稚

營業中

休息中

那天到訪住在朗屏的朋友家後，她帶我到經常光顧的日式料理餐廳吃個便飯餐廳外之木櫈、木架黑板餐牌、透視廚房玻璃窗及門廉等簡單配搭流露出一股日式風情餐廳鋪面細小，大約可容納12-14人，主要以深木及白色為主。細小的鋪位難以實行1.5米枱距，選擇以白板把枱與枱相隔。廚房採用開放式設計，可以看到廚房企理潔淨，及安心的食物製作過程，但油煙相對較大，坐附近不時嗅到淡然油炸味道午市定食一共有9款飯供選擇，已函蓋豬、牛、雞及魚，定食附有味噌湯、茶與珍珠米，加錢可轉為貓飯，飲其他飲品及追加溏心蛋木托盤盛載著擺放整齊的食物，加上木筷子與木匙羹，滿載著日系文青風，是視覺上的治癒主角半條鰻魚雖然魚骨甚少且幼細，不防外進食，但肉質軟腍，略嫌欠缺燒烤脆之口感，味道帶有淡淡鰻魚味，主要源於日式燒汁，酸甜燒汁頗濃味，為鰻魚增添不少惹味感，但有愈吃愈鹹的趨勢，每口鰻魚配上米飯便剛好得到中和詢問後所為之貓飯，就是珍珠米中加入牛油、紫菜、目魚及日本醬油，珍珠米中果真滲透出淡淡牛油香，白米飯帶有鹹香之餘還令口感更順滑，對牛油珍珠米留下一個甚佳的印象！而灑在飯面的紫菜絲及目魚片則豐富不少層次感味道如一般日本餐廳品嚐到麵豉湯，但額

最近剛好 Netflix 回味 Hunter，來到稚，第一眼就看到這一幅少年jump牆，真是不得了～看來店長是個動漫迷呢！餐廳約容納10人左右，想和這幅壁畫打卡，建議趁早避開人潮啊。早點來的另一個好處就是出單快～這裡採用了開放式廚房，師傅煎炒煮炸都會在客人面前做，所以人多的時候，實在難免「一頭煙」。今天我們特意過來潮聖，這裡的貓飯超有名，是本區的名物呢。任何主食 +$20可轉定食，包麵豉湯、茶、和白飯，再+$10可在將白飯升級至貓飯。在介紹貓飯之前先給大家看看主食。半條蒲燒鰻魚，非常不錯吧。燒汁剛剛好，不會太甜，配上爽口椰菜絲，再加一口珍珠米飯，真是非常滿足。和風牛肉，有點像吉X家的牛肉飯，但份量多很多，牛肉也炒得滑一些。呵呵今天就upgrade到貓飯～甚麼是貓飯呢？當然不是白米上加點紫菜和木魚這麼簡單啦～內裡藏著半溶化的牛油和醬油，吃之前將飯拌勻，每一口飯都充滿著香味，可以說得上非常邪惡的美食。我們另外還點了一客炸生蠔小吃，也很不錯，炸得很鬆軟，和放題質素好很多了。當我想起貓飯的時候我會再來的。

入得元朗當然要光顧小店 朋友帶我黎到比較近朗屏站既稚 店家裝潢簡約 走日本風 店面較細 只有十餘個位置全部料理都可追加定食 +$20 就有味噌湯 珍珠米 茶浦燒鰻魚 $70/半條鰻魚入味 肉質軟腍 入口既化 帶油脂香 當中甚少細骨 醬汁味道濃郁 配飯一流鰻魚底下有唔少椰菜絲 旁邊仲有我最鍾意既醃蘿蔔豚肉生薑燒 $56豚肉份量望落唔算好多 食落先知原來份量都唔少 生薑味道唔算太突岀 但係豚肉配上爽口洋蔥 味道唔錯 鹹鹹地帶洋蔥嘅天然甜味厚燒玉子 $28玉子甜甜地 綿密富蛋香 上面仲加有沙律醬同木魚絲味噌湯味噌湯味道同一般既日本餐廳差唔多 當中更加有蔥花 菇 滑嫩豆腐 味道一啲都唔單調

隔左成年，味道依然keep到，好食！！！食左個吉列咖哩豬扒定食、蜜糖雞扒定食。午餐平均$4x-6x，真係好食又非常抵。晚市價錢就貴多dd，但絕對推介黎食。但因為內裡格局都唔算話好大，可能禮拜六日就要早少小黎。

雖然舖頭都算細，但係入咗佢好似去咗日本嘅世界咁樣， 好友漫畫動漫同埋日本嘅風格，的確令人幾舒服好舒暢， 食咗個豬軟骨嘅定食，佢飯都好特別叫貓飯入邊有牛油加口感唔錯豬軟骨好難入口好入味

