稻成 (屯門市廣場1期)

營業中

休息中

在屯門市廣場返工都幾幸福，因為附近有好多有質素的食肆，稻城係其中一間，每次去食午餐都不會令我失望，今次點咗擔擔麵和醉雞，擔擔麵個麵身非常爽滑，口感豐滿，湯味鮮美，花生味濃郁，花生粒新鮮酥脆，醉雞香滑，切割整齊，花雕酒芳香濃郁，雖然有點鹹，但係都忍唔住飲埋

平日唔想諗食咩就會同成班同事黎呢度食晏貪佢坐得舒服 食物質素又唔差呢幾年做咗我哋午餐飯堂咁🤣間唔時有折 或者又可以用分換籠小籠包咁 都唔錯真心欣賞佢午市選擇夠多 成班人仲可以share唔同菜我最中2佢個麻婆豆腐🥹 食完佢呢間我食唔慣其他食到有時會覺得自己好似食得出有唔同師傅有唔同感覺 有時麻d有時辣啲 不過都係好食😌其他小炒都好惹味 送飯一流有時會叫下酸菜魚/水煮牛過下癮（貴d但有一大盤）如果酸菜魚都好似水煮牛咁下面有寬粉底就好啦😆勁入味午市d侍應都好nice 我哋班人走蔥少飯走油多汁加辣都ok 希望佢哋繼續做唔好轉人啦🙈p.s. 諗咗好耐出唔出post 怕之後冇位我哋就要食風了🥲 但係我哋食足咁多年冇變冇厭 真係值得我記錄下

今時今日仲有咁好服務真係好少，職員由帶位寫单到埋单都好好笑容及好貼心，好有禮貌，用餐時間需有90mins,不代表要好趕時間用饍，全過過程最難忙係職員忙緊仲識講拜拜。真係呢個小小動作我會多D黎食飯陳皮小蕃茄好有陳皮味道。酒槽醉雞夠入味四喜烤麩有口感招牌酸菜魚真係稱得上招牌2個字值得再讚成個套餐做得出色係個甜品楊枝甘露同出便食開一D都唔同奶凍做底層及上海粗炒，好好味仲有做會員仲有小籠包送(係D職員同我講)呢D職員去邊度揾，主動有笑容仲主動講優惠比客人知真係邊度揾

座位安排非常迫環境又嘈，員工亦冇禮貌。食物偏細份，餐牌選擇少…尤其燒排骨無味，蔥爆牛肉非常硬，咬唔到。蝦球$168只有六粒，而且無鮮味，非常雪藏質素。食咗一個鐘，就買叫埋單！認真貼錢買難受。

屯門稻成每星期都會去食，餐牌選擇對素食者友好。同肉食友好共餐都不會產生矛盾，好食！從一年前第一次用餐直到今晚第數不盡的次數，每一次侍應生及經理的服務態度都讓我讚嘆，今時今日這種友善的服務態度己很罕見。

真心！食物方面是很好的！已經不是第一次幫襯了⋯⋯現在香港飲食業真的已經很難做，願意留港消費的客人，如果遇上服務態度不好的員工？真係出名幾好食都冇用！ 今次午餐時段，你又唔係座無虛席？需要排隊等位？我們入來只是想要求一個舒適一點的位置⋯服務員都拒絕！！你安排什麼位置我也要坐嗎？客人都開口要求不想坐這個位置為什麼你寧願看着客人離開⋯⋯都唔想辦法解決？或者滿足客人需要呢？我們不是不講道理，當然是見到你有其他空位先至要求坐另一個位！！！這方面高層管理人員真係要留意一下，我哋就係晚上試過好多次來食晚餐，包房！覺得味道唔錯，所以中午都想來試一下，點知遇到這個對待，所以我們應該不會來了一位同事的錯誤就令到客人印象大打折扣了⋯

第一次同屋企人嘗試屯市呢間稻成中菜小館，入座時服務員們都好熱烈咁講歡迎光臨。首先點左個「龍皇泡飯」，見個名幾趣緻就想試下。入面有鱸魚、蝦仁、珠貝、泰國露筍、脆米、濃蝦湯。上菜係用石鍋形式，好夠熱，上枱時仲聽到「沙沙聲」。放入口第一淡，已經食到鮮味十足，蝦湯味又夠濃郁，鱸魚又夠滑，全部餸再配一淡飯，感覺超滿足👍🏻👍🏻👍🏻同場加映：稻成小籠包，皮薄多汁，一口一個，食完想再叫多籠😋👍🏻食到中途有個靚女經理姐姐仲推薦我地加入會員，入員食夠$300仲送一客小籠包。免費多一客小籠包屋企人食得好滿足👍🏻

