105
1
2
港鐵尖沙咀/尖東站 N2 出口, 步行約3分鐘 繼續閱讀
電話號碼
23333288
96744949 (Whatsapp)
營業時間
今日營業
12:00 - 15:00
18:00 - 23:00
星期一至四
12:00 - 15:00
18:00 - 23:00
星期五至六
12:00 - 15:00
18:00 - 01:00
星期日
18:00 - 23:00
付款方式
Visa Master 現金 AE 銀聯
座位數目
45
其他資料
Wi-Fi
酒精飲品
自帶酒水
泊車
電話訂座
外賣服務
加一服務費
食評 (111)
等級4 2019-04-09
45 瀏覽
最近忙個不停,請唔到假去睇櫻花...唯有食餐好d既日本菜一解思鄉之情~今次黎到公司附近位於寶勒巷既稻乙覓食,餐牌有散點,仲有omakase,價錢以omakase 黎講唔貴~我地點左稻乙套餐,店員介紹今期會用初春做主題~先黎和風櫻鯛薄切櫻鯛魚即係真鯛,因其身如櫻花般粉紅色,櫻花季節又正值產卵期,故此有呢個別名~配上酸醋醬汁蘿蔔泥,卷埋入口帶蔥香又微辣。薄切肉質幼細,彈牙爽口,味道清甜。大大隻既北海道真蠔,肉厚爽口,餘韻鮮味細膩。金屬、海水味唔重,更突顯真蠔既鮮甜~刺身都試到d特別野~初嘗即開既活鳥貝刺身,爽彈清甜,味道如果要形容,我覺得有一絲鮮海底椰既甜。平時食煎銀鱈魚多,原來火炙過既銀鱈魚係更滑溜,魚油豐富甘香~厚切既深海池魚,肉質細緻爽口帶油分,味道肥美~天婦羅就好有驚喜啦~用左原條針魚做天婦羅,薄薄既炸漿包住針魚,針魚本身味道偏淡,但又不失鮮味~磯燒過既新鮮鮑魚,入口有味醂甜甜地既味道~肉質柔嫩彈牙有嚼勁,好鮮嫩~牛肋肉串帶油花肉質細嫩,燒香更突出肉汁既味道。一串2件既燒活鰻,時間掌握得好好~皮香肉嫩肥美,外脆內軟。白蝦蟹膏壽司晶瑩通透既富山灣白蝦,唔好睇佢細細隻,鮮甜度相當高,三層多既白蝦一啖入口,上面濃郁既蟹膏更提升海洋既鹹鮮味~整體口感爽彈。醬油燒帆立貝海膽壽司帆立貝燒到剛好唔太乾身,中間海膽嫩滑且濃郁甘甜。魚湯稻庭烏冬 先呷一口奶白色魚湯,甜而不腥好鮮甜。烏冬麵條纖巧細緻,柔滑掛湯,店員見我地飲哂d湯就話魚湯係每日用鮮魚熬製既~最後我以柚子雪糕為呢餐"初春"作結~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-09
125 瀏覽
翻工朝9晚6其實真係太攰,收工唔約朋友應該好快會自閉,今晚約左朋友去deep chat☺️ 揀左一間位於尖沙咀既日本餐廳🇯🇵🇯🇵餐廳只有4張卡位枱,想坐得舒服d記得要打去book枱喔⚠️想Privacy再高d? 另設兩間tatami包箱,一間可容納8-12人,Min. Charge $4000,兩間房亦可以打通👍🏻前菜🦐赤座蝦刺身 $90@係澳洲旅行個時食過一次細仔版煮熟左既赤座蝦已經覺得好唔錯,係香港反而未見過,都幾surprise可以係到食到蝦既肉質本身唔係爽口,有d似甜蝦既口感但味道超級鮮甜👍🏻👍🏻🔥🐟火炙鯖魚刺身 $80@鯖魚本身魚味較重,好多人會嚴腥經火炙處理,魚油香完美滲出,極度香口,出色🉐🐟 鮫鰈魚刺身(葱切)$250刺身超級薄切,刀工太好值得欣賞😂刺身面鋪左葱碎,沾左特調醬汁,醬汁味都幾濃帶酸,比較開胃鮫鰈魚既魚味本身唔強,岩曬怕腥既朋友🐚北海道岩蠔 $128@蠔肉質好creamy,十分新鮮唔會太咸,亦唔算腥配左葱同特調醬汁,個人食蠔唔太中意落汁,醬汁如果可以另上會更好🍣深海池魚海膽壽司 $80@海膽超級鮮甜🤤🤤 三大片池魚包裹住壽司飯食落口感豐富,味道匹配🉐🉐🉐🍣白蝦蟹膏壽司 $80@白蝦肉味道鮮,但佢無個種甜味,蟹膏味被蝦肉蓋過左d,如果可以多少少蟹膏味道會更豐富☺️熱盤🔥🐚燒廣島蠔 $35@比起生蠔,更愛呢到既燒蠔🙊咬落去依舊保留到creamy質感配左葱同熟蒜好野味熟蒜味道偏重但對我黎講岩岩好又唔會遮到蠔既鮮味🉐🥩網燒西冷牛扒 $220西冷牛扒一向感覺會無咁軟熟,但呢塊牛扒咬落質感好林,牛味好重,痴住脂肪既位置牛油味更香🤤🍤天婦羅盛合🍤 $90有沙椎魚、番薯、秋葵、蝦、粟米tempura沙椎魚同粟米天婦羅真係第一次食沙椎魚魚味唔重,但口感好滑粟米超級juicy!!! 好開心咬落啖啖粟米,無左條粟米芯🤣蝦tempura都好唔錯,肉質爽口彈牙炸漿本身無落調味,只靠淡淡既天婦羅sauce,食材既味道好出🉐🉐🍜魚湯稻庭烏冬(小) $65@重頭戲絕對係呢個最唔起眼既魚湯烏冬🤤魚湯呈奶白色,鮮甜度極高,完全無添加味精同奶🉐🉐🉐🉐🉐配料只有雜菇,清清地更能突出魚湯鮮味烏冬既質感都好好,少少煙韌,有dd似上海麵🙊飽到食唔曬d烏冬都飲曬d湯🤤🤤兩個人竟然可以由七點坐到十點幾,傾左好耐計,食左好多野😂 証明環境感覺舒服👍🏻👍🏻店員們都好溫暖☺️ 會約略介紹下菜式,見到我咳飲錯朋友杯水仲主動幫佢換過杯好細心💯食材新鮮,烹調細心,誠意滿分👍🏻👍🏻推介🉐🉐🉐 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-02
140 瀏覽
剛剛同好姊妹去完日本,返黎意猶未盡,又食多次OMAKASE,回味一下日本美食的滋味。今次來到尖沙咀的一家算新開的日本餐廳稻乙,門口一望以為是小店,原來轉角另有亁昆,都幾多位架~仲有D日式車廂座同多人的和室,適合聚會,私隱度不錯~除了OMAKASE外,有一系列和食可選擇~但我還是鍾情廚師發辦這種輕鬆食法~~第一味~松葉蟹 蟹肉蕃茄沙律呀 !我超鍾意食蟹,但係唔鍾意拆殼,呢個沙律啲蟹肉真係人手拆出嚟㗎,好雪白好香,食落好爽口鮮甜,終於可以無憂慮咁大大啖食蟹肉了~~個日式醋汁酸甜好開胃~嘩!呢個岩蠔刺身又肥又白雪雪,好鮮呀!望落嗰啲水分呢好充足,好水潤,應該係啱啱開出黎的活蠔,冰鎮之下,口感非常爽,兩個字,爽甜!同平時食美國同歐洲的蠔好唔同,食過呢隻岩蠔簡直重新定義了蠔的味美!呢碟係和風深海池魚刺身,點少少薑蔥就可以喇,因為本身已經漬咗啦,鼓油都唔洗點,由於新鮮的關係,同平時食的魚刺身口感是非常唔同,咬落比較有張力和口感,肉質非常甜美的!呢隻咁霸會的就是赤座蝦刺身,呢個品種又大隻又甜,幾乎是最甜的蝦種,食過又係翻唔到轉頭,食OMAKASE的餐廳用料好講究,wasabi通常都真係鮮磨嘅,食落唔會覺得好辛辣刺激,反而更添獨有的香氣,有如神來之筆!接下來是活鳥貝刺身,吃過甜度極高的蝦,還可以吃貝類來將口裡鮮味推到更高層次,這個次序真的別有用心,活貝口感可用脆口來形容,每次可以嫌的,就是可唔可以大份D~嘻嘻終於來到澱粉質,火炙銀鱈魚壽司同埋白蝦蟹膏壽司,過百蝦呢真係雕到好似一朵花咁,非常之唔簡單嘅刀功,同旁邊朵菊花嘅層次差唔多。銀鱈魚用火炙,將油脂都溶化了,油滴俾壽司飯索哂,真係唔洗燒海膽立魚,海膽好新鮮好清甜,雖然冇嗰啲加拿大海膽咁大嚿,但係呢我會覺得個滿足感係絕對有過之而無不及嘅!