稻坊 (馬田路) (已結業)

呢間稻坊係無意中發現，見到裝修好中國古代宮殿咁，不過價錢都唔貴，一至六11點前落單，全部點心有半價，所以就入去試試。佢既茶係全自動，可以自己㩒幾個掣就自動沖水，而且茶杯好細，比人感覺好精緻，好似飲緊功夫茶咁。佢既點心份量比較細，但味道唔錯。佢既叉燒類既點心出色，得別係叉燒酥，咬落幾酥脆，一層層而且食到叉燒甜而不膩，而叉燒腸都幾滑。流沙包幾可愛，係million造型，都有流心效果，不過略嫌蛋黃味唔夠出。糯米雞都唔錯，咬落飯香糯，而且個餡調味唔錯，咸咸香香。最後埋單同媽咪2個人先食左101，個人覺得好抵食。

朋友相約到元朗喝早茶，這間稻香裝修得古色古香，進去卻是中西合璧的設計，環境10分舒服。這間茶樓使用了先進的加熱水設施和手機點單設施，大大減少了人手。我們叫了很多點心，每樣水準都十分高，潮州煎鯪魚餅，有驚喜，中間加上要子薑，吃下去是有點兒酸酸甜甜的味道，提升了魚肉餅的味道層次。炸豆腐也很好吃，外面五味粉加上脆曾，內裏的豆腐10分滑，外脆內嫩，好吃。鹹肉粽也好吃，內裡的餡料很足，有瑤柱、鹹蛋黃、綠豆泥等，很美味。綠茶餅也好，外脆，內有甜甜的芋頭泥，好吃。

此文純粹希望該店在員工態度和食物質素有所提升！此店服務態度欠佳，人手不足！首先由訂枱講起，本黎打算前一天訂枱，點知打電話去該店，該店員工說星期一一定有位，所以沒訂到！星期一晚到達後沒有位！其實沒位等位係好正常！但該店部分員工十問九唔應，或說沒有！態度很差！那我就體諒他們人手不足！食物質素非常參差，只是賣相好！上湯龍蝦伊面無論龍蝦或面係淡過淡水！而且煮得得過火！乳鴿香脆，但太咸！雖然加個鳥籠好靚，但添加員工麻煩！我最不滿意是八隻鮑魚！硬過橡膠，有腥味之餘，而且咬唔爛！我哋8個成年人只有1個成功吞入肚！其他都吐出黎！好吧！可能是我們唔好彩！但真係十分十分難食！一間叫酒樓的地方，點解可以煮鮑魚煮得咁難食！好食的是魚，條魚算蒸得有質素！蒸得很滑和啱啱好！少量員工服務態度尚可接受！但拜托請多啲人手！那個apps 其實是廢的吧！如果套餐和一些食物不能用apps叫，請在apps 加番不能在apps叫套餐或在枱面寫清楚！重點係如果要加單，你個apps係沒用！只會顯示帳單畫面！拜托你找人設計過apps！我只是光顧過一次！可能觀感會有偏差！以上只能當一次參考，但不代表該店其他菜不好吃！

今日中午同屋企人去元朗馬田路稻坊飲茶…… 見到張點心紙上面有得叫「裹蒸粽」食，所以叫咗隻試下……味道都算幾好，隻粽嚟嘅時候用粽葉包住， 來到之後要自己撕開佢。入邊有瑤柱、蛋黃、冬菇，隻糉嚟到嘅時候會跟一兜白糖，如果要點豉油嘅話，就要自己出調味架到拎。皮蛋瘦肉粥係我每次去稻坊唯一會選擇嘅粥類，因為其他粥類都覺得麻麻地好食。傳菜員嚟到嘅時候仲會主動問你要唔要加胡椒粉。豬手上面舊舊都有好多毛，簡直完全不能接受，而且沙薑味唔夠，試咗一次就算。點知蝦餃比沙薑豬手更差，蝦餃皮勁淋，入面啲蝦死死實實咁。完全係史上最難食嘅蝦餃。金錢肚味道ok，過下面啲陳村粉比較淡味。

2月home office試過早茶，有半價，平靚正（疫情冇評）。 今日女神節*再去一次。 *38女神節雖是周日，早茶仍然半價，不過得07-0900两小時。試了幾間稻坊/稻香早茶，點心各間做法略有小差異，價錢都有少許出入。半價時間就一樣。這間朗怡居稻坊內部座位設計很寛闊，明亮，超好過其他分店見已有食評介紹自助式加開水，不詳講了！但今日我桌那水機有問題，服務員告知食客亂按.... 又難怪喎，張說明文字印在其中一張餐牌上（見圖）👇但這間稻坊只能用手機掃碼下單，不是人像我八卦找到呢🤭🤭 且文字看完也未必明白，不懂找服務員幫手。一切如上次，茶客食具全部放在大廳中央以滾燙熱水燙過，需要時任取食過的點心賣相跟餐單都差不多，也好好味（還未完全試齊）不過今天 中 伏 了...#順德煎魚餅上碟與照片完全超大落差完全不是那回事！！入口也較油膩，伏！！ 重係特點價錢$32（半價$16+10%）正如開始說的，或者另一間分店做得好味點啦👉👈