今日同男朋友去左元朗朗屏果頭打羽毛球，打完又係附近搵食😋 突然好想食壽司以外既日本菜，俾我係openrice發現左呢間餐廳😎店舖細細，大約有兩張四人檯同三張二人檯～我地叫左個和風牛肉定食，我至愛既蒲燒鰻魚(半條)定食同埋都係我至愛嘅雞泡魚乾😍食物即叫即整不過上得都幾快👏 岩晒我，因為打完波好鬼餓🤣定食嘅麵豉湯都幾有誠意，除咗豆腐，蔥，仲有啲菇，唔會過鹹，豆腐超滑，口感豐富👍牛肉份量超足，肥瘦均勻～鰻魚個樣好靚仔，食落好厚肉，多汁，要黎送飯一流🤗雞泡魚乾色澤好靚，重蜜糖味，唔會燒到好柴口😋我個人覺得小店水準比較穩定同製作比較用心，支持支持！💪👏

最近很多餐廳都推出外賣自取，之前食過呢間鰻魚飯令人回味，今日想再幫襯，見到外面冇人，但原來入面已經full晒無位，原來有得外賣自取，咁就外賣自取返屋企食啦😍叫咗個鰻魚定食，鰻魚都係一如以往的又滑又軟稔稔，配上照燒汁，濃濃的醬汁使鰻魚充滿風味。這個定食還有點椰菜絲，挺有咬口，夾一小塊鰻魚加椰菜絲，再配一口珍珠飯，很有日本感覺🥰 又令人想旅行了~ 吃到最後一口飯也有照燒鰻魚汁呢😋 再喝完味噌湯，大滿足🥰

疫情期間，不想外出吃飯又不想煮飯，外賣就是最佳選擇！今次不仿試試 稚 ，日本餐！以為外賣的食物定必如大排檔般，大大份但賣相一般？非也，食物一到手，精緻的擺盆，嘩，當下覺得有如餐廳用饍的精細擺盆質素。原條浦燒鰻魚定食 沙律 味噌湯我對鰻魚向來鍾愛 亦有點執著，單是一條鰻魚配珍珠米，以足夠滿足我！ 這份鰻魚十分合我口味，肉身不會不軟或硬，再加上燒汁，好味到暈！咖哩吉列豬扒定食豬扒皮薄又脆，粉漿不多，非常好味！除了可沾咖哩汁食外，店舖也很貼心另提供沙律醬，亦把咖哩汁同飯分開，變相兩種食法！ 外賣都可做到堂食質素，而且食物仍保持溫暖的，在家叫外賣，其實也頗方便及好的！🥰值得推介！

一直都好想食呢間小店，今日放工行過就同同事入左去食店內牆上貼了不少動漫的拼圖及畫作，睇黎店主都好鐘意動漫😂MENU都有好多日式料理供選擇同事點左滑蛋吉列豬扒定食轉貓飯，而我就食浦燒鰻魚定食轉貓飯，另外再叫左個雞泡魚乾味噌湯用料豐富，除左有蔥花之外，仲有豆腐同菇菌係入面條鰻魚本身就好肥美，再加上燒汁，配飯簡直一流😍店員温馨提示我地貓飯要拌勻後再食，因為飯中間有舊牛油，借住飯既熱力令佢融化，充分拌勻後，每啖飯都有牛油既香氣，仲有埋紫菜同鰹魚碎，令到成件事都好完美🤤同事既滑蛋吉列豬扒都吸引，滑蛋嫩滑仲有少少蛋汁，配合埋吉列豬扒啖啖肉而不油膩。雞泡魚乾用左燒汁去烤，再配合沙律醬，令魚乾既味道多左份層次👍🏻

忙左成個星期終於有假放啦😵自從中學畢業之後本身熟絡既中學同學都疏遠左😞甚至搬左去其他地方住😢所以難得相約必定好好珍惜見面機會☺️是日特登入元朗同好耐無見中學朋友相聚🤪適逢行經佢屋企附近呢間日本餐廳不錯吃🇯🇵🍴而且有店員門外既熱心招待😆以及充滿日式風情既門面☺️🇯🇵還掂早到左未夠時間仲等緊中學朋友🙇🏻‍♂️一於黎醫下肚食下小肥至愛先😆汁煮豬軟骨飯定食經滷水慢火熬煮既入味豬軟骨🐷🤤🔥👨🏻‍🍳濃香肉質更為滑嫩Juicy之餘😋小肥好奇滿載轉左個貓飯一嚐🤤😺以木魚、紫菜、日式醬油及牛油配合珍珠米拌食🤤充滿口感之餘充斥有油香🤤邪惡又叫好😈🤤🐷🤫絕佳既飯丼配搭😆🍚

