秘密花園燒烤場

坑口搭$80蚊的士入去，環境都算係ok啦。但食物種類少得可憐，相中個十個銀色蓋， 可以燒既野食就係咁多，都係d 腸仔燒賣雞扒豬扒d 基本野。 燒烤爐設計都ok 方便傾計。收費上就。。。。餐具配給制，一人一碟一刀叉。唔少心跌左你就比錢買。 燒到咁上下想換網，$50蚊個鐵絲網。最後走先慘，call 的士出番， 加$100蚊先有人肯接車，$180 蚊先可走到人， 仲貴過過海。總結 :少野食收費貴交通唔方便真係唔recommend, 除非你book 唔到其他地方 或姐你真係好想遠離煩囂。…查看更多

坑口搭$80蚊的士入去，環境都算係ok啦。但食物種類少得可憐，相中個十個銀色蓋， 可以燒既野食就係咁多，都係d 腸仔燒賣雞扒豬扒d 基本野。 燒烤爐設計都ok 方便傾計。收費上就。。。。餐具配給制，一人一碟一刀叉。唔少心跌左你就比錢買。 燒到咁上下想換網，$50蚊個鐵絲網。最後走先慘，call 的士出番， 加$100蚊先有人肯接車，$180 蚊先可走到人， 仲貴過過海。總結 :少野食收費貴交通唔方便真係唔recommend, 除非你book 唔到其他地方 或姐你真係好想遠離煩囂。…查看更多

西貢最喜愛的燒烤，未必有太多人知道呢一間BBQ，其實佢就係響成豐片場最入嘅一間燒烤場！入到去好多好靚嘅燈飾，場地又大又空曠，真係好適合一大班朋友過過嚟BBQ。當日成班朋友order左一盤大海鮮🦞，一盤好好食嘅烤肉，腸仔，丸，番薯，粟米🌽，雞扒，牛扒，最好食就係豬頸肉仲有冰凍嘅嘢飲，仲有生菜金倉魚煲🍲🥰😽😽…查看更多

今日第一次去,環境幾好,唔逼,野食味道都算唔錯最緊要係廁所環境都算乾淨..出面仲可以免費泊車職員態度友善,絕對係開party 既好地方我地揀左個$380既海鮮餐,都好多款式,個魚煲好鮮,好好味..唯獨事我覺得丸既款式太小,可以提供多啲選擇..想帶寵物既朋友建議帶埋寵物車,始終bbq地方驚地下污糟同周圍撞..門口停車位置夠大..都可以俾狗狗行下..地方都唔算難搵..去到成豐片場直入右手面就見到..不過門口確實有啲秘密提提大家....個度蚊比較多...去之前記住買定蚊怕水:)..…查看更多

嚟過幾次，整體地方舒服乾淨，唔會焗，會有蚊蟲，最好帶定蚊怕水。食物味道唔錯，試過一兩次部分食物同調味短缺，叫過海鮮餐都幾好。客人多時會好似自助餐咁放出嚟俾人拎。留意飲品提供每人1罐，但係工作人員成日話我哋已經拎咗😐 過分程度係明明坐低燒咗陣第一次拎飲品，竟然話我哋已經拎曬😅 明明仲有一罐飲品係未拎，都屈人拎曬，仲話係用腦記😅（一開始都已經錯得離譜啦）對比其他燒烤場，呢度價錢會貴少少，地方冇咁方便，但環境相對冇咁焗，冇咁嘈。最介意都係夾硬屈人拎曬嘢飲😮‍💨…查看更多

之前有到過,因為個人覺得環境寬敞舒服, 食物質素正常, 同佢地實際的相片都頗為相同, 但原來現在進行內部維修, 今次的環境超級狹窄侷促, 台與台之間零距離,食物更是沒有自助 (自助只有小許蒜蓉包/番著/茄子), 其他須要到櫃台問負責人取,  但負責人只有一個,經常不在, 此外, 可攜帶紅白酒及免收開瓶費, 但去到櫃台問負責人取冰時, 他說無得提供,因今天客人太多, 已沒有.  大熱天時,請問如何飲一支無雪過的白酒呀!!  希望下次再來的時間, 在book位時請說明現在進行內部維修, 地方較前狹窄,並可改善下服務, 如人手不足, 食物提供不完善等.…查看更多

環境衛生真一般，不要被照片欺騙，蚊多，安排位置很迫，人手不足，食物種類少，價錢不平，煙多不透風，風扇不夠，要去一定要睇下場先，唔好睇相，騙人的，總結經驗差，如果想任食西貢果間應該會好d~原來要打200字先可以加劣評，再打。即使人多都係比一格你，其實唔夠位坐，食物比較好味少少的是雞翼和雞排，其餘都唔掂，丸得兩款牛丸、燒賣，芝士腸，牛扒豬扒很薄，冇菜，人多千祈唔好揀，唔好預有咩好野食，食完好似冇食過，比多少少錢去食放題好過。…查看更多

