稻成 (東薈城名店倉)

營業中

休息中

作為可以自己煮酸菜魚、水煮系列的人來講，真心覺得佢地的酸菜魚不夠正宗。個湯底好似清湯落多少少鹽咁，無融合酸菜同花椒的味道。但其實已經是佢地的招牌，令我……嗯……唔是好想再幫襯。唯一ok的是魚片仲算滑，但其他方面都唔及格，推測廚師唔是四川師傅。另外，性價比唔高。例如酸菜魚，200左右，加埋服務費，大概230左右。但只是一條唔算大的鱸魚，裡面只有好少量的酸菜。不過我反而好中意佢地碟豆，一撮落就有，吃酸菜魚時，加幾粒豆、少少酸菜同飯，濕濕地又脆脆地，唔錯。

Went to eat here with my family.Tasty food and great atmosphere. Design is modern chinese resembling shanghai Xin Tian Di. Presentation is excellent and makes the food look yummy! The service was good and the lady was attentive and positive throughout service

疫情期間冇乜點出街食飯，呢排見到疫情有啲緩和，就即刻走咗去試吓呢個酸菜魚！1.首先最好食嘅係好似花生咁嘅嘢，香口！2.口水雞$7x真係好出色，啲辣醬好好味，啲肉都好滑！推薦大家一定要試吓。3.小籠包$4x都唔錯，張相都睇到漏汁，本來想叫多龍，但無奈已經食咗一碗飯！4.終於到酸菜魚$19x啦，主要係來食呢樣野嘅，但我覺得唔係好出色，酸菜唔夠多，同埋酸菜切得好細條，整體嘅味道好平淡，有一刻我懷疑緊自己係咪食緊酸菜魚，不過你望落去同你食落去係有落差嘅！最後東涌呢間個環境都唔錯，好乾淨，係享受嘅！下次可能都會再嚟，再試下佢個水煮魚好唔好食！真心推薦大家食口水雞，個賣相都好高級！另外整體價錢都唔係好貴，（實價唔好記得）大家可以去試吓！

潮流興 fusion，一般也只是兩溝，譬如京川或京滬。這稻成打足京、川、滬三個番號，是不是 ambitious 了一點？首先「有料」前菜是一碟豆，據說是豌豆，是我在任何單一地方菜館未食過的，盛惠15，加兩位茶就是47，再加一服務費就差不多是100。難怪現在好少人再俾貼士。首先失策的是這店的招牌菜是酸菜魚，我們卻懵盛盛叫了個水煮魚，這實在是不可饒恕的疏忽。這水煮魚除了稍咸之外，魚肉尚算新鮮。相比之下，那個瓦屋山龍炒手(紅油抄手)卻又淡得出奇，皮厚而不軟滑，乏善足陳。小籠包雖未見突出，卻也尚算鮮美。至於炸饅頭和腐皮卷，亦算及格。比較特別的是我們以一酌六花茶代替甜品，很有下火涼茶的味道！

難得黎一次東涌，見到呢間餐廳主打酸菜魚，見佢都算價錢合理又唔洗點排隊就試下啦！服務態度真係好既，個個都好友善好有禮貌。講真入到黎，我相信好多人都係食酸菜魚，個碗咁鬼大，張二人枱擺到個魚擺多兩碗飯，加其他菜根本就好逼，雖然地少人多，但真係好逼好辛苦。郁下都怕整跌野。酸菜魚：+28蚊可以加姐薯粉，好多酸菜同粉，魚都一片片分開哂，又冇骨，又滑，好好味，兩個人可以加到個餸都夠食！回鍋肉：用大量油炒既野都好食既！送飯一流。翡翠苗：食上海菜必叫，清清地好正！（可能我冇睇清楚收費，戴頭盔先）問題係一開始埋位有個炸花生定炸豆既野，我食左一粒就覺得好難食。然後睇返張單，果個炸豆要收錢，茶位再加每位8蚊，又唔係真係有個水壺好似酒樓咁任飲...點解我唔去買枝樽裝茶飲，反正都係飲得一杯野好食既，但價錢有點貴，酸菜魚好食既餐廳都好多，應該唔會再去