今日啦到咗屯門啦行街見到佢門口有個輕鬆二人餐咁呀入嚟試吓啦咁呀有啲驚喜佢個酸菜魚二人份量，份量剛剛好仲有粗炒添，最有驚喜呢就係個楊枝甘露，驚喜係佢同出邊嘅楊枝甘露係唔同㗎，佢下低係奶凍底，實在好有驚喜，平時嚟到嘅時候我都會嗌個羊肚菌螺頭燉雞湯，今次跟餐都係加$58，超抵食，可能我係晏晝嚟啦，咁唔係好多人環境非常舒適服務態度真係好好，可能人唔係咁多啦，上菜速度極快，真心嗰句，我真係會帶多啲朋友過嚟試吓，香港真係好少餐廳有呢啲服務質素！

午餐點了黑醋汁松板肉，英文寫的是 Matsusaka pork，還期待可以吃到美味的有着极佳的雪花状脂肪分布的松板豬肉，但原來用的是豬頸肉，不喜歡豬頸肉的朋友，記得點前問清楚，以免中伏。

我係第二枱拎飛，前面拎張A01，我拎張A02，兩個相隔都無幾秒。然後陸陸續續見住啲人拎B01，B02咁樣。之後走左枱二人枱（卡位），佢叫左A01入去。然後再走左兩枱卡位（原本一張坐二人，一張住兩大一細。點知佢再叫飛個陣叫曬啲B枱入去，我去問個待應點樣分2人枱同4人枱，佢話跟拎飛時間😅 我同A01差幾秒拎飛，B枱全部都遲過我拎，敷衍客人都搵個好啲既藉口呀，不知所謂，求其敷衍客人，大家去食飯小心佢亂咁叫飛，無啦啦等多成粒鐘😅

三個人叫咗三個客加燉湯：招牌酸菜魚： 酸菜不太足夠魚的份量也不少好送飯黑醋汁松板肉： 冇諗過松阪豬肉炒得咁好味，一件一口食唔停口川味小炒牛肉： 牛肉好味，反而配菜尖椒都炒得好好味每人埋單100多啲，食到鋪住個肚走，喜歡

屯市食嘢好多選擇不過8點後就唔係咁多餐廳再接客去到稻成 好彩仲比入座見到酸菜魚係招牌菜不過唔算太餓怕食唔晒見有片皮鴨可以叫半隻就決定食佢坐底會有兜炸黃豆，好香口因為好鍾意食呢啲脆卜卜野所以都忍唔到口係咁夾🤣片皮鴨每片都好香脆又唔會勁肥勁油肉嘅部份都好嫩滑餅皮唔會過份厚😛小籠包皮薄多汁調味唔會過濃😋😋香蕉豆沙煎餅多餡到爆晒出嚟！香蕉同豆沙比例做得好好外皮好脆😚店員服務態度好友善座位舒服，超級推薦！👍🏻👍🏻

如果係香港食酸菜魚 我一定首選稻成坐得舒服 味道又唔差已經同朋友食過好多次每次食完都好想再食1️⃣招牌酸菜鮮鱸魚必叫嘅酸菜魚鱸魚份量十足！厚肉無骨唔會太辣 非常適合香港人嘅口味裡面有啲配菜同薯粉吸收晒酸菜魚嘅鮮味撈汁可以食多幾碗嘅白飯 2️⃣紫淮山素小炒健康之選食完重口味嘅酸菜魚當然要食啲蔬菜 中和一下紫淮山幾特別 炒得好有鑊氣3️⃣小籠包中規中矩皮薄湯汁多總結留港消費都有好多選擇想食好食酸菜魚 一定要試試呢間

經過見佢裝修企理，客疏，諗住靜靜局同屋企人食餐飯。 早一日電話訂位已經感受到嗰份燥烈，講多句要求可以嘅話俾張corner 枱，未講完立刻落閘，轉頭cut埋線… 今時今日…真係唔敢..亦唔需要幫襯。

整體用餐環境舒適，食物味道唔錯，特別要讚那個紫淮山素小炒，我們還點了老上海燻比目魚，上桌時跟餐牌賣相有出入，食落囗都ok 啦。因為係同媽媽慶生，老人家喜歡中菜，平時去開傳統酒樓，於是試下這家中菜。唯美中不足的是它們要收取$1 0 0 切餅費算貴，所以冇切生日蛋糕。