🇭🇰秘密花園燒烤場·我哋嗰日本身係想去西貢啲小島既 見一大班人就決定BBQ 但係因為我哋太遲book啦 好幾個BBQ場佢哋都話full晒😭😭所以最後就誤打誤撞嚟咗呢間山旮旯嘅燒烤場😂佢其實唔近西貢市中心嘅 喺近蠔涌嗰邊嘅村屋 不過呢度都幾好feel佢係好多樹木嘅 而且佢係會一路播住音樂 氣氛幾好🥰🥰不過都係因為佢好多花花草草 佢都幾多蚊 我地係臨走先見到隔離檯問staff攞蚊香 所以如果大家去嘅話記住一早就要攞🤦🏻‍♀️🤣🤣·4小時經典任食燒烤套餐$280我本身其實唔諗住出post架 所以都無特別影啲嘢食 但係呢間出乎意料地幾好食😂😂而且呢度都幾過癮 佢係用石油氣幫你起爐 所以佢起得超快 而且個火大細都好合適 配埋佢個網真係亂燒都得 超輕鬆🤣·佢所有肉類都幾出色 尤其係佢個雞扒醃得好好 啲肉超嫩 而且佢個皮係我哋亂燒都好好味🐤之後佢個豬頸肉同豬扒肉質都好好 唔會鞋sap sap 🐷佢另外個咖喱魷魚都超級高質 雖然咖哩味唔算好濃 但係佢個魷魚好厚肉 口感好好🦑佢仲有個黑椒雞腎又係勁大粒係個牛扒薄少少 但係整體全部都唔錯 係我第一次去BBQ真係會encore啲肉🤣🤣·之後佢仲有啲丸就正正常常啦 反而係佢個蒜蓉麵包我超鐘意 佢個麵包上邊係真係鋪咗海量嘅蒜蓉 燒完之後個麵包脆脆地 食落超正🧄佢另外仲有蒜蓉茄子同埋蒜蓉青瓜架 不過呢啲食落就唔係好夾 因為佢無醬汁食落無咩味咁🤔🤔佢最後仲有啲原條粟米同埋原條番薯俾你 佢個番薯都幾軟糯 燒出黎幾正🍠不過最搞笑都係佢個粟米 佢個粟米係連皮比你嘅 所以你燒完係真係可以成支咁樣揸住嚟咬 超麻甩🌽😂😂·📍西貢蠔涌路88號成豐片場地下…查看更多

2020 年10月8日與兩位好友第一次光顧秘密花園。 驚喜 可以用刀叉嚟享受燒烤食物，坐得舒適好有feel 音樂配襯優美環境！食物水準亦相當ok，平日非假期用200多元可以享用.. 可以說物有所值。 醃製食物很入味，yummy! 相比任食的級數的..... 當然高一班！ 環境優美十分有情調， 無論與愛人/家人/好朋友 聚會別有一番良好感受！侍應（從她口中得知她姓徐） 招呼周到殷勤， 她戴著口罩都感受到她的笑意盈盈 值得一再光顧！ 其他工作人員( 看似是菲律賓籍) 工作熱誠， 有求必應！ 十分細心！ 值得一讚！…查看更多

中秋節搵地方燒嘢，同10個朋友去呢度。去之前朋友仲話高質。真心，食物種類少，d肉基本上都用同一隻醃料。肉你唔整我算，丸你都係買返黎姐...都係買得三種丸...同埋真係唔好食。面包...係有，但無蒜蓉，蜜糖都係好淡，牛油都無。環境係ok Ge. 海鮮....就係海鮮囉，唔係好差，但唔可以用好味去形容。飲品，每一包一罐。ok。再買10蚊一罐，都算係合理。但....大佬呀，你都雪定多d呀....汽水唔凍呢下要我比10蚊一罐我真係接受唔到。最後係價錢，大人收500蚊，小朋友收380。 講緊小朋友係4-5歲。無話唔得Ge. 但整體內說，感覺無咩心經營，食物質素真係差，選擇少，價錢貴，環境ok. 我個人唔推薦。…查看更多

職員安排了自成一角的位置，望落唔錯，但當企多1分鐘，大量好大隻既蚊不停在你周圍出現，多得很跨張，可能係我哋坐既位置周圍都係冇人打理的樹同草，想轉位但其他位已被book......等左30分鐘先有人開爐，食物亦陸續放出來自行選擇，食物款式都係一般外間bbq的款式，雞翼、豬扒、雞扒、豬頸肉都係同一調味料，雞翼都係得一款味道開爐後以為d蚊會少d，但都係一樣咁多，仲要飛埋落食物到；燒烤爐設計是幾好的，中間圓形燒烤爐，圍住爐邊可放碟，食物等等，不過佢地一次過落大量炭，個火好大，如果用網燒放落去即變炭，仲有，佢話有個網比你放上去燒，個鐵絲網軟到不得了，幼到不得了，好快燒熔整體來講感覺很差，唔會再去第二次…查看更多