我哋2個人點咗酸菜魚（例）、糖醋魚塊、雞絲粉皮、菜苗。岩岩一落單就話「我哋餐廳因為有3個糖醋食品，所以我哋依家唔做魚塊。你可以選擇糖醋咕嚕肉同糖醋松子魚」一聽真係好嬲，咩叫有同類食品所以唔serve糖醋魚塊？你唔賣就咪寫落餐單俾人揀啦！碟菜苗好多油，建議你哋真係叫呢個，一定叫佢哋少油。當我哋食哂菜苗同雞絲粉皮之後，我哋覺得好奇怪點解咁耐都未上碟酸菜魚，我哋先發現佢哋竟然仲要落漏單！佢哋完全無落我哋嘅酸菜魚！離哂譜！而且只係話依家幫我落返。叫兩個主菜都出事，你叫人點會嚟下次呀。無下次！

係東薈城都有川菜食，係星期一至五去食有午市套餐可以嗌，都幾抵嘅。有兩個主菜，兩個點心，白飯，妙菜同甜品。酸菜魚同水煮牛肉嘅辣度係中辣，都可以接受。配飯真係一流，食多兩碗飯

今日嗌咗四人餐，份量啱啱好，不太多不太少，有兩餸，同兩個小食，仲有甜品添！有水煮肉片，酸菜魚，小食有菜苗同醉雞，甜品呢就有枸杞桂花糕，價格合理，性價比ok ，中辣就似小辣，不係好辣。

中午嗌4人午市套餐都幾抵食，每人平均百幾蚊都幾正常，首先嗌左兩個小食，分別係醉雞同抄手，酒味夠重，抄手夠辣！之後嗌左兩個主菜分別係酸菜魚同水煮牛肉。雖然唔夠大陸口味重，但都不過不失啦！最後仲有個枸杞桂花糕做甜品，完全解辣好味呀！

減肥關係近排少左出街食嘢。但今日個腦不停咁捻住啲炸雞、漢堡包、鵝肝。。。最後都抵受唔住誘惑比男朋友叫咗出去食酸辣魚😜唔知係咪疫情有啲緩和嘅跡象，今日條街都多咗好多人，間間餐廳都差唔多滿座。一坐低，侍應就放低炸黄豆作為前菜。不過呢個前菜唔係免費㗎，盛為$16。😅我哋嗌左例牌嘅招牌稻成酸菜魚仲再加埋油條、雞絲伴粉皮、乾爆重慶辣子雞同埋兩碗白飯。首先嚟嘅係雞絲粉皮，但因為我太肚餓嘅關係我唔記得咗影相🙈粉皮爽滑👍🏻👍🏻👍🏻👍🏻雞絲、青瓜絲、粉皮撈埋啲麻將食，食落一啲油膩感都冇。🤤唯一比較失望嘅係雞絲同埋青瓜絲嘅份量比較少，大約只有三隻手指嘅份量。💔$138乾爆重慶辣子雞，雞丁嘅份量又係少得可憐🥺雞丁比較瘦，肉質食落有啲硬，而且孜然粉落得比較重手，食完都幾口渴。個人唔會建議大家點呢個菜，因為我覺得又貴又唔好食最後嚟嘅係酸菜魚加油炸鬼🧡好彩呢個酸菜魚都中規中矩，令我呢餐嘅感覺唔會太糟糕。油炸鬼係新鮮炸起食落非常酥脆，浸落湯到幾秒再放入口，入口酥脆又散發酸菜魚湯嘅精髓，感覺新奇之餘又好味✨

係東涌踩完單車，曬完太陽，有啲攰，想搵間舒服啲既餐廳食晚飯，最後揀左呢間食酸菜魚開下胃。.我地嗌左醉雞、四季豆、例牌酸菜魚、小籠包，甜品就嗌左豆沙窩餅同桂花丸子。.先講下個醉雞，份量唔算多，起左骨都易食。味道方便，冇乜雞味又冇乜酒味，肉質又唔算滑，唔會推介。.四季豆炒得有啲鹹，不過都算正常發揮。.小籠包ok，好juicy，個皮唔會做到好厚。.黎到主角酸菜魚，肉質唔錯但味道差啲。唔算重口味，唔會好酸又唔會好辣，但又有啲麻刺激下，如果想食重口味既朋友可能會失望。.甜品冇影到相，豆沙窩餅正常發揮，冇驚喜。桂花丸子好甜，嗌糕點應該會好啲。所有野既味道都係average以下，呢個價錢⋯大家應該有其他更好既選擇。