燒和牛肩肉,脂肪比例較高的和牛,肉汁豐富,大滿足!作為小食一流!我同姊妹都覺得呢間仲好食過在日本食~~下次可再ENCORE!2017年開,到而家都已儲了不少捧場客~實至名歸!人多可以BOOK房~~剛好見人地叫左日本酒, 下次約埋一班FD子真係要試試~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-28
89 瀏覽
食過好多次廚師發辦,今次係好滿意既一次!因為呢度做出嚟既口味好啱我自己,之前試過有啲地方太鐘意揀啲好偏門既食材,好似白子....(知係乜既話我諗唔少女人會抗拒...)都唔太啱我口味!不過味道既嘢好個人化既....呢間上樓既餐廳好乾淨,尤其女士們記得參觀吓個廁所,有齊唔同衞生用品提供,好窩心~至於食物~去相~好多款新鮮飛機貨刺身,價錢唔算太貴,屬中等價格..前菜嚟咗個日本真蠔,眼見佢肥嘟嘟漲卜卜,食落仲好鮮甜、好有蠔味~簡直係咀巴也懷孕呀~然後嚟一個五點刺身,有真鯛、大拖羅、車海老、活烏貝同銀鱈魚,平時我好怕白身魚陣強烈魚味,但今次真係另一番感受,完全係清、鮮、甜,食落甘香,只怪我以前未遇到呢位好對手~再嚟磯燒鮑魚,彈牙得嚟仲好入味,同平時只係用醬油燒差好遠....好遠....海膽鱈魚卷,鮮甜既海膽厚身兼份量十足,一口一粒有啲唔夠喉...呢個蝦蝦刺身又係一咬落口就Feel到佢既爽彈口感,只怪自己見試少,唔食唔知有咁Juicy既味道呀~煲到變奶白色既魚湯濃香幼滑,呢條bb喜之次既煮法實在係妙絕,啲肉嫩滑得好似豆腐咁,調味亦啱啱好,同行者話呢條喜之次係佢食過最好食架~雖然唔係平...但....偶然一餐半餐....就食豪啲啲啦~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-28
2537 瀏覽
多謝男友帶左我去尖沙咀嘆日本菜,難得食到好多第一次既時令特色日本美食,而且由廚師發辦,由他決定當日又新鮮又係時令做嘅料理,我本身日本菜嘅忠實 fans, 所以心情有點興奮,廚師會先問我們有無什麼唔食的,跟手就安排當日 Menu, 睇見都急不及待了。鮟康魚魚肝第一次食到這種魚肝,味道鮮帶點腥但可以接受質地較軟滑,入口溶化,配上醬汁同食又另一種口感,微微辣的蘿蔔蓉亦將腥味去除。妙妙妙白子天婦羅又係第一次食嘅,上網查到原來係鱈魚既精巢,而且白子在冬天就最肥美,一條鱈魚更可擁有高達500克至1公斤的白子,質感柔滑豐腴含豐富營養,非常補身。起初都有點抗拒,不過廚師用天婦羅方法去作理料,賣相無影響我,反而好易入口棉蜜!八角魚刺身 我也是第一次食到架,係冬季為盛產期,因魚頭呈八角形因而得名,味道極為鮮美,配酸汁辣蘿蔔蓉就令一翻風味,薄薄魚片晶亮兼鮮。阿波尾雞雞扒今晚何其開心因為全部都係第一次食到,呢種雞係日本原來數一數二又名的,店員講解比我同男朋友有關知識,學到野有食到好味野,雖然雞肉比夠有咬口但肉質彈牙有雞味,連雞皮燒得好香脆,平時唔食雞皮嘅我都忍唔到口! 火炙壽司三味,分別用上帶子,秋刀魚同左口魚,三款都好肥美,左口魚入口即溶,秋刀魚就油脂豐富,帶子甜美肉質軟淋。經輕輕炙一炙即時微微焦香更色香味!最後芝麻雪糕做總結,完滿嘅一餐十分滿足。 繼續閱讀
(以上食評乃用戶個人意見 , 並不代表OpenRice之觀點。)