疫情來襲，都係個句，出得黎食飯都係“生死之交”哈哈！本小姐睇中左“全港男人公敵”——羅天佑既Secret Garden燒烤場，給孤獨的冬日帶來一點溫暖。連新年期間都無加價yeah！（當然啦，宜家大家都怕左聚餐交叉感染嘛）位於成豐片場內既燒烤場，附近仍然保留住錄影棚以及道具，亞視錄影大樓依舊，只是人去樓空而已。反正有地方，何不發展成人人喜愛的燒烤場呢？燒烤場內有唔少千秋，不過大部分都已經斷左條木，想玩可以到common area既大千秋玩，大把小朋友都玩到唔捨得走架！場內仲有番薯、玉米同原條茄子等不定期喺bar檯供應。同朋友點了$380/位的6人海鮮燒烤套餐，呢盤基本燒烤肉可以添食，但其實已經夠飽架喇！海鮮方面，有牛油扇貝、鮑魚、中蝦（當日好似無左魷魚）。有別於一般正方形既燒烤爐，歐陸式燒烤爐為BBQ增添多一份美意（姐係有可以打卡啦哈哈！）重點！！！！：鯧魚、沙白蜆蔬菜煲（由於太少水，湯非常清甜，夠一人一小碗，下次加多D水就好啦）夜幕低垂，雖說有4個鐘限時，但場內只有幾圍，不經不覺已經超過4個鐘，大家仍然在談天說地悠哉悠哉。BYEBYE啦，多謝你陪我。下次再會（大家記得渣車/搭的士，因為地方較偏僻要開到比較入先見到）…查看更多

平安夜搵地方同男朋友食大餐撐枱腳，但係度度都好貴 突然間醒起呢個燒烤場，之前睇美食節目介紹過，想去試吓好耐，就WhatsApp問吓佢地聖誕節有無特別收費。好驚喜佢地節日無加收費用～ 好詳細咁send咗幾款套餐詳情同埋食物相片比我選擇，如果訂位先過數一半訂金就ok～ 呢度地方真係好秘密，我地係坐車去到將軍澳再轉的士嚟 走嘅時候都需要call車出去，所以如果同埋揸車嘅朋友同行會好好多～好慶幸我地揀咗呢度過平安夜，好用心嘅佈置～ 好靚呀🎄✨🌌～～呢度一個好大嘅賣點係，佢張燒烤檯圍住爐邊係檯面，方便大家放碟、刀叉，食得優雅，唔會咁狼狽～ 真係啱晒約會吖😆我地選擇咗$380海鮮套餐，有牛油扇貝、中蝦、鮑魚、象拔蚌仔、蜆。 海鮮只有一份無得任食，不過我覺得已經足夠海鮮好新鮮！鮑魚會跳舞放上火爐上係咁郁...其他可以任食嘅都好多選擇，其中我最鐘意佢地嘅豬頸肉同埋五花腩，五花腩醃料係叉燒醬，好惹味飲品每人有一個無酒精free drink，另外其他酒水都有得購買，我地叫咗一set啤酒$100/6罐溫馨提示，我地兩個人要收開爐費$100，四人以上可以free。…查看更多

冬天緊係要一大班朋友BBQ啦🤩 秘密花園燒烤場Secret Garden BBQ，位於西貢中心地帶，成豐片場隔離，佔地超過一萬平方尺，環境清幽，適合朋友gathering、家庭聚會👨‍👩‍👧‍👦 仲有打卡位可以影相留念📸.有分3個價錢，除左海鮮外，肉類/丸類都係任食㗎😋(4小時)👇🏻價錢如下👇🏻經典燒烤套餐 HKD280/位至尊燒烤套餐 HKD380/位極品海鮮燒烤套餐 HKD560/位.圖中係《至尊燒烤套餐🍢》，海鮮包括鮑魚、貴妃蚌、原隻牛油扇貝🧈、中蝦🦐、沙白蜆、雜菜煲。海鮮全部都好新鮮🤩，燒完熱辣辣即食真係好正😋唔好睇雜菜煲好似好普通咁，落左魚同蜆肉一齊煲，令湯頭好鮮甜😱 另外有牛扒🐮、豬扒🐷、雞扒🐔、豬頸肉、芝士腸🧀、芝心丸、龍蝦丸🦞、海膽丸等都係任食，都幾豐富，一定夠飽！.可以Whatsapp訂座/查詢：☎️ 5290 0515…查看更多

尼個隱世嘎秘密花園燒烤場，原來係明星竇，個老闆仲係羅天宇添。佢尼斗除了明星竇，原來個環境打曬燈好不浪漫之餘，就係d肉類全部都係堅持即日製作，唔怪得豬扒同雞翼甘新鮮，加上冇味精食得又多一份安心，出面嘎燒烤場除了多味精仲要唔知雪幾耐！其實秘密花園燒烤場最重點就係海鮮啦，d海鮮全部係新鮮生猛，d蝦係跳出黎嘎，鮑魚仲識打翻斗添。最重要係扇貝大大只色澤鮮美，除了秘密花園燒烤場出面係冇尼d高質嘎海鮮，原來聽d員工講全部海鮮都係老闆即日親自挑選及運輸，唔怪得嘎美味食得又健康！…查看更多