好耐，差不多要等一個鐘但係落單明明寫着20到25分鐘提提大家，可以免費下載手機app即時做會員，有$5優惠卷可以即時扣減用

今天和太太去完教會後，便嘗試找附近地方吃晚飯，無意之中到了這邊朗屏商場，走下走下便看到稻香酒樓，本來這裡不是我們第一選擇，但因為已經比較夜，所以便隨意走進去打算隨意吃小菜。服務員很有禮貌地帶領我們走到一張比較好舒服的位置，隨即便落力推介這個松葉蟹，本來我和太太只是打算簡單吃小菜便離開，但最後經不住服務員的推介，便點了這個松葉蟹，還點了一碟咕嚕肉。松葉蟹大約等了約20分鐘便來到，十分之清甜美味，基本上不用點醋也十分之美味，實在是意外收穫，而且咕嚕肉也是炒得十分之出色，我們另外點了一碗飯也不夠吃。我們吃得很滿意，走時服務員態度很好有禮貌，絕對藉得讚賞。

今晚用外賣平台幫襯稻香超級漁港的2人餐。小食：胡麻雞絲粉皮，份量多，不過粉皮太厚，雞絲一般，無其他地方整得咁好食。3個餸:- 鮮果咕嚕肉，咕嚕肉太多肥肉，咬落完全欠缺口感，質素一般。- 花膠珍菌燒豆腐，花膠都算夠淋，份量亦多，豆腐亦都唔錯，加埋有埋其他的菇類，OK。- 魚香茄子煲，茄子炆得幾好味，不過呢道菜用油會較多，唔可以成日食。整體食物質素雖然並唔係好高，但3個餸，1個小食，2個白飯來講2百幾元算係OK.

疫情後都沒有飲過茶, 難得一班同事相聚去公司附近飲茶聚聚, 酒樓侍應大力推仲燒鵝, 118蚊來了一份, 味道非常不錯, 值得推介其他點心方面, 牛肉太碎(無咩質感), 其他都是水準之內, 沒有什麼驚喜唯太耐冇飲茶, 完全唔知道而家係掃碼點單同要自己煲水, 侍應數量也大幅減少成餐飯坐係茶煲隔離既同事辛苦了, 成為煲水負責人。

今日又係宵夜時段黎食優惠火鍋，今次一蚊湯底都有半隻雞同花膠，價錢超值。而且火鍋配料都會有半價優惠，三人行每人$100都唔使，呢個價錢 夜少少食飯都值得的！湯底入邊配料嘅質素就唔好有任何嘅期待，雪藏雞煲到死實實，連隻髀都好難食既😂 花膠有幾舊，反而無乜大問題。不過由於佢只係一蚊，最主要都係想要個湯底打邊爐，所以可以接受。唔計配料嘅話，其實個湯底味道不錯，相比起上期嘅羊腩煲，味道更加清，更適合打邊爐。所以我哋都叫多咗火鍋料。質素係唔錯嘅，CP值高～我哋仲叫咗唔記得影相嘅椒鹽鮮魷，味道有驚喜！非常香口☺️順帶一提呢度嘅服務係近乎無既，你叫啲阿姐佢哋係會擰轉面即刻走，要order一罐汽水都好困難🤣 不過佢個場地真係好大好多客，樓面阿姐就得幾個⋯⋯希望疫情後佢哋會請返多啲人啦🥲