放咗工兩口子Lau去咗元朗度搵吓嘢食疫情穩定左多咗人出街食飯我哋都唔例外太耐冇食過日本野今次揀番啲日本料理食飯我叫咗個鰻魚定食跟餐仲有麵豉湯燒汁鰻魚大大份夠，而且都好厚身，配埋大碗飯一齊食真係好滿足！上邊仲有啲木魚，一齊食更加香口！平時出去食鰻魚飯都冇咁大篇鰻魚，都幾抵食！另外仲叫咗個鮮牛肉丼飯，啲牛肉熱辣辣配埋，有秘製嘅醬汁一齊食，非常之開胃！兩個人食飯通常都至少$300喺呢度$300都唔使唔怪得知朋友成日都推介！ 可惜最近喉嚨有啲唔舒服，唯有下次先黎食吉列豬扒先得

第二次食稚。今次叫兩個料理加一個小食，同朋友share食。整體三款食物我同朋友都好滿意呀🥰.叫咗汁煮豬軟骨同半條蒲燒鰻魚，都各加20蚊轉定食(味噲湯+珍珠米飯+茶)。豬軟骨高質！軟骨位真係煮到腍哂，好正！一份約有三件豬軟骨，份量足夠。蒲燒鰻魚都好食！鰻魚有肉夠腍冇細骨。另外叫咗個七味唐揚炸雞。炸雞炸得外層脆脆哋，入面肉質嫩滑，好味。.整體真係好滿意！如果豪啲仲可以再加10蚊轉貓飯，不過我上次已經食過貓飯，今次就冇再叫啦。而其實唔轉貓飯都一樣食得好滿足，因為本身豬軟骨同鰻魚都好送得飯！

過去既星期五,我係元朗既一間日本料理食午餐✨<稚> ✨日本風格既裝潢,感覺好獨立,好有風味🥰 我個日食左汁燒豬軟骨定食會有味噌湯茶同飯配送,👍🏻而好奇地飯選擇左貓飯🧐,成個餐餸好視覺上好企理,好中意呢種感覺🤩 第一啖飲左茶之後就即刻食飯先,飯入面原來放左牛油呀! ‼️唔會有油膩感,仲帶出左香味,認真唔錯,飯都會得細緻,👍🏻💗我相信汁燒豬軟骨一定唔會差, 汁燒豬軟骨上面加左沙律醬,💓同豬軟骨包圍住既燒汁完全相容,D肉仲好鬆軟👍🏻而且軟骨位唔會硬,有仲牛筋既口感💪🏻唔會仲係有硬體既感覺,非常好味!💞一定會再帶朋友一齊食!😉

在元朗，真正做到日本餐廳精緻簡樸的精粹，價錢又合理的，so far 只有 #稚日本料理 .午餐大約$50，最平$46就有一個餐，送麵豉湯及日本茶，用的又是純正日本珍珠米。💃🏻 脆到會在口裏跳舞的 #咖喱吉列豬扒完美無瑕地將日本特色的吉列豬扒帶回香港。豬扒上的麵包糠金黃色的，非常有立體感，很乾淨俐落的脆，麵包糠在口裏就似跳舞般活潑。豬扒也是有良心的厚切。咖喱汁自成一角放在另一邊，吉列的脆和咖喱的熱情融合，白飯就很快不見了。.🙂不辣但令人會心微笑的 #豚肉生薑燒定食這種生薑的味道，是含蓄的，不會搶去主角的焦點，但又溫柔地呈現在豚肉身上。洋蔥及豬頸肉條也煮得很柔和，吃完就準備生薑刺激了一下但又好像沒有什麼印象，最後會心微笑。.麵豉湯也不甘懦弱，加入不少菇。.寧願去食複印機無感情的連鎖店，我跟情願支持小店，食物更加精緻動人。

元朗出名多野食，難得黎到當然唔想去大財團店舖食啦，今次搵到間係朗屏站附近的稚，間野雖然細細，但野食有驚喜入到去睇menu，見到鰻魚飯即刻雙眼發光，我朋友就叫左豬軟骨飯。我叫呢個係有加錢叫埋個定食，食落個飯好似落左牛油既野令到個飯好香，重點係個鰻魚入口即化的感覺好爽皮呢個豬軟骨最好味既係佢既肥膏，有啲得夠肉我個人覺得好鞋，而個飯加左沙律醬，連埋肉一齊食又幾夾喎！最後我地再叫左兩個小食一個係芝士年糕，呢個正常質素呢個係蜂蜜芥末雞翼，望落去以為會太咸，但食落岩岩好，除左個鰻魚，呢個雞翼都好有質素，小店黎講我會再黎食，價錢又唔貴，值得一試