話說疫情嚴重影響到酒樓生意，稻香集團為了增加收入和客源，推出外賣餸在下午4:00-8:00售出。這天見放工返到元朗不早，也希望幫襯下食店，故去了稻坊叫了兩個餸。5:07出單收錢勁快，叫我轉頭來取，我便在附近另一小店買了炸雞翼和薯條，打算回家早點開飯，5:15回到稻坊外賣仍未有，我想太快回來未有正常，便繼續等，約十分鐘5:25後我問職員，他們叫我再等，我便再等，到5:32我再問，才見廚房開燈，一位阿姐仲講：你5:00黎買人哋食緊飯，係要等架啦！奇怪在這個外賣是說供應時間是4:00-8:00？！？我即回應這位阿姐，如果5:00-6:00唔做生意應註明，唔洗搞到我等咁耐，一輪交涉後，最後5:47才出到我兩個餸，足足等了40分鐘，我的炸雞翼和薯條也變得一點也不炸。回家立即開飯，確實兩個餸係整得好好味，一個是魚香茄子，一個是菠蘿咕嚕肉，送飯一流，可惜我的炸雞翼和薯條就變得凍晒。正常等15-20分鐘的外賣都可接受，但今次搞左40分鐘，還要俾職員講到我呢個時候黎買係我唔岩。這叫我決定要將我的錢投放在唔洗令我勞氣的食店。現在間間食店都要幫...自己選邊間要幫襯吧。

屋企甘多年都慣左年初一黎稻坊飲茶～～因為會按人頭派$10硬幣利是而且每年利是都係個年既生肖，屋企已經儲左6,7 款啦今年都唔例外黎幫趁新年係有特別menu, 即係特別"貴"脆皮奶皇包，外皮好熱，新鮮炸起，入面奶皇正常新年當然要食糕，蘿蔔糕都煎得幾香腸粉無其他款揀，得依種，上年係並排三條，一上台就覺得簡直呃錢。。今年佢地特登整番亂d, 睇落多d...不過都算軟滑鳳爪係我地必食，味道夠濃，口感唔算太淋，適中個人唔食叉燒包，聽屋企人評價係正常我好鐘意既蘑菇包，入面好香菌味，但唔鐘意既人就係好憎陣菌味小籠包都係可接受，塊皮唔會太厚，入面豬肉餡係有少少蘇味最後就講負評啦。。。因發現個陣即刻同侍應講，無影到相可能我地係一開門就黎食，亦都係第一台客我地叫左雞扎，點知一開，d 雞肉係全生肉黎， 完全唔熟，應該係蒸得唔夠耐但依樣應該係酒樓最唔應該犯既錯依家疫情情況，應該要更加注意食物安全。。。酒樓方面都幫我地cancel 左碟雞扎，但年初一遇到依種事真係掃興

嗰日 1:00p.m 左右……去咗稻坊飲茶，因為之前聽講佢重新裝修，改咗名。而且仲有自動水機，所以想去睇下。而且佢改咗用手機落單叫點心添呀！口感幾好，值得一試。牛肉夠新鮮，河粉夠咬口。蝦肉夠新鮮，蝦餃皮整得口感幾好。牛肉味唔夠，味都冇。搽咗喼汁……淨係得喼汁味，其餘乜嘢味都冇。菜心極淋，淋都無牙都食到。完全將入面嘅纖維同埋營養消滅曬。沙薑味唔夠，試一次就夠。

上星期是我honey的生日，想找一間酒樓吃下宵夜， 發現這間是新裝修的， 決定走进試試， 發現門外有自動取票機， 可能是平日的緣故， 不用等位， 也有卡位！ 所用的茶具全是自动化， 茶包是真空包裝的，清潔衛生，點心也是用手機落單， 酒樓設有wi-fi， 還有免費流動充電器提供， 不用怕手機沒電了😁， 環境寬敞， 裝修也簡潔， 座位也舒適闊落，侍應態度有禮， 侍應還會耐心教導初次使用的食客落單与使用茶具的方法，食品上枱時間快， 食物的品質也有保證， 而且價錢很平宜， 全線火鍋半價， 而且啤酒汽水任飲， 唯獨洗手間是使用商場的， 每次也要取門卡， 供不應求有點麻煩， 但喜歡是新科技的我，还是值得再去一試😊