一路都聽過朋友講呢間食川菜都唔錯，之前屋企附近又開咗新分店，終於俾我搵到一日同朋友一齊嚟試下我哋去到分別叫咗酸菜魚 小籠包，糖醋排骨同京蔥爆牛肉一齊食。酸菜魚好開胃，用個湯送飯真係一流，而且魚肉份量好多，肉質又鮮滑，d辣度又適中，好正小籠包一籠有四件，餡料豐富，皮厚多汁實在太好味啦糖醋排骨嘅排骨軟而不柴，湯汁濃而不膩，糖香醋鮮，層次好分明。京蔥爆牛肉嘅分量都好多，京蔥爆得好入味香口，牛肉肉鮮鬆軟，簡直停不下嘴

屋企人生日，全家開開心心專登過嚟食飯，諗唔到服務勁差特別係一位負責傳菜嘅男性服務員，態度差到你唔信呢間餐廳直接黑名單！！除咗服務，味道普通，份量偏少，不建議前往！！

上周和朋友到東薈城逛街，經過門口時，被門口招牌上的酸菜魚所吸引！於是決定來嘗嘗鮮我們點了一份酸菜魚和夫妻肺片，分量很足，真的是飽到扶墻出了!招牌稻成酸菜魚$198是主打菜必點！ 採用鱸魚，魚片上一點刺都沒有，口感非常順滑細膩，金黃的湯底，酸辣味正合適，酸菜爽脆的口感特別好，復合飽滿的滋味，再伴著魚湯超級下飯!老成都夫妻肺片$82 （微辣） 牛肉片薄濃香，牛肚嚼勁十足，香脆可口，牛舌細膩可口，豐富的紅油上面撒了白白的芝麻，再來一點香菜蔥花作為點綴，讓每一口肉都有獨特的口感，裂墻推薦!

抗疫戰大家都好少岀街食飯，但我呢d冇住家飯食既人唯有約埋班同類岀街食飯，仲要食川菜過吓口癮！東薈城二期開咗咁耐以來都係第一次行，行到頂樓決定食呢間稻成川菜整個酸辣湯先，呢個湯好岩我口味，因為夠曬酸！辣就bb辣啦，天氣咁凍飲完即刻暖曬！，口感似碗仔翅，黑木耳有嚼口，仲有蝦仁🍤好味！前菜有醉雞，雞肉夠嫩，不過味道偏啖，酒味過分濃郁搶咗雞肉本身嘅味道。呢味叫夫妻肺片，牛肚牛柏葉牛肺乜都有。。。不過牛肺好似有啲霉，無咬口，牛肚唔夠爽，辣椒撈得唔夠均勻，整體來講麻麻。呢個翡翠苗太強草青味，唔係好岩我。不太喜歡。呢個酸菜魚真係好出色，平時唔食魚嘅我都鍾意食，魚肉去骨，好滑溜，烹調時間啱啱好唔會過熟，魚頭分開炸熟，香味十足！酸菜夠晒老練夠曬酸，好開胃同埋我哋加咗薯粉，薯粉勁彈牙勁好食，吸晒酸菜魚嘅甜湯，酸酸辣辣冇得彈！我哋另外仲加咗$18油炸鬼，我想講唔吃油炸鬼真係會蝕抵，因為原來係絕配，勁勁勁好食，油炸鬼浸湯5秒就食得，油炸鬼金香脆口，配搭埋湯嘅精華，每咬一啖都啖啖濃湯浸岀！yummy 呢味黃金蝦球就麻麻哋，味道過鹹，蛋黃可能太多，食完好油膩好濟，蝦肉鮮味唔夠岀而且同外皮分離，同預期差得遠。