8:30宵夜時段未開始，門口已經有好多人排緊隊，夠鐘就陸續安排入座。每台入到去已經會自動幫你order一個羊腩煲，雖然只係一蚊但入邊都有八至九件羊腩，質素就唔好要求好高啦，但都係有肉食嘅🤣 口感偏硬但一蚊來講我覺得物超所值，而且羊腩煲應有嘅配料例如馬蹄枝竹冬菇都有。之後仲可以用羊腩煲嚟打邊爐，火鍋嘅配料亦都會做半價，我哋叫咗雜菜 加多一份枝竹 四寶丸 同烏冬。蔬菜都算新鮮而且款式多，但四寶丸就唔係手打嘅，似係返貨嗰種，而且都幾咸🙈 配埋羊腩煲湯底超鹹！烏冬都係變左好重口味。侍應得幾個人要顧成個大廳，好多時都忙住上菜，想叫佢過嚟係好困難，好彩餐廳都係用QR code落單🤪 冇咩事嘅話你都係唔好麻煩侍應。成餐飯最唔滿意就係我哋只飲茶，冇叫飲品。因為我哋都想健康啲飲coke Zero，但咁大個集團竟然冇供應😨 唯有淨係飲茶啦成餐飯埋單180幾蚊三個人，勁抵食！

今晚放工後坐緊車返屋企時，預時間用外賣平台落咗外賣送餐。早前幫襯過同區內的稻香外賣自取，今日幫襯的係區內的另外一間外賣送餐。雖然係2人餐，但有一個小食加三個小菜及2個飯，初時以為應該可以食晒，不過份量真係太多啦，食完後感覺有啲滯。稻香呢個2人餐性價比OK, 一來每種食品的份量都夠，二來味道方面相對穩陣。今日個餐折完大約230元，我同家人都認為價錢合理，居住喺元朗的街坊有興趣可以試下，個咕嚕肉及魚香茄子煲都算好味。

每晚八點半開始有一炆羊腩煲 四位可享用一煲 五位以上有兩煲 食完羊腩煲仲可以打邊爐 火鍋配料全部半價一炆羊腩煲質素一啲都唔差非常濃味 羊腩炆得好淋 內有支竹 馬蹄 冬筍 炸豆腐等配料期間限定鮑魚燉湯 有雞有瘦肉一齊湯 個湯好鮮甜稻香超級漁港 (朗屏商場)元朗朗屏商場3樓301號舖

今日約埋屋企人飲下午茶,我自己先拎位,等約15分鐘就有位下午茶2點左右開始就可以入單落點心,特價點心選擇多幾抵食叉燒拉腸粉 午市廿幾蚊份 用新個種拉腸粉方法,唔係傳統包卷會露餡料,食落個皮都幾滑溜,而且叉燒餡也很多,加上豉油食,味道不會太濃味牛肉球 香菜,蔥花,馬蹄粒混打成再蒸,口感彈牙 一客3件 夠香口感豐富燒賣 鮮豬肉打餡,粒粒大細相約,飽滿肉餡鮮甜 豬腳薑蛋 前菜小碟 屋企人鐘意食 個汁煲到好入味好濃醋香,豬腳已經一咬就即開好重膠原口感 豬皮彈牙 隻滷蛋好入味,連個芯黃都係入曬味豉油鳳爪 改用濃郁老抽調味既浸滷鳳爪 好入味!鮮蝦餃 賣相飽滿大隻,中間仲有少許筍絲 咬開餃皮煙韌包住2隻大蝦肉蝦肉鮮甜爽彈,仍然好有蝦既肉汁,出色元朗朗屏商場3樓301號舖消費$200

就係而家，等左一個鐘都只係上左碟菜，問親都話黎緊黎緊直到我再追先話漏單，我要單只係點二人套餐+炒菜，而你隻眼只係見到炒菜？？？真係乜服務黎？但凡你一開始認真跟跟我都唔洗白等我都奇怪，隔離位係咁上，上到人地食晒我都未有，問親就黎緊整緊幫緊你幫緊你19:15落單直到20:32你先見到有漏，真係離譜，仲好意思問我要加1服服費請問你服務左乜野？服務左：黎緊黎緊，煮緊煮緊，整緊整緊，上緊上緊？真係唔怪得星期日8點半就冇乜人，作為屋村唯一酒樓，生意休唔休做我真係估唔到如果唔係要200字先可以比差評，我都唔會打小作文，不過冇所謂，橫店都係得個等字咪打下字比個差評你岩岩打到而家，終於上左除炒菜外第二樣野，就係個湯，時間20:37我就睇下，你上齊到底要幾耐